Post has attachment
يعنى ايه دعوى " #صحة_توقيع " ؟؟ وفرقها عن" #تسجيل_الشهر_العقاري " ؟؟

-- دعوى صحة التوقيع دى دعوى بيرفعها اى حد من الطرفين سواء البائع او المشترى وبتتحدد جلسة يروح فيها المدعى عليه " الى هو اترفعت عليه " علشان القاضى يسأله " ده توقيعك ؟ " وهو يرد باه ويوقع قدامه ...

*بس خدوا بالكم من الحاجات دي.
اولا ً :- دعوى صحة التوقيع مش خاصة بالعقارات فقط زى ما الناس فاهمة ، يعنى انت ممكن ترفع دعوى خاصة بعقد اتفاق مثلا ، أو حتى عقد ايجار ، او عقد بيع سيارة ... لدرجة ان فى ناس من كتر ما امكانية رفعها على اى ورقة فيها توقيعات بتقول " ممكن تاخد حكم على ورقة لحمة "

ثانيا ً :- القاضى فى دعوى صحة التوقيع مش بيناقش العقد ولا سند الملكية ولا اى بند من بنوده ، القاضى فى الدعوى دى مش بيبص الا على التوقيعات فقط .

ثالثا ً :- الحكم الى بيصدر ده حجة على ان الراجل ده مضى على الورقة دى ، لكن مش معناه ان الراجل ده يملك او لا يملك

رابعا ً :- ممكن 20 واحد ياخدوا 20 حكم على نفس الشقة ، لان زى ما قلت القاضى مش بيناقش ملكية اصلا ، توقيعات فقط .
الخلاصة
دور على سند ملكية أقوى زى دعاوى الصحة والنفاذ ، أو التسجيل فى الشهر العقارى لو فى امكانية وصدقنى المصاريف الى هتصرفها على العقار الخاص بيه .. هتلاقى أضعافها فى تمنها لمجرد ان سند ملكيتك قوى.

لمزيد من التفاصيل و المعلومات الأستعلام على : 16075

#كل_يوم_معلومة_عقارية
#أعرف_بلدك
#إسأل_أهل_الخبرة
#علامكو_العقارية
#حياة_جديدة_في_القاهرة_الجديدة
#نبني_نطور
#إبدأ_صح
Photo
Wait while more posts are being loaded