Post has attachment
Auguri a tutte le mamme della Comunity
Photo

Post has attachment
Varie Sardegna
PhotoPhotoPhotoPhotoPhoto
05/05/17
15 Photos - View album

Post has shared content

Post has attachment

Post has attachment
Anche "Anima Sarda", sostiene la petizione per chiamare #Gologone uno dei pianeti appena scoperti. COSA ASPETTI, FIRMA ANCHE TU!
http://www.animasarda.net/cultura_societa/2017/02/25/chiamate-il-nuovo-pianeta-gologone/

Post has attachment
PhotoPhotoPhotoPhotoPhoto
23/02/17
74 Photos - View album

Post has shared content
PETIZIONE ALLA NASA PER CAMBIARE IL NOME DEL PIANETA TRAPPIST-1 F IN GOLOGONE, IN ONORE ALLA FAMOSA SORGENTE SARDA. FIRMA ANCHE TU LA PETIZIONE!
PETIZIONE ALLA NASA PER CAMBIARE IL NOME DEL PIANETA TRAPPIST-1 F IN GOLOGONE, IN ONORE ALLA FAMOSA SORGENTE SARDA. FIRMA ANCHE TU LA PETIZIONE!

Post has shared content
LA BALLATA DI PASCA, di Antioco Casula "Montanaru"

Cal’entu de sos montes solitarios
mi dêt ponner in coro impetu tantu
pro cumponner a tie mutos varios
cun dulches armonias de piantu?

Zente orgolesa ch’istas in s’altura
chei s’istore amante ’e libertade,
pronta a s’odiu, abile a sa fura,
ma ricca ’e tanta sarda bonidade,

Bene ti podes tue gloriare
de Pasca s’animosa verginella
ch’andeit in sos montes a girare
comente un’antiga fada bella.

De iras fit Orgosolo opprimidu,
de luttos graes, prite dogni die
essiat a su monte unu bandidu
e unu mortu attian a merie.

Nemos haiat sa vida segura,
nemos godiat tranquillidade
ca sos odios senza piedade
fascaian sos coros de paura.

E tue, Pasca, sabia e onesta,
in mesu a tantu tribulu e dolore
fisti comente diligu fiore
sutta sos bentos de una tempesta,

Suffrinde muda e solu cunfortada
dae s’amore de unu giovaneddu
chi pariat un’ilighe noeddu
e tue fisti s’edera istimada.

E pensaizis in cussa vigilia
de mala sorte a poder procurare
su nidu pro pesare una familia
coment’ischin sos coros disignare.

Ma una die s’omine istimadu
a s’ora istabilida non s’est bidu:
innozente l’haian imputadu
e in mesu a sos montes fit bandidu.

Mal’assortada e misera Paschedda
sa vida tua fit trista ei su logu
in sa coghina rustica e niedda
privu ’e cumpagnia e senza fogu.

De sas femminas sardas sa tristura
a tie subra intendesti tott’in duna
falare, che pesante nott’iscura;
tu’ intendesti sa mala fortuna

De Orgosolo. Mammas senza fizos,
orfanos tristos, giovanas battias
cun su piantu suzelad’in chizos
e distruttas sas mezus familias.

Su restu in giru in sos montes desertos
andende lestros, vigiles che feras
subra sos nudos cuccuros apertos
testimonzos de tantas violeras.

Tue puru pensesti de lassare
sa domo ei sos parentes chi tenias
pro currer in sos montes a girare
a fiancu de cuddu ch’amaias.

Lassesti chi sa notte esset falada
a sa terra orgolesa, tenta a frenu
e dae tantos soldados vigilada
che campu nemigu in log’anzenu.

Sos montes chi nieddos fin istados
tottu notte, fin como biancastros:
dromian barraccellos e soldados
e in chelu lughian pagos astros.

E tue partesti abile e lizzera
cun su passu de agile muvritta
de Supramonte a s’aspr’iscolliera
animada d’amore e de vinditta.

A sas lughes serenas de su die
sos bandidos chi fin de sentinella
in d’una punta, bidein a tie
avanzare che mattutin’istella.

«Frades – nareit unu – frades caros!
Sa chi s’avanzat dae frasca in frasca,
si custos ogios mios biden giaros,
paret a s’assimizu tottu Pasca!».

Cussos omines fortes bardaneris,
l’iscortein in s’ora mattutina,
comente sos antigos cavalleris
ischian accumpagnare una reina.

Ei cussa reina senz’ispada,
senza corona lùghida de oro,
diventeit de cussa band’armada
sa guida gentile ei su coro,

De badde in badde e dae monte in monte,
camminende in sas oras suspettosas
o giumpende sos rios senza ponte
in mesu a sas currentes furiosas;

E a istare a s’apertu senza mantu,
cun sas armas in manu, a cuntemplare
de sos chelos serenos cudd’incantu
e sas umbras luntanas de su mare.

Tue a denante, bona e sufferente,
camminaias, anima gentile,
cun sos dolores de sa tua zente
clamende ’e domo tua su foghile.

Cussa dura e sighida sufferenzia
piegheit comente modd’olia
sa sua frisca, giovan’esistenzia
a sos attaccos d’una maladia.

Pro Pasca cuminzait su martiriu
ch’issa suffreit senza faeddare,
cunsumindesi simile a su chiriu
chi alluimos subra ’e s’altare.

E sos bandidos dae giassu in giassu
la giughian che santa in sa lettera,
a testa bassa, a misuradu passu,
ca fit issa s’issoro bandiera.

In dogni pasu, unu lettu ’e frasca
fit dae sos cumpagnos preparadu,
pro chi s’essèret riposada Pasca
in cussu suo doloros’istadu.

Puliziottos cun carabineris
istringhian su logu che cadena.
Ohi terra ’e Supramonte, non t’aperis
a ingullire tanta dura pena?

Pasca nâiat: «Lassademi sola
e pensade a sa ’ostra libertade,
ca tantu so che trigu in mesu mola,
sicca so chei s’orzu in prim’istade».

E la giughian debile e consunta
subra lettos de frasca. Sazerdotes
parian, viaggende cun s’Assunta
in sas silenziosas frittas nottes.

Sos bandidos, sa die chi morzeit
pianghein che miseros pipios.
A s’issoro succuttu rispondeit
sa ’oghe dolorosa de sos rios.

Pianghein sos montes dae s’adde
a s’altura, ca morta fit sa fada
de sos bandidos, Paschedda Devadde
sa virgine de Orgosolo istimada.

Sos camminos fin tottu vigilados
e nessunu podiat trafficare,
ca bi fini che muscas sos soldados.
Puru bisognaiat a intrare

Cun sa povera morta. E sos bandidos
intrein in sa notte dolorosa
in Orgosolo, fortes e timidos
giuttende in brazzos sa bianca isposa.

La ponzein pianu in d’una mesa
e sa este nodia de sa festa
li ponzein in dossu. Ite grandesa
de sarda gentilesa manifesta!

L’allumein sos chirios in giru,
li ponzein in manos sa corona:
pustis tanta dolenzia e martiru
pariat pius bella e pius bona.

Orgosolo accudeit totta canta
pianghinde, ca Pasca fit torrada
dae sos montes, verginella santa,
de dolu e d’amore coronada.


Photo

Post has shared content
PASKA by Paco Corrias

Post has attachment
Breve scenetta comica in lingua Sarda recitata da giovanissimi attori amatoriali di San Giovanni Suergiu
Wait while more posts are being loaded