يابوعقل قلبها امعايا عشت العمر مقطوع الحنين.ويابوعقل شاكيتك أبدايا احفظ. سر وكتم في الكنين.يابوعقل جميلك امعايا...ماننساه نين الروح تمشي للكريم ....يابوعقل كان جيت للسوايا.مامن سيات منهم شايلين. يابوعقل كان جيت للخطايا.مامن عيب منهم حاملين.يابوعقل كان جيت للنوايا.سود وفحم واحموم وعوين. يابوعقل يسعوا في شقايا.اقرب الدم منهم تاعبين.

كنك كيف صار &&&عهدي بيك تكما فالامرار &&& اليوم بكيت .
كنك كيف صاير && عهدي بيك تكما فالقهاير .
موتنقيط دمعك سيل عاير && نو ثقيل لاحقنا أمطار .
ولاهو رمز ولانبي اموير && ولاهو سر من جملة أسرار .
امغير القيت عقلي بيه داير && فاهق شين نين منه أحتار .
امغير ايموج ماجابلي ثماير && طول الليل نين بان النهار،
كنك ويش جاك &&& وقول امنيش تقليلت هناك .
مامن دار تساهل ابكاك && علي مالمت ما دمعك انهار .
ومامن هم هلبتا وراك && وإن جاك العيب تحسب في اكبار .
اتريد اتشيل نشقابه اوتاك && وللاوهام مانبي مزار .
فاهق سو يطلق من احذاك && عليه اخلال طقيته اوطار .
كنك ويش جد && انزار عليك نين نأخذ الرد .
انكان عزيز ماعنك نشد && فتش زين تلقلا عذار .
وانكنهو جاك عيبه دير حد && لاتطريه لاتقبل مسار .
ولا مااتقول نا حيلي برد && ان صار احقار تحتر فالاحقار .
باذر طيب لوكان انحصد && إيطيح سقيط تملابه غمار .
كنك ويش صابك && امغير اتموج وامكدي اصحابك .
إنكنهي جات حاجه من اقرابك && عفست الام ماتظر الاحوار .
وانكان اليأس راكب في اركابك && دير اسناح ذاريها النار .
وانكان القسم ما ماح لجنباك && واطي الربو نين تلقا انصار .
وانكان عزيز غالك ورخابك && شيل بعيد غير هالدار .
ارياح الوقت ديرلهن احسابك && انكان اعكسن يملنك اغبار .
كنك ويش كامي && انلوم عليك لو حاسب ملمي .
انكان فقدت عقال ومسامي && عندك لاذن لو تنصب الطار .
وانجر معاك ويسقم كلامي && علي جويد جيابت أفخار .
الجيين ديما في منامي && الجواد خذوه في برقه عقار .
كسبين رابية الضامي && بنات القود لاقح والاحشار .
المنهاس ولي جاي رامي && ايحامو فيه يا طيبك أجوار .
وكال العيش يلقوله مرامي && جوابد عطوه ومن زكاه لابذار .
وان قلت خوال راهم هم عمامي && في الجهاد خطوهن اسطار .
والكن كم عام ياحومت اوهامي && قرن اجداب مارينا اخضار .
وبلكي هذا الي امضيق علامي && حسبه درت والناتج اصفار .
كنك كيف صار && بات الراي ماتكبر النار && الها قشوشت .

ﻳﺎﺭﻳﺘﻨﻲ ﺍﻧﻤﻮﺕ ﻭﺍﻟﺮﻭﺡ ﺗﺮﺟﻊ ﺣﻴﺔ ...ﻭﺍﻧﺸﻮﻑ ﻣﻦ ﻳﺘﺮﺣﻢ علي ﻛﻞ ﺷﻮﻳﺔ ** ﺗﺮﺟﻊ ﺛﺎﻧﻲ ..ﻭﺍﻧﺸﻮﻑ ﻣﻦ ﻫﻮ ﺍﻟﻠﻰ ﻓﺎﺗﻨﻲ ﻭﺍﻧﺴﺎﻧﻲ .... ﻭﻣﻦ ﻫﻮ ﺍﻟﻠﻰ ﻋﺎﻟﻘﺒﺮ ﺻﺒﻰ ﻭﺟﺎﻧﻲ ... ﻭﻣﻦ ﻫﻮ ﺍﻟﻠﻰ ﻓﻲ ﻋﺰﺍﻱ ﻣﺎﺟﻲ ﺣﺘﻰ ﺟﻴﺔ ﻭﺍﻧﺸﻮﻑ ﻣﻦ ﻳﺘﺮﺣﻢ علي ** ﻭﻣﻦ ﻫﻮ ﺍﻟﻠﻰ ﺑﺎﻟﺨﻴﺮ ﺩﻭﻡ ﻃﺮﺍﻧﻲ . ... ﻭﻣﻦ ﻫﻮ ﺍﻟﻠﻰ ﻓﺎﻟﻐﻴﺐ ﻳﻄﻌﻦ ﻓﻴﺎ ** ﻭﻣﻦ ﻫﻮ ﺍﻟﻠﻰ ﻗﺎﻋﺪ ﻋﺎﻳﺶ ﺗﻤﻨﺎﻧﻲ ... ﻭﻣﻦ ﻫﻮ ﺑﺎﻟﻤﻮﺕ ﻓﺮﺣﺎﻥ ﺑﻴﺎ ** ﻭﻣﻦ ﻫﻮ ﺍﻟﻠﻰ ﻃﻌﻨﻲ ﺑﻌﺪ ﺍﻟﻤﻮﺕ ﺧﻼﻧﻲ ..ﻭﻣﻦ ﻫﻮ ﺍﻟﻠﻰ ﻧﻴﺘﻪ ﻗﻌﺪﺕ ﻋﺎﻟﻮﻓﺎﺀ ﻣﺒﻨﻴﻪ ** ﻭﻣﻦ ﻫﻮ ﺍﻟﻠﻰ ﺗﻤﻨﻰ ﻓﻲ ﺍﻟﻘﺒﺮ ﻳﻜﻮﻥ ﻣﻜﺎﻧﻲ ....ﻳﺒﻜﻲ ﻳﻨﺰﻝ ﻓﺎﻟﺪﻣﻮﻉ ﻋﻠﻴﺎ ** ﻭﻣﻦ ﻫﻮ ﺍﻟﻠﻰ ﻋﻠﻲ ﻓﺮﺍﻗﻲ ﻣﺎﻳﻌﺎﻧﻲ ... ﺗﻨﺰﻝ ﺩﻣﻮﻋﻪ ﺑﺎﻟﺴﻴﻒ ﻣﻦ ﻏﻴﺮ ﻧﻴﺔ ﻭﻣﻦ ﻫﻮ ﺍﻟﻠﻰ ﻓﻲ ﻧﺰﻟﺘﻲ ﻓﺎﻟﻘﺒﺮ ﺭﺍﻧﻲ .... ﻭﻗﺎﻟﻲ ﺳﺎﻣﺤﺘﻚ ﺇﻥ ﺩﺭﺕ ﻓﻲ ﺧﻄﻴﻪ ** ﻭﻣﻦ ﻫﻮ ﺍﻟﻠﻰ ﺗﻤﻨﻰ ﺑﺎﻟﺮﻭﺡ ﻭﺑﺎﻟﺤﻴﺎﺓ فداني ... ﻛﻞ ﻳﻮﻡ ﻳﻜﺘﺐ ﻓﻲ ﺍﺷﻌﺎﺭﺓ ﻟﻴﺎ **  

Post has attachment
لي إسنين بلاء المحنه،،حتي ضلي خايف منه@
Photo

Post has attachment
Photo


حسبيَ الله ......في ناس ماهم ناس!
وحسبيَ الله......في اعقول فيها ريبه
وحسبيَ الله.. ...في كل حزن وباس
وحسبيَ الله .....في مَن تباها ابعيبه
وحسبيَ الله......في مَن لعب بحساس
وحسبيَ الله .....في مَن ايهون حبيبه
وحسبيَ الله .....في مَن.هدم لَآساس
وحسبيَ الله .....في ابلاد كانت هِيبه
وحسبيَ الله .....كانت ذهب والماس
وحسبيَ الله ......توا اتقــول زريبه !
وحسبيَ الله.......في القلم والقرطاس
وحسبيَ الله ..... في كل حرف انجيبه
وحسبيَ الله......في كاس يتْلى كــاس
وحسبيَ الله.....في مُــرْ كاس الخيــبه
وحسبيَ الله ......في الذّم والوسواس
(وفي وقت تُفْهَم فيه غْلط الطِّيبَــه )

Post has attachment
Photo

طولت الغيبه هالمره
يا عوين اللي شاغل بالك
لاقي في الهجران مسرّه؟
ولا تعذيبي يحلالك؟
موش عوايد ريدي لوّل
باقي وين اتغيب اطوّل
لا جيت ولا جا مرسالك
يا عوين اللي شاغل بالك

عن عيني لك وين. او وين
غايب لا جرّه لا طاري
باقي جافي. ما لك عين
انتَ بايع ولا أنتَ شاري؟
ولا انتَ تلعب بالغيّه؟
تمشي وأطوّل بالجيّه
لك مده متبدّل حالك
٠يا عوين اللي شاغل بالك٠

وهو عمر زعلنا ما دام
ايش امخلّي طبعك قاسي؟
وعنّي واخذتك ليام
مره تذكر مره ناسي
ومره نخطرلك وتجيني
ومرات تغيب تجافيني
متهني ما همّي طالك
٠يا عوين اللي شاغل بالك

- لا تخسر قيمتك بكلمه .. ولا تفقد إحترامك بزلّه .. ولا تجعل همّك في الدنيا هو حُب الناس لك، فالناس قلوبهم متقلّبه تحبك اليوم وتكرهك غداً.

عالم الله بالنيه
يالي بعتني للياس فاول سيه
شاريك ناللي
منول زله
عزيز باعنه وانسي غلانا كله
قربته وهو بكل بعيد تعلى
سكن فلقعور بكل عين قويه
انسينا بسيه موش ميه عله
وانسي جرينا عالصوب في ماضيه
اياما وهو قاعد علي باب الله
ودوبه ايخطي خطوته مرخيه
واليوم وين ماصبه وغره ظله
ايريد ليد يلويها وهي ملويه
منه ومن فعله الزمان وغله
مامن الي صارت ومي امحكيه
وهابتيت مربوحه الا المذله
حتى الخو مايرضى ان جت من خيه
عالم الله بالنيه
Wait while more posts are being loaded