0

Post has attachment
ادري بيك اتشوفني ومشتاك اكيد
ودري دمعك لاله وعيونك حمر
ودري بيك اتحن اذا مراك ليل
عدنه ويه اليل سالوفه وصور
انته تدري ابحالي وشحالي وراك
حالي حال المات وبحسرت عمر
حالي حال الدارت اسنينه ونسوه
حسرت الميت!! اذا يخسف كبر
انته رحت الناس ماتعبو عليك
كلي من جاسك برد ياهو اسهر؟؟
وياهو غطاك وبقه ابجسمه الصليل
وياهو ياهو وشرد اذكرك ياقهر
انته مامرتح ماصدك نسيت
الكاع ماتنكر فضل ماي المطر..

�آسُـ‘ـُمُـ‘ـُر � 
Photo

Post has attachment
البيه بيه ومحد ايفرزني زين
لا دمع بين ولا وجهي انخطف
لارفع عودي ولا هزاني شوك
لا يخط جدمي ولا جفي رجف
لا شعر ابيض ولا اكومن وطيح
ولا حلم مرني ولا جرحي نزف
البيه بيه وماكالت عافوني ناس
ولاكلت لناس فاركني ولف
ولاكلت مشتاك بس مشتاك اكيد
ايمرني ملك الموت وسكنها النجف..

�آسُـ‘ـُمُـ‘ـُر � 
Photo

Post has attachment
بين سالوفة عشگنه وبين دمعات العرس
وبين باچر ياخذونج بين اخطبج بالامس
بينهن حسرت يتيم
ودمعة الفگدة ولد
الساني بالحسره انعگد
راسي بشيب انترس
وبينهن سجه طويله
اتريد فوگ الحيل حيل
سجة الماشيله ليل
ايموت ويشوف الشمس
وبينهن دمعة املاگه
ودمعةالفارگ ولف
والمناشغ والحلف
خطابه دگو بالجرس
بينهن صفگه وثغيب
وبينهن بدله وجفن
اعيوني ياريت انعمن
ياريت مگطوع النفس.

�آسُـ‘ـُمُـ‘ـُر � 
Photo

Post has attachment
حبيني
اريد ارسم على احلامي وطن بـ أسمج
اريدن غربتي ترسمج
اريدنج سجن للخوف ، ودمع يفهمني من ابجي
احبج ، بس اخاف احجي ..
اخاف من الحزن يرسمني لعيونج مدن ظلمة
مدن بيها اليحب يموت بالظلمة
مدن بيها الشعر ينباع
مدن بيها العشك سفرة وجذب ووداع
و انا وياج
انا وياج مو منهم
لگينة الحب صلاة وشمعة واغنية
ولكيتج بالغيوم التحبل من الاه ، نجمة تلالي ترجية
لميني
وحبيني
ترة انا انسان يبنية ،

�آسُـ‘ـُمُـ‘ـُر � 
Photo

Post has attachment
حچيلي
چلمة فَرح أحچيلج إحچايات
غنيلي
غنوة عشگ تلگيني إلج غنوات
ضوگيني گطرة نده حي الجَذر ما مات
كل يوم
أطگن ورد يـَ اشگر سبع مرات
بـ شفافي حُبك صفه
شوگ وفرض تسبيح

�آسُـ‘ـُمُـ‘ـُر � 
Photo

Post has attachment
بعدهـا الگـمَرة بـ خــدودك
وبعــد مـَجرى النـهر مطبـوع بـ زنـودك
وبــعد شــفتـك تنگطلـي خمَّـر حـآيل
عُـبر جيلـين ..
نـزلك كـآس من الله ..
لـجـل خَــمرة شــفاف التـين
يـالـ مخلينـي اصليلك صلاة فــياي
ما شافت شمــس حنـه
النـهر مشـكور للـ مِــزنَـه
شِرب زلـفك نـثايا الليل من طاحـت الگـذلـة شطوط نعسانه
ومـشه اعــله عيونك السبـاح وتلاطمـن بيبانـه
تدنـالـي .،
بعـدنـي آدم ..
اشتـهيـتك سالـفة تـفاح من الله
اشتـهيـت انـخـاك بس ابليس بيـني وبين خــصرك ملتـهف صَـله
استجاب الله وبرد كلشي عَلِينـا بسـاع
وتغـطينّـا بچـراچـف خمره
وانهودك صفـتلي امتـاع

�آسُـ‘ـُمُـ‘ـُر � 
Photo

Post has attachment
يگرصة تين
يحليلچ
يخدرانه بنجم
ليلچ
اي شيصير لو بابچ يفچ روحه بعصر تازه
اي شيصير لو حضنچ ع ضليعاتي يتوازه
كلهن بلگلب چذبات وانتي العازتچ عازه
والله من امشي بين الناس انشز مشية جنازه

�آسُـ‘ـُمُـ‘ـُر � 
Photo

Post has attachment
الليـــل يندسني واگوم اعلى الجروح
بـــــالجديد الــــچم وافـــــــك الرايفه
وتبدي عيني تدير من كل صفحه ماي
مثـــل بــگمه بمتن عرجــه وخــــايفه

�آسُـ‘ـُمُـ‘ـُر � 
Photo
Wait while more posts are being loaded