لا تحسبون ان الذي شد الرحال وما رحل
انه يخاف من الطريق او ضعف حال الراحله
العلم غير العلم والرجلين نشبت في الوحل
ويخاف له من واحد مايرحمه لاطاح له
احد(ن) تلاقي له بكل اصدور خلق الله محل
واحد(ن) تدور ما تحصل واحد يرتاح له
مثل العسل ماهوب شرط انه من ابطون النحل
بعض العسل ماينعرف وش نحله ومناحله
#محمد_بن_دحيّه

يامرحبا يا شعراً في ما يقوله ما بحل
اما الوحل فاانا اشهد انه ما تعدا كاحله

لانيب احلل ماحرم ولا بحرم مايحل
يطربني اجاريك يا بحر القصيد وساحله

مالقح ابكار القصيد من الهجوس الا فحل
فرايدٍ على عروش امجادها متناحله

اللي ينوش اسهيل باالافكار ويوصف زحل
وما شاهده باالعين لكن ابخياله راح له

عوض الرفاعي


تكفون فكونا من القال والقيل
ياما تشوف عيوننا من سببها

غيـــبه ونمه كلها واسر ياليل
واللـي نقلها كنه الــلي كتبها

لاصرحوا فالصبح ينفون فالليل
لاحدٍ يحاسبـها ولا احدٍ شجبها

صارت وسايلنا سوات الزنابيل
هــذا يعبيــها والاخر جلبــها

وحنا على الدبكه سوات المهابيل
ماعاد نعــــرف راسها من ذنبها

ابوبدر

هذي مجاراه

سلام ياروس الرجال الحلاحيل
اللي توارث طيبها من نسـبها

اسمـع كلامٍ مايجي فيه تعديل
مثايلٍ للغانــــــمين انحـسبها

والهرجه اللــي ماورها محاصيل
سلعة ردا ما اردا من اللي جلبها

واللي للهرج الناس شغلته توصيل
دايم علـــــى الفتنه يولف حطبها

عساه فدوه للرجال المشاكيل
وعساه يشكي من لسانه عطبها

عوض الرفاعي
Wait while more posts are being loaded