Post has attachment
قالو الحجيج قطع طالب نور البقع
قلبى زاد وجع حماني القيد منـع
**********
العبدُ قام شرع متقاصر ما بتع
جاب العسل نقع كباه فى القـــرع
ديوانه اجتمع أسقى لأهل السمع
مجذوبهم تف وقع كالمغشي الإنصرع
فى الدنيا ارتفع والاخرة نال شفع
قلبي زاد وجع حماني القيد منع
**
ثاني القصيد رجع فوق بهجة البقع
قمر القسوم طلع الضوا ما انقطع
فى العرش لاح سطع الذاكر ما اضجع
يوم النهار صقع لولاه نروح جرع
قلبى زاد وجع حمانى القيد منـــــع
**
العالي في القدر ذو العز والفخر
لو طول ولو قصر لو غليد ولو نسر
فى حقه الصبر حين ينزل الامر
شفيعنا فى الحشر ليلة عرقنا يخر
التبعك لي الختر والخالف من حاله كر
قلبى زاد و جع حمانى القيد منع
**
دقوا النحاس ردف جا صاحب الوظف
ركب الصديق وقف اتيامن وحــــلف
معلوم بهدم الصف ما بعاين الطرف
مابخلى الدم يجف رقدهم كالعلف
والعوق من عنده رف
قبض الملوك عنف كدى جرَّ الكي خلف
قلبى زاد وجع حماني القيد مــــــــنع
**
دقوا النحاس ضرب جا صاحب الادب
فاروق الاحتسب القام للدين نصـب
سل سيفه المو كعب يغرز فى الدرعين جب
السيمت اب هجب من عنده قام هـرب
رسلهم بالسلب للهاشمى العجب
قلبي زاد وجع حماني القيد منع
**
يا فمي قول السي للنسبو من امي
فارسا بريد الدي ضربه النجيض مو ني
سيفه الما بفضل شيء الدبرة الفيها
الغي شقاها وخلف الكـــــــــــــــــي
نصر القديم الحي زوج ام كلثوم و رقي
قلبي زاد وجع حماني القيد منـــع
**
دقوا النحاس ورز ركب المضرغم هز
دخل المداين جز خلا الرمم كالبز
فى الارض ماهن نز كل المشركن فز
ود عمه الليل برز نصر اب علامة وعــز
قلبي زاد وجع حماني القيد منع
********
يا حي يا مجيد
ندعوك الفين جمل على المشهاد والايد
ميتين للمويـــه والزاد نجفى البليد
ميتين لاحبابنا الجمبي والبعيد
ميتين للفقرا البقروا فى المســـيد
جملى البدورو ما اظنو يتوجد
ابيض فى لونه وعلى الدبلان يزيـــد
افطس قدومو قلما مبري بي الليد
ورهاف آنافو تام شوفو بي تاكيد
سمحات عيونو ختما دق ود تبيــد
شارفات اذنيه مكلوفا يا الرشيد
زمامه الفضه اربع تاواق ويزيـــــــد
خناقو الشولق غشيم دهب العبيد
رسنو حريرا بارد لي مسك الايـــــــــــد
ان قلت رقبتو كالروقه الفي الهويد
مكوكب زورو والفدعة العند الايــــــد
ضامر حشاهو ماهوالبدين عريض
مرخي عرقوبو شوتال مدقوق جديد
سمحات سيقانو كا ليد المن حديـــد
مدور خفه فى الوطية مو عريض
شارف سنامو قبة سيدى العبيـــــد
إن قلت ذنبو فوق الشبرين ما بزيد
طبعو المؤدب لو عاصي لو عنــــيد
كدى جيبو و نوخو يا المرضي ويا العبيـد
سو فوقو سرجا مكسي محشي جديد
ان قلت مجدولا كالفصل الفى العقيــــد
أفرش لي الفروة يا تويلى يا برعيد
قام تبَّ بينا يضرب و ينفض الايـــــد
ان جاك ماشي كيف عفرت الصـعيد
يا اخوي أبراهو من كونك ماك جديد
خنق للطاره طالب الرسول الســـيد
ريس السفينة قال اهلا مداح الســــــيد
بلاش ادخلوا ان شاء الله توافوا العيد
ودخلنا فيها كدي قلنا يا مجـــــــيد
فى سروة واحدة وصلت بقدرة السيد
فى جدة خروجنا مافينا من مريض
وحلقنا شعورنا ورجمنا خصم السيد
طاري المنارة ام شبكا من حديـــــد
قلنا له سلاما يا سيد رسالة اب زيد
قال اهلا مرحب انا قلبى ليك بريـــــد
انت واحبابك الجمبي والبعيد
تسكنو قصورا شامخات بلا تحديـــد
يات من كان منكم الفين حورية نهيد
وا عيب الراوي الما رتل وقال قصيد
يوم لمت الوعيد يضمننا النبي السيد
قلبي زاد وجع حماني القيد منـــع
**
احمد عليك قصد فى مدحه ما اجتهد
كان دايح بالبلد لا اطامن لا قعـــــد
لا صام ولا عبد لا انفق قليلا عد
القبر الفوقو السد بيك أسلم ما أنشــــد
قلبي زاد وجع حماني القيد منع
Photo

Post has attachment

Post has attachment

Post has attachment
PhotoPhotoPhotoPhotoPhoto
11‏/8‏/2017
14 Photos - View album

Post has attachment

Post has attachment
القصه
القصه الشهيره بين طه البطحانى وحمد ود دكين

تروي الروايات ان هذه الواقعة وقعت حوالي عام 1818 ميلادية وكانت الواقعة الشهيرة بقتل احد فرسان البطاحين حمد ود دكين زعيم الشكرية واحتمي البطاحين بابناء عمومتهم الجعلين وعلي راسهم المك نمر وكادت الحرب تقع بينهم ولكنها انتهت الي الصلح
وصور الشاعر الكبير ابراهيم العبادي هذه الواقعه مع اضافات ادبيه جمه ومحسنات افضت بها الي مسرحية شعريه بقيت اثر عظيم لتلك الواقعة التي تناسي التاريخ سببها الاصلي وبقيت ابيات الشعر والحان القوافي ......

(1)
قال طه :
أخوك يا ريا وكت الخيول بدبكن
أخوك يا ريا وكت الرماح يتشبكن
اخوك جبل الثبات وكت القواسي بحبكن
كم بكيت وكم قشيت دموع الببكن

قالت ريا
وراك اسود علي ما نمت اسع طيب

قال طه
بسم الله قولي اخوك طيب
نصيح وشديد حاضر قلبي ماهو مغيب
إلا الشفتو في النوم من هوايله يشيب
الزول في الصحي مخدوم عليه شقاهو
وإن غمض شويه تجي الهموم لاحقاهو
الصف ابلبوس انا ما بخافو لقاهو
ياليت الحلم في صحيا كان بلقاهو ...

قالت ريا
كعب نوم النهار أمس العصير كنت نايمه
رأيت قدام الفريقنا أشوف صقوراً حايمه
كبيرن غار علي من نومي تبيت قايمه
صحيت مهجومه لا مفصل ولا في القايمه

قال ليها طه :
وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه

قالت ريا
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها

وقعدت ريا تبكي

رد عليها طه وقال
ما بفيد البكاء وكلامي احسن تنسي

قالت ليه ريا
كيف ما ابكي وكيف افوت مراتع انسي
افقد كل شي عزي ورجالي وانسي
تطلق فوقي نار عقبان تقول لي انسي ..
( يتبع )
(2)
كنا في سيرة لقاء طه وريا وهم بيحكوا لي بعض قصة الحلم

قال طه :
فال الخير أخير ما شفنا شيناً جدت
كل الشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت

قالت ريا :

خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك

قلل طه :
خير الزول يقول مهما الامر يتهول
قالوا الناس علي فالو الحلم يتأول
غاية الحي فناه إن كان قرب إن طول
يترك ذكرو والناس الوري بتتقول

قالت ريا :

وريني الحلم التورك مزهول

قال طه :

أصبري لي أروق حبل الفكر مبهول
احكيلك شنو الشفتو والله مهول
شفت الوحده شفت النار وشفت الهول
**
أحكيلك تمام الشفتو ما بتغابه
جايين العصير أنا وإنتي من الغابه
سايقه ليك بهم قدامي بي رقابه
بينا والفريق إتولعت تقابه
**
قدر ما نشوف قدامنا نلقي حريق
وقت النار علت ما شفنا تاني فريق
باصرنا المروق ما لقينا لينا طريق
تشكي من عطش واخوك يابس ريق
**
فترتي قعدتي ,انا محتار جلست وراكى
حاقبه الدرقة ختيت سيفي فوق أوراكى
وكت بعد البهم لى قسعو قمتى براكى
غسعتي وجيتي ومعاك كور صقور تبراكى
**
تبيت بي عجل شافنى جفلن و طارن
غابن من عيوني وفي اللعوت اتضارن
ما غابن كتير جن يقدلن يتبارن
قدامن كبيرن عينني وغارن
**
سل السيف ولاقاهن أخوك يالضامره
تور عنز أم هشيم الفي المجامع دامره
سيل تلوى اندفق فوقو السحائب هامره
حجر الصاقعه فرتاك الصفوف العامره
**
بادرني الكبير ديك إستعدن وقفن
ما مهلتو طار راسو وجناحي يرفن
طارن ديك وقت بي ريشو رقد اتكفن

قالت له ريا :

عارض ومات خلاص لي الليلة يمكن عفن ..
نحمد ربنا الليلة مات عارِضنا
وان كان عمروا طال يا ريا كان قارضنا
يلحقوا بي عجل ديش همنا المارضنا
نبدا زواجنا بكرة منو البيجي يعارضنا
**
بطال البعيش في الدنيا اصلوا غناه
ان كان مالو راح غير اهله مين يدناه
سمح الفوق اساس ابواتو تمه بناه
والزول دون قبيله غناه شن معناه ؟
**
ما بنفرح بي مال ونقول كفانا ورثنا
نفخر بالرجال في الحارة يبقوا ترسنا
نجمع ناسنا هيلنا من الكبار حارسنا
يحضروا اهلنا فرحانين يباركوا عرسنا
كل بطحاني يفرح بي عرسنا مناه
ساعة جمعتن بيتنا يتم بناه
عذاب عيش العزب يا ريا مر ضقناه
سمح الزول صبي يلد ويربي جناه
(نتابع )
( 3 )

طبعاً ريا ما قبلت الكلام ده لانو ابوها عبد الله المعروف بابو كبس ما تم سنه من وفاته والناس في حالة حداد فقالت

دا الاعوج تراه والشين نهايه حدو

إن شاع ده الخبر يملا الفريق لي حدوا

يقولوا ابكبس من دخل ود احدو

فرحوا وعرسو لا موجعن لا حدو
* * *
إن كان في الفريق ماتت مريه ذليله

لي الحول يرفعوا العرس الدخلتوا الليله

خليه ابكبس راجل الرجال ودليله

إن كان بي قبيلة تعدوا تبقي قليلة
* * *
خليه الكلام وعرسنا في ده الحال

من بالك أمرقو محال والف محال

علي ميتت ابوي لي الليله حول ما حال

نصبح بكره ونسه وبهادل حال

رد عليها طه وقال ليها

الموت ما شمت غاية البخود والببروا

والموت والحزن ما جابو زول من قبرو

الزول في الشدايد أولي يلزم صبروا

يترجي الكريم مولاه كسره يجبروا
* * *

بنخاتر منو الوجعه هيلنا برانا

نحن أهل المصاب والناس عزا مجابرانا

في أخر المراح دايماً تجي الفترانا

ها ده الحد ندوس والناس عقب تبرانا ...
بعدين ريا شافت تحسم موضوع العرس ده مع طه وانه لازم يتم السنة كالعادة المتعارف عليها في الحداد

فقالت

الناس بالمكارم والفعال بتباهو
زي الفطرة ينشا الزول حسب مرباهو
عاة جدو عادتو ونحل ابوه نباهو
يلبس ثوب قبيلته ان داره ولا اباهو
من الليلة حول مضيوه تاني اتكلم
الدايروا بيتم رب العباد ان سلم

رد عليها طه

تاني امضي حول وانا بالحسا اتالم
علي حكمك صعب انا قابله ما بظلم
نستني السنة قاسية وصعيبه علينا

ردت عليه ريا

تم الاتفاق من الكلام خلينا
زي عادة البلد لا زدنا لا قلينا
إن شاء الله السنة بي خيرة عايده علينا
يا طه البهم قرب رجوع سراحو
بنات واولاد ديك ناس فريقنا الراحو
نصيحة سمعتها من الكبار الراحو
قالو العربي ما بنعز كان ما مراحو

وتقوم ريا فايته علي الفريق وطه يعاين فيها وهي ماشه ويقول

ياليت السعادة ان كان وقت ايديه
كنت اعيش غني في الدنيا بالزنديه
علي حكموا ناسي الفب اخذوا الديه
اموت بالعطش والمويه بين ايديا
اه يا رب ارحم صبري امس ضنين
يمحف ديه السنه ربي الحليم وحنين
يخصمه من حياتي رضيت بعشرة سنين

( يتبع )
ها زول ابو التومات حبابك عشره هاك دي عشانك و خليك قريب

وهنا ريا داخله علي الفريق لاقوها خمسة عرب راكبين زواملم " وده بداية الحلم الشافتوا ريا وشافوا طه " العرب قربوا من ريا قام واحد من العربان المع ود دكين شيخ العرب نادي ريا وقال

بالضيفان تمري لا لام لا كلام
صدقوا اهل المثل توب العرب صح لام ...
قام واحد من العرب نادها
بالضيفان تمري لا سلام لا كلام
صدقوا اهل المثل توب العرب صح لام

ردت عليه ريا

حبابكم عشرة ومن دون كشرة والف سلام
يا وجوه العرب المتلي ما بتلام
انا بت الرجال اهل الدرق والسيف
بت الما بهموا بي حساب الخريف والصيف
بت البحجو لى المرقوب بكرموا الضيف
انا ريا كان شفتكم افوتك كيف

قام العربي قال ليها

من وين في الاهل كفاك فخر يا بنية

ردت عليه ريا

انا بت البيوت المن بعيد معنيه
بى فوق السما نفوسنا وبيوتنا حنيه
انا بت ابكبس في النسبه بطحانيه
(6)

قام رد عليها ود دكين طبعاً :

عبد الله ابكبس عز البطانه وفخري
في راس العرب بنعد ماهو الوخري
كريم وهميم كان للقبائل دخري
بت شيخ العرب هيلك صحيح تفتخري

توقد ناره ديمه الما بكوس الجمره
وفي الضيفان يهوش سكينو دايماً حمره
بي كاس ما عبر لبنو بيجيك بالعمره
هيلو الشكرة هيلو الرئاسه هيلو الامره

المرحوم ابوك كان للقبيله غطاها
عزك قديم عمك حسين ابو طه
ان شاء الله اخوك دي السكه ما تخطاها

بقصد بيها ود عمها طه يعني هل هو في مكانه ابواتوا

فردت عليه ريا قايله :

كما يسد مكانن قدموا ليش يوطاها ( يعني ماشي في الواطه لي شنو غير اكرام الضيف واغاثة الملهوف )
لا يفوت ولا يموت الساحتو يوت مغشيه
تقابة الفريق يوقد صباح وعشيه
زايد في الرجال طالق قفاي و وشيه

رد عليها و دكين

ما دخل التراب البركه في الذريه
والخلاك وراه ما بقولوا مات يا ريه
دايما في القبائل سيرة ابوك مطريه
بيكي وبي اخوك تزيد وديه المطريه

( يتبع )

««
قام واحد من العرب داير يعرفا انه ده شيخ العرب ود دكين فقال :

ما بتسألي لامن وين ولا وين ترسو

قالتلوا ريا

كيف العربي يسأل ضيفو كيفن تنسوا
أول بكرموا ويخابروا ساعة أنسو
من مقلب حديثو يعرف أبوه وجنسوا

فرد عليها العربي

عملتي حسابو ضيفك وكرموا وجبتيه
يخجل كان سألتي وإسمو ما عرفتيهو
إسم شيخ العرب سامعابو ما شفتيه

ده خريف البطانه المالوا فيها مشارك
هيلوا السارحه هيلوا الصاهله هيلوا البارك
ما وقع لك كلامي ساكته لي شنو خبارك
فخرك ود دكين جاك في فريقك زارك

ردت عليه ريا

اهلا حبابو العزو ماهو لفايه
اب ناراً تولع للضيوف دفايه
بي شيخ العرب الإفتخار ما كفايه
تابعو إنت جانا نجري ونخدموا حفايه

رد عليها ود دكين

بارك ربي فيك عقلك يدوم يا ريا
كرمك ماهو كلفه ديه طبعتك فطريه
إياك بت التلوب والسمته فيك محريه
قديم فوت البطاحين عزه للشكريه

( يتبع )
في الوكت داك جاء طه ووجدهم واقفين فقال :

مرحبتين حباب مرحب خريفنا الزارنا
حباب شيخ العرب اتشرفنبوا ديارنا
حباب راس العرب البيهو كل مدارنا
تنزلوا في الدرب مالنا ماتت نارنا ؟؟

رد عليه شيخ العرب

حباب طه الضرس والفي الصهيباب راس
الجود والكرم هيلك قديم ميراس
نارك ما بتموت يا ولدة الفراس
قاصدين ام شديده ومعانا عوجه راس !!

رد عليه طه

لعدوك العوج يا الفي الكبس سراي
راسك ما بدوس مليان رجاله وراي
باكر لي ام شديده اركب معاك براي
يا شيخ العرب لاكن تختوا كراى

طبعاً شيخ العرب ما فهم كلمة كراى دي فقال لي طه ..............

هادي الشورة يا طه الغلبني دليله
كل البزمو القاهو فيك قليله

رد عليه طه شارح ليه كلمة كراي

كراي الدايروا تبقوا ضيوفنا انتو الليلة
ترقدوا في الفريق حتي ان عشانا بليله

( يتبع )
رد عليه ود دكين
مسكنا الدرب أسرع قوام ما تلعب
دارك ديمه عامره والسمح ما بكعب
يكفين الوصف لاتشد جمل لا تتعب
وهدنا الطريق عقب الوصول ما بصعب
رد عليه طه
يمين تغشوا الفريق بتفوتوا نحنا مقابر
رد عليه شيخ العرب
عامر انشاء الله ديمه اياك مرسى العابر
مشطوطين خلاص مسكنا في دريب جابر
نخاف عوج الطريق منو لي المقدر خابر
رد عليه طه
دريب جابر مزم والسكه سالكه ورايقه
فرقان ما بتلاقيك ما بتعوقك عايقه
اخذ خاترنا نحنا قالوا واصله السايقه
بتراوح ام شديد باكر زواملك فايقه
رد عليه ود دكين
الزول ان وعد شين ميعادو يخلفو
في ربط اللسان يسخابو دمو يتلفو
سفري الليله فيه زولين ما بختلفو
ضروري اصل ام شديده علي وعد بي حلفو
ما بعرف ازوق من نشيت تبيت
فريقكم لي فريق وبيتكم يمين لي بيت
اجيك ديناً علي حتي إن بقيت حبيت
هاك وعداُ نجيض ارجانا بكره مبيت
شوفتي للفريق ايام بكي ابواتك
ما غابني حالك سمعت بي نخواتك
فريقك بكره ضيفوا وما بفوتوا وحاتك
إلا أحققك وبراي اشوف نفحاتك
يا ود الهميم النفسوا ما معارضاه
كرم الضيف عليك مكانه ابوك فارضاه
جاييك في امر ان تابه وان ترضاه
غيرك ما بكوس واملي بس تقضاه
رد عليه طه
غرضك مقضي كان احتاج لخيل وجمال
والضان والابل سارح يمين وشمال
ردعليه ود دكين
فوق القولتو انا لي فيك امال
رد عليه طه
بي دمي الغرض اقضاهو خلي المال
المهم طه زي فهم شيخ العرب وده ماشيلوا جاي وطه ماشيلوا علي المال
فرد عليه شيخ العرب
دي المأموله فيك وين الدرب خترنا
رد عليه طه
دربكم في السلم
قالوا شيخ العرب
والله تب ما ودرنا
بكره نجيك ان قلينا ولا كترنا
وهنا ودعهم شيخ العرب وسار بي جماعته قاصد ام شديد وعلي اساس في اليوم التاني ينزل ضيف علي طه وقبيلة البطاحين
وفي اليوم التالي طلع طه مع ريا منتظرين ود دكين حسب موعده معاهم وفي الحديث قال لي ريا

في البال لي ضمير شيخ العرب متعوب

قايم نفسه يختف في الكلام مرعوب

ما خاتيلوا شئ ما شوفتي كيف مرعوب

حمد ود دكين مرتع دياروا وربعوا

ده الشئ السمعتوا من الاباه والتبعو

الراجل فاعيلوا يبين لك طبعوا

انا ود الخلا البعرف اسوده وضبعو

ردت عليه ريا

اعوج كان يخلف الليله ميعاد جيتو

رجال وحريم كل اهل الفريق في رجيتو

قطعوا السارحه كل زول في مراحو سعيتو

كبار وصغار و حتي الراعي خله رعيتو

قال ليها طه

محال يخلف محال قال جايبو غرضاً عندي

ردت عليه ريا

كــان غـرضاُ صـعـب ؟؟؟؟؟

فقالت لي طه

كان غرضاً صعب . . . !!
يتبع .......
ردت عليه ريا

كــان غـرضاُ صـعـب ؟؟؟؟؟

رد عليها طه

كان رأس نمر في شندي

وعدتوا أقضاه وابذل كل جهدي العندي

كان بالمال وكان بالراى وكان بي زندي

قالت ريا :

هيلك من زمان غنت البجيك تحجالوا

لاكين ود دكين عامر قديم برجالو

قال ليها طه :

يا ريا الكلام ده اخير تقفلي مجالو

وكت اوعدته بقضالو غرضو الجالو

وفي وقفة طه وريا يجوهم ثلاثه من ابناء البطاحين عبدالله وخلف الله واحمد . . .

وفي وقفه طه وريا يجوهم ثلاثه من ابناء البطاحين عبدالله وخلف الله و احمد

قال عبد الله

سلام يا طه

قال طه :

مرحب بي كبار قبيلتي وعزي

مرحب بالاسود البفقعوا المستهزي

ريا . . . جات قبيلتك فوقا انكعى هزي

وإن زحينا يوم الحارة قرنك جزي

ردت عليه ريا :

اولاد بطحان تعيشوا ويزيد مراحكم ناير

وناركم في سرات الوادي تهدي الحاير

بتحلو المضيق وتصدوا غارات الغاير

ما هيكم تزحوا إن كان يزح الداير ( جبل الداير )

قام خلف الله لما سمع الكلام ده خاف وارتجف واصابته خوفه كده

فناداه عبدالله قال

خلف الله ااا ولدي اقعد قبال ود عمك

كلام ريا هادا بشوفه غير دمك

من زمن بعيد أتمني أسمع نمك

فرج همنا مولاي يفرج همك

دوبينا ......قول ... دوبينا

قال خلف الله

الولد البخاف من القبيلة تلومو

يخلف ساقوا فوق تيساً رقيق قدوموا

اما يجيب رضوة البهم البينقر فومو

وإما تخامشن قدح الرماد حرومو

* * * * *
سنابك حضر الطافه و جرايدك نوا

كورك سال و مزيقا و رطانه و عوا

الخلاني فوق نار أم لهيب أتلوي

النوم شفتو يا قرد القلوع شن سوا

* * * * *

أكل الشلخه لامن كمل المنسية

شمخ الحورى لي بعصة عريب بت ريه

أكان ما أسكت الباكيات و أخلف الكيه

قوله أبو فاطنه يا الصادق خساره عليا

* * * * *

خرير دوماتو فوق عاجن رسن متلاقيه

يا الغول النقيب سويلو سوق الساقيه

بت معز الخلا الفوقا الكجر متاقيه

عكرناها يا أمروبه النشوف الباقيه

وبعدين ظهر ود دكين في جماعته جايين علي الفريق

فقال طه :
يتبع . . .

وبعدين ظهر ود دكين و جماعته جايين علي الفريق

فقال طه :

هداك ود دكين بي زمله بان شفناه

دار اليوم يروح خلف الوعد خفناه

الراجل في الاصول ما خاتي لي معناه

يا ريه استعدي الزول جمعنا عناه ...

شيخ العرب قال:

ولاد بطحان سلام اهل النبا و الشكره

سلام عز العرب اهل الفحل والبكره

سلام يا طه يا راس الكرم والضكره

جيت لي غرضي يا طيب الاصل والذكره

رد عليه طه

مرحبتين حباب مرحب خريف الرازه

حباب شيخ العرب البيه القبائل عازه

حباب سيف العرب البيه هاشه وهازه

في يمينك قبيلتاً ما تقبل فازه

قام عبد الله قال : هيا جيهو الزمل

رد شيخ العرب

خليه يا عبد الله

غرضي إن كان ما أنقضى أنا زملي ما بتدله

رد عيه طه

الناس في رجاك من الصباح في مله

كدي شوف الطعام شيخ العرب بسم الله

رد شيخ العرب

ما باكل طعام كان ما حسابي اتضرب

وقضيان الغرض فيكم حقيقه مجرب

الامر العنيتو كان ما اتدرب

ما بنفعني اكل وما بيرويني مهما اشرب

فقام عبدالله وقال

ياشيخ العرب امرك خلاص همانا

قول غرضك عديل خصصنا او عمانا

هسع نقضى ليك في محلنا اللمانا

كان بي مالنا كان بي دمانا

رد ود دكين " شيخ العرب "

عندكم الغرض لا بدور قلم لا ورقه

ماغرضاً تسافرولو وتقيسوا الفرقه

بقضا ان قولتوا خير مابدورلو سيف لا درقه

وان قلتوا لا يروح شمار في مرقه

ما مقبوض وجيتكم لاجي فوقي جنيه

بي خيري ومراحي وتاني نفسي غنيه

جاييكم نسيب تدوني بطحانيه

رد عليه عبدالله

خير سميــها . . . !!

يتبع
رد عليه عبدالله

خير سميــها

رد ود دكين

في بت اب كبس لي نيه

قام عبد الله رد عليه .....؟؟؟؟ ( سكت)

قال عبد الله

يفتخروا البطاحين ساحتم راحبالك

لكن ريا امرها مقضي من قبالك

فات فيها الفوات لي طه ها دا قبالك

من دون ريا قول الدايروا في بالك

ده فريق الصهيباب مافيهو واحده حقيره

مال ورجال وعز في الحله مافي فقيره

كثير الزي ريا مليان البلد من غيره

ان درت الكبار وان كان قصدت صغيره

قام شيخ العرب قال

إن مال الشجر ما بتكسرن فراعو

وقمحان الطلب لي المابجيبه ضراعو

ليه يا أهلنا البيناتنا ما بتراعوا

القال راسي موجوعني يربطولوا كراعو ؟!

قالم عبد الله قال

حبل المهله يربط انت ارتاح بيت

بكره نمر سوي ونلف البيوت بيت بيت

سمي الدايره ولوم البقول لك ابيت

رد عليه شيخ العرب

يمين بالله غير الغايه مالي مبيت

* * *
هنا طه حز الكلام في نفسه لانه شيخ العرب بينوا ليه انه

ريا مخطوبه وبعد ده هو بصر وبجادل فقام طه وقف

وقال . . .

يتبع
طه قال لي شيخ العرب :

شيخ العرب أمرك بشوفو حقاره
وما جايباك مرا الجابتك بس غارة
وقرناك كثير ونفسك ابيتا وقاره
خبرك هادا ما دايرلو دق نقاره

قام واحد من اعوان شيخ العرب اسمه علي وجه الكلام لي طه وقال :

قبلك في اللجج يا طه راحو الهدو
تتجاسر علي شيخ العرب بتهدو
زولكم ماعقل يا كبار كان ما تهدو
بعنادوا الفريق خايف يسبب هدو

هنا الجو المجلس توتر وقام طه قال :

انا المالح الكارب خريفي وصيفي
المثلك تبيع ما بطول فوق قيفي
كان ماالليله في بيتي وبعدك ضيفي
في الشي السمعتو برد عليك بي سيفي

رد عليهو شيخ العرب :

كفي يا بطاحين فيكم اتغشينا
كرمكم جانا طامح رخسة اتعشينا
بعد الشى السمعنا كان ما مشينا
خايف في اجتماعنا تقع وقايعاً شينه

في وداعة الله عقب بيناتنا ما في علاقه
وات يا طه اتشفيت شبعت شلاقه
عمرت الشر سعيت دليته بي معلاقه
نحن وانتو بعد الليله يوم نتلاقه

قام عبد الله عاوز يرضي شيخ العرب ود دكين فقال :

من ولدك زعل كل البلد بتكاورو ؟
ارحكم بيتنا بيتو ونحن زولنا نداورو
نتدابر نشوف نحزم جمعنا نشاورو

رد عليه شيخ العرب :

ضيف الغابه حالف ده الفريق ما أجاورو

قام عبدالله قال :

سمح ارجانا يمكن طه نحنا نجبروا

رد عليه شيخ العرب :

الزول في الرقاد شقو البريحو بخبرو
والزول البليد بي ايدو يحفر قبرو
عاد بنسوي عوسنا وطه يلزم صبروا

يتبع
رد طه علي شيخ العرب و قال

سوي الدايره وكتر الكلام خليهو

والشر القصدتو معاي ابقي عليهو

طير اصل السما حتي القمر دليهو

يوم نتلاقه كل واحد بعرف الليهو

هنا خرج شيخ العرب ود دكين وعيونه يقدح منها الشرار وكبر الشر

في نفوس الفريقين وقام طه جاري في ظهر شيخ العرب ...... قام

واحد من البطاحين اسمه احمد مسك طه وقال

أقيف يا طه عندي نصيحه ليك ابداها

العقده الصعيبه العاقل بيتعداها

الشكريه كثره نحنا مانا لداها

انا عندي العرب بي ريا أخير نفداها

رد عليه طه

ده راي السديد يا احمد تراك بي فكرك

روح لي ود دكين وريهو يسمع شكرك

يديك مال كثير وقبيلتو ترفع ذكرك

تصبح عمده فوق روسينا تخلف حكرك

قام رد علي طه عمه عبد الله فقال

ليه أحمد تهينوا نصيحتوا ما ضاراك

ما حق النقص وانت بتعرفوا براك

وكت بتسوي عوسك وما بتشوف بي وراك

نشاور ريا إمكن ريا ما دايراك ؟!!

يتبع
√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√√
Photo

Post has attachment
✨✨ ربي إني طرقت بابك ✨✨

فافتح لي ولأحبتي ابواب سمائك .. واغمرنا برحمتك .. واجرنا من عظيم بلائك .. وسخر لنا الطيبين من عبادك .
إلهي .. إلى من أقصد وأنت المقصود ..
من ذا الذي يسأل وأنت رب الوجود ..
اللهم اقضِ حوائجنا ،واشفي مرضانا واغفر ذنوبنا ، وطهر قلوبنا ، ويسر أمورنا يا الله .
🌹اللهم آمين🌹
🌹صبحكم الله بالخير 🌹
Photo

Post has shared content
📢الإحباط الوظيفي

مقال علمي جميل جدا
للكاتب: د. عويد الصقور
يعرف ويحلل الإحباط الوظيفي (Job Frustration) بأنه حالة نفسية تصيب الموظف عندما يواجه معوقات تحول دون تحقيق رغباته الوظيفية، وهو يصيب الموظف لكن آثاره ليست قوية أو مزمنة فقد تزول عن طريق عامل الوقت (Time Factor) أو بمرور الزمن.

هل الإحباط الوظيفي حالة فردية (Individual Case)؟ أم أنه تحول إلى ظاهرة (phenomenon) منتشرة في مجتمعات دول العالم الثالث نتيجة لتفشي الواسطة و المحسوبية؟ وهل يعد الإحباط أحد عوامل غياب التسامح وقلة تحمل الضغوطات النفسية والوظيفية وهل يؤدي هذا النوع من الإحباط إلى تدني الأداء الوظيفي؟ وهل هو سبب الإحساس بخيبة الأمل؟ أسئلة تطرح نفسها نتيجة لتنامي الشعور بالإحباط الوظيفي لدى كثيرين من موظفي القطاعين العام والخاص، وضعف الحافز النفسي (Psychological Motive) والدوافع المعنوية المتعلقة بالعمل.

تظهر صور الإحباط الوظيفي على وجوه منها الصمت، اللامبالاة، التسيب في العمل، التهرب منه كلما وجد الموظف لذلك سبيلاً، عدم الحرص على الحضور المبكر للدوام الرسمي، والتواجد طوال فترة العمل المطلوب، كثرة الخروج أثناء العمل، كذلك الانصراف المبكر، قلة المشاركة في الأنشطة الاجتماعية التي تقيمها دائرة الموظف، انعدام او ضعف روح المبادرة والانكفاء على الذات (self Retreat)، الرتابة، عدم التفكير في التطوير للذات والعمل، العزوف عن التنمية المهنية (Professional Development) المستدامة بأسباب وأعذار واهية، الإحساس بالغبن ونوبات حدة المزاج، والتصريح بأفكار سوداء تصف الشعور بالواقع وتنم عن فقد الأمل في المستقبل والنمو الوظيفي.

ما أسباب شعور الموظفين بالإحباط، الوظيفي؟ هناك أسباب كثيرة منها على سبيل المثال لا الحصر؛ غياب التقدير المعنوي (Moral Appreciation) لدى الموظفين من قبل المسؤول، فكثير من الموظفين تحملوا الصعاب في مسيرتهم العملية خلال سنوات طوال ووصلوا بعد استثمار ما يملكونه من وقت وجهد إلى خبرة غنية، ومع ذلك يواجهون بالتهميش وسوء التقدير، ويتعرضون لتيار بعض النظم العقيمة التي تبعث على الملل، وتطفئ شعلة العطاء والإبداع (Creativity)، بل ويترك العنان لبعض الإداريين أن يتسلطوا عليهم ويتحكموا في مستقبلهم المهني، ويصادروا أدوات نجاحهم، ويعاملونهم معاملة لا توفيهم حقهم من الاحترام والتقدير والثناء، ويحرمونهم من الحوافز الوظيفية التي يستحقون والأدهى وجود بعض أعداء النجاح ممن ألفوا تثبيط الهمم والوشاية بأصحاب الكفاءات، وتواطئهم على محاولة هدم نجاحاتهم لعجزهم عن مواكبة همتهم العالية ولا شك أن تقدير واحترام جميع العاملين والموظفين في أي مجتمع ينم عن سمو أخلاق أفراده وتحضر سلوكهم الاجتماعي (Social Behavior).

هناك نوعان من مصادر الإحباط الوظيفي: النوع الأول مصادر داخلية (Internal Sources) من حيث لا يمتلك الموظف قدرات وكفايات (Competencies) عالية، بل يتسم بضعف روح المبادرة (Initiative Spirit) وضعف الخبرة وقلة الاحتكاك بالاخرين، النوع الثاني من مصادر الإحباط الوظيفي هي مصادر خارجية (external Sources) وتتمثل في عدم اتاحة الفرصة للموظف لابراز ذاته.
إذا كان الإنسان يعاني من الإحباط الوظيفي وبدأت طاقته تنفد فإن هناك مجموعة من الخيارات أمامه أما التحمل والاكتفاء بالأمل في تحسن الوضع وترك الأمور على ما هي عليه حتى تتلاشى الحالة بفعل الزمن لكن المشكلة في هذا الحل هي أن الوضع ربما لا يتحسن أبدا وإنما قد يتدهور أكثر حتى يفقد الإنسان رغبته في العمل، أو الحصول على إجازة طويلة للابتعاد عن جو العمل ولكن في هذه الحالة فإن الموظف يكون عليه دائما العودة عاجلا أو آجلا، أو الاستقالة (Resignation) من العمل.
في ظل غياب العدالة الوظيفية (Career Justice) أفضل علاج للإحباط الوظيفي هو احتساب العمل خالصاً لوجه الله وعدم البحث عن ثناء الناس ومدحهم وتقديرهم، فالأجر من الخالق عز وجل خير وأبقى وأن تضع الله نصب عينيك، تحسن عمل الانسان، كذلك لابد من تنمية الرقابة الذاتية (Self Control) التي هي أنجع من كل قانون ينظم العمل ويحاسب المقصر كما إن للثقة ب النفس (Self Confidence) أهمية كبيرة في التخلص من آفة الإحباط الوظيفي وقد قيل من عرف نفسه لم يضره ما قاله الناس فيه.
Photo

Post has attachment
🌻 * دعوة من القلب * 🌻

_ اللهم أجعلنا من العتقاء في دار البقاء_
_ وأرزقنا الطهر والنقاء_
_ وأبعد عنا الحزن والهم والبلاء_
_ وخذ بأيدينا فنحن في دار إختبار وإبتلاء_
وأجعل ألسنتنا رطبة بذكرك دون رياء

أسأل الله مالك الملك أن يغمركم بنعيم الإيمان وعافية الأبدان وأن يرزقكم رزق الشاكرين وقلوب الذاكرين
اللهم آمين يارب العالمين.

🌻صباااااح الخير🌻
Photo

Post has attachment
في جلسة بين عدد من الأدباء العرب قال نزار قباني: ان السودان هو اقرب الشعوب العربية في نطق اللغة العربية في داريجيته،،
ولكن نجيب محفوظ اعترض قائلا: كيف ذلك وهو الشعب الذي لا يفرق بين الغين والقاف ولديه مشكلة في التنوين والإعراب..
فقال عبدالله الطيب: اذا كان مشكلتنا في الغين والقاف فهما متشابهان في النطق ولكن استغرب من قوم لا يفرقون بين القاف والألف،، وايضا يحذفون حرفا كاملا من بعض الاسماء ك عب حفيظ و عب حميد، وما الي ذلك، ويزخرفون بالشين نهاية الاسئلة والاستفهام، ولكني اسال نجيب عن مثال يثبت مشكلة التنوين عندنا..؟!
فقال نجيب: يقول شاعركم كيف استوجب لحمدا
والبيت كاملا (كيف استوجب لحمدا من تعاطي من تعاطي المكروه عمدا غير شك يتعاطي الحرام) والمفروض ان يكسر الدال بدلا من نصبها..
فقال عبدالله الطيب: نصب الدال جاء لوزن القافية وليس لجهل الشاعر، فحمدا موافقة لعمدا..
تماما كما قال امير الشعراء احمد شوقي بغدان وليس هناك مدينة اسمها بغدان ولكني وانت وغيرنا يعلمون انه يقصد بغداد وانما فعل ذلك لأجل القافية، وذلك في نونيته المعروفة (قم نادي جلق)..
فما كان من نزار قباني إلا وان قام من مجلسه محاولا ان يقبل عبدالله الطيب في راسه إلا ان عبدالله صده بلطف سوداني جميل..
…رحم الله القامة فخر بلادي البروفسير عبدالله الطيب
Photo
Wait while more posts are being loaded