Post has attachment
الجخ 😍
PhotoPhotoPhotoPhotoPhoto
16‏/4‏/2018
20 Photos - View album

لو سألوكي عني يا بلد
قوليلهم راح لبلد ميته كتير
وقت مايعطش يرتوى
ووقت مايجوع يلاقي الخير
لا ظلم ولا استعباد
ولا كره ولا تكفير
لا قاعد قلقان علي بنيتي
ولا في لحظه ينتهي المصير
لو سألوكي عني يا بلد
قوليلهم رحل مع الخير
وقت ما القرش اتعبد
وحس انه بقاله اسير
رحل بعدما عينه اتذلت
وحس انه بكرامته فقير
لو سألوكي عني يا بلد
قوليلهم دا رحل من سنين
وحلف انه ماراجع
ولا في يوم هيشده ليا الحنين
لو سألوكي عني يا بلد
قوليلهم دا كان عاشق
وفي حبي قال مواويل
وهج مني ورحل
يوم ما زاد عليه الويل
لو سألوكي عني يا بلد
قوليلهم كان ناوي يبني
بس خسارة عليك يا بني
لو سألوكي عني يابلد
اقولك انسيني ومترديش
#moh_ta

يوم ما قولتلك بحبك
مكنشي قصدي اني ألعب بيكي
ولا كان قصدي اجرح مشاعرك
يوم ما قولتلك بحبك
عست الدنيا فيكي
بنيت قصر جوا عنيكي
يوم ما قولتلك بحبك
دا كان قسم اني مش هخونك
ولا هجرحك
ولا ههجرك
ولا هسيبك
يوم ما قولتلك بحبك
بقيت انا ملكك
بقيت بفرح في قربك
بقيت بنسي همومي في حضنك
سوم ما قولتلك بحبك
كنت فعلا بحبك
ياااااااه علي يوم ما رديتي
كنتي زي النسمه الغايبه وطليتي
كنتي القسوة وحنيتي
بجد كنت ميت وانتي حييتي
يومها طرت بيكي
لفيت الدنيا وانا بين اديكي
كنت يومها مولودك
كنت ابنك
كنت ابوكي
انا يومها كنت بحبك
اما الوقتي اختفي حبك
انا الوقتي بعشقك
#moh_ta

١٠ حاجات لازم تعملها لو عندك بنت

1. احضنها
لما تصحى من النوم، ولما تيجي تنام، وهي رايحة المدرسة، وهي راجعة من المدرسة، وهي مبسوطة وهي زعلانة وهي
طايرة وهي موجوعة، احضنها. الحضن مضاد حيوي ضد الخذلان والوجع، ومطهّر للقلب من الألم والتخلي.

2. شبّعها
صحيح أغلب طلبات البنات مش منطقية، وساعات بيبقى مبالغ فيها، لكن معلش، ما هو إنت بابا يعني، فشبعها ماديا ومعنويا، أغدق عليها وخلي عينها مليانة لكن طبعا دون سفه ولو هترفض لها طلب ما، فلازم تشرح لها السبب بلغة تناسب مخها، لكن ما تتعسفش دون منطق ودون اهتمام بحطها في الصورة، وما تتجاهلش حاجة عايزاها من غير ما تعرف أهميتها بالنسبة لها واحتياجها ليها.

3. امدحها
البنات الصغيرة والكبيرة بتحب كلمات الإطراء والمديح، وبتحب تبقى أجمل واحدة في عينك، فحتى لو دور البرد مبهدلها وعنيها مدمعة، قول لها: الله أول مرة أعرف إن الدموع بتحّليكي كده!
ولما تجيب لك شهادة الدرجات بتاعتها اعمل لها فرح، واحكي عن تفوقها قدامها لقرايبك وأصحابك وكل الناس، وهات لها حاجة بتحبها.

4. قوّيها
دايما قول لها إنك في ضهرها، وموجود عشانها طول الوقت مهما حصل، كلّمها عن أهمية التعليم وتكوين الذات، وإنها لازم تتعلم كل حاجة وتشتغل ويبقى معاها فلوس وبعدين تفكر في الجواز، ازرع جواها ضرورة إن يكون ليها شخصية وكارير وحياة حقيقية عشان ما حدش يبتزها باسم الحب ويهدم حياتها برعونته.
اديها الثقة في نفسها، وحملها مسؤولية ولو بسيطة، وقوّم أخطاءها واكشف لها نقاط القوة في شخصيتها، البنت اللي ما خدتش الثقة في في حضن أبوها، عمرها ما هتكتسبها برّه.

٥.اسمعها
مش شرط يبقى عندك حلول لكل مشاكلها، لكن على الأقل اسمعها، واديها من وقتك عشان تحكي لك عن ميس العربي اللي مش بتخليها تجاوب، والفسحة اللي بتخلص قبل ما تاكل الساندويتش، وساندي اللي بتيجي تقعد مكانها كل يوم. مجرد تفاعلك معاها واهتمامك هيريحها.

٦ اخرج معاها لوحدها
لما البنت تكبر شوية، اعمل لها يوم تخرج معاها فيه لوحدكم، مش خروجة عائلية، لا، إنت وهي بس، تتشيكوا وتروحوا تتغدوا أو تتعشوا في مطعم، وهي اللي تختار وجبتها، ويا سلام لو جبت لها بوكيه ورد.

7. احترم خصوصيتها
ما تنتهكهاش، من وهي طفلة خبّط على باب أوضتها قبل ما تدخل، خلي لها دولاب أو ضلفة بتاعتها بس، لازم يكون لها درج بقفل مفتاحه معاها فقط، اديها إحساس إنها مصونة وما حدش مسلط ضوء في عنيها وبيطالبها بالاعتراف.

8. احترس مما تمرره لها
أكتر حد هيقلّدك: بنتك مش ابنك، عشان كده خليك صاحي ومركز في سلوكياتك قصادها، لو عايزها تقدّر الآخرين وتشكرهم لمجهودهم، قول لها شكرا لما تعمل حاجة، عايزها تعامل جوزها وعيالها بسواء نفسي، عاملها وعامل مراتك بما يرضي الله، أي ثمرة هتطلع بعدين إنت اللي بتروي بذورها دلوقتي.

9. اتصل بيها مخصوص
مهما تكون مشغول، اتصل بيها ولو دقيقة واحدة في اليوم، بيها مخصوص، سواء على تليفونها أو البيت أو حتى تليفون مامتها، المهم تكون المكالمة ليها هي، اسألها عن يومها وأصحابها واتبسطت ولا لأ، مش بلهجة المخبر ولا بلهجة آمرة، إنما بحنية ولهجة متسائلة ومهتمة.

10. حبّها
كل اللي فات لو كان بدافع الواجب والعادات والتقاليد وصورتك قدام الناس، مش هيهزّ قلبها، وهتفقسك، لكن لو بدافع الحب الحقيقي، الحقيقي الحقيقي، هيوصلها كاملا ومقطّرا، فحبّها، حبّها بجد، واملا قلبها وعقلها، عشان تبقى خيارها الأول دايما لما تقع في مشكلة، أو تتورط في موقف أكبر منها، بقلبها مش بدافع الخوف منك
#moh_ta

دا البسمه في عنيكي لما شوفتيني
دي لواحدها تكفيني
دانتي الحياة وانتي الامل
دانتي الي حبك دايما بيحييني
دانتي الي اول ماشوفتك
دعيت ربي تكونيلي
دا كفايه حتي ضحكتك
لما تبقي بتكلميني
مركبي خلاص شافت منارتك
خوديني بقا لمرساكي ورسيني
انتي لسه مش عارفه قيمتك ؟
دا كفاية حبك الي بيحييني
#moh_ta

قرؤا فاتحه
يوم ما خطبتك قرؤا فاتحه
يوم متب الكتاب قرءا فاتحه
يوم وفاتي هيقرؤا فاتحه
دا حتي يوم ميلادي قرءها
دانتي كدا بداية ونهايه ليا
ميلاد ليا في حياة جديدة اتمنتها
ونهايه ليا في حياة قديمه نسيتها
#moh_ta

كل الي حواليا شايفينك جميله
الا انا
اه والله الا انا
دانتي الي بيشتروا منك الجمال بالكيله
دانتي للجمال ملكه واميره
دانتي الي وقت حزنك ضحكتك سعيده
دانتي السعاده والفرحه الكبيره
دانتي الي في يوم مطرة كنتي الدعوة
تصدقي كنتي انتي المطرة
انتي الوردة والارض الخضرة
كلهم شايفينك جميله
بس مش شايفينك بعيني جميله
#moh_ta

طب ماتيجي اقولك بحبك
واعيش معاكي يومين
واغرق في عنا حبك
واضحك عليكي بكلمتين
وبعد كام يوم اسيبك
وادور علي حد غيرك
واقول دا كان حب وفات
مليان جروح واهات
والف بعيد عنك سنين
واحرب حب كتير غيرك
ومن تاني ارجعلك
واقولك انا روحي في ايدك
دانا دنيتي في كفك
دانا ماتولدتش الا بحبك
واعيش معاكي يومين
واقولك دانا بحبك
وكام يوم وادور علي غيرك
اعيش معاه واسبيك
واقولك اخدتي اكتر من وقت
والف وادور وارجع لحضنك
مانا معرفتش الحب غير بيكي
ومتخلقتش غير ليكي
والف وادور وادور عليكي
دانا قوتي في سحر عنيكي
مهما بعد عنك
مهما اتشديت لغيرك
معرفشي اعيش من غيرك
وكل مرة ارجعلك احكيلك
عن دي ودي والفرق بينهم وبينك
دي احلي منك دي اوحش منك
بس عمر ماكان حد زيك
انتي فريده من نوعك
وافضل اتكلم واحكيلك واوصفلك
جمال دي ودي بس موصلوش جمالك
مانتي اندر فصايلك
والعجيب فيكي
ان بلف ولما ارجلك
برضه الاقيكي
فاكراني وفاكرة ايامي معاكي
الف وادور وانتي لسه مكانك
مستنيه ارجعلك
كل مرة ببعدك
ابعد واهجرك
وانتي مكانك
مستنياني
وانا ابعد وابعدك
بنساكي اه بنساكي
بس عقلي عايش علي ذكراكي
كل ايامي باقيه علي حبك
تعالي كمان اعرفك
داقلبي عايش بنبضك
انا بحبك
المرادي من قلبي مش ضحك عليك
#moh_ta

Post has attachment
Photo
Wait while more posts are being loaded