Profile cover photo
Profile photo
netknowlogy
7 followers -
Online Guide helps Arab Internet users to get the most value out of the internet. http://netknowlogy.net/
Online Guide helps Arab Internet users to get the most value out of the internet. http://netknowlogy.net/

7 followers
About
netknowlogy's posts

Post has attachment
كام حد تعرفه بيعاني من مرض السكر؟ كام حد تعرفه بيشتكي من آلام القاولون العصبي؟ كام حد عنده آلام في الظهر؟ سرطان؟ أزمة نفسية؟

دي أمراض ممكن تبقى موجودة عند نسبة كبيرة من الناس اللي بتعدي من جنبك في الشارع، بتشوفهم وماتعرفش إنهم بيعانوا من مشكلة صحية!

أغلب الأمراض دي مش بيهجم علينا فجأة.. هي بتكون تراكم مجموعة سلوكيات غلط احنا بنقع فيها.. سواء بنعملها واحنا عارفين إنها غلط أو واحنا مش عارفين، المرض أو الألم بيتمكن من جزء من الجسم مع الإعتياد على السلوكيات دي وبسبب عوامل تانيه.. والمشكلة إنه ممكن يبقى مرض مزمن يفضل عايش معانا!.. عشان كده صاحب مقولة "الوقاية خيرٌ من العلاج" كان راجل حكيم فعلاً.

اقرأ الموضوع ده عشان تعرف إزاي تطبق المقولة دي على نفسك، ويكون عندك وقاية معرفية تحفظ بيها صحتك في المستقبل..

#صحة   #انترنت  

Post has attachment
مهارات "الإسعافات الأولية والتعامل مع الطوارئ" مهمة جداً.. ماتستناش لما يحصل حاجة حواليك وبعدين تبدأ تدور على دورات عشان تتعلم!

 دي بعض المواقع والمصادر العربية على الإنترنت اللي ممكن تتعلم منها..

المقروءة والمصورة:
http://bit.ly/123esaaf
http://bit.ly/Syrian-firstaid
http://bit.ly/sa-firstaid
http://www.firstaidlearn.com/

المرئية Videos:
http://bit.ly/fel3adal
http://bit.ly/afham-firstaid
Photo

Post has attachment
إزاي تطلّع المعلومة من وسط كومة قش؟ ورشة عمل لتعلُّم مهارات البحث المتقدم عبر #الإنترنت  
https://www.facebook.com/events/1401323800190106/
Photo

Post has attachment
لو لسه ما تعرفش "وظّف"، واحد من أفضل المواقع المحلية في مجال التوظيف بيغطي الـ #وظائف  من مختلف المجالات

Post has attachment
أتوبيسي فين؟ دليل لأرقام الأتوبيس والميني باص داخل #القاهرة  وتوضيح لخطوط سيرها وأماكن المحطات

Post has attachment
وقت الأزمة تركيزنا وقدرتنا على التصرف بيقلّوا عن المعتاد.. ما تستناش لما تانك عربيتك يفضى فجأة وانت في مشوار مهم، أو لما عجلة العربية تهوّي منك على طريق سفر!

اعرف مواقع الويب وتطبيقات الموبايل اللي بتقولك فين أقرب بنزينة من المكان اللي انت فيه، وخليها معاك على تليفونك، عشان تموِّن أو تصلّح عربيتك من غير ما تضيّع وقتك في السؤال أو حد يتوّهك.

Post has attachment
زي انهارده من 26 سنة، تم إطلاق اختراع شبكة المعلومات الدولية الويب "World Wide Web" في 12 مارس لسنة 1989م على يد المهندس الإنجليزي "Tim Berners-Lee" وفريقه داخل المختبر الأوروبي للفيزياء والجزيئات "CERN" القائم على حدود فرنسا وسويسرا.

ومشروع شبكة المعلومات الدولية "الويب" جاء بعد 20 سنة من انطلاق شبكة "الإنترنت" واللي بدأت كمشروع تجريبي لعمل شبكة تربط حواسيب الجامعات في الولايات المتحدة الأمريكية ببعضها. أما أول ظهور لـ "محتوى" تم عرضه من خلال شبكة "الإنترنت" فكان في العام 1991م بإطلاق موقع Info.cern.ch واللي كان بيشرح للعالم وقتها "إيه هي شبكة المعلومات الدولية www".

عشان كده فيه فريق بين الـ #internet  كشبكة بتنقل وبتخزن بيانات، وبين الـ  #web   كمحتوى (مواقع وبيانات بأشكالها المختلفة).

بمناسبة العيد الـ 26 لشبكة المعلومات الدولية #web26.. قل لنا إيه أكتر استفادة حققتها من الإختراع ده من أول ما بدأت تستخدمه لحد انهارده؟
Photo

Post has attachment
للأمهات.. الموضوع ده هيعرّفِك على أفضل 8 مواقع عربية بيقدموا محتوى متخصص ليكي ولطفلك، تقدري من خلالهم تعرفي نصائح جديدة عن رعاية وتربية طفلك في مختلف مراحله العمرية:

Post has attachment
لو بتعتمد على انترنت الـ Mobile أو الـ USB.. بيبقى كل همّك إن الباقة تقعد معاك أطول فترة ممكنة. ^_^

فيه برامج وتطبيقات بتضغط البيانات Internet Data اللي بتستخدمها أثناء اتصالك للإنترنت، وبتضغطها بنسب بتتراوح بين 20% و 90%، وده غير إنه بيوفر في استهلاكك بيخلي كمان سرعة نقل البيانات عندك أعلى.. (تقدر تقول إن سرعة النت بتزيد). 

فيه منها برامج software لو بتستخدم جهاز كمبيوتر (وغالباً هتلاقيها إضافات extensions/ add-ons لمتصفح الويب)، أو تطبيقات apps سواء لو بتستخدم هاتف ذكي smart-phone أو جهاز لوحي tablet، متوفرة لكل من أنظمة التشغيل iOS و Android، (ودي مش بس بتظبّط تصفح الويب، لكل بتوفر كمان من استهلاك بقية التطبيقات على جهازك للإنترنت).
 
البرامج والتطبيقات دي بتندرج تحت اسم "Internet Data-Saving" أو "Internet Data Compression" أو "Bandwidth Compression/ Saving" يعني وانت بتبحث عنها ممكن تكتب (Data-saving Software/ App)، وجرّب أكتر من واحد واختار منهم الأنسب ليك.
Photo

Post has attachment
#مصطلح_انترنتي 

الـ #VOIP  اختصار لـ voice over internet protocol أو تقنية نقل الصوت عبر بروتوكول الانترنت، بمعنى تحويل الصوت أو الصورة أو الفيديو لمجموعة من البيانات والأكواد الرقمية ونقلها عبر شبكة الإنترنت بين حاسوب وحاسوب أو بين حاسوب وهاتف، وبالتالي بتقدر من خلال التقنية دي انهارده انك تتصل من الإنترنت بتليفون أرضي أو خلوي “محمول”، أو تتصل بحاسوب تاني متصل بالإنترنت، صوت وفيديو.

من أمثلة برامج الڤويب الشهيرة برامج المكالمات Skype و Viper، حتى إمكانية إرسال “رسائل نصية قصيرة” من جهاز متصل بالإنترنت إلى هاتف خلوي اسمها VoIP SMS، ولو عاوز بدائل من برامج وتطبيقات تانيه للإتصال عبر الإنترنت.. ابحث بالكلمة دي “VoIP Phone/ App”.

ربما تحتاج بدائل لأن بعض البرامج دي ممكن يسحب قدر كبير من البيانات Data خصوصا لو بتستخدم انترنت محدود، وبعضها بيسحب قدر قليل، على حسب التقنية اللي بيعتمد عليها لنقل الصوت والصورة بجودة معينة، وغير كده طبعا عشان تشوف برنامج تكون “تعريفة الإتصال” فيه مناسبة ليك، لو بتتصل على هواتف خلوية كتير وبتستخدم انترنت سعته محدودة، وطبعا كتير من برامج الڤويب بيعطيك دقائق مجانية عشان تجرب جودته وخصائصه.

ممكن تشوف بعض من البدائل دي هنا:http://alternativeto.net/software/skype/
Photo
Wait while more posts are being loaded