Post has attachment
رومنسي تجون خاص شباب بنات 
Photo

شمشتاكلك
يابو العيون
الما يطَيحن كحله
مخليني مثل الظل عدل
وحده ويموتون اهله
هسه انتَ ما رايد تجي خليني
اجذب عا الخلك
مو ياهو ليسألك علي وتكله ماارجعله
شسويت بيه بفركتك
يميزوني كمت من الوجع
دمعة يتيم بحفله
عندك علاقه ويه الدوه
تكرهني وموصي علي
جربته كله بغيبتك والعلة نفس العلة
غركان وانا بغرفتي والماي ماطخ ثوبي
مااختلف عا البالجرف
بس هو مخنوك بنهر وانا بصور محبوبي
من جـنت اجرحك تقترب
معجب جـنت بأسلوبي
واني ادري ليش تغيرت
جامد وما انحب صرت
من صلحيت عيوبي
وكل الرسايل خلصت وديتلك حبر ابيض
امسح الغثك واقتنع زين
انت بس صوج الحظ
وارجع
ارجع واذا عودي كبر
لتكول متعافي
ترى مرات من كثر الوجع
جتف البنادم يعرض
وتسولفهم عا الوفه وانا ابو خددود الثكله
ايبين صدكها من الـجـذب
الاحباب لمن تفترك
واحد يخبل عا الهجر وواحد يخوف شكله
شكد ناس تانتني ومشت
الماي صبح غيم واني انتظرك
رادوني روجه ومارحت وابقيت ملح ابَرك
يـا التارس ضلوعي فشل
شكد جـنت محتاج انحضن
من باوعتلي بظهرك
بين الكلوب الفاركت لدروب شمرة نيه
بس انتَ شيجيبك علي
بلشوك ماعندك عرف خاطر تهم بـا الجيه
البلبل المتربي بقفص
مايغث روحه اعله الغصن مافاهم الحريه
شناقصني ماادري
المهم بجفاك اليباوع علي من كيفي
احس بلفشله
امفشلني مثل الـبا الحرب
يجازونه حسباله بنصب
تاليها بديار الغرب حاير يظل بالبدله
امن الدنيا طبيت اشتري
وشفتك وماكلت السعر
بكلشي شتريتك بلندى بروحي بصفار اوراقي
لكطه وركض بيك اركضت
وباقيلك تصيح علي
بس اني من كثر الفرح ماخذت منها الباقي
يَمدَني روحي اعله الكبر
جيتك مَحمل عافيه ورديت بس بخلاقي
ومن بعد كل هذا صرت وحداني
وذوله اليمدحوني كبل
صحبانك وصحباني
مابيهم الكلك شلون اتخونه
الخلاك تنسه مرايتك وتمشط اعله عيونه
بس هو موصوجك ترى
الكلب يتمركص عا اليأذونه
ياكلبي دكلك ثايه
الوادم تراها تشيطنت يلنيتك مصلاية
مثل وياهم من تحب واحسب الكل حـجـاية
كلهم نمت من العصر
مشغول والكالك عذر
الملهوفلك كله نتظر
بس تضعف يعوفك ترى اليركض وراك هواية
وانتَ !!
انتَ ويه ربك عايفك
رب ويحن عا العايفه موعلى العايف خله
شيسامحك واني انتـجـي
مارجعَتني امشي عدل عملة فراكك عملة
يومين حاسبهن وانا
ماجـن اعرفك من سنه
جنك بالاول صاحبي وكاضيها نفس الرحله
شمشتاكلك يابو العيون المايطَيحن كحله

Post has attachment
Photo

Post has attachment

Post has attachment

Post has attachment
Wait while more posts are being loaded