Profile

Cover photo
கொக்கரக்கோ சௌம்யன்
Works at RAMANA'S FOOD PRODUCT
Attended Bharathidasan University
5,938 followers|998,660 views
AboutPostsPhotosYouTube

Stream

 
பச்சை முத்து என்கிற பாரிவேந்தர் என்கிற எஸ் ஆர் எம் குழும தலைவர் கைதுன்னு இணையம் முழுக்க பரவலா செய்தி வந்திக்கிட்டிருக்கு... சன் டீவி உட்பட இன்னும் பல சேனல்களும் அதை உறுதி செய்து வந்தாலும்...

என்னால் மட்டும் இந்த செய்தியை நம்ப முடியவில்லை...!

காரணம்... கடந்த ஐந்து ஆண்டுகளாக தமிழக மெய்யுலகிலும் மெய்நிகர் உலகமான இணையவெளியிலும் சுற்றித்திரிந்து பற்பல அறிவுஜீவிகளையும், நடுநிலையாளர்களையும், நற்பண்புள்ளவர்களாக தங்களுக்குத் தாங்களே சான்றிதழ் கொடுத்துக்கொள்வோரையும் சந்தித்தும், பேசியும், படித்தும் வந்த வகையில்...

தமிழகத்தைப் பொறுத்தவரை அரசியல், சமூகம், சினிமா, கல்வி, மருத்துவம்... இப்படியாக இன்னபிற அனைத்து துறைகளிலும் எந்த செய்தியாக இருந்தாலும், இல்லை அது சம்பந்தமாக எந்த முடிவு எடுப்பதாக இருந்தாலும்...

உதாரணத்திற்குச் சொல்ல வேண்டுமானால், அரசியலில் தேர்தல் காலத்தில் யாருக்கு வாக்களிக்க வேண்டும் என்பதிலாகட்டும், யார் யார் எல்லாம் குற்றவாளிகள், யார் யார் எல்லாம் நல்லவர்கள் என்ற முடிவு எடுப்பதற்கும் கூட...

புனிதமான, நேர்மையான, கள்ளம்கபடமற்ற, நேர்மையான சம்பாதியத்தில் துவங்கப்பட்ட... உண்மையின் உரைக்கல்... உண்மைகள் உடனுக்குடன்... என்ற வாக்கியங்களுக்கு இலக்கணமாகத் திகழும் புதியதலைமுறை என்ற டீவியை பார்த்துத்தான் அதில் வரும் செய்திகளின் அடிப்படையில் தான் முடிவெடுக்க வேண்டும் என்று...

மேற்கூறிய தமிழகத்தின் ஆகச் சிறந்த அறிவுஜீவி வர்க்கத்தினரால் நான் நம்ப வைக்கப்பட்டுவிட்டேன், அல்லது மூளைச்சலவை செய்யப்பட்டு விட்டேன்...!

ஆகையால் பச்சைமுத்து என்கிற பாரிவேந்தர் கைது செய்யப்பட்டதாக இதுவரை புதியதலைமுறை டீவியில் செய்தி வராத காரணத்தால், அந்தச் செய்தியை பொய் என்று நான் ஆணித்தரமாக இங்கே பதிவு செய்கின்றேன். தமிழகத்தின் அறிவுஜீவிகளும் இதையே தான் சொல்வார்கள் என்று நம்புகிறேன்...!!

அப்படி என் நம்பிக்கை பொய் என்றால், புதிய தலைமுறை டீவியில் வந்து கொண்டிருக்கும் செய்திகள் அனைத்திலும் ஒரு சார்பு நிலையே இருக்கின்றது.. அதாவது அந்த செய்திகளின் நடுநிலையோ, நேர்மையோ, நாணயமோ அல்லது உண்மையோ இல்லை என்று அர்த்தமாகிவிடுமே என்ற அச்சத்திலும்..., இதுவரையிலும் அந்த சேனலில் வந்த செய்திகளின் அடிப்படையில் என்னுடைய பல முடிவுகளை எடுத்திருக்கின்றேன்... குறிப்பாக நான் வாக்களித்தது கூட அந்த அடிப்படையில் தான் என்ற காரணத்தினால், எனக்கே என்னைப்பார்த்தால் அவமானமாக இருக்குமே என்ற பதற்றத்தில்.....

இப்படியாக தமிழகத்தில் இருக்கின்ற பற்பல அறிவுஜீவிகளில் ஒருவர் தனது பதிவை எழுதிக்கொண்டிருக்கலாம்....! யார் கண்டது...!
 ·  Translate
10
V C G Anbarasu's profile photo
 
PichaiMuthu to PachaiMuthu to Pariventhan to Pariventhar
Add a comment...
 
நா. முத்துக்குமார்...
சில ஆழமான துக்கங்கள், என் கண்களில் நீரை வரவழைக்காது. தொண்டைக்கும், நெஞ்சுக்கும் இடைப்பட்ட பகுதியில் பந்து போல அடைத்துக் கொண்டுவிடும். அந்த அடைப்பு விலகுவதற்கு ஒரு நாள் அல்லது ஒரு வாரம் கூட ஆகிவிடும்.
இன்னமும் அந்த பந்து தொண்டைக் குழியை விட்டு அகலவில்லை. காஞ்சீபுரம் பக்கத்தில் அவர் அன்புத் தந்தையோடு வாழ்ந்த அந்த வீட்டில், அங்கு படித்த பள்ளியில், கல்லூரிகளில், மாலை நேரத்து இலக்கிய வாசகர் வட்ட கூட்டங்களில், சீமான் வீட்டில், நாடக மேடையில், சினிமா உலகில், பாலு மகேந்திராவுடன்... இப்படியாக அவர் எழுத்தின் மூலமாக என்னையும் அவரோடு பயணிக்க வைத்திருக்கிறார்...!
மிகக் குறுகிய வயதில்... அதி நீண்ட வரலாற்று அனுபவத்தை வாசகர்களுக்கு விட்டுச் சென்றிருக்கிறார். அவர் நிச்சயமாக நம்மை விட்டு மரிக்கப்போவதில்லை...! ஆனால் அவர் குடும்பத்தினருக்கு... குறிப்பாக அவரது செல்ல மகனுக்கு அவரது பிரிவு அழுத்தமான காயத்தை உண்டாக்கியே தீரும்..! அவர்கள் அந்த வலியிலிருந்து விரைந்து விடுபட அந்த ஆண்டவனிடம் தான் வேண்டிக்கொள்ள இயலும். நம்முடைய பிரார்த்தனைகள் அவர்களுக்கான மருந்தாக அமையட்டும்.
 ·  Translate
13
Add a comment...
 
ஆர் எஸ் எஸ் அறிமுகப்படுத்தவிருக்கும் மத்திய அரசின் புதிய கல்விக்கொள்கையில் சொல்லப்பட்டிருக்கும் அனைத்து பரிந்துரைகளுமே நாட்டை பழைய ராஜராஜன் காலத்து பார்ப்பன சனாதன ஆதிக்க நடைமுறைக்கு கொண்டு சென்று... மீண்டுமொரு வர்ணாசிரம ஏற்பு புரட்சியை (!) ஏற்படுத்தும் என்றாலும்...

அதில் உள்ள ஒரு குறிப்பிட்ட பரிந்துரை தான் என்னை மிகப்பெரிய அளவில் கவலை கொள்ள வைத்திருக்கின்றது.

அதாவது ஆறாம் வகுப்பிலிருந்து மாணவர்கள் ஆங்கிலம், கணிதம் மற்றும் அறிவியல் பாடங்களில் வாங்குகின்ற மதிப்பெண்களின் அடிப்படையில் ஏ மற்றும் பி என்று தரம்பிரிக்கப்படுவார்களாம்.

அதிக மதிப்பெண்கள் வாங்குபவர்கள் தொடர்ந்து படிக்கலாமாம், மற்றவர்கள் தொழிற்கல்விக்கு சென்று விட வேண்டுமாம்...!! இதைத்தான் ராஜாஜியும் அன்றைக்குச் சொன்னார். அதைத்தான் குலக்கல்வி என்றும் சொல்கிறார்கள்.

இது நடைமுறைக்கு வந்தால் என்ன நடக்கும் என்று கொஞ்சம் மனதில் காட்சிப்படுத்திப் பாருங்கள் தோழர்களே...

எங்கள் நிறுவனத்தில் ஒரு பெண் பணியாளர் இருக்கின்றார். கணவர் பெயிண்டராக இருக்கிறார். இரண்டு பிள்ளைகள். ஆண் ஒன்று பெண் ஒன்று. 4ஆவதும் 7ஆவது படிக்கின்றார்கள். டவுன்ல இருக்குற ஒரு சுமாரான பள்ளியில் தான் படிக்கின்றார்கள். ஆட்டோவில் அனுப்பி படிக்க வைக்க, கணவரின் வருமானம் போதாமல் தான் மனைவியும் வேலைக்கு வருவதாகச் சொன்னார்.

தன்னைப் போல ஏதாவது ஒரு கூலி வேலைக்குச் செல்லாமல் தன் பிள்ளைகள் நன்கு படித்து பெரிய ஆளாக வர வேண்டும் என்பது அவள் கணவனது விருப்பம் என்றும், தனக்கும் அதே கனவு இருப்பதால் தான் நானும் வேலைக்கு வருகின்றேன் என்று அந்தப் பெண் மகிழ்வுடன் கூறும் போது எனக்கு சந்தோஷமாக இருக்கும்.

கடந்த வாரத்தில் சோகமாக இருந்த அந்தப் பெண்ணை என்னவென்று கேட்கவே...

பெருசு மார்க்கு கம்மியா வாங்கியிருக்குன்னு ஸ்கோல்ல கூட்டி வச்சி என்னைய திட்றாங்க சார். அத சரியா கவனிக்கிறது இல்லியாம். படிப்பு சொல்லித்தரணுமாம். எனக்கு என்ன சார் தெரியும்?! வேணா, நூறு எரனூறு கூட வாங்கிக்குங்க சார்.... நீங்களே கூடுதலா சொல்லிக்குடுங்க சார்ன்னு சொன்னதுக்கு என்னைய முறைக்குறாரு சார் அந்த வாத்தியாரு.

வூட்டுல வந்தோடுன பெருச நாலு வாங்கு வெறவு கட்டைய எடுத்து செமத்தியா வாங்கிட்டேன். அதான் கவலையா இருக்கு. இது எப்புடி படிச்சி முன்னேறுமோன்னு நெனச்சா கெதக்குன்னு வருது சார்.

சரி நாளைக்கு உம்பொண்ணை கூட்டிட்டுவான்னு சொன்னேன்.

சொன்னபடி மறுநாள் மாலை ஐந்தரைக்கு எல்லாம் அந்தப் பெண்ணும் ஆஜர். பொதுவாக பேசிவிட்டு விஷயத்திற்கு வந்தேன்.

சார்... அங்க சொல்லிகுடுக்குறது புரிய மாட்டுது சார். சில பேரோட அப்பாம்மால்லாம் நல்லா படிச்சிருக்காங்க சார். அவங்க வூட்ல சொல்லிக்குடுத்து மார்க்கு வாங்க வச்சிடுறாங்க சார். எனக்கும் என் ஃப்ரண்ட்ஸ்க்கும் சரிய புரியமாட்டிது சார். அதான் மார்க் எடுக்க முடில சார்....

இந்த சம்பாஷணைகள் தொடர்ந்து அதற்கு ஓரளவுக்கு தீர்வு காணப்பட்டாலும்... இதை இந்த இடத்தில் நிறுத்தி மோடியின் புதிய கல்விக்கொள்கை நடைமுறைக்கு வந்திருந்தால் இந்நேரம் என்ன நடந்திருக்கும் என்று சிந்தித்துப் பாருங்கள் தோழர்களே...!

அந்தப் பெண்ணும், அதேப் போன்று அப்பா அம்மா படிக்காமல் கூலி வேலைக்கு செல்லுகின்ற பெற்றோரின் பிள்ளைகளும் இந்நேரம் பி பிரிவில் சேர்க்கப்பட்டு, இனி நீங்கள் அனைவரும் படிக்க லாயக்கு இல்லை... ஏதாவது தொழிற்பயிற்சியை மேற்கொள்ளுங்கள் என்றல்லாவா துரத்தப்பட்டிருப்பார்கள்.

அதன் பிறகு இந்த பெயிண்டர், கொத்தனார், கம்பி கட்டுறவர், டிரைவர், குளத்து வேலை, விவசாய வேலை, முடித்திருத்தம், சலவை செய்பவர்.... இப்படியானவர்களின் பிள்ளைகள் எல்லோருமே... ஆமாம் ஒன்றிரண்டு எக்ஸப்ஷனல்ஸ் தவிர கிட்டத்தட்ட எல்லோருமே அவரவர் அப்பா, அம்மா பார்க்கும் தொழிலுக்கு பயிற்சி பெற சென்று விடுவார்களே?!

அதற்கும் தான் ஒரு சட்டத்தைப் போட்டுவிட்டார்கள். அதாவது வயது குறைவாக இருந்தாலும் தந்தையோடு அவர் தொழிலைச் செய்தால் குழந்தை தொழிலாளராக கருதப்படமாட்டார்கள் என்று...!!

ஆகவே இந்த சட்டம் மட்டும் நடைமுறைக்கு வந்தால், இன்றைய தேதியில் யார் யார் என்னென்ன நிலையில் இருக்கின்றார்களோ... அவர்கள் அந்த நிலையில் இருந்து ஒரு படி கூட முன்னேறவே முடியாது என்பது தான் யதார்த்தம்.

இது நடைமுறைக்கு வந்தால், இனி ஆண்ட ஜாதி பெருமை பேசுபவர்கள் எல்லாம்..., தன் ஜாதியில் படிக்கும் காலத்தில் பி பிரிவில் சென்று தொழிபயிற்சி பெற்றவன் வீட்டில் பெண் எடுக்கவோ, கொடுக்கவோ மாட்டான் என்பதும், அதையும் மீறி ஒரே ஜாதியில் ஏ பிரிவுக்கும் பி பிரிவுக்கும் இடையில் காதல் மலர்ந்தால்... இப்பொழுது ஆண்ட ஜாதி, அடிமை ஜாதிக்கு இடையில் நடக்கும் காதலை எப்படி நாடகக் காதல் என்று தரம் பிரித்து தடியைத் தூக்குகின்றார்களோ... அதுவே சொந்த ஜாதியிலும் நடக்கின்ற அவலம் நடைபெறும்..!!

இந்தப் பதிவு சற்று தடம் மாறி பயணிப்பது போல தோன்றினாலும், சாதி என்பது பரம்பரையின் அடிப்படியிலானது என்பது அன்று என்றும், அது பொருளாதாரம், தொழில் மற்றும் கல்வி சார்ந்ததே என்றும் உணர்த்துவதற்காகத்தான் இதை இங்கே பதிவு செய்கிறேன்.

ஆகவே மோடியின் இந்த புதிய கல்விக்கொள்கை, நாட்டின் சரிபாதி அல்லது பெரும்பகுதி மக்களை மீண்டும் கூலித் தொழிலாளிகளாக மாற்றி விடும் என்பதையும்... அதனால் சாதி, மதங்களைக் கடந்து திராவிடம் என்ற ஒற்றை பேனரில் அனைவரும் இணைந்து இதற்கு எதிராக போராட வேண்டிய அவசியத்தை உணர்ந்தே தீர வேண்டும் என்பதையும்... அப்படி உணராவிட்டால், அதை உணரும் வேளையில் செல்லாக்காசாகிப் போயிருப்பீர்கள் என்பதையும் அப்பாவி பொது மக்களிடம் பதிவு செய்கிறேன்.
 ·  Translate
6
கொக்கரக்கோ சௌம்யன்'s profile photoRamachandran B K's profile photo
11 comments
 
அது சரி சிவகார்த்திகேயன் உங்க உறவினர்தானே, அவர் தந்தை என்னவாக இருந்தார், அவர் இப்போது இருக்கிறாரா ? +விந்தைமனிதன் ராஜாராமன் 
 ·  Translate
Add a comment...
 
இன்று காலை ஒரு நண்பர் வந்திருந்தார். பழுத்த ஆன்மீகவாதி. என்னை விட மூன்று வயது கம்மி தான் ஆனாலும், பழுத்த பழம் போன்று பல்வேறு விஷயங்களுக்கும் ஆன்மீக முலாம் பூசி பளபளப்பாக விளக்குவுறை ஆற்றிவிடுவார்..!

ஆடிப் பெருக்கில் இந்த வருஷமும் காவிரியில தண்ணி வராம போர் தண்ணில தான் கொண்டாட முடிந்த சோகத்தை பகிர்ந்த கையோடு....

இந்த வருஷம் ஆடிப் பெருக்கும் அமாவாசையும் ஒரே நாள்ல வரது நல்லதுக்கில்லையாம் ப்ரோ. நாட்டுல தரிதிரமும், பஞ்சமும் தலைவிரித்து ஆடுமாம் ப்ரோ என்று உண்மையான கவலையோடு பேசிக்கொண்டு போனார்...

நான் இடை மறித்து... ப்ரோ மொதோ மூனு மாசத்துக்கு கூட பெருசா டேமேஜ் இல்லியாம்... அக்டோபர்லேர்ந்து தான் இதோட பலன் ரெக்கை கட்டி ஆடுமாம்..! நாட்டுல அங்கங்க சங்கிலி பறிப்பு நடக்குமாம், தண்ணி வராம விவசாயம் பாழாகுமாம், விலை வாசி விண்ணை முட்டுமாம், அரசாங்கம் திவாலாச்சின்னு எல்லா விலையையும் ஏத்தி வரி போடுவாங்களாம், சாதிக்கலவரம், மதக்கலவரம்ன்னு எங்க பார்த்தாலும் ஆடித்தீர்த்து மக்கள் வீட்டை விட்டே வெளியில் வர முடியாதாம், தொழிற்சாலைகள் எல்லாம் மூடிட்டு போயிடுவாங்களாம், இளைஞர்கள் வேலை வாய்ப்பு இல்லாம பேதலிச்சி நிப்பாங்களாம், தமிழ்நாட்டுல பெண்களுக்கு பாதுகாப்பு இல்லன்னு பாராளுமன்றத்திலேயே ஒப்பாரி வைப்பாங்களாம், ஆண்கள், பெண்கன்னு எல்லாரும் குடிக்க ஆரம்பிச்சிடுவாங்களாம்.....


ப்ரோ... ப்ரோ... இதெல்லாம் எந்த பஞ்சாகத்துல போட்ருக்கு ப்ரோ... நீங்க சொல்றது எல்லாம் நடக்கும்ங்கற மாதிரி தான் எனக்கும் தோணுது ப்ரோ...!

எந்த பஞ்சாங்கத்துலயும் போடல ப்ரோ...

ஆடிப்பெருக்கும் அமாவாசையும் ஒன்னா வந்தா தரித்திரம் வருதோ இல்லியோ...

காச வாங்கிக்கிட்டு கண்ட கண்ட கழிசடைக்கெல்லாம் ஓட்டுப்போட்டா... இதெல்லாம் நடக்கும்ன்னு நான் தேர்தலுக்கு முன்னாடியே சொன்னேனே ப்ரோ...?!

அதுக்கு கூட நீங்க ராமன் ஆண்டா என்ன? ராவணன் ஆண்டா என்னன்னு அட்டகாசமா விளக்கம் சொன்னீங்களே ப்ரோ... இப்போக்கூட அக்டோபருக்கு பிறகு தான் பிரச்சினை உச்சம் பெரும்ன்னு நான் சொன்னதுக்கு காரணம், அப்பத்தான் உள்ளாட்சி தேர்தல் வருது. அது வரைக்கும் அடக்க ஒடுக்கமாத்தான் இருப்பாங்கங்கற பகுத்தறிவு பஞ்சாங்கத்துல கிடைச்ச ஞானத்துனாலதான் ப்ரோ.....!

அந்த ப்ரோ என்னை ஒரு மாதிரியா பார்த்துட்டு.. சரி நான் கெளம்பறேன்னு எந்திரிச்சிட்டார்.!

இருங்க ப்ரோ காஃபி வந்திடிச்சி... சாப்ட்டு போங்கன்னு சொன்னதுக்கு...

இல்ல ப்ரோ... வயிறு கடமுடாங்குதுன்னு சொல்லிட்டு அவசரமா வெளியேறிட்டார்...!!

நான் எதுனாச்சும் தப்பா கிப்பா பேசிட்டேனோ??!!!
 ·  Translate
5
navaneetha kumar's profile photoகதம்பம் கதம்பநிலையம்'s profile photo
2 comments
 
எல்லாம் நன்மைக்கே ,நல்லது நடந்தாச் சரி!
 ·  Translate
Add a comment...
 
சுவாதிகிட்டயிருந்து கபாலிக்கு தாவினவுங்க எல்லாம் இப்ப சசிகலா புஷ்பாக்கிட்ட ஓடியாங்க... ஓடியாங்க...!!

நாட்டுல விலைவாசி பிரச்சினை, மின்சார பிரச்சினை, தண்ணீர் பிரச்சினை, சாலை பிரச்சினை, விவசாயப் பிரச்சினை, வேலையில்லா பிரச்சினை.... இதெல்லாம் நிறைய இருக்கு...!

அதையெல்லாம் பத்தி ஏதாவது கேண கிருக்கைங்க... அதாங்க திமுக எம் எல் ஏ , எம் பி மாதிரியான ஆளுங்க தேவையில்லாம பேசிட்டிருப்பாங்க...!!


அவிங்க கெடக்குறாங்க.... நீங்க ஓடியாங்க... கபாலி போரடிக்கிறதுக்கு முந்தி சசிகலா புஷ்பா நம்மையெல்லாம் காப்பாத்திட்டார்...!! ஒட்டியாங்க... ஓடியாங்க...!!!
 ·  Translate
10
கதம்பம் கதம்பநிலையம்'s profile photo
 
ஒன்னும் வேலைக்காவாது தோழர்!
 ·  Translate
Add a comment...
 
நண்பர் ஒருவர் தங்கள் வீட்டு மின் அட்டையை புகைப்படம் எடுத்து பதிவு செய்திருந்தார். அது தற்பொழுது இணையம் முழுவதும் வைரலாக பரவி வருகிறது. இது தான் அந்தப் படம்.

இது வெறும் படம் அல்ல, காசுக்கு தனது உரிமையை விற்றுத் தீர்த்த தமிழக வாக்காளர்களுக்கு ஒரு பாடம்..!! தான் விற்றுத் தீர்த்த தனது உரிமைக்கு காசுக்கு ஓட்டுப்போட்டவன் மட்டுமல்லாது, சுயமரியாதையோடு வாக்களித்தவனுக்கும் அவன் கொடுத்த தண்டனை..!

தேர்தலுக்கு முன்பாக... அதாவது மார்ச் மாதம் அந்த நண்பர் வீட்டில் 530 யூனிட் மின்சாரம் பயன்படுத்தியிருக்கின்றார்கள். அதற்கு அன்றைக்கு அவர்கள் கட்டிய மின் கட்டணம் ரூபாய் 1450/. தேர்தலுக்குப் பிறகு இப்பொழுது இந்த ஜெயலலிதா அரசு அறிவித்திருக்கும் புதிய மின் கட்டண விகிதத்தின் படி அதே நண்பர் வீட்டில், இந்த மாதம், (அதாவது நான்கு மாத வித்தியாசத்தில்) அதே 530 யூனிட் மின்சாரத்திற்கு வந்திருக்கும் மின் கட்டணம் ரூபாய் 2024/

அதாவது ஒரே அளவு மின் பயன்பாட்டிற்கு தேர்தலுக்கு முன்பாக இருந்ததை விட 574 ரூபாய் அதிகமாக அந்தக் குடும்பம் மின் கட்டணம் செலுத்த வேண்டியிருக்கிறது.

அதாவது தேர்தலுக்கு முன்பு இருந்ததை விட ஒவ்வொரு தமிழக குடும்பமும் கிட்டத்தட்ட 40 சதவிகிதம் கூடுதலாக தங்கள் தங்கள் வீடுகளில் மின் கட்டணமாக இந்த அரசுக்கு அழ வேண்டியிருக்கிறது.

இரண்டு மாதத்திற்கு 530 யூனிட் என்பது தமிழகத்தின் மிகச் சராசரியான கீழ் நடுத்தர வர்க்கத்தினருக்கான மின் பயன்பாட்டு அளவு தான். அதாவது தமிழகத்தின் பாதிக்கும் மேற்பட்ட குடும்பத்தினரின் சராசரி பயன்பாட்டு அளவு என்றே குறிப்பிடலாம். ஆகவே இதையே தமிழகம் முழுமைக்குமான அளவீடாக எடுத்துக்கொண்டால்...

ஒவ்வொரு தமிழக குடும்பமும் சராசரியாக மாதம் ஒன்றுக்கு முன்பிருந்ததை விட கூடுதலாக தேர்தலுக்குப் பின்னால் 287 ரூபாய்களை அரசுக்கு தெண்டம் அழுகின்றனர். ஒரு வருடத்திற்கு பார்த்தால் 3444 ரூபாயாகவும்.... இதுவே தானே தன் தலையில் போட்டுக்கொண்ட மண்ணுக்கான விலையாக ஐந்து ஆண்டுகளுக்கு... 17220 ரூபாயும்.... ஒவ்வொரு தமிழக குடும்பமும் ஜெயலலிதா அரசுக்கு கப்பம் கட்டியே ஆக வேண்டும்..!!

சராசரியாக ஒவ்வொரு குடும்பத்திலும் 4 வாக்குகள் இருந்தால்... மொத்தமாக 1000 ரூபாய்க்கு தங்கள் குடும்பத்தின் வாக்குகளை விற்ற ஒவ்வொரு குடும்பமும் அந்த அயோக்கியத்தனத்திற்காக.... அந்த ஆயிரம் ரூபாயை கழித்து விட்டுப் பார்த்தால்... ஐந்து ஆண்டுகளில் மீதி உள்ள 16220 ரூபாயை ஜெயலலிதா அரசுக்கு வாய்க்கரிசியாக போட்டேயாக வேண்டும்.

ஒரு மின் கட்டணத்தில் மட்டுமே இத்தனை கூடுதல் சுமையை ஒவ்வொரு தமிழக குடும்பமும் ஏற்க வேண்டுமென்றால்... இன்னும் என்னென்ன வடிவங்களில் கூடுதல் செலவை ஏற்க வேண்டியிருக்குமோ என்பதை நினைத்தால் கெதக்குன்னு ஆகிப் போகுது..!!

திமுக தனது தேர்தல் அறிக்கையில் மாதாந்திர மின் கணக்கீடு செய்வதாகச் சொல்லியிருந்தது... அதன் பலனாக ஒவ்வொரு தமிழக குடும்பமும் அதற்கு முந்தைய ஜெயலலிதா கூட்டி வைத்த மின் கட்டணத்தை விட எவ்வளவு குறைவாக மின் கட்டணம் இருக்கும் என்பதை இங்கே ஒவ்வொரு திமுக தொண்டனும், தலைவர்களும் கிளிப்பிள்ளைக்குச் சொல்வது போலச் சொல்லியும் காது கொடுக்காத மாட்டு மந்தைக் கூட்டம் காசுக்கு தனது வாக்கை விற்றதால் வந்த கொடூர பலன் காசுக்கு வாக்கை விற்காதவர்கள் தலையிலும் சேர்ந்தே விடிந்திருக்கின்றதே என்பதை நினைத்தால் தான் கோபம் வருகிறது.

நீங்கள் யாருக்கு வேண்டுமானாலும் வாக்களியுங்கள். ஆனால் காசுக்கு வாக்களிக்க வேண்டாம்.
 ·  Translate
11
Prakash JP's profile photoRamachandran B K's profile photoSanthosh Kumar's profile photoKanan Anbalagan's profile photo
9 comments
 
கீழே இருந்து மேல் நோக்கி எலுதவு தான் ரீடிங் கட்டணமும் ஏருதோ?
 ·  Translate
Add a comment...
Have him in circles
5,938 people
Bala Hariharan's profile photo
SomasundaraMoorthy K's profile photo
Magesh Kumar's profile photo
annu kader's profile photo
karuna kutty's profile photo
Natesu Sivasakthy's profile photo
Sivaji Ganesan's profile photo
Jaffna News's profile photo
Abdul Malick's profile photo
 
சுதந்திர தின விடுமுறையின் போது எனக்கு மிகவும் வேண்டப்பட்ட தம்பி வீட்டிற்கு வந்திருந்தார். தொடர்ந்த தினமலர் வாசகராகிய அவருக்கு... தினமலர் செய்திகளையும், சாரங்களையும் கொண்டே இந்திய மற்றும் தமிழக அரசியலை கரைத்துக் குடித்திருக்கும் அந்த தம்பிக்கு...

தமிழக அரசியல் என்றாலே, அது கலைஞரையும், திமுகவையும் எதிர்ப்பதும், அழித்தொழிப்பதும் தான் என்ற இயல்பான எண்ணம் மண்டை முழுக்க நிரம்பியிருப்பதில் என்ன ஆச்சர்யம் இருந்துவிட முடியும்?!

ஆதலால் ஆரம்ப கட்டத்தில் அதிமுக அனுதாபியாக இருந்த அந்த தம்பி, வயது ஏற ஏற மூளை வளர்ச்சியின் காரணமாக அதிமுக கூட எதிர்க்கப்பட வேண்டிய கட்சி தான் என்ற எண்ணம் பொதுவெளியில் அவனுக்கு ஏற்பட்ட அனுபவங்களால் கிடைக்கப்பெறவே...

திமுகவை அழித்தொழிக்க அதிமுகவை ஆதரிப்பது அதைவிட அபத்தம் என்று தோன்றவே, படிப்படியாக மதிமுக, பாஜக, தேமுதிக, நாம் தமிழர், வாசன் கட்சி என்று மாறி மாறி ஆதரவு அளித்து வந்த நிலையில்... திமுகவின் மீதான குற்றச்சாட்டுகளாக அவன் மனதில் தினமலரால் போன்ற பத்திரிக்கைகளால் பதிய வைக்கப்பட்டிருந்த அத்தனை காரணங்களுக்குமான நியாயம் மேற்கூறிய எந்தக் கட்சியிலும் இல்லை என்பதை அந்தந்தக் கட்சியின் ஆதரவாளனாக அவன் இருக்கும் போதெல்லாம் உணரவே தான் மனதளவில் தொடர்ந்து கட்சி மாறிக் கொண்டிருந்தான்.

ஆனால் இதற்கு மேலும் திமுகவை எதிர்ப்பதற்கான தகுதியுள்ள கட்சி தமிழகத்தில் இல்லை என்ற நிலையில்... அடுத்ததாக ஆம் ஆத்மியை தேர்ந்தெடுக்கலாமா என்ற ஆலோசனையில் அவன் மனம் ஈடுபட்டிருக்கும் நிலையில் தான் என்னைச் சந்திக்க வந்திருந்தான் அந்த தம்பி.

நடுநடுவே இவ்வளவு நல்ல மனுஷன், போயும் போயும் அந்த கட்சியிலே இருக்கீங்களேண்ணே...! எவ்ளோ நல்ல மனுஷனுக்கும் ஒரு வீக்னஸ் இருக்கும்ங்கற மாதிரி உங்களுக்கு திமுக ஆதரவுங்கறது மட்டும் தாண்ணே வீக்னஸ்... என்றெல்லாம் அவ்வப்பொழுது என்னிடம் உரிமையோடு சண்டையிடுவதும், கண்டிப்பதுமாக இருப்பான். ஆனால் இப்பொழுதெல்லாம் அந்த பழைய வேகம் அவனிடம் குறைந்து போயிருப்பதை உணர ஆரம்பித்தேன்.

சற்று சோகமாக இருந்தவனிடம், என்னடா தம்பி டல்லா இருக்கே என்றேன்.

ஒன்னுமில்லேண்ணே, அவுட்டர்ல ஒரு லே அவுட் போட்ருந்தேன்ல, அதுல தாண்ணே சிக்கல். விக்க மாட்டேங்குது. பெரிய அமௌண்ட் லாக் ஆகிடிச்சி. வட்டி கட்டி மாளலண்ணே. தமிழ்நாட்டுல சுத்தமா பணப்புழக்கம் கம்மியாயிடிச்சிண்ணே. ரெகுலரான குடும்ப செலவுக்கே பார்த்துப் பார்த்து சிக்கனமா செலவு பண்ண வேண்டியிருக்குண்ணே. புள்ளைங்க பர்த்டேவை எல்லாம் கூட சிம்ப்பிளா கால் கிலோ கேக் வாங்கி வீட்டோட முடிச்சிக்கறோம்ண்ணே. குடும்பத்தோட டூருக்கு எல்லாம் போயி மூனு வருஷமாச்சிண்ணே. வீட்டுல ரொம்ப சலிச்சிக்கிறா. புள்ளைங்கள கூட்டிட்டு ஹோட்டலுக்கு போறது, சினிமாக்கு போறது எல்லாம் கிட்டத்தட்ட நின்னுபோச்சிண்ணே.

நம்மள மாதிரி கஷ்டத்துலயே வளர்ந்துருந்தா பரவால்ல. இதுங்கள எல்லாம் கஷ்டம் தெரியாம சுகவாசியா வளர்த்துட்டேண்ணே... நான் என்னண்ணே பத்து பண்ணெண்டு வருஷமாத்தானே இந்த ஃபீல்டுல இருக்கேன். மொதோ அஞ்சாறு வருஷம் அமோகமா போச்சு. மூனு லே அவுட் போட்டு கண்ண மூடி திறக்கறதுக்குள்ள வித்து தீர்த்துடிச்சி. நாலாவதா போட்டத விக்கிறதுக்கு தான் மூனு வருஷம் ஆயிடிச்சி. அதுல பணம் லாக் ஆனதுக்கு வட்டி போக கையில எதுவும் நிக்கல. அஞ்சாவதா போட்டு ரெண்டு வருஷம் ஆச்சு. இன்னும் கால் வாசி கூட விக்கல. விலைய குறைச்சாலும் ஒருத்தனும் வாங்க மாட்றான். ஒருத்தர்ட்டயும் கையில காசே இல்லங்கறான்.

இதெல்லாம் விக்காம தொடர்ந்து வட்டி கட்டிக்கிடே இருந்தா குடி முழுகிப் போயிடும் போல பயமா இருக்குண்ணே. அதான் ஃபைனான்ஸ் காரங்க கிட்டயே எல்லாத்தையும் கிரயம் பண்ணி கொடுத்துட்டு, கணக்க நேர் பண்ணிட்டு, இது வரைக்கும் பண்ணின செலவு நட்டம்ன்னு கை கழுவிட்டாலாவது நிம்மதியா இருக்கலாம்ன்னு முடிவு பண்ணிட்டேன். மாசம் பத்தாயிரம் வர மாதிரி ஏதாவது வேலை பார்த்து கொடுத்தீங்கன்னா ஒய்ஃபுக்கும் ஏதாவது பிரைவேட் ஸ்கூல்ல டீச்சர் வேலை வாங்கிட்டு நிம்மதியா பொழப்ப பார்க்கலாம்ன்னு இருக்கேண்ணே.

அதான் உங்க கிட்ட சொன்னா, நல்லதா ஐடியா சொல்லுவீங்கண்ணு தான் வந்தேன்.

காபி கொடுத்து விட்டு...

குட்... நீ இப்ப எடுத்துருக்குற முடிவு நல்லது தான் தம்பி. இந்த ஆட்சி இருக்குற வரைக்கும் பணப்புழக்கத்துக்கு வழியே இல்லை. இந்த லெவல்ல நீ தப்பிச்சிக்கிட்டா தான் உண்டு. இல்லன்னா நிலைமை ரொம்ப மோசமாகியிருக்கும்.

பணப்புழக்கம் இல்லன்னா என்னண்ணே அர்த்தம்? இந்த ஆட்சிக்கும் அதுக்கும் என்னண்ணே சம்பந்தம்?

தம்பீ... உன் பிஸினஸ் எப்போ நல்லா இருந்திச்சின்னு சொன்னே?

மொதோ அஞ்சு வருஷம்ண்ணே. ரெண்டாயிரத்தி அஞ்சுலேர்ந்து பத்து, பதினொனு வரைக்கும் நல்லா பீக்ல இருந்துச்சிண்ணே. அதுல தான் மூனு லே அவுட் போட்டு வித்தேன். அதுக்கப்பறம் தான் எல்லாம் கொஞ்சம் கொஞ்சமா படுக்க ஆரம்பிச்சிடுச்சிண்ணே.

உன் பிஸினஸ் பீக்ல இருந்த நேரத்துல யார் ஆட்சில இருந்தா? படுத்த நேரத்துல யார் ஆட்சில இருந்தா?

திமுக ஆட்சில சூப்பரா இருந்திச்சி. அதிமுக ஆட்சில தான் படுத்துடிச்சி. அது புரியுதுண்ணே. திமுக ஆட்சில மட்டும் மக்கள் நிறைய பேர் ப்ளாட் வாங்குணாங்க. ஆனா அதிமுக ஆட்சில ஏன் மக்கள் வாங்க மாட்றாங்கண்ணே?!

திமுக ஆட்சியில மக்கள் கையில அவங்க செலவு போல மாசா மாசம் எக்ஸ்ட்ரா கொஞ்சம் பணம் இருந்திச்சி தம்பி. அது தான் முதலீடா மாறுனுச்சி. அதிமுக ஆட்சியில அவங்க கையில எக்ஸ்ட்ரா பணம் மிஞ்சல. அதான் அவங்களால எதையும் வாங்க முடியல.

அது தான் எப்படி நடந்துச்சின்னு கேக்கறேன்...!

திமுக ஆட்சி காலத்துல ஒரு குடும்பத் தலைவனோட மாச சம்பளம் அல்லது வருமானம் ரூபாய் பத்தாயிரம்ன்னு வச்சிக்க. அந்த ஆட்சில அஞ்சு வருஷமா வரி போடாத பட்ஜெட், அதுனால விலைவாசி எதுவும் ஏறல, அஞ்சு வருஷமும் அதே பேருந்து கட்டணம், அதே மின் கட்டணம், அதே பால் விலை, எக்ஸ்ட்ரா சேமிப்பா பெரிய வைத்திய செலவு வந்தா அரசு இலவச காப்பீடு, புதுசா வர்ற் அத்தனை படித்த இளைஞர்களுக்கும் வேலை வாய்ப்புக்கு நிறைய கம்பெனிகள் கொண்டு வந்தாங்க.

இதத் தவிர புதுசு புதுசா பாலங்கள் கட்டுறது, சாலைகள் போடுறது, அரசு அலுவலக கட்டிடங்கள் கட்டுறது... இப்படியா எக்கச்சக்க வேலை வாய்ப்புகளை உருவாக்கி, பல லட்சம் பேருக்கு தினம் தினம் வேலை வாய்ப்பு கிடைக்க வழி செஞ்சாங்க. அப்பல்லாம் வேலைக்கே ஆள் கிடைக்காத நிலை இருந்திச்சி. அதனால எந்த தினக்கூலி தொழிலாளர் குடும்பத்திலயும் பெருசா வறுமைங்கறதே இல்ல. சிமெண்ட்டு, காலவாய் தொழில், கம்பி இரும்புத் தொழில்... அதன் வணிக நிறுவனங்கள் என்று பணம் கோடி கோடியாக பல லட்சம் மக்கள் வாயிலாக கைமாறிய வண்ணம் இருந்துச்சி.

அதோட வருஷா வருஷம் கர்நாடகாகாரண்ட நைச்சியமா பேசிப் பேசி கரக்ட்டா தண்ணிய வரவழைச்சி, டெல்ட்டாவில் ரெண்டு போகம் கம்பல்சரியா விளைவிக்க வச்சாங்க. அதனால கிராம பொருளாதாரமும் சீரா இருந்திச்சி.

அப்பல்லாம் மாசம் பத்தாயிரம் வருமானமுள்ள குடும்பங்களில் குறைந்தது இரண்டாயிரமாவது மிச்சம் இருந்துச்சி. அதை சேமித்து முதலீடு செய்பவர்கள் ஒரு சிலர். அதை சினிமா, ஹோட்டல், சுற்றுலா தளங்கள், வாகனங்கள், செல்ஃபோன்கள், ஜவுளி, நகை.... இப்படியாக செலவு செய்தவர்கள் பலர். அந்த வகையில் இந்தத் துறை அனைத்திலும் பல்லாயிரக்கணக்கான கோடிகள் கைமாறிய வண்ணம்... அதாவது பணம் புழக்கத்தில் இருந்தது.

அதன் மூலமாக பலனடைந்த வணிகர்கள், தொழில் முனைவோர் என்று பலரும் உன்னைப் போன்றோரிடம் ப்ளாட் வாங்கும் நிலையில் இருந்தார்கள். உன் குடும்ப வருமானமும் பெருகவே... நீயும் குடும்பத்தோடு சினிமா, ஹோட்டல், சுற்றுலா, பர்த்தே பார்ட்டி, நகை, துணி மணி என்று செலவு செய்தாய். சேமித்த பணத்தில் உனக்கென்று ஒரு வீடும் கட்டிக்கொண்டாய்...!

இந்த நேரத்தில் தான் 2011இல் அதிமுக ஆட்சி வருகிறது....!

ஆட்சிக்கு வந்த ஒரே மாதத்தில் 5400 கோடிக்கு வாட் வரியை அதிகப்படுத்தவே... உடனடியாக அனைத்து அத்தியாவசிய பொருட்களின் விலையும் உயர்ந்தது.

பத்தாயிரம் வருமானமுள்ள குடும்பத்தில் இரண்டாயிரம் திமுக ஆட்சியில் இருந்த மிச்சத்திற்கு முதல் ஆப்பு அப்பொழுது தான் துவங்கியது. அந்த இரண்டாயிரத்தில் 400 ரூபாய் வரை கூடுதல் வாட் வரி விதிப்பினால் மக்களிடம் மாதா மாதம் கூடுதல் விலைவாசி ஏற்றம் என்ற வகையில் பிடுங்கப்பட்டது.

அடுத்த மூன்று மாதங்களில் பேருந்து கட்டணம், பால் விலை, மின் கட்டணம் இருமடங்கு என்று உயர்த்தப்பட்டதால், இன்னும் கூடுதலாக மாதத்திற்கு 600 மக்களிடமிருந்து பிடுங்கப்பட்டது.

புதிய வேலை வாய்ப்புகள் எதுவும் உருவாக்கப்படவில்லை, மின் பற்றாக்குறையால், திருப்பூர், கோவை உள்ளிட்ட தொழில் நகரங்கள் உட்பட தமிழகம் முழுவதும் பல்லாயிரக்கணக்கான சிறு குறு தொழிற்சாலைகள் மூடப்பட்டன. அதனால் பல லட்சம் பேர் வேலையிழந்தனர். பல பன்னாட்டு நிறுவனங்கள் வேறு மாநிலங்களுக்குச் சென்றன. அதன் மூலமும் வேலை இழப்பு. ஆகையால் வேலையில் இருக்கும் ஒருவர் மாதச் சம்பளத்தை உயர்த்திக் கேட்கும் நிலையில் இல்லை. வேலையை தக்க வைத்துக்கொண்டாலே போதும் என்ற நிலை தான்.

இதில் வருடா வருடம் விலைவாசி வேறு உயர்ந்து கொண்டே வரவே... மிச்சமான மீதம் உள்ள ஆயிரத்திற்கும் ஆப்பு ஏற்பட்டு, 2016இல் கைக்கும், வாய்க்குமே என்ற நிலையில்... அதாவது வருமானத்திற்கும் செலவுக்கும் இடையில் கயிற்றின் மேல் நடப்பது போன்று தான் ஒவ்வொரு தமிழக குடும்பங்களின் நிலையும் ஆகிப் போயிற்று.

தொடர்ந்து ஐந்து வருடங்களும் சரியான நேரத்திற்கு தண்ணீர் வராததால்... அது பற்றியெல்லாம் ஆட்சியாளர் கவலைப்படாததால்... விவசாயம் பழைய திமுக ஆட்சியில் கொடுக்கப்பட்ட விவசாயத்திற்கு இலவச மின்சாரத்தை மட்டுமே பயன் படுத்தி ஒரு போகம் மட்டுமே விளைவிக்க முடிந்தது. அதனால் கிராமப் பொருளாதாரம் கடகடத்துப் போய் விட்டது. கிராமத்தில் பணம் காய்க்கவில்லை என்றால் நகரம் நசித்துப் போகாதா?!

அரசின் வளர்ச்சிப் பணிகள், கட்டுமானப் பணிகள் எதுவும் திமுக ஆட்சி போன்று முன்னெடுக்கப்படாததால், பல லட்சம் தினக்கூலி தொழிலாளர்கள் வேலை இழந்தனர். படித்த வேலை இல்லாத இளைஞர்களும், வேலை இழந்தவர்களும் அதிகப்படியாக இருந்ததால், தனியார் நிறுவனங்களில், சம்பளக் குறைப்பும் நடந்தேறின.

ஒரு பள்ளியில் 2011இல் எட்டாயிரம் ரூபாய் சம்பளத்திற்கு ஆள் எடுத்த இடத்தில் இன்றைக்கு வெறும் நான்காயிரத்திற்கே செல்ல ஆட்கள் தயாராக இருக்கின்றார்கள். கல்லூரிகள், மற்ற மற்ற தனியார் நிறுவனங்களிலும் இதே நிலை தான். வேலையில்லாதோர் எண்ணிக்கையும், நிறுவனங்களின் ஊதிய விகிதமும் எதிர்மறையில் இருப்பது இயல்பு தானே?! அதை ஆட்சியாளர் தானே முன்னெச்சரிக்கையுடன் செயல்பட்டு தடுத்திருக்க வேண்டும். ஆனால் இந்த ஆட்சியாளர்களுக்கு அது பற்றியெல்லாம் எந்தக் கவலையும் இருப்பதாக தெரியவில்லையே...!!

இதோட இந்த ஆட்சியாளரின் அதிகப்படியான கமிஷன், லஞ்சம், நிர்வாக சீர்கேட்டின் காரணமாக மாநில அரசின் கடன் நூறு சதவிகிதம் உயர்ந்து... இன்றைக்கு பெரும் பொருளாதார சிக்கலில் அரசு தவித்துக்கொண்டிருக்கின்றது.

கடந்த ஐந்து ஆண்டுகளில் படிப்படியாக மக்கள் கைகளில் பணம் இல்லாத சூழல் உருவானது... இப்பொழுது அரசின் கஜானாவிலேயே பணம் இல்லாத சூழல் உருவாகிவிட்டது. உள்ளாட்சி தேர்தலுக்காக இந்த பட்ஜெட்டில் வரி எதுவும் போடவில்ல என்று நினைக்கிறேன். அனேகமாக உள்ளாட்சி தேர்தலுக்குப் பிறகு வரலாறு காணாத விலைவாசி ஏற்றம் தமிழக அரசால் மக்கள் தலையில் திணிக்கப்படும் அபாயம் இருக்கிறது. அப்பொழுது தான் அரசின் கடனுக்கான வட்டியையே கட்ட முடியும் என்ற நிலை இருக்கிறது.

கடந்த ஐந்து ஆண்டுகளில் நேர்மையான, ஊழலற்ற, திறமையான நிர்வாகத்தை கொடுத்திருந்தால், இந்த அளவிற்கு விலைவாசியை ஏற்றியதற்கு மாநில கடன்களையே குறைத்திருக்கலாம். ஆனால் இப்பொழுதும் கூட இந்த ஆட்சியாளருக்கு அதாவது அதிமுகவினருக்கு அதாவது ஜெயலலிதாவுக்கு மக்கள் நலனை விட முகஸ்துதிக்கு மயங்கும் மனநிலையே பிரதானமாக இருப்பதால்... வாக்குகளை விலைக்கு வாங்கும் சூத்திரத்திற்கு மிக அதிகப்படியான பணம் தேவைப் படுவதால்.... நிச்சயமாக நல்லாட்சியை தரவே முடியாது.

இந்த உள்ளாட்சித் தேர்தலுக்குப் பிறகு சராசரி தமிழக குடும்பத்தின் வருமானத்தை விட அதன் மாதாந்திர அத்தியாவசிய செலவு குறைந்த பட்சம் பத்து சதவிகிதத்தில் இருந்து, முப்பது சதவிகிதம் வரை நிச்சயம் கூடுதலாகும் அபாயம் இருக்கிறது. அதாவது பத்தாயிரம் வருமானம் உள்ள குடும்பத்திற்கு ஆயிரம் முதல் மூவாயிரம் வரை கூடுதல் செலவு இருக்கும்.

அந்த பற்றாக்குறையை ஈடு செய்ய ஒவ்வொரு குடும்பமும் மாதாமாதம் கடன் வாங்கி சமாளிக்க வேண்டியிருக்கும். அல்லது, ஒரு வேளை சாப்பாடு, செல்ஃபோன், மோட்டார் சைக்கில், சினிமா, ஹோட்டல்... இப்படியானவற்றை கைவிட வேண்டியிருக்கும். அல்லது குடும்பத்தில் இன்னுமொரு அங்கத்தினர் கட்டாயம் வேலைக்குச் செல்ல வேண்டிய நிலையில், பள்ளி அல்லது கல்லூரி ட்ராப் அவுட் நிறைய இருக்கும்.

இதற்கெல்லாம் தீர்வு தான் என்னண்ணே...?!

உன்னைய மாதிரி உண்மையிலேயே நல்ல உள்ளம் படைத்த அப்பாவி தமிழக மக்கள், இனிமேலாவது திமுகவை அழிப்பதும், எதிர்ப்பதும் தான் அரசியல் என்று எண்ணாமல், நமக்கேன் அரசியல் என்று ஒதுங்கி நின்று திமுகவை மட்டும் திட்டிக்கொண்டிராமல்.... திமுகவை இன்னொரு முறை ஆட்சியில் அமர்த்தினால் மட்டுமே இதற்கான தீர்வு உடனடியாக காணப்பட்டு, தமிழகத்தையும், தமிழக மக்களையும் பெரும் ஆபத்திலிருந்து காப்பாற்ற முடியும்.

அதுவரை கொஞ்சம் பொறுத்துத்தான் ஆக வேண்டும். இந்த ஆட்சியாளரை கிடைக்கின்ற வாய்ப்புக்களில் எல்லாம் எதிர்த்துத் தான் ஆக வேண்டும்...!
 ·  Translate
5
Naagarajan Babu's profile photo
 
முரசொலி படித்து மறை கழண்டு விட்டது போல தெரியுது
 ·  Translate
Add a comment...
 
மாண்புமிகு தளபதி மு.க.ஸ்டாலின் அவர்களை ஜெயலலிதாவோடு ஒப்பிட்டு திருமாவளவன் விகடனுக்கு பேட்டியளித்துள்ளார்.

கிட்டத்தட்ட ஒரு புத்தகமே போடுகின்ற அளவிற்கு நம்மால் திருமாவிற்கான பதிலை பதிவு செய்ய முடியும். ஆனால் அவர் ஜெயலலிதாவின் ஊழல் மற்றும் ஆணவ அரசியல் செயல்பாடுகளை தளபதியோடு ஒப்பிடாமல், பெரியாரிய சிந்தனைகளில் தலைவர் கலைஞர் போல தளபதி அவர்கள் செயல்படாமல், ஜெயலலிதா போன்றே செயல்படுகின்றார் என்ற குற்றச்சாட்டினை முன் வைத்துள்ளார். அந்த வகையில் மகிழ்ச்சி..!

இதற்கான விளக்கத்தையோ பதிலடியையோ தருவதற்கு முன்னதாக...

திருமா சொல்லியிருக்கும்... தப்பு தப்பு.... கக்கியிருக்கும் விஷத்தை... கேவலமான அவதூறை முளையிலேயே கிள்ளி எறியவேண்டிய கடமை நமக்கு இருக்கின்றது.

திருமாவின் பேட்டியில் ஒடுக்கப்பட்ட மக்களுக்கு ஆதரவாக தலைவர் கலைஞர் போன்று தளபதி செயல்படவில்லை என்ற குற்றச்சாட்டில் தளபதி மீது விஷத்தைக் கக்குகின்ற துவேஷத்தைத் தவிற வேறு எதையும் என்னால் உணர முடியவில்லை.

விஜயகாந்தோடு கூட்டணி வைத்து அவரை முதல்வராக்கத் துடித்த திருமாவுக்கு பெரியாரிய கருத்துக்களுக்கு ஆதரவாகவோ, ஜாதிய ஆதரவுக்கு எதிராகவோ பொங்கல் வைக்கும் அருகதை கிடையவே கிடையாது என்பது போக... அதற்கான சப்பைக்கட்டாக தேர்தல் அரசியலில் இதெல்லாம் ஜகஜம் என்ற சமாதானத்தை அவர் சொல்வாரேயானால், அதே காரணம் தளபதி மு.க.ஸ்டாலின் அவர்களுக்கும் உண்டு என்பதே எனது புரிதல்.

ஆனால் அப்படி சாதாரணமாக தளபதி அவர்களின் செயல்பாடுகளுக்கான காரணத்தினை என்னால் ஏற்றுக்கொள்ளவும் முடியாது. பெரியாரிய கருத்துக்களில் எந்த ஒன்றில் அவர் தடம் மாறினார் என்பதை திருமாவளவன் தெளிவாக சுட்டிக்காட்டியிருக்க வேண்டும். ஆரியர்கள் போன்ற ஆதாரமற்ற குற்றச்சாட்டினை அவதூறாக போகிற போக்கில் பேசிவிட்டுப் போகக் கூடாது..!

தேர்தல் பிரச்சாரத்தின் போது கூட தளபதிக்கு ஒரு பெண் வைத்த திலகத்தை மறைவாக அழித்தார் என்று ஆரிய ஊடகங்கள் வைத்த ஒப்பாரியை இன்னமும் யாரும் மறந்து விட மாட்டார்கள். தலைவர் கலைஞர் எழுதி சிறப்பாக ஒளிபரப்பாகும் ராமானுஜர் வாழ்க்கை வரலாற்றுத் தொடரின் மையக்கருவான கோவிலை தனது சுற்றுப்பயணத்தின் போது தளபதி சென்று பார்த்து வந்ததில் என்ன தவறு என்றும் எனக்குப் புரியவில்லை.

தளபதியின் மனைவி மட்டுமல்ல தலைவர் கலஞரின் துணைவியாரும் கூட கோவில்களுக்குச் செல்வதையும் யாரும் மறுக்கவோ மறைக்கவோ முடியாது. இதில் தான் பெரியாரிய கொள்கையின் உச்சத்தை தலைவரும்... அவரைப் பின்பற்றி தளபதியாரும் செயல்படுத்துவதாக நான் கருதுகிறேன். தன்னுடைய மனைவியாகவே இருந்தாலும் அதற்காக தான் ஏற்றுக்கொண்ட எந்த கொள்கையையும் அவர்கள் மேல் திணிக்காமல் சுதந்திரமாக செயல்பட வைக்கும் பெரியாரின் உயரிய கொள்கையை தலைவரும், தளபதியும் சம அளவிலேயே கடைபிடிப்பதாகவே நான் கருதுகிறேன்.

புதிய கல்விக்கொள்கை, இத்தியாதிகள் பற்றியெல்லாம் தளபதி பேசவில்லை என்ற குற்றச்சாட்டில் அடிப்படையே இல்லை என்பது என் கருத்து. திமுகவின் சார்பில் அதன் தலைவர் கலைஞர், அது பற்றி தொடர்ந்து விமர்சனங்களை முன் வைத்து வருகிறார். திமுக சார்பாக நாடாளுமன்றத்திலும் அது பற்றி கடும் விமர்சனம் வைக்கப்படுகின்றது. தமிழக சட்டமன்றத்தில் அதற்கு எதிராக தீர்மானம் போடவும் திமுக சார்பாக வலியுறுத்தப்பட்டுள்ளது. திமுகவின் மாணவரணியும் புதிய கல்விக்கொள்கைகளுக்கு எதிராக நாளை மறுதினம் பெரிய ஆர்ப்பாட்டத்தை அறிவித்திருக்கின்றது. இவற்றில் தலைவர் கலைஞரின் அறிக்கைகள் தவிர திமுகவின் மற்றைய செயல்பாடுகள் அனைத்தும் தளபதியின் அழுத்தமோ, அனுமதியோ இன்றி எப்படி நடந்திருக்கும்?!

மேலும் இது போன்ற கட்சியின் கொள்கை ரீதியிலான பிரச்சினைகளில் திமுகவின் சார்பாக தலைவர் கலைஞரின் அறிக்கை மட்டுமே பிரதானமாக வெளிவரும். அவர் அறிக்கையை ஒட்டி, திமுகவின் செயல்பாடுகள் அனைத்து தளங்களில் முன்னெடுக்கப்படும். இந்த நடைமுறையை தளபதி இதுவரை மீறியதே இல்லை.

தேர்தலுக்கு முன்பு கூட திக சார்பில் நடத்தப்பட்ட சமூகநீதி மாநாட்டில் திமுக சார்பாக தலைவர் கலைஞரின் அனுமதியோடு கலந்து கொண்டு தளபதி மு.க.ஸ்டாலின் ஆற்றிய உரை ஒன்றே போதும், திராவிட இயக்க கொள்கைகளிலும், பெரியாரிய சித்தாந்தங்களிலும் தளபதி அவர்களுடைய பார்வை எவ்வளவு தெளிவாக இருக்கின்றது என்பதை புரிந்துகொள்ள..!

பெரியாரிய கொள்கைகள், திராவிட இயக்க கொள்கைகள், சமூகநீதி போன்றவற்றை எல்லாம் இனி பேசிப் பேசி மட்டும் கலைந்து சென்று பயனில்லை. அவற்றை நடைமுறைக்கு கொண்டு வந்தால் தான் அவற்றின் பலன்களை மக்கள் ருசிக்க முடியும். அப்படி அவற்றை நடைமுறைப்படுத்த, திமுக ஆட்சிக்கு வந்தாக வேண்டும்....! ஆட்சிக்கு வர வேண்டுமானால், தாலி அறுப்பு போராட்டம், பொதுவெளியில் மாட்டிறைச்சி சாப்பிடும் போராட்டம், சாமி சிலைகளுக்கு செறுப்பு மாலை போடுவது... போன்ற பெரும்பான்மை மக்களின் நம்பிக்கைகளுக்கு எதிராக கீழ்த்தரமான போராட்டங்களை செய்வதையோ... அல்லது அப்படி செய்பவர்களோட கூடிக் குலாவுவதையோ நிறுத்த வேண்டும்.

தளபதி இவ்விஷயத்தில் மிகத்தெளிவாக இருக்கின்றார். பெரியாரிய, தலித்திய கொள்கைகளை இன்னும் மேம்பட்ட வகையில் வலுவாக நிறுவ முதலில் திமுக ஆட்சிக்கு வர வேண்டும். அதற்கான செயல்பாடுகளில் தான் தளபதி மு.க.ஸ்டாலின் இறங்கியிருக்கின்றார்.

ஆனால் திமுக ஆட்சிக்கு வந்துவிடக்கூடாது என்ற ஒரே அஜெண்டாவோடு செயல்பட்ட கூட்டணியில் அதி தீவிரமாக செயல்பட்ட திருமாவளவன், பெரியாரிய கருத்துக்களுக்கு ஆதரவாக பேசுவதற்கோ, ஒடுக்கப்பட்ட மக்களுக்கு ஆதரவாக இருப்பது போல பேசுவதற்கோ அல்லது இவற்றை கடைபிடிக்கவில்லை என்று தளபதி மு.க.ஸ்டாலின் அவர்களை விமர்சிக்கவோ எந்த அடிப்படை தகுதியும் இல்லை என்பதே எனது கருத்து.

இன்னும் சொல்லப்போனால் பெரும்பான்மை மக்களின் மூட நம்பிக்கைகளை வெறுமனே கிண்டல் செய்வதும், அதற்கு எதிராக அறுவெறுக்கத்தக்க வகையில் போராட்டம் செய்வதும் அவர்களிடம் விரோதத்தை மட்டுமே வளர்க்க வழி வகுக்கும். மாறாக அவர்களின் மூட நம்பிக்கைகள் எந்த வகையில் தவறானது என்பதை அவர்களுக்குப் புரியும் வகையில், திண்ணைப் பிரச்சாரம், தெருமுனைப் பிரச்சாரம், கல்வி நிலையங்கள் அமைத்து அதன் மூலம் பிரச்சாரம் என்று முன்னெடுத்து மனதளவில் அவர்களை பகுத்தறிவு உள்ளவர்களாக மாற்ற வேண்டும்.

தேர்தல் அரசியலில் இல்லாத திக தான் இதைச் செய்ய வேண்டும். அதைச் செய்யத் தவறிக்கொண்டிருக்கும் திகவை திருமாவளவின் குற்றம்சாட்டியிருந்தால், அவர் உண்மையான பெரியாரியவாதி என்று நம்பியிருப்பேன்..!
 ·  Translate
5
Midas Design's Suresh's profile photo
 
Semma Message Bro...it will reach more than Thiru.maa's interview
Add a comment...
 
அதெல்லாம் கெடக்கட்டும் ஜி... நீங்க ஏன் ஜி எப்பவுமே கலைஞர் வீட்டு கக்கூஸை புலனாய்வு செய்றத அவ்ளோ என்சாய் பண்றீங்க?! நாலு எடத்துக்கு போனா தான உங்களுக்கும் அறிவு வளரும், எங்களுக்கும் எல்லா மேட்டரையும் தெரிஞ்சிக்க முடியும்...!

நோ.. நோ... நோ....! நோ மிஷ்டர் கரிகாலன், நீங்க இங்க வந்துட்டு என்னைய கேள்வி கேக்கப்பிடாது. நான் தான் கேள்வி கேட்கணும்..!! எனக்கு கேட்க மட்டும் தான் தெரியும்..!!

அதத்தான் ஜி நானும் சொல்றேன். நீங்க எல்லா இடத்துக்கும்... அதாவது, போயஸ் கார்டன், தாமரைக்குளம், இங்கல்லாம் போயி குப்பைய வாரியிருந்தீங்கன்னா, நான் ஏன் ஜி இப்ப கேள்வி கேக்கப்போறேன்?! கோபாலபுரம் சாக்கடைய மட்டும் தான் அடைப்பெடுப்பேன், மத்த சாக்கடையை எல்லாம் கண்டுக்க மாட்டேன்னு இருக்குறதுனால தான் ஜி கேள்வி கேட்கிறேன்...!!!

அது ஒன்னுமில்ல மிஷ்டர் கரி...! கோபாலபுரம் கக்கூஸ் வாஷ் பண்றதுல சில பெனிஃபிட்ஸ் இருக்கு, சில சேஃப்டிங்களும் இருக்கு சார்.

அது என்னங்க ஜி?!

நான் கலைஞர் கக்கூஸ்ல நின்னு சேதி சொன்னேன்னா, ஆப்போசிட்லேர்ந்து எனக்கு கட்டிங் கிடைக்கும் சார். நீங்க சொல்ற ஏரியா பக்கம் எல்லாம் நான் போயி அவிங்கள டிஸ்ட்டர்ப் பண்ணாம இருக்குறதுக்கும் தனியா கட்டிங் கிடைக்கும் சார். நமக்கும் ஒரே இடத்துல குந்திக்கிட்டு நோகாம நோம்பு கும்பிட்ட மாதிரியும் இருக்கும். ஒத்தைக்கு ரெட்டையா கட்டிங் மாமூல் கிடைச்ச மாதிரியும் இருக்கும் சார்..!

அது சரி ஜி... அந்த சேஃப்டி மேட்டர் என்னாது ஜி?!

ஓஹ்... அதுவா?!

கலைஞர் வந்தாருன்னா, நான் கக்கூஸ் பக்கத்துல நிக்கிறத பார்த்துட்டு ஸ்மைல் பண்ணிட்டு போயிடுவாரு சார். வெளில வந்தோடுன, ஃபினாயில் பாட்டிலை கையில கொடுத்து, பார்ட்டைமா அத கழுவிட முடியுமான்னு கேப்பாரு. நானும் சும்மாதானே இருக்கேன்னு கழுவிட்டு அஞ்சோ பத்தோ கூலி வாங்கிக்குவேன். அதோட மட்டுமில்ல சார்... எனக்கு காப்பி கூட போட்டு தர சொல்லுவார் சார்.

அது மட்டுமில்ல சார்.... மொதொ நாள் ராத்திரி நான் டீவில எடுத்து வச்ச வாந்திய அடுத்த நாள் கூப்பிட்டு, மடையா, இப்புடியா எங்க ஆளுங்க கிட்ட மாட்டிக்கிட்டு பல்பு வாங்குவ?! இவ்ளோ நாளு இங்க கழுவியும் உனக்கு புத்தி வரலியே?! இனிமேயாவது புத்திசாலித்தனமா நடந்துக்கன்னு புத்திமதி சொல்லுவார். ஒரு வார்த்தை ஏண்டா என்னையும், எங்க கட்சியையும் தப்பா பேசினன்னு கேக்கவே மாட்டாரு சார். அவரு மட்டுமா? எங்க கம்பெனில அவர் புள்ள வீட்டுல போயி கழுவ சொல்லி அனுப்புவாங்க..!! அவரும் அதே மாதிரி தான் சார். கலைஞராவது காப்பி மட்டும் தான் குடுப்பாரு. ஆனா அவரு பொழக்கடைல உக்கார வச்சி சாப்பாடே போட்டு அனுப்புவாரு சார்.

ஒரு நாள் அவர்ட்ட நான் கோவமா கேட்டேபுட்டேன்... அண்ணே ஏன் எனக்கு மட்டும் புழக்கடைல வச்சி சாப்பாடு போடுறீங்கன்னு?! அதுக்கு அவரு, எங்க வீட்டுல நீங்க யாருல்லாம் சூத்திரன்னு சொல்றீங்களோ, யாருல்லாம் தொட்டா தீட்டுன்னு சொல்றீங்களோ அவங்களுக்கு மட்டும் தான் வீட்டுக்குள்ள சாப்பாடு... உன்னைய மாதிரி பன்னாடேக்களுக்கு புழக்கடை தான்னுட்டாரு...!

ஆனா பாருங்க சார்... அவரும் அவங்க அப்பா மாதிரியே நேத்தி ஏண்டா என்னைய பத்தி வாந்தி எடுத்தன்னு கேக்கவே மாட்டாரு சார். அதேசமயம் புத்திமதியும் சொல்ல மாட்டாரு...!!

ஆனா இந்த மரியாதை எல்லாம் நீங்க சொல்ற தோட்டத்துலயும், தாமரை குளத்துலயும் கிடைக்குமா சார்?! அவிங்கள எல்லாம் பத்தி மொத நாள் வாந்தி எடுத்துட்டு அவங்க வூட்டாண்ட போனா வச்சி செஞ்சிருவாங்க சார்...!!

இப்ப நிம்மதியா காலம் ஓடிட்டிருக்கு சார்...!! இப்ப சொல்லுங்க என் மேல என்ன தப்பு சார்?!

ஒன்னியும் இல்ல ஜி..!! சோறு கண்ட இடம் சொர்க்கம், மானங்கெட்டவன் மகாராஜாங்கற ஃபார்முலால சந்தோஷமா வாழ்ந்துட்டிருக்கீங்க..!!

ஆமா சார்..! ஆமா சார்..!!

ஆனா ஒன்னு ஜி..! இவங்க எல்லாம் உங்களுக்கு காப்பி, சோறு எல்லாம் குடுக்குறாங்க, அடி, உதை, கேஸுன்னு தொந்திரவு பண்றது இல்லை. இவங்களால உங்களுக்கு கட்டிங்கும் நல்லா வருது. அப்புடி இருக்கும் போது, இவங்களுக்கு எதிரா பேசறது தப்புன்னு உங்க மனசுக்கு தோனவே இல்லியா ஜி?!

ஏன் சார் இல்லாம?! ஆனா இப்பல்லாம் நானோ என்னைய மாதிரி மத்த கம்பெனி காரங்களோ பேச ஆரம்பிச்சாலே, மக்கள் எல்லாம் இவனுங்க இப்படித்தான்... எப்பவும் கலைஞரையும், அவரு புள்ளையையும், திமுகவையும் எதுனாச்சும் குத்தம் சொல்லிட்டே இருப்பானுவோன்னு வேற சேனல்க்கு போயிடுறாங்க ஜி..!! இந்த மேட்டரு அந்த தோட்டத்து அம்மிணிக்கு புரியிற வரைக்கும் தான் ஜி எங்க பொழப்பு ஓடும்...!!
 ·  Translate
6
navaneetha kumar's profile photo
 
அய்யா தலைவர் மட்டும் இல்லை என்றால் இவங்களுக்கு பொழைப்பே கிடையாதே 
 ·  Translate
Add a comment...
 
ஜெயலலிதாவின் நிரந்தர தொல்லையான கலைஞரும், சமீபத்திய தொல்லையான தளபதியும் கூட தராத மன உளைச்சலையும், அடி வயிற்று பயத்தையும்....

அவர் சொந்தக் கட்சியைச் சார்ந்த சசிகலா புஷ்பா இன்று காலை முதல் தந்திருப்பார் என்றே கருதுகிறேன்.

ஊடகங்கள் எல்லாம் இதுவரை ஜெயலலிதா அதிரடி... சரவெடி என்றெல்லாம் எதற்கெடுத்தாலும் தலைப்புக் கொடுத்தது போக... இனி சசிகலா புஷ்பாவின் இன்றைய அதிரடி என்கிற அளவிற்கு....

அதிமுக ஆளுங்கட்சியாக இருக்கும் போதே... அதிலும் மக்களவையில் மிருக பலத்தோடு இருக்கும் போதே, சசிகலா புஷ்பா ஜெயலலிதாவிற்கு.... அதாவது சொந்தக் கட்சியில் ஜெயலலிதாவின் ஆளுமைக்கும், அதிகாரத்திற்கும் முதல் முறையாக... அதுவும் அகில இந்திய அளவில் அவரது ஆளுமையை கேள்விக்குள்ளாக்கும் வகையில் அதிரடி சரவெடியை வெடித்திருக்கின்றார்...!!

எதிர்க்கட்சி என்கிற வகையில் கலைஞரோ, தளபதியோ இதுவரை ஜெயலலிதாவின் அரசியல் செயல்பாடுகளுக்கான எதிர்முனை ஆளுமைகளாக இருந்தது போக....

ஒட்டுமொத்த அதிமுகவின் அதிகாரமும் ஜெயலலிதாவின் கைகளுக்கு வந்த பிறகு, 91இல் அபார வெற்றியோடு ஆட்சியைப் பிடித்த பிறகு.... சொந்தக் கட்சிக்குள்... இப்படி ஜெயலலிதாவின் அரசியல் இருப்பிற்கே சவால் விடும் சம்பவம்... அதிலும் ஒரு பெண் எம்பி மூலம் நடந்திருப்பது இதுவே முதல் முறை.

இதை ஜெயலலிதாவும், அவரது சக அதிமுகவினரும் எப்படி எடுத்துக்கொள்ளப் போகின்றர்கள்.. அல்லது எதிர்கொள்ளப் போகின்றார்கள் என்பது இனிமேல் தான் தெரியவரும். கடந்த கால் நூற்றாண்டில் ஜெயலலிதாவுக்கும் சரி, அதிமுகவினருக்கும் சரி... இவர்களை பெரும் ஆளுமைகளாக எண்ணி வியந்து கொண்டிருக்கும் அப்பாவி பொதுஜனத்திற்கும் சரி இது புதுமையான அனுபவம் தான்.

இதில் ஜெயலலிதா சற்று நிதானம் தவறினாலும் அவரது பலம் என்ற மாய பிம்பம் சுக்குநூறாக நொறுக்கிவிடும் அபாயம் இருக்கின்றது..!
 ·  Translate
11
Add a comment...
 
யாரோ ஒருத்தன் கங்கைல குளிச்சா செஞ்ச பாவம் எல்லாம் போயி, புண்ணியம் கிடைச்சி, கோடி கோடியா சம்பாதிச்சி குஜாலா வாழலாம்ன்னு ஜோசியக்காரன் சொன்னதை நம்பி போயி குளிச்சிரு்க்கலாம்....

கங்கைல இருக்குற டெப் பாடீஸ் கண்டாமினேஷன் எல்லாம் அவன் உடம்புல மொத்தமா டெபாஸிட் ஆகி... அவனுக்கு படை, சொறி, தோல் வியாதி எல்லாம் வந்து இருக்குற சொத்தையும் வித்து வைத்தியம் பார்க்க வேண்டியதாயிடிச்சி போல...

இத்தனை பிரச்சினைக்கும் இந்த கங்கை தானே காரணம், இதுக்கு ஒரு வழி பண்ணனும்ன்னு நினைச்சி யோசிச்சி யோசிச்சி...

தன்னோட கூட்டாளிங்களுக்கு ஐடியா கொடுத்து, அந்தத் தண்ணிய எப்புடியாவது கலைஞருக்கு அனுப்பி வச்சா... அவரு வச்சி செஞ்சிருவாருன்னு முடிவு பண்ணித்தான்... கலைஞருக்கு கங்கைத் தண்ணிய பார்சல் அனுப்பியிருக்கணும்ன்னு எனக்கு தோனுது...!!

ஏன்னா?

இன்னிக்கோ, நாளைக்கோ கலைஞர் கையில அந்த கங்கை தண்ணி கிடைத்தவுடன் என்ன பண்ணுவார்...?!

ஒருவேளை இப்படி கூட இது பற்றிய அவரது அறிக்கை இருக்கலாம்....!

****

என் மீது தீரா பற்றுக்கொண்ட தீவிர(வாத)மான இந்துத்துவா தோழர்கள் சிலர்... பகுத்தறிவின்றி அறியாமையால் அவர்கள் நம்புகின்ற மூட பழக்கத்தில் ஒன்றான கங்கையில் குளித்தால் பாவம் கரைந்துவிடும் என்ற நப்பாசையில்... நான் இதுவரை முதல்வராக மட்டுமே இருந்திருக்கின்றேன்... இன்னும் பிரதமராகவில்லையே என்கிற ஆதங்கத்தில், கங்கை தண்ணியில் நான் குளித்து, பிரதமராவதற்கு எனக்கிருக்கும் பாவத்தடையை கழுவிடும் நோக்கத்தோடு கங்கை நீரை எனக்கு அனுப்பி வைத்துள்ளனர்...!

ஆனால் அவர்கள் அனுப்பி வைத்திருக்கும் நீரின் அளவு நான் குளிப்பதற்கு போதுமான அளவில் இல்லாததாலும்...,

கண்ணுக்கே தெரியாத என்னுடைய பாவத்தையே இது கழுவி சுத்தம் செய்யும் என்றால், என்னுடைய கழிவறையில் உள்ள பேசினை சுத்தம் செய்ய ஹார்ப்பிக்கினால் தான் முடிகிறது, அதனுடைய செலவு என்னுடைய வருமானத்திற்கு கட்டுப்படியாகாத நிலையில் இருப்பதாலும்...

முதலில் வந்திருக்கும் கங்கை நீரைக் கொண்டு அந்த கழிவறை பேசினை சுத்தம் செய்யச் சொன்னேன். என் உதவியாளர் தம்பி ஓடி வந்து, ஐயா நீங்க கொடுத்த தண்ணி சுத்த வேஸ்ட்டுங்கய்யா... கறை எதுவும் போகவில்லை, நம் கோபாலபுரத்து நிலத்தடி நீரே பளிங்கு போல சுத்தமாக இருக்கிறது. இனி நான் அதையே பயன்படுத்துகிறேன் என்று கூறினார்.

அவர் இந்துத்துவா மேல் உள்ள வெறுப்பினால் தான் அப்படிக் கூறுகின்றாரோ என்றெண்ணி, நானே களத்தில் இறங்கி சுத்தம் செய்து பார்த்தேன்... அந்த திராவிடத்தம்பி சொன்னது உண்மை தான் என்ற உண்மையை இந்த அண்ணனும் உணர்ந்தேன்.

சந்தேகம் வரவே, உடனடியாக அதை ஆய்வகத்திற்கு அனுப்பி சோதித்த வகையில், அந்தத் தண்ணீர் குடிப்பதற்கு உகந்தது அல்ல என்றும் தெரிய வந்தது. இதை ஏற்கனவே உணர்ந்த காரணத்தினால் தான் பாரதப் பிரதமர், பாசத்திற்குறிய மோடி அவர்கள் கங்கையை சுத்தம் செய்ய பல்லாயிரக்கணக்கான கோடிகள் நிதியை ஒதுக்கியிருப்பதும் என் நினைவிற்கு வந்தது.

அந்த கங்கைத் தண்ணீர் எவ்வளவு மோசமாக கெட்டுப் போயிருந்தால், அந்தக் கெடுதலில் இருந்து மக்களைக் காப்பாற்ற போர்க்கால நடவடிக்கையாக பல்லாயிரம் கோடிகளை ஒதுக்கி அதை சுத்தப்படுத்த பிரதமர் காரியங்களை முன்னெடுத்திருப்பார் என்ற நியாயம் எனது புத்திக்கு எட்டியது.

ஆகவே பிரதமர் மோடி அவர்களுக்கு என்னுடைய வேண்டுகோள் என்னவென்றால், அறியாமையில் இருக்கும் மூடர்கள் சிலர் கங்கை புனிதமானது என்ற எண்ணத்தில் இப்படி கங்கை நீரை இந்தியா முழுமைக்கும் அனுப்பி வைத்து, தொற்று வியாதிகள் நாடு முழுவதும் பரவ காரணமாய் இருப்பதை, உடனடியாக தடுத்து நிறுத்தி.

இதுவரை அப்படிச் செய்தவர்கள், மத அடிப்படைவாத முட்டாள்தனங்களில் மூளை மழுங்கிச் செய்த தவறாகக் கருதி பொது மன்னிப்பு அளித்து, இதற்கு மேல் இந்த நீரில் உள்ள அபாயத்தை மக்களுக்கு விளம்பரங்கள் மூலம் தெளிவுபடுத்தி, இனி இம்மாதிரி இந்த நோய் பரப்பும் நீரை விநியோகிக்கும் தடை ஆணையை பிறப்பித்து, மீறுபவர்களை தேசிய பாதுகாப்புச் சட்டத்தில் கைது செய்து..... நாட்டையும், நாட்டு மக்களையும் காப்பாற்ற வேண்டுமாய் கேட்டுக்கொள்கிறேன்...!

மேலும் மக்களுக்கு தீங்களிக்கும் கங்கை நீரை சுத்தம் செய்து மக்களைக் காப்பாற்ற மோடி முன்னெடுத்திருக்கும் கங்கை நீரை சுத்தப்படுத்தும் திட்டத்திற்கு திமுக அறக்கட்டளையின் சார்பாக ரூபாய் ஆயிரத்தி ஒன்றுக்கான காசோலையினையும் இத்துடன் இணைத்துள்ளேன்....!

********

இப்படியொரு அறிக்கை தலைவர் கலைஞரிடமிருந்து வந்தால்,.. இதில் அவர் பாணியில் இன்னும் பல ஊசிப் பட்டாசுகளைக் கொளுத்திப் போட்டு, எழுதி அனுப்பினால்... அதுக்கு மேல, தன் உடல்நலனில் அக்கறைகொண்ட ஒருவராவது கங்கைத் தண்ணீரை தொடுவார்களா?!

இதைத்தான் அந்த நபர் எதிர்பார்த்து கலைஞருக்கு பார்சல் பண்ண வைத்திருப்பார் போலிருக்கு..!! அவர் எண்ணம் ஈடேற வாழ்த்துக்கள்..!!!
 ·  Translate
9
Add a comment...
 
மாண்பு மிகு தமிழக எதிர்க்கட்சித் தலைவர் தளபதி மு.க.ஸ்டாலின் அவர்களுடைய தேங்காய் எண்ணை... தென்னை விவசாயிகள் பற்றிய அறிக்கை, தமிழக அரசியல் களத்தில் பொதுவானவர்கள் மத்தியில் நல்ல தாக்கத்தை ஏற்படுத்தியிருக்கின்றது.

ஒரு ஆளுங்கட்சியின் தலைவரான முதல்வரும், சம்பந்தப்பட்ட துறை அமைச்சரும், அதிகாரிகளும் அந்தந்த துறை சம்பந்தமாக மக்களுக்கும், மாநில வளர்ச்சிக்கும் பயனுள்ள வகையிலும், தொலைநோக்கில் நிரந்தர பலன் தரும் வகையிலும் எடுக்க வேண்டிய முடிவுகளை...

ஒரு எதிர்க்கட்சித் தலைவர் திறந்த மனதோடு, ஆட்சியாளரை இலேசாக இடித்துறைத்து, அற்புதமான ஆலோசனையாகவும் விளக்கியிருப்பதை.... நிச்சயமாக இந்த நடப்பு ஜெயலலிதா அரசு பயன்படுத்திக்கொண்டேயாக வேண்டும்..!

விஷயம் ரொம்ப சிம்ப்பிள்...

இந்திய தேங்காய் எண்ணையின் ஏற்றுமதி, வேறு சில நாடுகளின் மூக்கு நுழைப்பால் தடைபட்டு விட்டது. நமக்கு அற்புதமான என் ஆர் ஐ பிரதமர் இருந்தும், அவருக்கு தமது பூர்வ குடிகளான இன்றைக்கும் இந்தியாவில் வாழும் இந்தியர்கள், இந்திய விவசாயிகள் பற்றிய புரிதல் இல்லாத காரணத்தினால், அந்த தடையை விலக்குவதற்கான எந்த முன்னெடுப்பையும் எடுக்காமல், இந்திய தென்னை விவசாயிகளை நட்டாற்றில் தவிட்ட விட்டதில் உண்மை புரிந்தவர்களுக்கு ஆச்சர்யம் எதுவும் இருக்காது..!

இதில் இன்னொரு கந்தாயமும் இருக்கிறது. இந்தியாவின் மொத்த தேங்காய் உற்பத்தியில் 80 சதவிகிதம் நான்கு தென்னிந்திய மாநிலங்களில் இருப்பதால், பாதிக்கப்பட்டிருக்கும் இந்த விவசாயிகள் இந்தியாவைச் சாராதவர்களோ என்ற எண்ணம் கூட பிரதமருக்கு இருந்திருக்கலாம்..!

அது போகட்டும்...

தேங்காய் எண்ணை ஏற்றுமதி நின்றதால் இங்கே குறிப்பாக தமிழகத்தில் தேங்காய் விலையில் கடும் வீழ்ச்சி..! தேர்தல் பயன்பாட்டிற்காக அரசே கொள்முதல் செவதாக உட்டாலக்கடி வேலை எல்லாம் செய்து... அதெல்லாம் ஆகப்பெரிய ஆப்பாக தென்னை விவசாயிகளுக்கு மாறிப்போய்... அவர்கள் வாழ்வாதாரத்திற்கு எமனோடு போராட்டம் நடத்திக்கொண்டிருக்கும் வேளையில் தான்...

தளபதி மு.க.ஸ்டாலின் அவர்களுடைய இந்த அறிக்கை வருகிறது.

ஏற்றுமதி நின்றாலும் கேளர தென்னை விவசாயிகளுக்கு பிரச்சினை வராமல் போனதற்கு காரணம், அங்கே அவர்களது உணவில் தேங்காய் எண்ணை பயன்படுத்துவதை ஆரோக்கியத்தின் அடையாளமாக பார்ப்பது தான்.

ஆனால் தமிழகத்திலோ தேங்காய் எண்ணையை சமையலுக்கு உபயோகப்படுத்துவது என்பது அவ்வளவாக பழக்கத்தில் இல்லை. இதைத்தான் தளபதி மு.க.ஸ்டாலின் அவர்கள் தமிழக அரசுக்கான இன்னொரு கோரிக்கையாக வைக்கின்றார்.

ஒரு பக்கம் தேங்காய் எண்ணையின் மருத்துவ பலன்களை மேலை நாட்டு ஆராய்ச்சி முடிவுகளை அரசே மக்களிடம் பரப்புரை செய்வதன் மூலம், மக்களை பயன்படுத்த வைப்பதும்.. இன்னொரு பக்கம், சத்துணவு மையங்களில் மலேஷியா. இந்தோனேஷியாவிலிருந்து இறக்குமதி செய்யப்பட்டு விற்பனை செய்யப்படும் பாம் ஆயிலுக்கு பதிலாக தேங்காய் எண்ணையை நம் விவசாயிகளிடம் இருந்தே விலைக்கு வாங்கி பயன்படுத்துவதன் மூலமும்..., அடுத்த வழிமுறையாக ரேஷன் கடைகளில் பாம் ஆயிலுக்கு பதிலாக தேங்காய் எண்ணையை விநியோகம் செய்வதன் மூலமும்....

ஒரே திட்டத்தின் மூலம் தென்னை விவசாயிகளுக்கும் பலன், மக்களுக்கும் ஆரோக்கியமான உணவுப் பொருள் கிடைக்கும் வாய்ப்பு, அரசுக்கும் இறக்குமதியின் மூலம் விரயமாகும் பல நூறு கோடி ரூபாய் சேமிக்கப்படும் வாய்ப்பு.....

என்று ஒரே கல்லில் மூன்று மாங்காய்கள் அடிக்கும் திட்டத்தை அரசுக்கு தனது அறிக்கையின் மூலம் சமர்ப்பித்திருக்கின்றார்.

பாதிக்கப்பட்டு தற்கொலைக்கு தயாராகிவரும் தென்னை விவசாயிகளுக்கும் பலன், மக்களுக்கும் பலன், அரசுக்கும் வருவாய்... என்ற அற்புதமான நிலையை அடைய இந்த ஜெயலலிதா அரசு முன்வருமா?!

அதற்கு இந்த அரசு தயாராக இருக்க வேண்டுமானால் அரசுக்கு மூன்று காரணங்கள் இருக்க வேண்டும்...

ஒன்று... தங்கள் மாநில விவசாயிகளின் நலனில் உண்மையான அக்கறை இருக்க வேண்டும்..!

இரண்டு... தங்கள் மாநில மக்களுக்கு தரமான உணவுப் பொருட்களை வழங்கும் எந்தவொரு வாய்ப்பையும் தவற விட்டுவிடக் கூடாது என்ற எண்ணம் வேண்டும்...!

மூன்றாவதாக..... வெளிநாட்டு வியாபாரிகளிடம் கிடைக்கும் கமிஷனை விட, நம் தமிழக விவசாயிகளிடம் கிடைக்கும் வாழ்த்தே போதும் என்ற பெரிய மனது வேண்டும்...!

மேற்கூறிய இந்த மூன்று காரணங்களுடன் கூடிய நல்ல கொள்கையோடு ஜெயலலிதாவின் ஆட்சி இருக்குமேயானால், கண்டிப்பாக எதிர்க்கட்சித் தலைவரின் அறிக்கையையே திட்டமாக்கி உடனடியாக செயல்படுத்துவார். அப்படி செயல்படுத்தாவிட்டால், மேற்கூறிய மூன்று காரணங்களுக்கும் எதிரான ஆட்சியாகவே ஜெயலலிதாவின் ஆட்சி பொதுவானவர்களால் அவதானிக்கப்படும்.

அப்படியொரு நல்ல முடிவை ஜெயலலிதா எடுக்கா விட்டால், நல்ல முதல்வரை ஜஸ்ட் மிஸ் பண்ணிட்டோமே என்று தமிழக மக்கள் அடுத்த தேர்தலுக்காக காத்திருப்பதைத் தவிற வேறு வழியில்லை..!
 ·  Translate
14
Kandavelan Murugesan's profile photoV C G Anbarasu's profile photo
2 comments
 
I have 10000 coconuts to sale.. :(
Add a comment...
People
Have him in circles
5,938 people
Bala Hariharan's profile photo
SomasundaraMoorthy K's profile photo
Magesh Kumar's profile photo
annu kader's profile photo
karuna kutty's profile photo
Natesu Sivasakthy's profile photo
Sivaji Ganesan's profile photo
Jaffna News's profile photo
Abdul Malick's profile photo
Work
Employment
  • RAMANA'S FOOD PRODUCT
    Managing Director, 1997 - present
Basic Information
Gender
Male
Looking for
Friends
Other names
கொக்கரக்கோ
Story
Tagline
நாம் எல்லோருமே சேர்ந்து கூவினால் விடியாமலா போய்விடும்...?!
Education
  • Bharathidasan University
    M.Sc., Industrial Chemistry, 1990 - 1992