Post has attachment
هذا انا .احتاج نفيا من هناامضي غريبا عندما ابصرزوايا بيتنا ماكان حلمي ثروتن والعيش سنا طاعنا ماكان حلمي نزوتا والغوص في بحر المنئ بل كان حلمي عزتي لكن رأسي انحنئمن شاف جنح الينكسر مايلكه شغله اتعينه ومن شاف طينه هالبشر ماجنهه نفس الطينهمن اجو كالولي انعمت ماكالو ايزيد الوجع من تنعمي السجينه
Photo


🔷انظر الى الجانب الايسر من صدري ... اترى شق ؟!
هذا انا اتراشق ..
انظر يا من اجفاني الى اجفاني ... اترى دم ؟!
هذا انا اترادم ..
انظر الى السواد من حولي ... اترى كم ؟
انا اتراكم ..
🔶بخلت عيوني بدمعها .. وبالي لح يريد نبچي .. وماكو فد صاحب يعين 
گلت حتى ابچي بمزاجي .. راح الم چم رمش باقي واخذ دموعي واسافر .. وين ما عند الله عين 
وصدفه اذا نتلاگه گلي .. الله يتقبل فراگك .. واني اگلك اجمعين 
عيني ما ظل دمع بيها وطالبه ببالي بچي ..
راح انزلهن حروف دموعي الشفايف حچي ..
🔷قلبي أدرك ما مضاه وفاته ... فأعلن وفاته 
كتبت له على اخر ورقةٍ من شجرةٍ على وشك الموت :
"حطم ما شئت إلا قلبي انتبه (انت) به "
فقال : غادرني ، فأنا وطن غامض لا يفهم ألغازي الغازي.
فقلت له : أجل ! وعندما قلت أجلي حل أجلي !
🔶 الا يا ليت ما حل (بِنا)بي
اخذ من واقعي لـ حلمة (بنا)بي
بعد ميفيد اعظ صبعي بـ نابي 
وعلي عضيت نابي بصبع أديه 
🔷عيناهُ حضارتان ..
الأولى : لعنة مصر ، القدر كما لموسى ابا حني لها اباحني لها.
والاخرى : كَـ بابل ، في بلد الجنائز المعلقة ، كتبت لها معلقة ، ولم تُرى معلقه !
اين اعلقها ؟! ولم يبقى هنالك شيء واقف سوى الموت ! الكل انحنى امامه . 
🔶 لا تلوميني من ادنگ .. هامة العوچيه دنگت تساعدة لچف الفقير .!
ببالي اشوفن مزهريتچ ورد معروض بمقابر فوگ ما ميت اسير .!
وچن جنح خفاش املس حلمي حدة الليل ويكف حتى ليغث يوم ريش ..
وحتى لا ازاحملي احد جسر جوة الماي اعيش ..
وياما گتلچ هو مو كل مگفه فرگة ،،
مگفى چفي بوجه بابچ دگته ملگة ،،
اليسد بيبان عينه يريد ينطي الطيف شبگة ،،
گلتي ما نزلت دمعتك ، واني اذكر بيها گتلج عبرة الرجال خنگة ،،
گلتي لو مجروح انزف ، بس جرح درويش جرحي بلاية دم ياهو اليصدگة ،،
بيه حسرة شاعر اخرس يكتب لغيرة ويسمعه وتعله بالجمهور صفگة ،،
وقيسي انتي شلون حرگة ؟!
ياما گتلج ضمي روحج ، سبب گطع الورد عطرة 
النهر عطشان مايه ودمعة الغرگان طاحت زيدت العطشان گطره 
النجمة من گد ما جميلة ، الليل لبسها عباية 
ضمي روحج ختلي بأي قرآن آية 
الليل ميهم گلبي يقره ، الگمر گد مخبازة امي ، يعني خبزة امي گمره .
وياما گتلج صيري من ذني السما التغيم تحجبت . 
والمطر دمعات توبه بگد عدد چم يوم فرعت . 
والدعاء وكت المطر فد شي عفيف .. 
ينغسل وهو بطريقه ويصعد لربه نظيف .. 
حاصروني والهوا الـ طب گصبه صيح 
ضايگوني والضوه الضيع طريقه يطيح واگف 
يا برودچ والضباب بلا حطب دخان بارد ،،
يا هروبچ والسراب بلا جرف كل عمره شارد ،، 
ذني كلهن مفتهمهن ،، ياسمينه انتي مثلهن ،، نقطه راد شچم حرف .
البحر من يعشگ سفينة يغار من تحضن جرف .
بكل بساطة الروجة فد شي .. ماي فوك الماي يمشي 
وهذا چان اشكال عندي شگد اروحن بي ورد ؟
هذا تفسير انتي ورده ،، شلون بيدينج ورد ؟!
جرح فوگ الماي طيفچ ،، گبل لا ينشاف يلتم ..
وچن كمر نص وجهي نايم ،، صاير بتك عين احلم ..
سولفيلي النبرة نية الصوت منهه شظام الـ يحاچيج ينحس ؟!
الصدرة ميدگ گلبة اخرس .. 
وحالتي لو ردت اعترفلچ ،، چن مسيحي ذنوبه كثرت ،، من يگابل حجرة القس ،، بكثر ما امشي ع مايچ ،، گمت اشك بروحي نورس .
شوفي تاه بقوس حصرچ .. استچن عيوني وأهدي وهو حصر النخلة مدري منين يبدي . 


Post has attachment

Post has attachment

Post has attachment

Post has attachment
Wait while more posts are being loaded