Post is pinned.
√√مــا عـــاد اتــمــنۍ #ولـاعــاد_ابي_شــۑ➪�

√√انا لـوجـــۂ اللــۂ #تـركــﭢ_امـنــيـاتــۑ➪�
← فـرصــۿﮧ سعيــدۿﮧ
#في_حدا_صاحي ➠ ✌

Post has attachment
اذا حدتك سود الليالي وحظك نام 
وضاق الفضا بك والمقادير غلابه
توكل على اللي بيده يحقق الأحلام 
ليا قفلت الابواب ماينقفل بابه
وناجه وتبشر بالفرج والسعد قدام
من الواحد اللي ما بعد خاب طلابه
ولا تلتفت في اللي يردد من الاقزام
ضعاف النفوس اللي بلاعراض شذابه
ضريبة نجاحك يطلع من اصدقاك أخصام 
وتكشف نوايا كان بالامس كذابه
يامل السلامة لا تشره على الايام
ومن صد من شرواك لا تحسب احسابه
وتخير صديق تفتخر به لمنه قام
وهو يفتخر بك كل مايذكر اصحابه
وعز الرفيق الصادق الوافي المقدام
رفيق السعد لصار للحق طلابه
وترى الكفو في وقت الشدايد سند واحزام
ترى اللاش كم تفقد عزيز من اسبابه
Photo

Post has attachment
طوينا خيام الحب ياللي تبي المنزال

نوينا الشديد من المحبـه واراضيها

دلال الهوى معاد فيـها ولا فنجال

تقهويت لي دلـه وطلقت ما اثنيها

Photo

Post has attachment
الشوق ماله عمر يفنى وينعاد 
له في الضلوع أن عاد وأن غاب رجفه



مع كل فرقا له ورى الجفن ميلاد 
وأن ماتت الفرقا لقى الشوق حتفه



جيت أقتل الفرقا من بلاد لــ بلاد 
ملّ الطريق يشيلني فوق كتفه



وأنا بعد مليت من كثرما أرتاد 
هالشارع اللي كان لك فيه شرفه



تظمأ عيوني شوفك وتشبع سهاد 
عيّا الزمن يقطع ظماها بــرشفه


لاوجهك أسقاها ولا ذاقت رقاد 
ماغير طيفك , طيفك اللي أعرفه



كنّه ظبي , وعيوني ظلال صيـاد 
يجفل قبل يرتد للجفن طرفه



مشكلته أنه كل ما اشتقت يزداد 
حتى ملا جدران وقتي وسقفه



وأصبحت أشوفه فــ أول الغيم لاجاد 
وفــ أقصى الشفق لاطاحت الشمس خلفه



وفـي الأرض لانامت عقب صوت رعاد 
وفي كل شباك ٍ صحت منه درفه



أتعبت طيفك لوم واللوم مافاد
ويوم الأمل في شوفتك مات نصفه 



نويت أسافرعنك بجروح ٍ جداد
وعمر ٍ من أوراق الزمن حان قطفه 



نويت, لكن جابني الشوق منقاد
وجابك حنينك والزمن سال عطفه 



شفتك تبــسّـم لي خجل مدري عناد
وفي نظرتك شوق ٍ من الظلم وصفه 



حسيت كني طفل وعيونك أعياد
ياعيدي اللي له ورى الصدر رجفه 



سـمّ اللقا صدفة , وأسـمّيه ميعاد
أنا أنتظرتك , وأنت مريت صدفة


Photo

Post has attachment
لو تفرق بيننا سود الليالي لو يحول الدهر وصروف السنينا 
لا حشا منساك لو طال المطالي ف الحشا مطبوع رسمك يالضنينا 

انته عمري يالغلى من كل غالي وانت شوقي يامنا قلبي الحزينا 
العمر يفداك مع حالي ومالي في هواك يهون كل صعب مهينا 

لو جفوني الناس واقرب الاهالي ماستمع قول الحسود الواشينا 
حيث قصرك فالحشا شامخ وعالي ساكن ودك بقلبي مستكينا 

ياغناتي ياشقا قلبي وحالي يادوايه وبلسم الجرح الدفينا 
ياغزال مرتعه روس المفالي ياقمر وضاح في نوره يبينا 

عالوفا باقي وعنك هوبسالي لك عهد والعهد عندي مايشينا 
لاتظن انساك يالغالي محالي لين روحي والعمر عندي يحينا 

لين جسمي يندفن تحت الرمالي وارتحل من دنيتي واصبح دفينا 
لك سلامي يالضنا ختم المقالي عد ما نسنس هوا الغربي زفينا
Photo

Post has attachment

ما بقى الا سود الايام تحرمك الرقاد 
كيف الاوهام اتجرأ اتسريك مغبون 

من متى تجزع من الدمع و تخاف البعاد؟ 
من متى تقفي بك ظنون و تجيبك ظنون؟ 

صرت تاخذ كذبتي صدق و مزاحي وكاد 
لو بقول اني بخونك تحسب اني بخون

ما تعرف ان كل شاعر يهيم بكل واد؟ 
و انهم دايم يقولون ما لا يفعلون؟ 

ابك انا لا قلت ابنساك و انكرت الوداد 
و الله اني مانسيتك ولاهم يحزنون

من جزع من صفعة الشمس يطمع بالبراد 
و من فقد وجهاته الخمس يلقى بك ركون 

اعتبرها هفوة انسان او كبوة جواد 
لو بتسمح فانت غالي و لو تجرح تمون

عد صداتك مروة و طعناتك ضماد 
خلهن لاراحن طعون و لا ردن طعون 

خنجرك يستاهل الطعن و متوني شداد 
و منك يازين الخناجر و يا بخت المتون

ردلي حنية المزح باحساس الجماد 
خلنا واحد يجي صلب و الثاني حنون

موت فيني و اندفن فيك بثياب الحداد 
و ان حييت أموت لرضاك و احيا بك بهون 

مره ارقد بالكفن و انت ترقد بالمهاد 
و مرة ارقد بالمهد و انت ترقد بالكفون

ادري ان شجونك شجون و اعنادك عناد 
و البلا ان عنادك عناد و شجونك شجون

ربك اللي سخرك لي تقود و ما تقاد 
و الله الخالق و لله في خلقه شؤون

ازرع ضلوعي من رضاك و ابشر بالحصاد 
لعنبو من جيت ترضيه و ترد محزون

بس تسوالك بلد ؟ قول تسوالك بلاد 
انت كل العالم بكون و لحالك بكون

مابعد محبتك حب و مرادك مراد 
غير كونك سيد حشاي تدري من تكون ؟

نعمتين اختصوا الخلق من جود الجواد 
كافل الأرزاق من حيث مالا تعلمون

البنون و نعمة المال في عيون العباد 
زينة الدنيا بلا شك في كل العيون

مثل زينة دنيتي بس عندي شي زاد 
من عرفتك صاروا المال و انت و البنون

انتشي بك نشوة التيه لعناق الرشاد 
و افزع الك فزعة القرم لشهاق الزبون

و احصنك تحصين الأرزاق عن درب الفساد 
و اعشقك عشق المظاليم لفراق السجون

لو تزيد الشوق جمرة تحولني رماد 
لو يزيد العشق شعرة بوصل للجنون

خل هقواتك كبيرة و نظراتك بعاد 
كانك انت بكبرك تهون من اللي ما يهون ؟ 

ازعلك و ارهن حياتي تحت رحمة زناد 
تهبى لا و الله الا انت و الموت تهبون 

عاد اذا ما ارضاك هرجي و لا اللي قلت فاد 
اننا لله و انا اليه راجعون 
Photo

Post has attachment
شكرا للمالك على الاضافة
Photo

Post has attachment
جف القلم يا رفيقي وانتها حبره= وكتبت باقي القصيدة من شرايني 
أصبر الهاجس اللي مل من صبرة=وأقول يالله عساها في موازيني 
ياكثر همي علي قلبي وياكبره = والوقت من كثرة أحزاني معنيني 
مافارق الضيق في صدري مغز ابره =ماشفتني عقب ذاك اليوم وش فيني 
أضحك وأجامل وأنا تخنقني العبرة=من خوفتي لا يهل الدمع من عيني 
الكسر واضح وانا مقدر على جبره =واللي كسر خافقي عيا يداويني 
ماهو على خبري ولاني على خبره=من يوم حال المفارق بينه وبيني 
الله يجازيه واللي صار ابي اعتبره=قصة غرام انتهت من قبل تنهيني
ومدام كثر التجارب تكسب الخبره=فأنا كثير التجارب معه تكفيني 
خذيت منه ومن درس الوفا عبره=ما أمن بأي واحد ما يدانيني
Photo

Post has attachment
صباحكم سعاده وامل سلام
خلف كل هاتف اشخاص يحملون هموما بحجم السماء ألم بحجم الموت وسعادة مؤقتة وسط غرفهم المظلمة البعض يكتبها أحرف ليهزأ منها فيما بعد او اشياء اخرى مسلية ومضحكة عله ينسى الخوف من الغد والبعض يراقب ويراقب عله يجد حكايته
Photo

Post has attachment
قولوا لها تكفون اني لها مشتاق
قولوا لها قلبه تحرق به الاشواق






قولوا لها عن حالتي والي جرى من بعدها
قولوا لها ياصحبتي اسهر اناجي طيفها
قولوا حياته في جلد ماغير شوفك مايبي






قولوا لها تكفون اني لها مشتاق
قولوا لها قلبه تحرق به الاشواق


Photo
Wait while more posts are being loaded