Post has attachment
Photo

Post has attachment
ﻓﻜﺮﻙ ﺷﺎﺭﺩ
ﻣﺎﺑﻘﺘﺶ ﺗﺤﺲ ﺑﺄﻭﺟﺎﻋﻚ
ﻭﺑﻘﻴﺖ ﺑﺎﺭﺩ
ﺑﻴﻘﻮﻟﻮﺍ ﻋﻠﻴﻚ ﺇﻧﻚ ﺑﺎﺭﺩ
ﺑﺘﻨﺎﻡ ﺻﺎﺣﻰ
ﺑﺘﻜﻮﻥ ﻧﺎﻳﻢ ﻭﻗﺖ ﺍﻟﺼﺤﻴﺎﻥ
ﻋﻠﻰ ﻃﻮﻝ ﺯﻫﻘﺎﻥ
ﻭﺍﻟﻘﻬﻮﺓ ﺻﺪﻳﻘﺘﻚ ﻭﺳﺠﺎﻳﺮﻙ ﺻﺒﺎﻋﻴﻦ ﻧﻴﻜﻮﺗﻴﻦ
ﻭﺑﺮﻏﻢ ﺳﻮﺍﺩ ﺗﺤﺖ ﻋﻴﻮﻧﻚ ﻟﺴﺎﻙ ﺳﻬﺮﺍﻥ
ﺃﺩﺍﻣﻚ ﺷﺎﺷﺔ ﻭﺑﺘﻘﻠﺐ ﻟﻜﻦ ﺳﺮﺣﺎﻥ
ﺑﺘﻘﻠﺐ ﺑﺲ ﺭﻭﺗﻴﻦ ﻋﻠﺸﺎﻥ ﻳﻈﻬﺮ ﺻﻴﺘﻚ
ﺟﺴﻤﻚ ﻣﻮﺟﻮﺩ ﻟﻜﻦ ﺭﻭﺣﻚ ﺧﺎﺭﺝ ﺑﻴﺘﻚ
ﺃﻭﻝ ﻓﻨﺠﺎﻝ
ﺍﺷﺮﺏ ﻭﺍﺳﺮﺡ
ﻭﺍﺷﺮﺡ ﺇﺣﺴﺎﺳﻚ ﻓﻰ ﻛﺘﺎﺑﻚ
ﻓﻜﺮ ﻓﻰ ﺣﺒﻴﺒﺘﻚ ﻳﻮﻡ ﻛﺎﻧﺖ ﺣﻀﻨﻚ ﺑﻴﺘﻚ
ﺳﻜﻨﻚ ﻭﺣﻘﻴﻘﺘﻚ ﻭﺧﻴﺎﻟﻚ
ﺑﻨﺖ ﺣﻼﻟﻚ
ﺑﺲ ﺍﻧﺖ ﻣﺎﻛﻨﺘﺶ ﺗﺴﺘﺎﻫﻞ ﺣﺒﻬﺎ ﺍﺻﻼ
ﻓﻜﺮ ﻑ ﺣﺒﻴﺒﺘﻚ ﻳﻮﻡ ﻛﺎﻧﺖ ﺣﻀﻨﻚ ﺑﻴﺘﻚ
ﻓﻜﺮ ﻓﻰ ﺣﺒﻴﺒﺘﻚ ﻳﻮﻡ ﻗﺎﻟﺖ
ﻧﺪﻣﺎﻧﺔ ﻋﺸﺎﻥ ﻳﻮﻡ ﺣﺒﻴﺘﻚ
ﻓﻨﺠﺎﻝ ﺗﺎﻧﻰ
ﻓﻜﺮ ﻓﻰ ﺻﺤﺎﺑﻚ ﻭﺟﺮﺍﻧﻚ
ﺍﺳﺮﺡ ﻓﻰ ﺯﻣﺎﻧﻬﻢ ﻭﺯﻣﺎﻧﻚ
ﺍﺳﺮﺡ ﺃﻛﺘﺮ
ﻛﺎﻡ ﻭﺍﺣﺪ ﻣﻨﻬﻢ ﻛﺎﻥ ﺷﺎﺭﺩ
ﻭﺍﻧﺖ ﺑﺮﺣﻤﺔ ﻗﻠﺒﻚ ﺳﻌﺘﻪ
ﺷﻮﻑ ﻣﻴﻦ ﺑﺎﻋﻚ ﺷﻮﻑ ﻣﻴﻦ ﺑﻌﺘﻪ
ﻋﻴﺪ ﺣﺴﺎﺑﺎﺗﻚ
ﻭﺍﻛﺘﺒﻬﻢ ﻑ ﺳﺠﻞ ﺁﻫﺎﺗﻚ
ﺳﻄﺮ ﺟﺪﻭﻝ
ﻭﺍﻛﺘﺐ ﺗﻮﺍﺭﻳﺦ ﺃﻳﺎﻡ ﺭﺍﺣﺖ
ﻭﺍﻛﺘﺐ ﺇﻧﻚ ﻣﻦ ﻳﻮﻡ ﻳﻮﻣﻚ
ﻣﺎﻋﻤﻠﺘﺶ ﺷﺊ
ﻭﻻ ﻧﺎﻭﻯ ﺍﻧﻚ ﻳﻮﻡ ﺗﺘﺤﺮﻙ
ﻭﺑﺠﺪ ﺑﻄﺊ
ﺷﻌﺮﻙ ﻣﻨﻜﻮﺵ
ﺩﻗﻨﻚ ﻃﻮﻟﺖ
ﻭﺑﻘﺎﻟﻚ ﻛﺎﻡ ﻳﻮﻡ ﻣﺎ ﺃﺧﺪﺗﺶ ﺩﺷﻚ ﻃﺒﻌﺎ
ﺭﻳﺤﺘﻚ ﻃﻠﻌﺖ
ﻓﻨﺠﺎﻝ ﺗﺎﻟﺖ
ﺑﺲ ﺍﻟﻤﺮﺓ ﺩﻯ ﻣﻌﺎﻩ ﺩﺧﺎﻥ
ﺧﺪﻟﻚ ﻭﺍﺣﺪﺓ
ﻭﻟﻊ ﻭﺍﺳﺮﺡ ﻭﺍﺷﺮﺡ ﻭﺍﻃﻔﺢ ﻭﺍﺗﻌﺒﻰ ﺳﻤﻮﻡ
ﺍﺻﻠﻚ ﻣﻬﻤﻮﻡ
ﻭﻓﻬﻤﺖ ﺍﻥ ﻃﺮﻳﻘﺘﻚ ﺩﻯ ﺍﻟﻠﻰ ﻫﺘﺒﻘﻰ ﻧﺠﺎﺗﻚ
ﻧﺎﺳﻰ ﺻﻼﺗﻚ
ﻭﻣﺸﻴﺖ ﻓﻰ ﻃﺮﻳﻖ ﻣﺎﻫﻮﺍﺵ ﻟﻮﻧﻚ
ﺍﺭﺟﻊ ﻣﺎﻟﻐﻔﻠﺔ ﻭﻛﻦ ﺭﺍﺳﻰ ﻭﺻﺤﻰ ﻋﻴﻮﻧﻚ
ﻫﺘﻼﻗﻰ ﻑ ﻳﻮﻡ ﺍﻟﻠﻰ ﻳﺼﻮﻧﻚ
ﺻﺎﺣﺐ ﺭﺑﻚ
ﻭﺍﺭﺟﻊ ﻭﺍﺭﻛﻊ ﺯﻯ ﺍﻷﻭﻝ
ﻭﺍﺿﻤﻦ ﺇﻧﻚ ﻟﻤﺎ ﻫﺘﺮﺟﻊ
ﻛﻞ ﻫﻤﻮﻣﻚ ﺭﺍﺡ ﺗﺘﺤﻮﻝ
ﺭﺍﺑﻊ ﻓﻨﺠﺎﻝ
ﺭﻳﺤﺔ ﺍﻟﺪﺧﺎﻥ ﻗﻠﺒﺖ ﺃﻭﺩﺗﻚ
ﻭﺍﻧﺖ ﻣﺴﺎﻓﺮ
ﺍﻟﻮﺣﺪﺓ ﺑﺘﻘﺘﻞ ﺃﺻﺤﺎﺑﻬﺎ
ﺯﻯ ﻣﺎﻗﺎﻟﻮﺍ
ﺍﺧﺮﺝ ﻭﺍﻣﺮﺡ
ﺍﻧﺮﻝ ﻟﻠﻔﺮﻥ ﻭﻫﺎﺕ ﻓﻴﻨﻮ ﻭﻫﺎﺕ ﺟﺒﻨﺔ ﻭﻓﻮﻝ
ﻭﻣﺎﺗﻨﺴﺎﺵ ﻛﺎﻡ ﻧﻮﻉ ﻟﺐ ﻋﺸﺎﻥ ﺑﻴﻪ ﺗﺘﺴﻠﻰ
ﻭﺍﻣﻼ ﺍﻟﻘﻠﺔ
ﻭﺍﻓﺘﺢ ﺭﻭﺗﺎﻧﺎﺕ
ﻭﺍﺗﻔﺮﺝ ﻋﻠﻰ ﺃﻓﻼﻡ ﻋﺮﺑﻰ
ﺃﺻﺤﺎﺑﻬﺎ ﺑﻴﻘﺒﻀﻮﺍ ﻋﻠﺸﺎﻥ ﻳﻠﻌﺒﻮﺍ ﻓﻰ ﺷﻌﻮﺭﻧﺎ
ﻭﻧﺠﻮﻡ ﻫﻮﻟﻴﻮﻭﺩ
ﺃﺣﻴﺎﻧﺎ ﻣﻤﻜﻦ ﻳﺒﻘﻮﺍ ﻳﻬﻮﺩ
ﻣﻊ ﺫﻟﻚ ﺑﺮﺩﻙ ﺣﺎﺑﻴﻨﻬﻢ
ﺍﺭﺳﻢ ﻋﻼﻣﺎﺕ ﻭﺣﺎﺟﺎﺕ ﺑﺘﺸﻴﺮ ﻟﻄﺮﻳﻖ ﺭﺷﺪﻙ
ﺇﻛﺴﺮ ﺇﺷﺎﺭﺍﺕ ﺍﻟﻴﺄﺱ ﻭﻛﺘﺮ ﺃﻣﺠﺎﺩﻙ
ﻭﺍﻋﻤﻞ ﺣﻜﺎﻳﺎﺕ ﺗﺘﺤﻮﻝ ﻗﺼﺔ ﻷﺣﻔﺎﺩﻙ
ﻟﻤﻠﻢ ﺑﻘﺎﻳﺎﻙ ﻭﺍﻳﺎﻙ ﺗﺴﺘﺴﻠﻢ ﻟﺤﻴﺎﺗﻚ
ﺻﺤﻰ ﺟﻨﻮﻧﻚ ﻭﺍﻋﻘﻞ ﻭﺍﺗﺠﻨﻦ ﻭﺍﺗﻌﺎﻟﺞ
ﻫﺘﻼﻗﻰ ﻋﻼﺟﻚ ﻋﻨﺪ ﺍﻟﻠﻰ ﺍﺗﺠﻨﻦ ﻭﻳﺎﻙ
ﻟﻤﻠﻢ ﺑﻘﺎﻳﺎﻙ
___________
ﻣﺤﻤﺪ ﺍﻟﺴﻴﺪ
Photo

Post has attachment
Photo
Wait while more posts are being loaded