شباب المشارك ابقناة ابن الدورة بالتلجرام ممكن ايضيفني هذا رقمي 07708023846

Post has shared content

Post has shared content
برنامج رحلتي في السادس:..
سراج من الطلبة الاوائل ، بمعدل ٩٩ وحب يشااركم نصيحة بسيطة حتى تستفادون ،

....................................
اخواني وزملائي الطلبة ... كل انسان عندا اهدافه ويسعى الى تحقيقهم .. فقبل كلشي خلي هدفك كدامك وتوكل عل الله وسوي الي عليك ... باوعوا اهم شي تخلي بالك .. هو اسوي الي عليك فقط ولتفكر بالنتيجه .. النتيجه مو مهمه صدك هي تحصيل حاصل .. هي هبة من الله سبحانه وتعالى ولكن ما عليك فقط هو تدرس بكل ما تستطيع .. واعلموا دائما النتيجه تكون على قدر الجهد .. وعند التوكل عل الله تكون النتيجه لا تخضع لموازين البشر ... باوعو احبائي سنه السادس علمي . سنة طوارئ .. يعني شلون
يعني المفروض تعب نفسك شوية .. وتقلل من طلعاتك وتقلل من النت ... بس مو يعني فد مرة .. لا بلعكس تطلع وتروح مطاعم وتلعب طوبة بس بانتظام وليس باسراف .. الاسراف بهذني الاشياء يضيع عليك كثير من الوقت .. اما بالنسبة للدراسة فالسنه متمركزة على ثلاث ارتكازات .، اي خربطه بوحده منهن يسببلك اشكال .. يصعب التغلب عليه .. الارتكاز الاول المراجعة اليومية وهي اهم الارتكازات والاساس تعتبر .. مراجعتك اليومية تكون مضبوطه لازمة والموضوع يحتاجلك تقراه خلال الفصل الاول مرتين عل اقل وبنص السنه مرة وبالمراجعه مرة ياله سيطر عليه هاي لكل المواد .. والارتكاز الثاني هو شهرين المراجعه مهمات جدا .. بهاي الشهرين لازم تكون صبور جدا ومتمل صحيح مزعجات شويون بس انت اذا اشوف هدفك وتكون مصر دائما تتغلب على هاي الشهرين وتطلع كبل .. والارتكاز الثالث ليلة الامتحان ماذا تقرا ؟؟ هاي تعتمد عل خبرتك كل سنة .. المفروض خلال السنه تحدد المهم والي تتوقعه يجي والاسئلة الوزارية وما شابه من ذلك مهمه جدا ... انت اذا سيطرت بجميع هذني النقاط الثلاثة بأذن الله تحصل على معدل 96 فما فوق ....
اكو شغلتين همات احب اركز عليهن ..اما الاول .. دائما حب المساعدة للاخرين .. فخير الناس من نفع الناس ولتبخل بالمعلومات بس للنفسك صدكني سر النجاح مساعدة الاخرين .. والثاني واهم شي الدعاء الدعاء للنفسك وللاصدقائك .. واستغل علاقتك مع هذا الرب الرحيم .. واشكو له واشكره واحمده على كل شيء .. فالله اقرب الينا من كل شيء .. ولا يخيب حسن الظن به ابدا .. ارجو ان لا تنسونا من الدعاء وفقكم الله ورعاكم اخواني في الله واحبائي ..
...............
ملاحضة : كادر البرنامج يحتوي على اكثر من ٥٠ شخص من الاوائل فاي استفسار، ممكن يجاوبون عليكم
وانتظروا المفاجئة 😍منهم قريبا ..
..
والي يحب ينظم لكادر المتفوقين 💪
يرسل معدله 👈 @Mrtadha_Ab

تجارب الطلبة المتفوقين استفادو منهه صح طويلة بس كملوهه للاخير كلش حتفيدكم
اللغه العربيه تاخذ اساسك منها من الابتدائيه واذا معدك اساس وعدك امكانيه تكدر تدخل خصوصي ياريت لان تستفاد هواي او القنوات واليوتيوب كلش مفيدات ..دخلت بي خصوصي وجان طريقه المدرس كولش حلوه بحيث يخلي الماده متنسي وحتى فرضا رحت للامتحان ومملحك تكدر تذكر من خلال هاي الطريقه وترة تكدرون اتسووهه انتم تجيبون ملزمه مدرس واحد تعتمدون علي مو اكثر وكل تحضير تمتحنون بي ورقه وقلم وحتى النقاط ع الهاء مراح تنساهه ويكون مقسم اربعه اقسام القسم الاول من البدايه الى الجواهري والثاني من الجواهري الى نازك الملائكة والثالث من نازك الملائكة الى محمد خضير والقسم الرابع من محمد خضير الى النهاية بحيث من توصلون نهايه القسم الاول مثلا قبل لتدخل بالقسم الثاني سووي امتحان شامل بالقسم الاول كله من جديد ككل وبعدين من تخلص القسم الثاني تحاضيره هم سوي امتحان شامل بي ككل وحده وبعدين سوي امتحان بالقسم الاول والثاني حتى لو واحد من اقربائك يسوي الاسئله وكذا بعدين يلا تتنقل للقسم الثالث ونفس الطريقه اعلاه والقسم الرابع وبعدين مو تمتحن نفسك بالقسمين الثالث والرابع لا امتحنه ك شامل بالملزمه كلها هم توفير للوقت بهذا وهم فائده ولاتنسون اهم ربع او قسم هو الثاني والرابع ابد لتعوفوهن وهيج ح تنضبط الماده بالعطله وتجيك درجه كاملةة فول وبيوم الامتحان مثلا احنه جانت فترتنا قصيره فه حاولنه النص يوم للقواعد واليوم الكامل ادب 7 ساعات كلش كافيه وزياده همه حتى لو بس تقلب بي لان ماشي ع هالطريقه بالعطله وقاري بفتره المراجعة وكله يبقى بالذهن وتروح مسيطر وثق بالله ميضيع تعبك
○○○○○○○○○○○○●●●●●●●●●●●
القواعد:- الي ضعيف بالقواعد خل يستخدم هاي الطريقه اني هم جنت اسويها وكلش فادتني ...واذكر#نفس المدرس الي استخدمت ملزمه الادب مالته استخدم القواعد حتى لاتشتت هاي فقره مهمه.... تاخذ اول شي بصوره عامه ع الموضوع مثلا الاستفهام وتقراه ورقه ورقه وتحاول تفهم زبده الموضوع وبعدين يمك ورقه وقلم او سبوره صير انت المدرس بهاي الحاله واشرح لنفسك كانما تشرح الطلاب وشوف النتيجه شلون ح تفهم مضبوط بس اهم شي تركز بكل نقطه وهكذا بكل المواضيع ومن تكتبهن بورقه ضمها هاي الورقه لان دائما شرحك بايدك اقرب للعقل....وبالعطله ح تضبط الماده ع هالطريقه بالعطله واي سؤال خارجي تكدر تحله وبالضمان وتقراهه بالمراجعه تجي فتره الامتحان جان بوكتها يوم ونص مثل مكلت تقره بالنص يوم القواعد بس الاساسيات تاخذهن حتى لو تكلبهن هم ح تجيب درجةة كامله واهم شي الثقه بالله والتوكل علي...
اني استعملت ملازم الاستاذ محمد عبد الواحد كريم الماده واضحه بينه وطرق تسهلك الموضوع واكو مدرسين هم ع النت عباقره وخصوصا ببرنامج رحلتي المميز ....
○○○○○○○○○○○○○○○○○○○○○○○
الانشاء:- كلمتين بالقواعد والادب ضامنهن الانشاء مضمون درجه كامله لان بالتصحيح يقدرونه حسب اعلى درجه بالقواعد او الادب حسب معلوماتي فالي ضابط الادب والقواعد ولا يخلي اهميه والي يريد يكتب انشاء لا يخلي المقدمه طويله يحاول يختصرر واهم شي الخط والكلمات حتى لو بسيطه
-----
ونصيحه اخيرةة واكررها لاتقرون اكثر من ملزمه اوك مابيهه شي اطلعو عليهن بس حاولو تتقيدون بوحده تختاروهه قبل لا تبلشون ولاتنسون كل التوفيق والفضل لله بالاول والاخر فمادام عدك هدف ودكول قبل لتبدي ح اخذ ميه وواثق بالله ميضيع تعبك كلش كافي حتى يقتل شيطان اليأس الي بداخلك ...والحمدلله جبت بي 99 وخطأي جان نسيت كلمه ما استخرجتهااا فلا تستعجلون راجعووو كلمه كلمه وحرف حرف حتى لاتكرر هالحاله والله يوفقكم

||٢||
العربي 😊 اعرف الاسئلة الي ابالكم شلون اخذ مية بالعربي ؟ شلون اقره العربي ؟ اكدر اقره العربي بدون استاذ خصوصي ؟ بالامتحان الانشاء نكتبه جاهز لو من يمنه انعبر ؟
العربي مادة سهلة عل الي يعرف شلون يقراها اني اخذت 96 راح احجيلكم تجربتي ويا العربي ومن خلالها حجاوبكم عل الاسئلة الي ابالكم 😉
اني بالعطلة ماخذت استاذ قريتها وحدي اعتمدت على نفسي اشتريت ملزمة بيها هواي ابيات وايات قرانية وانصحكم هيج تسوون شكد ماتكون بيها ذني الشغلات شكد ماتتدربون اكثر وتظبطون المادة قريت بالعطلة استفهام ونفي واستثناء اما الادب قريت لحد مدرسة الشعر الحر اجتي المدرسة جنت اقرة يوميا ومسويا جدول انه اكمل المواضيع يلي بقت قريت التعجب والمدح وذم وراها مريت بظرف مكدرت اكمل الجدول انلاصت عليا مرت الايام وجتي ايام وصلت عطلة نص السنه واني بعدلي التوكيد والتقديم والتاخير ونص الادب تقريبا من مدرسة الشعر الحر الى النهاية كمت بالاسبوعين مالت العطلة يوميا اقره 4ساعات الى ان كملتهم الحمدلله بفترة المراجعة راجعت العربي مرتين مرة اولى خليتله 10 ايام ومرة ثانية 3ايام طبعا من جنت اقره العربي جنت اقره بورقة وقلم وهذا اهم شي ابتعدوا عن الدراسة الشفهية قريت الموضوع بالملزمة حليت وزارياته من 1987لحد 2015 جميع الادوار اهم شي ركزوا عل تمهيدي لان تجي منهم هواي بعدين افتح الكتاب اقرة الامثلة الموجودة والتمارين ركزوا عليهم رجاءا👀👀لان دتجي منهم بالبكلوريا وهكذا استمريت لحد ماخلصت القواعد كله وجنت ورا ماخلص الموضوع اسوي ملخص ومخططات حتى مانساه ابد اما دراستي للادب جنت خلال فترة المراجعة يوميا ساعة او ساعتين ادب بحيث من وصلت الايام مالت العربي اني مخلصته للادب وبديت بيه ثاني مرة✌️ فجنت اخلص موضوع اقرة فد شي من الادب وانصحكم بهاي الطريقة لتخلون مثلا للادب 3ايام او هيج تملون منه لا خلوا ويا القواعد اني مثلا قريت الاستفهام خلصته قريت ادب من البداية لحد ابولوا ورا مكملت النفي رجعت للادب كملته من ابولو لحد الشعر الوجداني قريت استثناء وتقديم ورجعت كملت الادب لحد النثر قريت تعجب ومدح وذم وراها كملت الادب للنهاية وقريت اخر شي التوكيد وراها باخر يوم مراجعة حفظت ادلة وايات وابيات شعرية تساعدني بالانشاء وامتحنت نفسي باسئلة وزارية شاملة بالادب والقواعد وكانما اني بالبكلوريا😼
اما بالمراجعة الثانية فدرست بالمخططات يلي سويتها مالت كل موضوع وحليت وزاريات فقط وركزت عل ادب اكثرشي بالمراجعة الثانية #
انصحكم بالانشاء تبتعدون عن المقدمات الجاهزة اني راسا دخلت بالموضوع لان تذكر انه هواي طلاب يكتبون هاي المقدمات والمصلح لاعبة نفسه منها صار شكم سنه تنعاد عليه فهو مرايد شي منكم بس عبروا من يمكم اني حجيت شوية من الاسلامية شوية من الادب اذكرت قصة صغيرة كتبتها وطلعت اهم شي الخط حلو واضح وتحركون الكلمات. اهم شي بدراسة العربي تسخدمون الذكاء
اتذكروا ماكو شي مستحيل👊👊 🏆🏆
وان شاء الله مايضيع تعبكم

^^مشاركة^^
الي خايفين من العربي اني اكبر مثل الهم طبعا سجلت خصوصي مو مسجلت وارسب بي ولا امتحان بالمدرسه نجحت دخلت بالعربي الي سويته اشتغلت ع العربي مخليت ايام محدده جنت مسويه جدول للمواد والصبح ساعتين او باليل ساعتين اخليها بس العربي يوم ادب ويوم قواعد واني الادب جنت حافظته بس القواعد صفر ظليت طول فتره المراجعه اقرا ساعتين باليوم او اكثر واحل وزاري واثرائي اجتي اسئله الوزارري انصدمت شفتها سهله جدا العبره مو خصوصي العبره دراسه زينه ومركزه والحمدلله جبت 90 بالعربي وجنت احلم اوصل 50😂

Post has attachment
ليش ماتعلقوا ابيه شنو اصنام
Photo

اني عضوه جديده اكو ترحيب لو اطفر

Post has attachment
منقول من رحلة السادس الاحيائي والتطبيقي والادبي:
هام جدا .....انتباه
ما يجب ان يعرفه كل طالب قبل البدء بالدراسة
الی طلاب السادس الجدد بكل فروعه
تم انهاء الباب الاول من كتاب
دليل الطالب في السادس 2016
رابط التحميل
http://up.top4top.net/downloadf-162f4uf0-pdf.html

رجاء اقرؤه لان جدا مهم الكم ولازم تعرفون هاي المعلومات قبل البدء بالسادس ....

انا ضيفة جديدة اكوا ترحيب لو ١٠٠٠ وارجع
Wait while more posts are being loaded