السالفة بيها رباط

واحد لابس عمامة 👳سودة دخل على محل ذهب.
الصايغ: تفضل سيدنا
گاله: انا المهدي صاحب الزمان
ضحك الصايغ😂😂 وگاله گول غيرها سيدنا صحيح انته ابن رسول الله وجهك نوراني بس الامام ما يظهر لمثلي.
بهل اثناء دخلت مرة ورجال💑 يشترون ذهب واختاروا قطعة ذهب، گال الصايغ تفضلوا استريحوا لمن اوزن القطعة، تفاجأ بالمرأة تجلس بحضن السيد!!!😇
گال الهه الصايغ: وين گعدتي بحضن السيد؟ جاوبته باستغراب: 😳يا سيد؟؟ وينه ؟؟؟ شنو شبيك اخي ؟؟ تبيعلنه؟؟ لو نروح ؟؟ شو انته مو طبيعي!!! سكت الصايغ ووزن قطعة الذهب ونطوه المبلغ وراحوا.
گاله السيد ابني تره بس انته تشوفني😌، وبقى يحچي وياه وبهل الاثناء دخلت عائله اخرى ، وحدث ما حدث للعائلة السابقة.
بقى صاحبنه 😇حاير، گاله السيد ابني اني ما محتاج منك شي واني ما اظهر لكل واحد الا للخواص، اخذ هاي قطعة القماش امسح بيها وجهك حتى يزيد رزقك.
الصايغ اخذ قطعة القماش بكل قدسية وقبلها😘 وشمها ومسح بيها وجهه وطاح خدران مغمى عليه ....
السيد لم الذهب كله والاموال وكنس المحل كنس هو وربعه.
*
😂😌وفي يوم من الايام واذا بسيارة شرطة جايبين السيد مكلبچين اديه.
ضابط التحقيق گال للصايغ عدنا كشف دلالة، وزع القوة المسلحه وگال للسيد: هذا محل الصائغ اشرحلنه شلون سرقتوه
گال السيد ... سيدي دخلت على الصايغ وگعدت اهنا وگتله اني المهدي.. وشرح كل القصة ووصل الى قطعة القماش.
الضابط گاله شلون يله مثلولي
وگف الصايغ مقابل السيد، السيد انطوا قطعة القماش وخلاها بوجه الصايغ.
وچان الصايغ يوگع مغمي عليه.
الجماعة جمعوا الذهب والمال وراحوا.

الرباط احنا بالعراق حالنه حال الصائغ كل مرة قبل الانتخابات السياسيين يجون يحجون كم حجاية ويقشمرونه واحنا ننتخبهم مرة ثانية وهمه يكنسون العراق كنس مرة ثانية ... وعلى هالرنه طحينچ ناعم

Post has attachment
Photo

Post has attachment
Photo

Post has attachment

Post has attachment

Post has attachment

Post has attachment
Photo

Post has attachment

Post has attachment

Post has attachment
Photo
Wait while more posts are being loaded