Post has attachment
‏🍁
أريد أن أكون بتلك القوة
التي لا تسمح لي بالبكاء
حين أتحدث عن مايؤلمني


🍂 انہٰ۪۫ہٰ۪۫ور.
Photo

✌✌️💪 🍃🌸ِ:
المفارك #ولف
ما يهوى وجه
#ألليل...
تكشـخ #ذكرياته
بملبس #الحسره .

علي المنصوري
في ضريحك يالغلى كني أمير
وفي قصر غيرك احس عندي اكتئاب
ادخل في كبتي ورجع صغير
والله حيو يصحني وكت الشباب
دامني بلون الكطن عندي ظمير
اكيد تخرب كشختي بلمست تراب
طبعي اوفي وماصرت في العشك زير
مااحب اعشك شخص لو اني حاب
الدنيا لذته كهوه وكعدت حصير
وجه دافي يحسسك بلبرد آب
ياعيون الريم انا الطولك سرير
نام ورتع فيني مالذه وطاب
ماابي اصبح حنطه انا طبعي شعير
الغنم لنه حلو خلص ثواب
ويش أسوي لامك وتقبلني اصير
زوج بته وحارس اله من الذئاب
لا يغرك شيبي وضني جبير تعبي منك
وانا ليهسه شاب
العذاب بشوفتك نفس السعير
لكن الصج حيل عاجبني العذاب
ليه تلبس ناس خو البس حرير
التكبر ما يسترك كلثياب
ليه تتعجب اذا بسالفتي حير
الكدر وجوه البدو طروت ذئاب
ابقه ابكيك بشرط اترسلي بير
بغير كثرت دمعي ما يحله المصاب
ما يقلل قيمتي الدمع الكثير
الصكر يبقه صكر كل النكاب
العيب فيني صرت دله بكف ضرير
الشمس قلل سيطه كثر السحاب
لا تقارن اني غير وهو غير
فرق لبس الغدره عن لبس الحجاب
هو مو كل طير عنه نكول طير
من نشوف الصكر ينغم الغراب
اخبرك يلعود انا معزب جثير
وصاحبك حط برده خاف ندكله باب
صفي نيتك وامشي جنبي للأخير
النيته تصفه يله يرويه السراب

ايهاب المالكي
حكايتنا القدر بيها لعب دور
التقينا وبيها شمل كلوبنا التم
جفينة اعيونة بنظرات الاحساس
وتغازلنة بگلب مايعرف الهم
على عناد الزعل نتراضة مرات
ولملمنة الجروح الصعبة تلم
ندهتنا البلابل للمواعيد
وشردنة من النعاس البابة محكم
وتماشينة رغم درب السهر خيط
من يفلت الليل بليل نلزم
الشمس سلمت النة بوكت الغروب
ومن مر الكمر فوگانة سلم
كتبت ذكرى بينه اعواد الاغصان
وحلف بينه الورد وبشوكنة اقسم
بحيث اتحاججت ويانة الاشجار
البهاي الحدايق ياهو الاقدم
تفاركنة وجرة بنهر ارواحنة الموت
وبياض كلوبنة اعلى الروح غيم
اتفقنا انموت لكن وحنة عدلين
نضحك بس اكو بخاطرنة مأتم

ايهاب المالكي
كلمة وشلتها من الحجي
ومن اللسان خفيتها
وبيبان روحي مقفلة وعن لا احب سديتها
صلفة امنياتي الرادتك
سالتني عنك بس صمت كلش ولا حاجيتها
كالتلي وينه وجاوبت ما ادري ما دليتها
ماردت احس حبك لان قبلك الروح انطيتها
والخاطرك رحت اعتذر منيت بيها لخاطرك
مثل الطفل لمن يمن بحاجته
وياك اعز ناسي انتهوا وما كمت احس بعازته
ابدربي كلت لو مو سوة امشي حياتي بلا درب
يمكن يشح عني الهوة
لا بس جذب
معقولة ما نمشي سوة
معقولة في لحظة الشمس للكاع ما تنطي ضوة
وتنتهي وما نلكه صبح
معقولة يطلعلي جرح
معقولة ريشة شفتك ترسملي بالضحكة رمح
لا مو صدك
وخلينا من هذا الحجي
بجفوني سولة على البجي
وصياد كاعد بالجفن للدمع شايل فالته
وياك احس روحي صرت مثل الهلال وهالته
كالولك يعوفك ترة تذكر كبل كتلي شكلهم
كتلك اي كلهم لمن من يمشي تمشي جنازته
هو انه عايشلك لان دمي الاعز ما بالجسد بس انت تعرف حالته
من ما يحس بلمستك يخلص وتبقى وشالته

تذكر كبل من تعتنيلي بلهفتك مشتاك حتى تشوفني
وتلكاني روح مشككة ولمسات ايديك تروفني
................

رائد ابو فتيان ...
انه بية حجي غير التكولة الناس
بس ضميته ادري العتب مو وكتة
وبصدري كلب مثل المراهق صار
يبجي شوكت ما ذكرولة صاحبته
حلالك ليش بعتة بقيمة المبيوك
وانه مو انته سرك لسة ما بعتة
وليش الجان يحلم بية شمته
كمت امشي واشوف العالم يضحكون
مرات احس روحي مو بشر نكته
شكد بعيني بعدج مرت وجوه
عدن وانتي ضليتي اعله بالي
الما بي ريحتج ميمر على البال
ما خونج جنت حته بخيالي
ونتي كبالي بس عينج ع الوياي
وبعدني كبالج وصار ابدالي
استعجلتي ترة الخنتيني وياه
اتعنالج لان فاركلة غالي
الفرق ما بين نيتي ونيته وياج
رادج لل لهو وردتج حلالي
راد براسج انتي يخلص الليل
وانه ردتج تصيرين ام جهالي .....

علي المحمداوي
على زنودك علك شديت ادي تذكار..
كلت الشافهن بصمة محب يلكة..
وسالتك عالزراك البيك اجاك منين..
كتلي امنالبرد؟؟ كتلك اثر شبكة..
وياي تعاندت واني ادري كلش زين..
مو من البرد من الحضن زركة..
عرفت تخوني من صار طولك سيف...
ونسيت الخالق هم خالق الدركة...
شهكت سوالفك حجيك ترس ديوان..
سوالف مو الي ماطلعن بحركة..
تعال بداعت الشيب الطلع بجفاك...
موتدري الكبر خنكة....
الكبر من يبجي لازم مشتهي الملكة..
الاهي بداعتك كافي...
الاهي اتعب الفركة..
الاهي سوالفة ابالي...
اليحب موبالجمر جلمات التحركة...
على طرف النفس زارع خلك بي طول..
مثل خلك امي من طاح العمر وركة..
على جفنك سهر بي حلم شابع موت...
حلم شايب مكمط روحة مختنكة..
حاجيت الخذاك سوالفي ونساك..
كتلة العفتة كلش خلصت خلكة..
كتلة اعلة البرد جنت اني المدفيك..
كتلة بشوكنة جنة الهوى نحركة..
كتلة اكلوبنه جبناها بالايجار..
شحجيت وياة كلي وجذبك مصدكة..
حلفان الجرح لوطعنة لوسجين..
وحلفان الحبيب وداعت الفركة..
كلبك جان فارغ هسة لابي خير..
جنت تحلم تحب بس هسة تستنكة..
يمر طيفك وفز بس الكة غيري وياك...
ويسالوني وكلهم كل شي ما الكة

علي المحمداوي

يا حلات الكاس اذا وكتك غريب
يضيع بعيونه الحرام من الحلال
والهضيمه السيف اذا يخجل يموت
الترجف ايده يضوج من كلمه نزال
راجع المن شجرتك مره الخريف
كمت اكلك لا هلا بوجهك تعال
فاهي خصرك وانته كل نور الله بيك
بوكت كل رمضان اشوفنك هلال
اذوب حقك بس هضيمه بجف غريب
تلوكلك من حقك تحب الدلال
صوتك يخدر الهوة ويسكر عليك
بلا خمر بس كلبي شافك وحده مال
عمر المعاتب ولا رجع حبيب
بس تعال وخل ينقدونه الجهال

اكمل لو لا

ايهاب المالكي ( عايش )
ابشرك خلصو مابقو عندي هواي
كل المشتريهم رخصو بية
اصافحهم واحس بطراف اديهم غيظ
كاتل منهم ومادافع الدية
........
علي المحمداوي ( طاري العصائب )
اخوة زينب الشرف ابنهة الكاع
ولد الخزعلي الكل شدة تكضيهة

هذا انا
احتاج نفيآ من هنا
امضي غريبآ عندما ابصر زوايا بيتنا
ما كان حلمي ثروتآ والعيش سنآ طعِنٓا
وما كان حلمي نزوتآ والغوص في بحر المنى
بل كان حلمي عزتي . لكن . رأسي انحنا

من شاف جنحي الينكسر ما يلكّة شغلة اتعينة
من شاف طينة هل بشر ما جنهة نفس الطينة
ومن جنت ساكت مو عجز
بالوجه ادري شكم وجه وشكد حقد بالسكته
واصطاد بالماء العكر مشدودة عيني وبالمطر
والكة الندة الضيعته

الناس صارو خنجرآ
في كل بحثي لم اجد واحد
مصفي النية
ايقنت فعلآ انهم سُمو اناسآ
بينما ما عدهم انسانية

لراقي
#مهند_العزاوي
Wait while more posts are being loaded