Profile cover photo
Profile photo
நாடோடி இலக்கியன்
3,237 followers
3,237 followers
About
Posts

Post has attachment
அம்பட்டன் கத்தி
மீன் விற்கிற விலையில் வாரத்திற்கு ஒரு முறை மீன் வாங்குவது என்பதே கட்டுப்படி ஆவதில்லை ஆனாலும் மீனுக்கு ஆசை என்ன செய்ய என்ற ஆதங்கத்திற்கு என்னால் ஆன தொண்டாக ' பட்டையைக் கிளப்பும் சுவையில் பட்ஜெட் மீன்கள்' என்று எனக்குத் தெரிந்த குறிப்புகளை அவ்வப்போது வழங்கலாம...
Add a comment...

இட்லி,தோசை,சோறு என மூன்று நேரமும் அரிசி உணவுகளே விருப்பம். கோதுமை பதார்த்தங்கள் உள்ளே தள்ள இயலுவதில்லை.எனினும் மாற்று உணவு வகைகளை எடுத்துக் கொள்ள வேண்டும் என வீட்டம்மணி அவ்வப்போது பொங்குவதால் சப்பாத்திக்கு மட்டும் அசைந்து கொடுப்பேன்.

அன்று சப்பாத்தி நாள். தட்டில் பௌர்ணமி நிலவுகளை அடுக்கி வைத்தாற் போல வட்ட வட்டமாக மெகா சைஸ் சப்பாத்திகள். வழக்கமாக அம்மணி செய்யும் சப்பாத்திகள் பள்ளி மாணவனின் ஜாம்ண்டிரி நோட்டின் 5செ.மீ ஆரமுடைய வட்டம் ஒன்றை நினைவூட்டும் வகையில் சிறியதாகவே இருக்கும்.வேறு விதமாக சொல்ல வேண்டுமானால் வழக்கமான சப்பாத்திகளை 25 பைசாவின் வடிவத்தோடு ஒப்பிட்டால் அந்த மெகா சைஸை ஒரு ரூபாய் நாணயத்தோடு ஒப்பிட்டுக்கொள்ளலாம்.

அந்த மெகா சைஸ் சப்பாத்திகளைக் கண்டதும் பேச்சிலராக இருந்த நாட்களில் மேற்கு மாம்பலத்தில் அய்யராத்து மெஸ் ஒன்றில் சாப்பிட்ட சப்பாத்திகள் நினைவில் வந்தன. இதே போலதான் பெரிய சைஸ் சப்பாத்தியாக இருக்கும். இரண்டு சாப்பிட்டால் இரண்டு வேளைக்கு பசி தாங்கும் வல்லமையைக் கொண்டிருக்கும். அந்த நினைவுகளோடு சப்பாத்திகளை எடுத்து தட்டில் வைத்து சாப்பிடலானேன். குருமாவும் செம வாசமாக அதே அய்யர் மெஸ் குருமாவின் சுகந்தத்தில் நாசியை வருடியது. இரண்டு சப்பாத்திகள் சாப்பிட்டதும் எழப்போனேன். அம்மணி முறைத்தபடி லுக்கினார்.

வழக்கமாக ஆறு சப்பாத்தி வரை சாப்பிடுபவன், இரண்டோடு எழுந்ததால் அந்த முறைப்பு.

வழக்கமா சாப்பிடும் அந்த 25 பைசா சைஸ் சப்பாத்திகளின்படி பார்த்தாலும் ஆறு சாப்பிட்டால் ஒன்னார்ரூவாதான் கணக்காகும், ஆனா இப்போ ஆல்ரெடி இரண்டு ரூபாய் உள்ளே போயிருக்கு. சைஸின் அடிப்படையில் ஒரு கணக்கு வேணாம். இந்த மெகா சைஸிலும் ஆறு சப்பாத்தின்னா முடியுமா?, ஆனாலும் முடியணும்.

இல்லாவிடில் “இதே வேலையாப் போச்சு, கொஞ்சம் கம்மியாகிடுச்சுன்னா பத்தாத சாப்பாடு போட்டே கொல்றான்னு சத்தம் போட வேண்டியது, எதுக்கு வம்புன்னு பயந்து செஞ்சு வச்சாலும் வேஸ்ட்டாக்குறது” என்று தொடங்க இருக்கும் டயலாக் எந்நேரமும் அணி வகுக்கத் தயாராக இருந்ததை அம்மணியின் நற நற பற்கடிப்பின் ஓசை வழி உணர்ந்ததால் அனிச்சையாய் இன்னுமொரு பௌர்ணமி என் தட்டில் லேண்ட் ஆகியது.

அந்த மூன்றாவது சப்பாத்தியை வாயில் வைத்த போதுதான் உணர்ந்தேன்.குருமாவில் கிராம்பு போடவில்லை, கிராம்பில்தான் குருமாவே வைத்திருக்கிறாள் என்பதை.வழக்கமாக அம்மணி வைக்கும் குருமாக்கள் டேஸ்ட்டில் பட்டையைக் கிளப்பும். ஆனால் இந்தக் குருமாவில் பட்டையோடு கிராம்பும் சேர்த்து கிளப்பியிருந்தார்.குருமாவின் வாசத்தில் மேற்கு மாம்பலம் வரை பயணித்த நாஸ்ட்டால்ஜியாவே இரண்டு சப்பாத்திகளை எளிதாய் உள்ளே இறக்க உதவியிருக்கிறது என அறிந்த நொடியில் திருவாய் மலர்ந்தேன்,“என்ன இவ்வளோ காரமா, ஒரே கிராம்பு ஸ்மெல், கசப்பு வேற” என்றேன்.

“அதான பார்த்தேன், எங்கடா இன்னும் நொட்ட சொல்ல ஆரம்பிக்கலியேன்னு” என்றவர் ,”எங்களுக்கெல்லாம் நல்லாதான் இருக்கு” என்றபடியே குருமாவில் முக்கிய சப்பாத்தித் துண்டு ஒன்றினை ருசித்து வாயில் வைத்தபடியே “இப்ப அந்த சப்பாத்தியை முடிக்காம மட்டும் நீ எழுந்திரு பார்ப்போம்” என்பதாய் லுக்கினார்.

பிறகென்ன “மான் போல வந்தவன யாரடிச்சாரோ” மைண்ட் வாய்ஸில் ஒலிக்க ஒலிக்க தின்று முடித்து எழுந்து கை கழுவி திரும்பிய போது, அப்போதுதான் சாப்பிட அமர்ந்த என் மகள் தனக்குக் குருமா வேண்டும் என்று என்னிடம் கேட்டாள்.

சரியென்று அவள் தட்டில் குருமாவை வைக்க முயன்றேன், பாய்ந்து வந்து கிண்ணத்தினைப் பிடுங்கிய அம்மணி,”கொடலு குந்தானியெல்லாம் வெந்து போறதுக்கா,என்னா நெனப்புல வச்சேன்னே தெரியல கிராம்ப அள்ளி கொட்டி வச்சிருக்கேன், ஜாம் வச்சி சாப்பிடு” என்று சீரியஸாக மகளை முறைத்தபடி ஜாமை எடுத்து தொட்டு கொள்ள வைத்தார். அப்படியே மிரண்டு , பிறகு வீறுகொண்டு அம்மணியை லுக்கினேன்.

“அதான் தெரியுமே, குருமா வாயில் வைக்க முடியலன்னு, அதுக்காக குப்பையிலயா கொட்ட முடியும்” என்பதாய் அத்துனை சாந்தமாக வெற்றிப் புன்னகை ஒன்றை உதிர்க்கிறார்.

அடியேய்... !

#இலக்கிய_இல்லறம்
Add a comment...

Post has attachment
தனியொருத்தி தயாராகிவிட்டாள். ஓரிரு வாரங்களில் அச்சுப் பணிகள் முடிவடையும். முன்பதிவு செய்ய விரும்புவோர் இந்தப் படிவத்தை நிரப்பினால் எத்தனை பிரதிகள் என்பதை முடிவு செய்ய இலகுவாக இருக்கும். கிண்டில் வடிவமும் ஒன்றாகவே வெளியாகும்.

https://docs.google.com/forms/d/e/1FAIpQLSdxDQ74aD7qlwKVodTYFzDgEuqabPNfUyrExuxI_PwpAszrTw/viewform
Photo
Add a comment...

மட்டன் சுக்காவிற்கு நாக்கு ஏங்கிங் என்பதால் காலையில் எழுந்ததும் மட்டன் வாங்கி வந்தேன்.மட்டன் வாங்கி வரும் ஒவ்வொரு முறையும் அம்மணியிடம் சுக்காவிற்கு கோரிக்கை வைப்பதும், அம்மணி எந்த ரிப்ளையும் கொடுக்காமல் சஸ்பென்ஸாக காத்திருக்க வைத்து மொத்தத்தையும் குழம்பில் போட்டு அவித்து , " ஆயிரம் டிசைன்லாம் பண்ண முடியாது, தின்னா தின்னுங்க, திங்காட்டி போங்க" என்று சஸ்பென்ஸை பல்பாக ஓப்பன் செய்வதும் வழமை. காக்க வைத்து பல்ப் கொடுப்பதில் ஒரு அல்பத் திருப்தி. ”அதான் பல்ப் கொடுக்கிறார் என தெரியுதுல்ல பொறவு ஏன் சுக்கா எதிர்பார்ப்பு?” என்று தோன்றுதுதானே, ஏன் அந்த எதிர்பார்ப்பு என்றால் சில நேரம் அதாவது 0.01 சதவிகித நேரங்களில் அவருக்கு என் மீது இரக்கம் பிறக்கும். அப்போது சுக்கா பக்காவா செய்தும் தருவார் என்பதால் அந்த வருடாந்திர 0.01 இன்றைக்கா இருக்குமோ என்கிற ஓர் நப்பாசையிலேயே நகரும் என் மட்டன் நாட்கள்.

இன்று , ஆதித் பய எழுந்ததும் அலமாரியில் இருந்த மொத்த என் புத்தக சேகரிப்பையும் தனது விளையாட்டிற்கென எடுத்து வீடெங்கும் இரைத்து வைத்ததில் அவனின் மீதான கோபத்துடனேயே துயில் எழுந்தவர், பின் அக்கோபம் யூடேர்ன் போட்டு என் மீது சூறாவளியாய் நிமிடத்திற்கு லட்சம் சொற்கள் வேகத்தில் மையம் கொண்ட போது அவசரமாகக் கிளம்பி வெளியில் வந்து காரியத்தில் கண்ணாக மட்டனோடு திரும்பினேன்.

இப்போ இந்தச் சூழலில் மட்டன் சுக்கா கேட்டால் நிச்சயம் மனுஷ சுக்கா கன்ஃபார்ம் என்பதால் மூளைக்காரன் என்ன பண்ணினேன் தெரியுமா? வாங்கி வந்த மட்டனை சுத்தம் செய்யும் சாக்கில் எலும்புக்கறி குழம்பிற்கெனவும், எலும்பில்லாக் கறி சுக்காவிற்கெனவும் தட்டில் நடுவால ஒரு கோடு தெரிவது போல இரண்டு பாகங்களாய் பிரித்து வைத்து அம்மணிக்கு குறிப்பால் உணர்த்தியிருக்கேன். பார்ப்போம்.

அதுவரை சஸ்பென்ஸ்.

#இலக்கிய_இல்லறம்
Add a comment...

எதைச் சொன்னாலும் அதற்கு நேர் எதிராகப் பேசுவதும், செயலில் காட்டுவதுமாக இருப்பதுதான் ஆதித்தின் தற்போதைய இயல்பாக இருக்கிறது. அதற்காக ஆப்போசிட் சைக்காலஜியை செயல்படுத்தினாலும் பயபுள்ள நம்மின் குறிப்பறிந்து விவரமாக பதில் சொல்லி எஸ்கேப்பாகிவிடும்.

சமீபத்தில் குடும்பத்தோடு வெளியில் சென்றிருந்த போது கார் வாங்கித் தரச் சொல்லி நச்சரித்துக்கொண்டிருந்தான். மாதத்திற்கு குறைந்தபட்சம் 500 ரூபாய்க்கு கார்கள் வாங்க வேண்டி வரும். வாங்கிய அன்று மட்டும் தூங்கும் போதும் கூட காரை அணைத்துக்கொண்டுதான் உறங்குவான். அடுத்த நாளே ஓங்கி தரையில் அடித்து உடைத்து உள்ளே இருக்கும் பாகங்களை ஆராய்ந்து முடித்து தூக்கி வீசிவிட்டு, அடுத்த காருக்கு அடிபோடுவான். அப்படித்தான் அன்றும் முந்தைய நாள் வாங்கிக் கொடுத்த காரினை உடைத்துவிட்டு அடுத்த காருக்கு அடிபோட்டுக்கொண்டிருந்தான்.நச்சரிப்பு தாங்க முடியாமல் “கொஞ்ச நேரம் வெயிட் பண்ணுடா , வேலையை முடிச்சிட்டு வாங்கித் தரேன்” என்றேன். பயபுள்ள வழக்கம் போல எதிர்த்திசையில் நொடியில் ரிப்ளையைத் தந்தான்,”நான் கொஞ்ச நேரமெல்லாம் வெயிட் பண்ண மாட்டேன், நிறைய நேரந்தான் வெயிட்....” என்று நிறைய நேரந்தான் வெயிட் பண்ணுவேன் எனச் சொல்ல வந்தவன் சட்டென தனது டயலாக்கின் தவறினை உணர்ந்து அப்படியே ஃப்ளோவில் ,”நிறைய நேரந்தான் வெயிட் பண்ண வைப்பீங்க” என்று சுதாரித்தான். இதை அவன் ஆத்தாக்காரி கவனிக்கல, கவனிச்சிருந்தா ,”அப்படியே அப்பன் புத்தி, எப்படி மாத்தி பேசுறான் பாத்தியா” என்றிருப்பாள்.

=================================

பிறைநிலவைக் காட்டி ,”பாத்தீங்களா மூனை, சர்க்கிளாத்தானே இருக்கும், யாரோ பாதியை எரேஸ் பண்ணிட்டாங்க” என்று தனது எல்.கே.ஜி ஓவிய புத்தகத்திற்கு நிகராக அத்தனை யாதார்த்தமாக வானத்தையும் பிறைநிலவையும் கடந்து வந்தது இன்று மாலை நடந்தது.

======================================

அவன் விழித்திருக்கும் நேரம் எங்களை டிவி பார்க்கவே விட மாட்டான். கார்ட்டூன் சேனலைத் தவிர வேறு எதுவும் ஓடக்கூடாது. வீட்டிற்கு வெளியில் விளையாடினாலும் கார்ட்டூன் ஒலி கேட்டுக்கொண்டிருக்க வேண்டும்.இதனால் ஓர் ஒப்பந்தம் செய்து கொண்டோம், பகலில் அவன் பார்க்கலாம் என்றும் இரவில் நாங்கள் எனவும்.ஆனாலும் இரவும் டிவி பார்க்க அவனோடு பெரிய போராட்டம் மேற்கொள்ள வேண்டியிருக்கும்.சற்று நேரத்திற்கு முன்பு கூட ஓர் ஆர்க்யூமெண்ட் போனது,”டேய் உன் டைம் முடிஞ்சிடுச்சுல்ல,இது எங்களோட டைம் “ என்றபடியே சேனலை மாற்றினேன்.

“மூன் டைம் தானே உங்க டைம் , சன் டைம் என்னோட டைம்தானே, இங்கே மூனா போட்டிருக்கு, சன் தானே போட்டிருக்கு” என்று சன் டிவியின் சிம்பலைத் தொட்டுக் காட்டிக் கேட்கிறான். அடேய்....

#ஆதித்_அப்டேட்ஸ்
Add a comment...

Post has shared content
பாடகி ஸ்வர்ணலதாவைக் குறித்து எழுதிய தனியொருத்தித் தொடர் புத்தக வடிவமெடுக்கிறது. இங்கே எழுதிய போது இருந்ததைவிட நிறைய சுவாரஸ்யங்களை புத்தக வடிவிற்காக மாற்றியும், சேர்த்தும் இருக்கிறேன்.

தனியொருத்தியைப் பற்றி ஈரோடு கதிர் அவர்களின் சொற்கள் பெரிய நம்பிக்கையை அளித்திருக்கிறது.

உங்கள் ஆதரவையும் எதிர்பார்த்து.. :)
பாரியின் ‘தனியொருத்தி’ தயாராகிக் கொண்டிருக்கிறது. புத்தகத் தயாரிப்பில் பல புத்தங்களில் சொற்களை பார்த்தபடி கடந்து போய்விடுவேன். இதில் அப்படிக் கடக்க முடியாமல் வாசித்து வாசித்து வியப்படைந்து தேங்கி நிற்கிறேன். தனியொருத்தி குறித்து பேசுவதற்கு முன்பு பாரி குறித்துப் பேச வேண்டும்.

2009ல் பேச ஆரம்பித்திருப்போம். பார்த்துக் கொள்ளாமலேயே மிகுந்த பிரியம் பாவிக்கும் உறவுகளில் பாரிக்கு இடமுண்டு. உரையாடல்கள் இரவுகளில் நீண்டதுண்டு. திருப்பூர் - சிங்கப்பூர் - திருமணம் - சென்னை என எல்லாத் தருணங்களும் நான் அறியத்தரும் வகையிலான நட்பு. ஒரு சென்னைப் பயணத்தில் நானே வேண்டி விரும்பி வீட்டுக்குச் சென்று சந்தித்து விருந்துண்டு வந்தேன். சமீபத்தில் ஈரோட்டில், பவானியில் ஒருமுறை வீட்டுக்கு என ஷான் வழியாக பாரியை இன்னும் நெருங்கும் வாய்ப்பு.

கலவையான, கனமான ஒரு சிறுகதைத் தொகுப்பு வரும் எனக் காத்திருந்த நேரத்தில் “தனியொருத்தி” பளிச்சென தயாராகி நிற்கிறாள்.

பாடகி ஸ்வர்ணலதா என்றால் எனக்கெல்லாம் போவோமா ஊர்கோலம் முதல் போறாளே பொன்னுத்தாயி வரை கொஞ்சம் மட்டுமே மனதில் பதிந்தவை. அவ்வளவுதான் ஞானம். 'தனியொருத்தி’யில் ஸ்வர்ணலதாவின் பாடல்களை கொண்டாடி அலசியிருக்கும் விதம் கட்டிப்போடுகிறது.

ஏன் இவ்வளவு சீக்கிரம் ஸ்வர்ணலதா இறந்து போனார் ஏன ஏங்க வைக்கிறது. பாடல்களைத் தேடி கேட்டுக்கொண்டே வாசிக்கத் தூண்டுகிறது. புத்தகத்தோடு பாடல்களையும் இணைத்துக் கொடுப்பது சாத்தியமெனில் (சட்டச்சிக்கல்கள் தெரியாது) இது காலம் பேசும் படைப்பாக மாறும்.

தன்னைக் கவர்ந்த ஆளுமை குறித்த படைப்புகளில் ‘தனியொருத்தி’ தனி இடம் பிடிக்கும். ஸ்வர்ணலதா வாழும் காலத்தில் இப்படியொரு கொண்டாட்டம் நிகழ்ந்திருந்தால், அதுவே அவரை இன்னும் வலுக்கட்டாயமாக வாழ நிர்பந்தித்திருக்கும். பாடகர்கள் திறன் குறித்து பாசாங்கு இல்லாத இது போன்ற எழுத்துகள் அவரவர் ரசிகர்களிடமிருந்து இன்னும் வரவேண்டும்

பாரியிடம் பிரியமாய் கொஞ்சம் பொறாமையோடு கேட்டவேண்டிய ஒன்றே ஒன்று.... “யோவ்... உன்னையெல்லாம் பெத்தாங்களா... இல்ல இந்த ரசனைக்காகவே ஆர்டர் கொடுத்து செஞ்சாங்களா!?” என்பதுதான்.

+நாடோடி இலக்கியன்
Add a comment...

Add a comment...

கே டிவியில் 'ஒரு இனிய உதயம்' ஒளிபரப்பாக இருக்கிறது என்றறிந்த நொடியில் தூர இயக்கியை எடுத்து கைலிக்குள் பதுக்கிக் கொண்டேன்.சென்ற வருடம் இதே இனிய உதயத்தை முன் வைத்து ஒரு இலக்கிய இல்லறம் எழுதப்பட்டதன் நீட்சியாக சம்பவங்கள் அரங்கேறின.

படம் ஓட ஆரம்பித்ததும் விஜயகாந்த் நடித்த ஏதோ ஒரு பழைய படம் என்பதாக என்னுடன் இணைந்து பார்க்க ஆரம்பித்த வீட்டம்மணி,முதல் சில காட்சிகளிலேயே எலி ஏன் இவ்வளோ பக்காவா பம்மிக்கொண்டு உட்கார்ந்திருக்கு என்பதை அறிந்து,"ஓ இந்தப் படமா, அதான பார்த்தேன்... மூஞ்சியும் மொகரையும் பாரு, ரிமோட்டக் கொடுங்க" என்றார்.

"ரிமோட்டா, நான் பாக்கவே இல்லியே" என்று நிரூபிக்கப் போராடுகையில், தனது லாஜிக் கேள்விகளால் என்னைத் திணரடித்துத் தூர இயக்கியைக் கைப்பற்றி விஜய் தொலைக்காட்சியின் கலக்கப் போவது யாரில் ஐக்கியமானார்.

கடமைக்கு நானும் அந்நிகழ்ச்சியை நோக்கிக் கொண்டிருந்தாலும் மனத்திரையில் ஒரு இனிய உதயம் காட்சிகள் ஓடிக்கொண்டிருந்தன.சில நிமிடங்கள் கடந்த நிலையில் இதுதான்டா நீ காத்திருந்த காட்சிக்கானத் தருணம் என உள்மனம் சொல்ல அம்மணியிடம் ,"ஒரே ஒரு நிமிடம் கேடிவியில் வையேன்" என்றேன்.

முறைத்துக்கொண்டே வைத்தார், நினைத்தது போலவே அமலாவின் அறிமுகக் காட்சி.என்னா ஒரு அழகு ! சிற்பம் கவிதை ஓவியம் மூன்றும் சேரும் ஓரிடம் என்று பழனி பாரதியின் வரிகளை கடன் வாங்கி மனம் ரசித்துக்கொண்டிருந்தது.

மெய் மறந்த நிலையில் நான் தொலைக்காட்சியில் லயித்திருக்க, வீட்டம்மணி என்னின் வாய் பிளந்த நிலையைக் கண்டு கடுப்பாகி,வண்டை வண்டையாகத் திட்டிக் கொண்டிருந்தார்.அமலாவுக்கு மட்டும் தெரிந்தால் மான நஷ்ட ஈடு வழக்கே தொடர்ந்துவிடுவார் என்ர வீட்டம்மணி மீது.அத்துனை வசவுகள் என்னோடு சேர்ந்து அமலாவிற்கும்.என் அமலா ரசிப்புக் காரணமாக தன்னுடைய அலைபேசியில் இருக்கும் இளையராஜா ஹிட்ஸில் 'தூங்காத விழிகள் ரெண்டு' பாடலை நீக்கச் சொல்லிக் கேட்கிற அளவிற்கு அமலா வெறுப்பாளர் ஆகியிருக்கிறார் அம்மணி.

ஆனாலும் பாருங்க அத்தனை திட்டினாலும் அமலாவின் அறிமுகக் காட்சி மாறும் வரை அலைவரிசையை மாற்றாமல் இருந்ததன் பின்னணியிலான வீட்டம்மணியின் கருணையையும் நான் கவனிக்கத் தவறவில்லை.ஒரு வழியாகக் காட்சி மாறியதும், "நீ சேனல் மாத்திக்க" என்றேன்.

"வெக்கமாவே இருக்காது போல மானங்கெட்ட ஜென்மம்" என்றபடியே அலைவரிசையை மாற்றியவர் சற்று நேரத்தில் தொலைக்காட்சியை அனைத்துவிட்டு தனது அலைபேசியில் Smule ல் தஞ்சமானார்.நானும் என் அலைபேசியில் ஃபேஸ்புக்கில் ஐக்கியமானேன்.

ஒரு சில நிமிடங்கள் கடந்த நிலையில் Smuleல் இருந்து அம்மணி YouTube வில் உலவ ஆரம்பித்தார்.

அவருக்கு 90களின் பாடல்கள் மீது தீராக் காதலுண்டு என்பதால் அவரின் அலைபேசியில் இருந்து அந்த கால இடைவெளியில் சற்று முன்னும் பின்னும் வந்த பாடல்களாக YouTube வழி பார்த்தும் கேட்டும் கொண்டிருந்தார்.

'ஓ மனசுல பாட்டுத்தான் இருக்குது' பாடல் வந்தது.கூடவே பாடிக்கொண்டிருந்தவர் பாடல் காட்சியினை என்னிடம் காட்டி,"ஏங்க கார்த்திக் செம அழகுல்ல,தமிழில் எத்தன ஹீரோ வந்தாலும் கார்த்திக் மாதிரி அழகு யாருமே கிடையாது, சிரிக்கிறப்போ பாருங்க,ச்சே செம அழகுங்க" என்றார்.

"வெக்கமாவே இருக்காது போல"

#இலக்கிய_இல்லறம்
Add a comment...

Post has attachment
இவர் யாரென்று தெரிகிறதா?
Photo
Add a comment...

//தமிழில் தனது இசையில் ஸ்வர்ணலதா பாடிய அனேக பாடல்களைத் தெலுங்கிலும் அவரையேதான் பாட வைத்திருப்பார் ரஹ்மான். அவ்வகையில் முதல்வனின் ‘உளுந்து வெதக்கையிலே’ பாடலின் தெலுங்கு வடிவத்தையும் ஸ்வர்ணலதாவேதான் பாடியிருந்தார். இருந்தும் தெலுங்கில் ‘ஏருவாக சாகு குண்டகா’ நமக்கு இன்னொரு அனுபவத்தைக் கொடுக்கும். தெலுங்கில் அவரின் சங்கதிகள் இன்னும் ஈர்ப்பாகத் தெரிவதாகத் தோன்றும். அதன் பின்னணியை யோசிக்கிற போது ஸ்வர்ணலதாவின் குரலில் இயல்பிலேயே காணக் கிடைக்கும் வளைவு நெளிவுகளுக்கு தெலுங்கு மொழியின் உச்சரிப்புகள் வாட்டமாக அமைந்து அவரின் சங்கதிகளை பளிச் என்று அடையாளம் காட்டுகிறதோ என்ற ஓர் எண்ணம் வந்துபோகும்.

இப்பாடலின் பல்லவியில் வரிகளின் முடிவில் வரும் ‘வெதைக்கயிலே’ ,’அடிக்கையிலே’ எனும் சொற்களை நீண்ட நாட்களாக சுருட்டியே வைத்திருக்கும் ஓலைப் பாயினை விரிக்கும் காட்சியோடு ஒப்பிட்டு அணுகிக் கேட்டுப் பாருங்க. விரித்த வேகத்தில் நிகழும் ஓலைப்பாயின் சுருட்டலைப் போல அந்த சொற்களில் அவர் போடும் சங்கதிகளின் வேகம் இருக்கும். போலவே இரண்டாம் முறை பல்லவியைப் பாடுகிறபோது ‘வெதைக்கையிலே’ வில் மட்டும் சங்கதியின் போக்கை கைநூலின் சுண்டுதலுக்கு காற்று வெளியிடை இறங்கி ஏறும் காற்றாடியின் செயலை ஒத்து மாற்றிப்பாடுகிற இடமும் அத்தனை அட்டகாசமாக இருக்கும். //

#தனியொருத்தி_விரைவில்
Add a comment...
Wait while more posts are being loaded