Post is pinned.Post has attachment
مساؤؤؤؤؤؤؤ أن جيييت 👇😂😂😂😂😂😂
Photo

Post has shared content
ًطب بينا نلعب وتغير المود

لغز التحدي للأذكياء ..

هذه أمثال بالرموز
كل سطر يعبر عن مثل شعبي او عربي 😉
..حلها وأرسلها🌷
للمساعده المثل الاول:
ضربني وبكى سبقني واشتكى
والباقي عليك .....
1- 👊😭🏃🏼👄
2- ⚡ 😏💅
3- 🐒👀👩🐐
4- ⌚🗡✂🎬
5- 📖💡👽🌑
6- 👅🐎✋👍😝👎
7- 😛💿😷 💰
8- 👋⃣👏
9- 👍 👪 🏊 🔫🏇
10- 🐧✊ 🔟🌴
11- ☔👍💊
12- 👋 🔥👋💦
13- 👇🐪🔪🔪
14- 🐍😱🎗
15- 💦😏🏊🏽
16- ✈🐤👆✈👇
17- 🚪🌬🔐😊
18-🏠👴🏻💂🏻🚪👈 19- 🚪👈🐪
20- 👩🏻‍🏫💁🏻🏃🏻‍♀👈🚪
21- 🐤🦆🏊🏻‍♀
22- 😴👑
23- 🤔⁉😉👨🏻‍⚕
24- 😳🐐🥛
25- ✈🐦🐤💸💰
62- 🏃🏻👻💰✊
27- 🔥🍵✈🐓
28- ❤👵🏻👦🏻💔❤👦🏻👵🏻🥔
29- 🚶🏻🏠👇💰
30- 🏠 ⃣🙅🏻👨‍👩‍👧‍👦👨‍👩‍👧‍👦🥔
31- 🚶🏻🚽🚪🚶🏻
32- 🔨🔨🔨🔒🔓
34- 🐈7⃣👻
35- 😂🤣🤣🔪💔
36- 👎🍶👧🏻👩🏻
37 ❤😍💔😭
38- 🥛🐐💪👀
39- 👇🐪🍽🍽
40- 🏠🏠🤐🤐

شد حيلك و تجيبها كاملة .. واذا عرفت فهذا دليل أنك ذكي

Post has shared content
#حمله_بشياكه
اصدقائي الاعزاء
بعد السلام والتحيه
بكم مرحبا

النهارده هطرح عليكم موضوع علي غير المعتاد .. ملوش صله بالرومانسيه عشان محدش يفتكرني رومانسي
ولا ليه صله بالحياه الزوجيه .. عشان برضه محدش يفتكرني مصلح اجتماعي
النهارده هتكلم معاكم عن مقوله للامام علي رضي الله عنه
لو فهمناها وحسناها صح .. قلوبنا هتبقي حديد ولا هيشغلنا حاجه ابدا

يقول الامام :
أي يومي من الموت أفر ؟ يوم لا يُقدَرُ ؟ أو يوم قُدِر ؟
يوم لا يقدر لا أحذره ومن المقدور لا ينجو الحذر

في سرد سريع افسر معني المقوله فالعموم ان الامام بيسأل
اخاف امتي من الموت ؟ فاليوم اللي اكتبلي الموت فيه .. ولا في يوم ميكنش اتكتبلي الموت فيه
ففاليوم اللي متكتبليش فيه اني هموت مش هموت وفاليوم اللي اتكتبلي فيه اني اموت هموت مهما اخدت حذري

ودي فعلا حقيقه
من المقدور لا ينجو الحذر
مهما اخدت حذرك المكتوب هيحصل ... ولو مخدتش حذرك اللي مش مكتوب عمره مهيحصل .. اخاف من ايه

وعلي رأي كتكوت ( ادام اجديه ميت واجديه ميت يبجي اخاف منيه)

الي اللقاء مع موضوع اخر
#تابعــــــــــــــــــــــونا
Animated Photo

Post has shared content
حصريا #حمله_بشياكه

ياهلا مرحبا .. والسلام عليكم
في البدايه احب اطمأن واعرف اخباركم ايه
واتمني من ربنا انه يقدرنا علي فعل الخير
ويكتر من اللايك والشير
ويبعدنا عن اذية الغير

والاهم من ده كله محدش يزعل من كلامنا
وخصوصا انتي لان كلامي النهارده عليكي
حضرتك المفروض انك مخلوق رقيق وجميل وحنون والمفروض انك مثال للجمال فالروح قبل الشكل
ياعني المفروض ان كل واحد مننا عنده البنوته اللي بتروق عليه وبتظبطله دنيته ومزاجه وتشيل معاه وتستحمل منه
وبتبقي هي شياكته ولازم التاتش بتاعها فحياته والا الدنيا تتلغبط وتبقي قاسيه وجافه معاه
بتبقي حلوه اوي وكيوت من غير بوز .. طب ليه بتبوزي
ضحكتك بتبقي جميله اوي .. طب ليه بتنكدي
لمستك بتبقي ناعمه .. طب ليه بتخليها جافه
بتبقي منبع للحنان .. طب ليه بتقسي
طبعك رومانسي وحساسه .. طب ليه بتقلبي جعفر فجأه

تقدري توصلي لكل حاجه انتي عايزاها ومحدش يقدر يمنع عنك حاجه بمواصفاتك دي .. طب بتاخدي اللي انتي عايزاه بالعند وانتي عندك مليون سلاح تقدري تاخدي حقك بيه

كيدك عظيم وده ذكر فالقران .. ليه بتبقي هبله وممكن يضحك عليكي

وقبل متشتموني .. انا لسه هيبقي ليه كلام مع الرجاله .. بس الاتيكيت بيقول انتي الاول

مع لقاء جديد لو كان ليه عمر ومتقتلتش النهارده
#تابعونــــــــــــــــــــــــا

Animated Photo

Post has shared content
#حمله_بشياكه
السلام عليكم وهلا بكم من جديد
هنحكي سوا فموضوع شيك جدا جدا جدا
تعرف تختلف وتتخانق وتاخد حقك بشياكه
ازاي

تعالي نتعلم سوا


فنون الرد ...
أراد رجل إحراج المتنبي
فقال لـه : رأيتك من بعيد فـظننتك امرأة !!
فقال المتنبي : وأنا رأيتك من بعيد فظننتك رجلاً !
فنون الرد ...
قال وزير بريطانيا السمين تشرشل لبرنارد شو النحيف :
من يراك ياشو يظن بأن بريطانيا في أزمة غذاء !
فقال : ومن يراك يعرف سبب الأزمة
فنون الرد ...
أقبل جحا على قرية فرد عليه أحد أفرادها قائلاً : لم أعرفك يا جحا إلا من حمارك !!
فقال جحا : الحمير تعرف بعضها!
فنون الرد ...
رأى رجل امرأه فقال لها :
كم أنت جميلة!!!!
فقالت له : ليتك جميل لأبادلك نفس الكلام !
فقال لها : لابأس اكذبي كما كذبت
فنون الرد ...
كانت حزينة فقال لها : أنت ثاني أجمل فتاة رأيتها .. قالت : ومن الأولى ؟ .. فـقال : أنت حين تبتسمين* !! ( أعجبتني )
فنون الرد ...
التقى الجاحظ بامرأة قبيحة في أحد حوانيت بغداد فقال : " وإذا الوحوش حُشرت " فنظرت إليه المرأة وقالت : " وضرب لنا مثلاً ونسي خلقه "
فنون الرد ...
كانت امرأة تسوق أربعة حمير وإذا بشابين سائرين بجانبها فقالا لها: صباح الخير يا أم الحمير فأجابتهما على الفور: صباح النور يا أولادي.
فنون الرد ...
گان رجل مسن منحني الظہر يسير في الطريق فقال له شاب بسخرية : بكم القوس يا عم ؟ قال : إن أطال الله بعمرك سيأتيك بلا ثمن ♡'
( مميز جدا )
فنون الرد ...
أكل أعرابي عند أمير وكان شرهاً، فقال الأمير : مالك تأكل الخروف كأن أمه نطحتك !؟
فرد الأعرابي : ومالك تشفق عليه كأن أمه أرضعتك؟؟؟

#تابعونــــــــــــــــــــــا

Photo

Post has shared content
السلام عليكم ورحمة الله وبركاته
وهلا بكم من جديد

مع #حمله_بشياكه

وسؤال صريح جدا جدا وكلام مريح جدا جدا

هل الحب كافي للزواج ؟
هل ممكن اتزوج واحده لمجرد اني حبيتها ؟
وهل انتي ممكن تتزوجي واحدلمجرد انك حبتيه ؟

الاجابه اللي ممكن تزعل ناس كتير
لا والف لا
عمر الحب مكان سبب كافي للزواج
ولا ينفع اصلا انه يكون محاور ارتكاز الزواج

فالحقيقه الحب شئ جميل جدا واحساس ممتع بس بالرغم من جماله نيجي عند الزواج ونعمل STOP في عوامل تانيه خالص لازم نبصلها زي الدين والاخلاق والثقافه والفكر والطموح والطبيعه الشخصيه والنظافه الشخصيه والتسامح والقلب الطيب والتفاهم والمرونه .... الخ

الحجات دي اهم مليون مره من الحب لان هي اللي بتجيبه اساسا وهي اللي لو مش متوفر منها حاجه فالشخص اللي بتحبيه او بتحبها هيموت الحب ده بمجرد ميفقد عنصر الاشتياق وتبدأ الدنيا تقوم بدورها معاكي او معاك

وعشان كده حالات الطلاق بقت كتيره اوي عندنا
لان احنا بعدنا عن عوامل المعيشه والتعايش وبصينا للحب والمتعه وبس

الي لقاء اخر
#تابعونــــــــــــــــــــــــــا
Photo

Post has shared content
حصريا
#حمله_بشياكه
اصقائي الاعزاء
اهلا ومرحبا بكم من جديد

اول حاجه انا عايز بس اعرف الناس ان انا مش شيخ وان كان ده طبعا شرف ليا
ولا انا مدرس ولا مدرب ولا معلم ولا انا حتي علي ثقافه او علم يختلف عن الناس بالعكس انا ممكن اكون اقل بكتير من ناس كتير

بس انا كل الموضوع ان لما بقابل مشكله معينه او موقف معين او بتعامل مع حاله معينه او حدث معين وده بحكم ان تقريبا فالشارع 24 ساعه بحب احكيها ربما يكون في حد تشابه عليه نفس الموضوع فيستفيد منه

وكمان مش شرط ان كل كلام اكتبه يكون خاص بيا انا او يكون بيوصف حالتي انا .. لا خالص ممكن يكون مجرد كلمات عجبتني

وارجو من كل واحد يشوف منشوري انه يتفاعل عشان توصل رسالتي اللي عملت المنشور عشنها اصلا .. وياريت كل حد يقابله موقف او مشكله برضه يحكيها لان المواقف بتتكرر فممكن تفيد حد بيه ..

صدقوني المعلومه التافهه بالنسبالكم ممكن تكون مهمه اوي بالنسبه لغيركم .. وكلامي عن تجربه .. مش كلام فالهوا

#تابعونـــــــــــــــــــــا
Photo

Post has shared content
هلا بكم من جديد
وعلي سبيل التغيير
حته كده من الشرخ الجواني

حبيبتي ......

عيناها لئالق مكحله لا وصف لها
خدودها موروده ولا يوجد في جمالها
شعرها سلاسل تعزف علي كتفها سيمفونيات جمالها
ولسانها لا يلفظ بعيب ودوما ينطق بالالحان
شفتاها مطعمه بلذه الرمان
وعودها منحنيات من ابداع الرحمن
ملمسها ناعم مثل الحرير
وصوتها رقيق كالاغادير
وهمسها اروع من زقزقات العصافير
فاذا اقتربت مني والتفت اليها .. وجدتها حلما كبير
فحبيبتي جمالها لاتراه الا فالاساطير
Photo

Post has shared content
#حمله_بشياكه

السلام عليكم ورحمة الله وبركاته ومساء الخيرات
هلا ومرحبا بكم من جديد
مع موضيعنا الرخمه والطويله والممله
وكالمعتاد اتمني انكم تشاركوني بارائكم وتعدلولي اخطائي .. ممكن اكون بقول اي كلام وخلاص

والنهارده هتكلم معاكم علي حاجه قويه اوي اسمها الرغبه

ممكن اول متقرأ اسم الموضوع تتخض من الكلمه ودماغك تروح لبعيد بس كمل هتفهم

الرغبه دي هي تعتبر محور ارتكاز حبك للشئ بمعني ان طالما الرغبه متوفره فده دليل علي حبك لحاجه معينه وانت راغب فيها

بس انا بقي كلامي هيدور حولين امارات الرغبه دي ياعني انا بحب انسانه وعندي رغبه فوجودها ديما جنبي طب انت عملت ايه عشان تحقق الرغبه دي ايه اماراتك

انا لو رغبت فالجواز مثلا بتلاقيني جهزت نفسي وحوشت فلوس وخدت خطوات توصلني للجواز
لو عندي رغبه فعربيه معينه بتلاقيني سألت عنها وعن امكانيتها واسعارها وبدأت احوش ليها
لو عندي رغبه فشغل في مجال معين تلاقيني اخدت دورات وكورسات تأهلني

لازم يكون مع الحب في رغبه وفي امارات وخطوات

لو هاخد من الموضوع علاقة الزوجين ببعض .. من غير الرغبه واماراتها بيحصل للحب خمود
ياعني انت لازم تبقي ليك امارات في حبك لزوجتك والعكس صحيح
من غيرها يحصل ملل وفتور .. وتبدأ تشتعل نيران الخنقه

ولو هاخد منه علاقة الاصدقاء ببعض فلازم برضه الصديق يحس برغبه ان يبقي مع صديقه ولازم يكون لده امارات طب لو مفيش الرغبه والسعي اننا نبقي جنب بعض ... فين بقي الصداقه دي ؟

خد بقي المقياس ده وطبقه علي كل حاجه فالدنيا حوليك .. هتفهم الموضوع

واخيرا اتمني ان ينال الموضوع اعجابكم وان اكون قد وفقت في التوضيح
ومنتظر تعديلكم ومشاركاتكم
والي اللقاء في موضوع اخر
#تابعونــــــــــــــــــــــــا
Photo

Post has shared content
حصريا
#حمله_بشياكه

السلام عليكم ورحمة الله وبركته
هلا بكم من جديد

ومع موضوع خفيف ولذيذ
هنتكلم سوا عن التفكير خارج الصندوق ... او الحياه خارج نطاق الجد .. او التعايش خارج الروتين

بطبيعه الحال كلنا مشغولين ومسحولين والدنيا خطفانا ومحدش فايق لحد .. وفالغالب لما تقروا الموضوع هتقولوا عليا شخص رايق وفاضي .. والله اعلي واعلم بالاحوال

ولكن لو عشنا في روتين كل يوم رايح الشغل وراجع من الشغل وبنام الساعه كذا وبصحي الساعه كذا وبلبس كذا وبنزل فالوقت كذا وكل الخطوات محسوبه ومتكرره ومجدوله فالحقيقه هيتملك منك الروتين وهتصاب بملل شديد هيقفل حياتك
وهتحس ان قلبك مقفول وعقلك ديما مشغول وبالبلدي هتبقي عامل زي ام العروسه فاضيه مبتعملش حاجه لان حبايبها بيعمللها كا حاجه ولكن هي مشغوله .. وفالحقيقه الحاله دي رخمه اوي

طب نحلها ازاي او نخرج منها ازاي
نخرج منها بكسر الروتين .. وبالافكار المجنونه .. ياعني مش لازم كل متعد مع اولادك تبقي الضابط الرابط العب معاهم شويه .. مش لازم طول اجازتك نايم .. لا اخرج اتمشي شويه .. مش لازم علي زوجتك تبقي ديما بتعدل وبتدي تعليمات ولا لازم هي كمان تركز معاك فكل حاجه .. ياعني فوت اللي ممكن يفوت ومتركزش اوي وعدي اللي ممكن يعدي

مش لازم ديما تبقي لابس كلاسيك او فورمال .. غير شويه والبس كاجوال .. والعكس صحيح

مش لازم ديما تبقي انت المعلم .. خد مره كده تبقي بتتعلم

مش لازم ديما تبقي جد .. ياعني احيانا التفاهه بتكون حلوه

حن شويه لماضيك وزكرياتك وفكر فيهم

اغتنم من يومك شويه وقت وعيش لحظات حلوه واستمتع ياللي حوليك

خد من وقتك شويه للهزار والمرح والضحك واللعب .. صدقني هتفرق كتير جدا معاك

مش لازم كل حاجه تكون محسوبه وبالورقه والقلم .. ادي نفسك فرصه تغلط .. الغلط برضه بيعلم

#فكك_شويه_وفك_التكشيره
والي لقاء اخر .. مع موضوع اخر .. واتمني اني اكون مفيد ومكنش بهري فالفاضي
#تابعــــــــــــــــــــــونا
Photo
Wait while more posts are being loaded