Profile

Cover photo
Prabhakaran N R
Works at Vizual Business Tools Private Limited
Attended VCHSS
Lives in Chennai, Tamil Nadu, India
2,555 followers|3,718,318 views
AboutPostsPhotos

Stream

Prabhakaran N R

Shared publicly  - 
 
கும்மிருட்டு. மாடசாமி சைக்கிளை வேகமாக மிதித்துக் கொண்டிருக்கிறார். திரும்பிப் பார்க்கக் கூடாது என்று நினைத்தவருடைய கண்கள் சுடுகாட்டை நோக்கி பார்க்கின்றன. திடீரென சைக்கிள் நின்றுவிடுகிறது.

மேலும் வாசிக்க:
http://www.philosophyprabhakaran.com/2016/09/blog-post.html
 ·  Translate
அன்புள்ள வலைப்பூவிற்கு, சம்பவம் நடந்து சுமார் 25 வருடங்கள் ஆகியிருக்கும். அப்பொழுதெல்லாம் நடுத்தர வர்க்கத்தினர் மத்தியில் சைக்கிள் பயன்...
1
Add a comment...

Prabhakaran N R

Shared publicly  - 
 
வலைப்பூவில் / ஃபேஸ்புக்கில் எழுதுவதற்கும், புத்தகம் எழுதுவதற்கும் வேறுபாடுகள் உள்ளன. வலைப்பூவில் நமது தனிப்பட்ட விருப்பு வெறுப்புகளை எழுதலாம். பெங்களூரில் போயிறங்கியதும் காஜல் அகர்வால் போஸ்டரை பார்த்தேன் என்று ஜொள் விடலாம். ஆனால் புத்தகத்தில் இதுபோன்ற அசட்டுத்தனங்கள் கூடாது.
.
மேலும் வாசிக்க:
http://www.philosophyprabhakaran.com/2016/07/blog-post.html
 ·  Translate
1
Add a comment...

Prabhakaran N R

Shared publicly  - 
 
தமிழகத்தில் நீங்கள் ஒரு விஷயத்தை கவனித்திருக்கலாம். டாஸ்மாக்கில் மற்ற பானங்களை விட பிராந்திக்கு அதிக முக்கியத்துவம் கொடுப்பார்கள். சென்னையின் விருப்ப பானம் பிராந்திதான் என்று ஒரு பிரபல நாளிதழே சூடமேற்றி சத்தியம் செய்கிறது.

மேலும் வாசிக்க:
http://www.philosophyprabhakaran.com/2016/07/4.html
 ·  Translate
பெங்களூரு போகப்போகிறோம் என்றதும் அத்தனை துயரங்களுக்கு மத்தியிலும் உற்சாகமூட்டிய ஒரு விஷயம், அங்கு நல்ல சரக்கு கிடைக்கும் என்பது. குறிப்பாக வெளிநாட்டு பியர் ...
1
Add a comment...

Prabhakaran N R

Shared publicly  - 
 
பெங்களூரு தினங்கள் - 2
-----------------------------------------

மே 23ம் தேதி புதிய அலுவலகத்தில் முதல்நாள். கத்தையாக விண்ணப்பப் படிவங்களிலும் சாசனங்களிலும் சலிக்காமல் கையொப்பமிட வேண்டியிருந்தது. ‘ஆறாவது’ முறையாக தமிழக முதல்வராக செல்வி. ஜெயலலிதா பதவியேற்றுக் கொண்ட அதே சமயத்தில் இன்னொரு பதவியேற்பு விழாவும் ஆர்பாட்டமில்லாமல் நடந்து முடிந்தது.

தொடர்கிற பத்தியை படித்துவிட்டு இவனெல்லாம் உருப்படவே மாட்டான் என்று நீங்கள் நினைக்கலாம். நினைத்துக் கொள்ளுங்கள். என்னிடம் அலுவல் ரீதியாகவோ, தனிப்பட்ட முறையிலோ யாரேனும் ஆங்கிலத்தில் பேசினால் எதிர்த்தரப்புக்கு தமிழ் தெரியும் பட்சத்தில் நான் தமிழிலேயே பதிலளிப்பேன். இதில் உள்ள ‘கம்ஃபர்ட்’ ஆங்கிலத்தில் கிடைப்பதில்லை. வேறு வழியே இல்லாத சூழல்களில் மட்டும்தான் தட்டுத்தடுமாறி ஆங்கிலத்தை கையில் எடுப்பேன். நம்மில் பலருக்கு ஒரு பழக்கம் இருக்கிறது. தமிழகத்திலேயே இருந்தாலும் ஏர்போர்ட்டுக்கோ, போஷான உணவகத்திற்கோ, ரெஸார்ட்டுக்கோ சென்றால் அங்கே ஆங்கிலத்தில் தான் பேச வேண்டும் அல்லது ஆங்கிலத்தில் பேசினால்தான் மரியாதை என்று கற்பனை செய்துகொண்டு நாவை சுழட்டிக்காட்டுவார்கள். நான் இப்படிப்பட்ட வணிகம் சார்ந்த இடங்களில் துளி கூட யோசிக்காமல் தமிழிலேயே பேசுவேன். நம்மூருக்கு வந்து வியாபாரம் செய்பவர்கள் நமது மொழியை தெரிந்து வைத்திருக்க வேண்டும் என்பது எனது எண்ணம். ஆனால் பிழைக்கப் போன இப்படிப்பட்ட குறிக்கொழுப்பு பேச்செல்லாம் பேச முடியுமா ?

பெங்களூர் அலுவலகத்தில் சம்பாஷனைகள் எல்லாம் இப்போதைக்கு ஆங்கிலம்தான், எதிர்தரப்புக்கு தமிழ் தெரிந்திருந்தாலும் கூட. என்ன ஒன்று, இங்கே யாரும் நம்மை மிரட்டுவதற்காகவே ஆக்ஸ்போர்டிலேயே இல்லாத வொக்கபிலேரியை பயன்படுத்துவதில்லை. அக்சென்ட் என்ற பெயரில் உள்ளூர்க்காரர்களிடமே சுழட்டிக் காட்டுவதில்லை. தெளிவான இந்திய / ஹிந்திய ஆங்கிலம்தான். இருப்பினும் நாள்முழுக்க ஆங்கிலத்தில் பேசுவது என்பது தண்டனைதான். இப்படி வருத்தப்பட்டுக் கொண்டிருந்த சமயத்தில் ‘சாப்ட்டீங்களா தம்பி’ என்று தமிழில் கேட்டபடி ஒருவர் ஆதரவாக தோளில் கை வைத்தால் எப்படி இருக்கும் ! அதுவும் நிர்வாகத்தில் பெரிய பொறுப்பிலிருக்கும் ஒரு நபர். ‘இல்லை’ என்றதும் அருகிலுள்ள நல்ல உணவகங்களுக்கு வழி சொன்னார். 

சில விஷயங்களைப் பொறுத்தவரையில் நாமே எக்ஸ்ஃப்ளோர் செய்வதுதான் சுவாரஸ்யம். முதல்நாள் மதியம் கொஞ்ச தூரம் நடந்தபிறகு ஒரு சைவ உணவகத்தில் மஷ்ரூம் ஃப்ரைட் ரைஸ் கிடைத்தது. சாப்பிட்டுவிட்டு திரும்பும்போதுதான் இன்னொரு கடையில் ஆம்பூர் பிரியாணி 60ரூ என்றிருந்ததை கவனித்தேன். அடுத்தடுத்த நாட்களில் அதே பகுதியில் பல ஆம்பூர் பிரியாணி கடைகள் உள்ளதை கண்டுகொண்டேன். இந்தக் கடைக்காரர்களுக்கு எல்லாம் தமிழக வரைபடத்தில் ஆம்பூர் எந்த திசையில் உள்ளது என்று கேட்டால் கூட சொல்லத் தெரியாது என்று நினைக்கிறேன். ஒவ்வொரு கடையிலும் பிரியாணியின் சுவை ஒவ்வொரு மாதிரி இருக்கிறது, ஆனால் எங்கேயும் பிரியாணி மாதிரி இல்லை. வாயிலேயே வைக்க முடியவில்லை என்று சொல்ல முடியாது. இதே பிரியாணியை சென்னையில் விற்றால் கண்டிப்பாக 80 அல்லது 90 ரூபாய் வாங்குவார்கள். இங்குள்ள போட்டியின் காரணமாகவோ என்னவோ 50 அல்லது 60 ரூ மட்டும் வாங்குகிறார்கள்.

அலுவலகம், தங்குமிடம் தவிர்த்து பொது இடங்களில் வியாபாரிகளும், வழிப்போக்கர்களும் பரவலாக தமிழில் பேசுவதைக் காண முடிகிறது என்பதால் ப்ரியா ஆனந்த் போல ‘ஹேய்... நீங்க தமிழா ?’ என்றெல்லாம் நாம் ஆச்சரியப்பட வேண்டியதில்லை. அதே சமயத்தில் தமிழில் பேசுபவர்கள் எல்லாம் தமிழர்கள் அல்ல என்பதை நாம் புரிந்துகொள்ள வேண்டும். இங்குள்ள பலர் தாராளமாக மூன்று அல்லது நான்கு மொழிகளை தெரிந்து வைத்திருக்கிறார்கள். இந்தியாவிலேயே தாய்மொழி தவிர்த்து வேறு எந்த மொழியையும் கற்றுக்கொள்ளாத அதிக அப்பாவிகள் உள்ள ஊர் தமிழகமாகத்தான் இருக்கும்.

பெங்களூர் பற்றி மற்றவர்கள் அதிகம் பயம் காட்டிய விஷயம் – சினிமா டிக்கட் விலை. நம்மூர் மாதிரி 120 வரையறை இங்கு இல்லை. அதுவும் வார இறுதிகளில் டிமாண்டை பொறுத்து விலையை ஏற்றி இறக்குவார்கள் என்று கேள்விப்பட்டேன். இது மால்களில் உள்ள திரையரங்குகளுக்கு பொருந்தும். ஆனால் எனக்கு கிடைத்த நற்பேறு என்னவென்று பாருங்கள். நான் வசிக்கும் பகுதியில் இருந்து இரண்டு கி.மீ சுற்றளவிலேயே நான்கு ஒற்றைத்திரை அரங்குகள் உள்ளன. இவற்றில் இரண்டிலாவது தமிழ் படங்கள் வெளியாகின்றன. ஆனால் பெரிய / மீடியம் பட்ஜெட் படங்கள் மட்டும்தான். இங்கே பார்ப்பது போல ஜீரோ, களம் எல்லாம் அங்கே முடியாது.

புது ஊருக்கு போனால் அங்குள்ள கலாசாரத்தை அறிந்துகொள்ள சில இடங்களுக்கு செல்ல வேண்டும். அவற்றில் முதலாவது திரையரங்கம். பெங்களூரில் முதல் படமாக என்ன சினிமா பார்க்கலாம் ? வரவேற்று உற்சாகமளித்த காஜல் அகர்வால் படமா அல்லது மண்ணின் மொழியான கன்னட படமா ? கன்னட படமே பார்க்கலாம் என்று முடிவு செய்தேன். லூஸியா இயக்குநரின் படம் என்பது பிரதான காரணம். இங்குள்ள திரையரங்குகளில் சாதாரணமாகவே தினசரி ஐந்து காட்சிகள் ஓட்டுகிறார்கள். ஒற்றைத்திரைகளில் டிக்கட் கட்டணம் நூறு அல்லது நூற்றைம்பது இருக்கிறது. முதல் படம் பார்த்த தியேட்டர் – பாலாஜி. முன் சீட்டு ஆசாமியின் தலை திரையை மறைக்க வாய்ப்பே இல்லாத வகையில் இருக்கைகள் அமைக்கப்பட்டுள்ளன. வாரநாள் என்றாலும் அரங்கு நிறைந்திருந்தது. பெரும்பான்மை கார்ப்பரேட்களில் பணிபுரியும் ஆண்-பெண் குழுமங்கள். வந்தவர்களில் பெரும்பாலானவர்களுக்கு கன்னடம் தெரிந்திருக்காது என்று நினைக்கிறேன். முதல் சீனில் சப்-டைட்டிலை பார்த்ததும் பலர் உற்சாகமாக கத்தியதை வைத்து சொல்கிறேன். கேண்டீனில் கொள்ளையடிப்பதை பொறுத்தவரையில் தமிழகத்தைவிட மோசம். அஞ்சு, பத்து சில்லறை எல்லாம் தருவதில்லை. கடலைபருப்பையும், பட்டாணியையும் சில்லறைக்கு பதிலாக தள்ளிவிட்டு ஏமாற்றுகிறார்கள். ஆனால் திரையரங்கில் பார்த்த முதல் கன்னட சினிமா ஏமாற்றவில்லை.

புது ஊர் கலாசாரத்தை தெரிந்துகொள்ள சில இடங்களுக்கு செல்ல வேண்டும் என்று சொன்னேன் இல்லையா. முதலாவது, திரையரங்கம். இரண்டாவது என்ன என்று யூகித்திருப்பீர்கள். அதனை அடுத்த பகுதியில் பார்க்கலாம்.
 ·  Translate
4
மங்களூர் சிவா's profile photoPrabhakaran N R's profile photo
2 comments
 
Yes
Add a comment...

Prabhakaran N R

Shared publicly  - 
 
முழுக்க முழுக்க சினிமாவின் backend தகவல்கள் அடங்கிய புத்தகமொன்று என்னை விக்ரமாதித்யன் வேதாளம் மாதிரி சில வருடங்களாக தொடர்ந்து வருகிறது. கேபிள் சங்கர் எழுதியிருக்கும் சினிமா வியாபாரம்.

மேலும் வாசிக்க:
http://www.philosophyprabhakaran.com/2015/09/blog-post.html
 ·  Translate
1
Add a comment...

Prabhakaran N R

Shared publicly  - 
 
கபாலி ப்ரிவ்யூ (அ) ஏன் கபாலியை வரவேற்க வேண்டும்...?
.
இன்னும் கபாலி பார்க்கவில்லை. ஆனால், நண்பர்கள் எழுதுவதை வைத்து சில விஷயங்களை புரிந்துகொள்ள முடிகிறது. என்னளவில் சில காரணங்களுக்காக கபாலி வெற்றியடைய வேண்டுமென விரும்புகிறேன்.
.
கலைப்புலி தாணு செய்துக்கொண்டிருக்கும் அராஜகத்தையும், பரவலாக வந்துகொண்டிருக்கும் எதிர்மறை விமர்சனங்களையும் தாண்டி நான் கபாலியை குறைந்தபட்சம் ஒருமுறையாவது திரையரங்கில் பார்க்க விரும்புவதற்கு மூன்று காரணங்கள்.
.
1. பொதுவான சினிமா ரசிகர்களின் நீண்டகால விருப்பப்படி (வட இந்திய நடிகர் அமிதாப் பாணியில்) ரஜினி தனது வயதிற்கேற்ற கதாபாத்திரத்தில் நடித்திருக்கிறார்.
.
2. வழக்கமான தன்னுடைய ஃபார்முலாவிலிருந்து ரஜினி நன்றாகவே வெளியே வந்து களமாடியிருக்கிறார். (லிங்காவிலேயே கொஞ்சம் வெளிவந்துவிட்டார்).
.
3. சமீப வருடங்களில் ரஜினி இளைய / புதிய தலைமுறை இயக்குநருக்கு / படக்குழுவினருக்கு வாய்ப்பளித்திருக்கிறார்.
.
ஒரு மனிதன் தனது ரசிகர்களுக்காக இவ்வளவும் செய்தபிறகும் லொள்ளு நியாயம் பேசிக்கொண்டிருந்தால் ரஜினி / தமிழ் சினிமா ரசிகர்களை அந்த ஆண்டவனால் கூட காப்பாற்ற முடியாது !
 ·  Translate
3
Add a comment...

Prabhakaran N R

Shared publicly  - 
 
கார்ப்பரேட் கேரக்டர்ஸ் – பரோட்டா சூரி
----------------------------------------------------------
ஒவ்வொரு கார்ப்பரேட் கம்பெனியிலும் குறைந்தபட்சம் ஒரு பரோட்டா சூரியாவது இருக்கிறார்கள். பரோட்டா சூரிகளை ஐந்து அறிகுறிகளை வைத்து கண்டுபிடிக்கலாம்.
.
# ஆசாமி சென்னையாகவே இருந்தாலும், 'அவிய்ங்க, இவிய்ங்க, வந்துட்டாய்ங்க' என்று ‘ய்ங்க’ ஸ்லாங்கில் பேசுவார்கள். எல்லோரையும் போல சாதாரண மாடுலேஷனில் பேசாமல் ஒருமாதிரி கொனத்திக்கொண்டு* பேசுவார்கள்.
.
# எல்லா சம்பவங்களுக்கும், சூழ்நிலைகளுக்கும் கைவசம் ஒரு வடிவேலு, கவுண்டமணி, சந்தானம் டயலாக்கை வைத்திருப்பார்கள். கார்ப்பரேட்டில் பயன்படுத்தும் வார்த்தைகளுக்கு பிரத்யேக க்வெர்க்கி டெர்ம்ஸ் வைத்திருப்பார்கள். உதாரணத்திற்கு, ஸ்டேட்டஸ் மீட்டிங் – பஞ்சாயத்து, அப்ரைஸல் – காதுகுத்து, ப்ராஜெக்ட் – சம்பவம்.
.
# காமெடியாக பேசுவதாக நினைத்துக்கொண்டு மொக்கை ஜோக் அடிப்பார்கள். அதையும் நான்கைந்து கேபின்களுக்கு கேட்கும் வகையில் சத்தமாக செய்வார்கள். தமிழ் தெரியாத நார்த் இந்தியன் ஃபிகரிடம் போய் தமிழில் லெங்க்தியான வசனம் பேசி வறுத்தெடுப்பார்கள்.
.
# கிளையன்ட், வேறு டீம் ஊழியர்களை பற்றி பேசும்போது மரியாதையில்லாமல் ஒருமையில் விளிப்பார்கள். மற்ற டீம் செய்யும் வேலையை மட்டம் தட்டி பேசுவார்கள். உதாரணத்திற்கு சூரி டெஸ்டிங் டீமில் இருந்தால், “கோடடிச்சு வச்சிருக்கானுங்களாம். பூரா அக்கக்கா பிரிஞ்சு வருது. இதத்தான் ராத்திரி பூரா உக்காந்து ஒட்டுனீங்களாக்கும்” என்று கொனத்துவார்.
.
# யாராவது 'ஸ்நாக்ஸ் அட் மை டெஸ்க்' என்று மெயில் போட்டாலோ அல்லது ஸ்நாக்ஸ் சாப்பிடுவதை பார்த்தாலோ உடனே பாய்ந்து சென்று அதனை பிடுங்கி சாப்பிடுவார்கள். சில சமயங்களில் டப்பாவோடு கைப்பற்றிவிடுவார்கள். இதுகுறித்து யாராவது முகம் சுளித்தால், “சாப்பிடுறதுக்கெல்லாம் கூச்சப்படக்கூடாது பாஸ்”** என்று வியாக்கியானம் பேசுவார்கள்.
.
* கொனத்திக்கொண்டு பேசுவது என்றால் எப்படி என்று தெரியாதவர்கள் விஜய் டிவி கலக்கப் போவது யாரு நிகழ்ச்சியில் பெண்களை மட்டம் தட்டி ஜோக்கடிக்கும் ‘பெண்’ ஸ்டாண்ட்-அப் காமெடியர்களை பார்க்கவும்.
.
** சாப்பிடுவதற்கு கூச்சப்படக்கூடாது என்பது உண்மையாக இருக்கலாம். ஆனால் அடுத்தவர்களிடம் பிடுங்கி சாப்பிடுவதற்கு கண்டிப்பாக கூச்சப்பட வேண்டும் பாஸ்.
.
‪#‎CorporateCharacters‬ ‪#‎கார்ப்பரேட்கேரக்டர்ஸ்‬
 ·  Translate
5
Add a comment...

Prabhakaran N R

Shared publicly  - 
 
கடுமையான வேலைப்பளுவுக்கு மத்தியில் வயிற்றுக்கு சற்று ஈய்வதற்காக ஆந்திர நண்பருடன் வெளியே வந்திருந்தேன். சுமார் பத்து மணி இருக்கும். அந்த சாலையில் அதிக ஆள் நடமாட்டம் இல்லை. சாலையோரத்தில் மூடியிருந்த ஒரு வங்கியின் படிக்கட்டுகளில் ஒரு ஜோடி நெருக்கமாக அமர்ந்திருந்தது.

மேலும் வாசிக்க:
http://www.philosophyprabhakaran.com/2016/07/5.html
 ·  Translate
பெங்களூர் சூழல் கொஞ்சம் கொஞ்சமாக இணக்கமாகி வரும் சமயத்தில், அலுவலகத்தில் உயரதிகாரி அழைத்து அநேகமாக அடுத்த வாரத்தில் நீங்கள் சென்னைக்கு மாற்றலாகி விடுவீர்கள் ...
2
Add a comment...

Prabhakaran N R

Shared publicly  - 
 
மாண்ட்யா ராணி
-----
2002. ‘தம்’ படத்தில் ‘சாணக்யா’ பாடல் சூப்பர்ஹிட் ஆகியிருந்தது. தம் வெளிவந்து இரண்டு வருடங்களுக்குப் பிறகு 'குத்து' படத்திற்காக சிம்புவுடன் மீண்டும் இணைந்த ஏ.வெங்கடேஷ் சாணக்யாவை போலவே ஒரு சூப்பர்ஹிட் பாடல் தர நினைத்திருக்கக்கூடும். அதே சிம்பு, அதே போன்றதொரு கடற்கரை, அதே சாதனா சர்கம், கதாநாயகி மட்டும் ரக்ஷிதாவுக்கு பதில் ரம்யா...
.
தொடர்ந்து வாசிக்க
http://www.philosophyprabhakaran.com/2016/06/blog-post_28.html
 ·  Translate
1
RANGA RX's profile photo
 
Mandyadha Rani!
Add a comment...

Prabhakaran N R

Shared publicly  - 
 
பெங்களூரு தினங்கள் :)

http://www.philosophyprabhakaran.com/2016/06/blog-post.html
 ·  Translate
2
Add a comment...

Prabhakaran N R

Shared publicly  - 
 
இடதுசாரி கொள்கையுடைய எண்பதுகளின் இளைஞனான சாதிக் என்பவனே நாவலின் மைய கதாபாத்திரம். அவனுடைய வாழ்வின் மூன்று வெவ்வேறு காலகட்டங்களை நாவல் ஒரு பார்வையாளனாக, நண்பனாக உடனிருந்து கவனித்து நமக்கு விவரிக்கிறது.

மேலும் வாசிக்க:
http://www.philosophyprabhakaran.com/2015/03/blog-post_25.html
 ·  Translate
1
Add a comment...
Work
Employment
  • Vizual Business Tools Private Limited
    Junior Programmer, 2011 - present
  • Allsec Technologies
    Customer Care Executive, 2009 - 2010
Places
Map of the places this user has livedMap of the places this user has livedMap of the places this user has lived
Currently
Chennai, Tamil Nadu, India
Education
  • VCHSS
    1998 - 2003
  • KCS
    2003 - 2005
Basic Information
Gender
Male
Relationship
Engaged