Profile cover photo
Profile photo
ஜோதிஜி திருப்பூர்
5,837 followers -
ஜோதிஜி (JOTHIG)
ஜோதிஜி (JOTHIG)

5,837 followers
About
ஜோதிஜி திருப்பூர்'s posts

Post has attachment
பாலியல் சுதந்திரம்
காட்சி 1  வீட்டுக்கருகே தொழிலாளர் குடியிருப்பு ஒன்று உள்ளது. அங்கே ஆறு குடும்பங்கள் வசித்து வருகின்றார்கள். எவருடனும் எனக்குத் தொடர்பில்லை. ஆனால் வீட்டுக்குக் குழந்தைகளுக்கு இட்லி மாவு என்று தொடங்கிச் சின்னச் சின்னச் சமாச்சாரங்களுக்கு மனைவியிடம் வந்து கேட்ட...


ஆடிட்டர் குருமூர்த்தி எழுதியதில் கால்வாசி உண்மை. திருப்பூர் வாழ்க்கையில் இரண்டு யூதர்களுடன் பழகியுள்ளேன். கழுத்து அறுத்து ரத்தம் வடிந்தாலும் அந்த ரத்தத்தை எப்படி காசாக்கலாம் என்று பார்ப்பார்களே தவிர காப்பாற்ற முன்வரமாட்டார்கள். மகா கறார் பேர்வழிகள். எல்லாவற்றையும் விட காசு தான் முக்கியம். மற்றதெல்லாம் அப்புறம் தான்.





இந்திய - இஸ்ரேல் நல்லுறவு

(துக்ளக் தலையங்கம்)

சென்ற வாரம் 3 நாள் பயணமாக பிரதமர் நரேந்திர மோடி, இஸ்ரேல் நாட்டின் தலைநகரான டெல்அவிவ் விமான நிலையத்தில் இறங்கியவுடன், ‘ஆப்கா ஸ்வாகத் ஹை மேரே தோஸ்த் - உங்களை வரவேற்கிறேன் என் நண்பரே’ - என்று ஹிந்தியில் ஒரு குரல் பிரதமரை வரவேற்றது. அப்போது பிரதமர் நம் நாட்டிலேயே எங்கேயாவது இறங்கி விட்டோமா என்று கூட சந்தேகப்பட்டிருக்கலாம்.

பிரதமரை ஹிந்தி மொழியில் இஸ்ரேல் விமான நிலையத்தில் அப்படி அன்புடன் வரவேற்றது இஸ்ரேல் பிரதமர் பெஞ்சமின் நெடான்யாஹு தான். இஸ்ரேல் பிரதமர் சர்வதேச மரபுகளை ஒதுக்கி விட்டு, தானே விமான நிலையத்திற்கு நேரடியாக வந்து பிரதமர் மோடியை வரவேற்றார். அது தவிர, 3 நாட்களும், ஹிந்து பத்திரிகை கூறியது போல தூங்குகிற நேரம் தவிர, மற்ற நேரங்களில் அவர் மோடியுடனேயே நிழல் போல இருந்தார். இஸ்ரேல் பிரதமர்கள் இது போன்ற உயர்ந்த மரியாதையை, இதுவரை அமெரிக்க ஜனாதிபதிக்கு மட்டுமே அளித்திருக்கிறார்கள். ஆக, இஸ்ரேல் - இந்திய நல்லுறவு காலம் கடந்தாலும் நல்ல முறையில் துவங்கியிருக்கிறது. நாம் சுதந்திரம் அடைந்து,
இஸ்ரேல் பிறந்து, 70 ஆண்டுகளாக நம் நாட்டிலிருந்து எந்த பிரதமரும் இஸ்ரேலுக்குச் சென்றதேயில்லை.

ஏன்?

நம் நாட்டின் வாக்குவங்கி அரசியல்தான் இதற்குக் காரணம். 1948 - ல் பாலஸ்தீனத்தை இரண்டாகப் பிரித்து, இஸ்ரேல், பாலஸ்தீனம் என்ற இரண்டு சிறிய நாடுகளை ஐ.நா. சபை உருவாக்கியது. இது யூத - அரபு நாடுகளுக்குள் பெரும்பிளவை ஏற்படுத்தி, இஸ்ரேலைச் சுற்றியிருந்த 17 அரபு நாடுகள், இஸ்ரேலை ஒழித்துகட்ட கங்கணம் பூண்டு, அதற்காக 25 ஆண்டுகள் கடுமையாக முயற்சி செய்தன. இஸ்ரேலை எதிர்த்த அரபு நாடுகள், அந்நாட்டை விட 545 மடங்கு நிலப்பரப்பும், 1000 மடங்கு அதிகமான மக்கள் தொகையும் கொண்டவை. ஆனாலும் 1967, 1973 ஆகிய ஆண்டுகளில் நடந்த யுத்தத்தில் அந்நாடுகளை முறியடித்து, இஸ்ரேல் பெரும் வெற்றி பெற்றது. இஸ்ரேலை எதிர்த்த அரபு நாடுகளுக்கு தலைமை வகித்த எகிப்து, இனி இஸ்ரேல் எதிர்ப்பு பலனளிக்காது என்று முடிவு செய்து, அதனுடன் 1978 - ல் சமாதான ஒப்பந்தம் செய்து, நல்லுறவை ஏற்படுத்திக் கொண்டது.

ஆனால், நாமோ எகிப்து - இஸ்ரேல் சமாதானத்துக்குப் பிறகும், இஸ்ரேலை நம்முடைய எதிரியாகவே பாவித்து வந்தோம். 1948 -ல் இஸ்ரேல் உருவாவதையே முதலில் எதிர்த்தது ஜவாஹர்லால் நேரு தலைமையிலான இந்தியா. பிறகு ஐ.நா. சபையில் இஸ்ரேல் சேர்வதை எதிர்த்தது. பிறகு யுத்த காலத்திலும், மற்ற காலங்களிலும் தொடர்ந்து இஸ்ரேலை எதிர்த்து, அரபு நாடுகளை ஆதரித்து வந்தது இந்தியா. ஆனால், நாம் எப்போதெல்லாம் தாக்கப்பட்டோமோ, அப்போதெல்லாம் நமக்கு இஸ்ரேல் உதவியது.

உதாரணமாக, 1999 - ஆம் ஆண்டு திடீரென்று பாகிஸ்தான் நம் மீது துவக்கிய கார்கில் யுத்தத்தில், நமக்கு அவசரமாக ராணுவ தளவாடங்களும், வெடிப் பொருட்களும் தேவைப்பட, நமக்கு உடனே கொடுத்து உதவியது இஸ்ரேல்தான். மேலும் இஸ்ரேலும், இந்தியாவும் இஸ்லாமிய பயங்கரவாதத்தால் பாதிக்கப்பட்டிருக்கும் நாடுகள். இந்தக் காரணங்களால், பெரும்பாலான இந்திய மக்களுக்கு இஸ்ரேல் மீது மதிப்பும், மரியாதையும் இருந்து வந்தது. இஸ்ரேலுடன் இந்தியா நல்லுறவு கொள்ள வேண்டும் என்று சோ தொடர்ந்து வலியுறுத்தி வந்தது துக்ளக் வாசகர்களுக்கு நன்கு தெரியும். இருந்தும் இஸ்ரேலுடன் நெருங்குவது, அரபு நாடுகளுக்கு எதிராகப் போகும் என்று கருதியதோடு, முஸ்லிம்கள் தங்களுக்கு வாக்களிக்க மாட்டார்கள் என்கிற அச்சமும் நம் நாட்டின் அரசியல்வாதிகளிடம் ஊறியிருக்கிறது.

அதனால், இஸ்ரேலுடனான நல்லுறவு நம் நாட்டின் நலனுக்கு அவசியம் என்று உணர்ந்தும், இஸ்ரேலைத் தொடர்ந்து புறக்கணித்து வந்தன நம் அரசுகள்.

ஆனால் முதலில் உறவு வைத்துக் கொள்ள துணிந்து முடிவு செய்தது நரசிம்மராவ் அரசுதான். 1992 - ல் இஸ்ரேலுடன் ராஜரீதியிலான உறவை உருவாக்கினார் அவர். ஆனால், அதன்பின் 25 ஆண்டுகள் ஒன்றும் நடக்கவில்லை. இப்போது வாக்குவங்கி அரசியல் எதிராகப் போகும் அபாயம் இருந்தாலும், நாட்டின் நலன் கருதி பிரதமர் மோடி இஸ்ரேலுடன் நல்லுறவை வைத்துக் கொள்ள முடிவு செய்திருக்கிறார். இஸ்ரேலை அழிப்பது என்று உறுதிபூண்ட அரபு நாடான எகிப்து, விரோதத்தைக் கைவிட்டு இஸ்ரேலுடன் நல்லுறவு வைத்துக் கொண்டிருக்கிறது. ஆனால், வாக்குவங்கி அரசியல் காரணமாக, நாம் இஸ்ரேலுடன் நல்லுறவு ஏற்படுத்தத் தவறினோம். இதைச் சரி செய்யத்தான் பிரதமர் மோடி, சரித்திர முக்கியத்துவம் வாய்ந்த இஸ்ரேல் பயணத்தை மேற்கொண்டார்.
நமக்கு என்ன நன்மை?

நமக்கும் இஸ்ரேலுக்கும் புராதன சம்பந்தம் இருக்கிறது என்பதால் மட்டுமே, நமக்கு அந்நாட்டுடன் உறவு தேவையா என்கிற கேள்வி எழலாம். இந்தக் கேள்விக்கான பதிலைத் தெரிந்து கொள்ள, இஸ்ரேலைப் பற்றி சில விவரங்களை நாம் புரிந்து கொள்வது அவசியம். 1948 -ல் பாலைவனத்தில் புனர்ஜென்மம் எடுத்த இஸ்ரேல், 84 லட்சம் மக்கள் தொகை கொண்ட சிறிய நாடானாலும், இன்று வளர்ந்த நாடுகளையும் மிஞ்சி விட்டது. தனிநபர் வருமானத்தில் அமெரிக்காவுக்குச் சமமாக இருக்கும் இஸ்ரேல், கல்வி, விஞ்ஞானம், தொழில்நுட்பம், புதிய கண்டு பிடிப்புகள், யுத்த முறை ஆகியவற்றில் உலகில் மற்ற நாடுகளை விடவும் தலைசிறந்து விளங்குகிறது. வறண்ட நாடான இஸ்ரேல், தொழில் நுட்பத்தினால் நீர் வளத்தைப் பெருக்கி, விவசாயத்தில் பெரும் புரட்சி செய்திருக்கிறது. ஆயுத உற்பத்தியிலும் முன்னேறியுள்ளது இஸ்ரேல். அந்நாட்டு உளவு அமைப்பான ‘மொஸாத்’, உலகிலேயே மிகவும் சக்தி வாய்ந்ததாகவும், விவரமறிந்ததாகவும் கருதப்படுகிறது.

இஸ்ரேல் எந்தெந்த துறைகளில் தேர்ச்சி பெற்றிருக்கிறதோ, அங்கெல்லாம் நமக்கு தொழில்நுட்பமும், ஒத்துழைப்பும் தேவை. மோடியின் இஸ்ரேல் பயணம், இரு நாடுகளின் தொன்மையான உறவை மேன்மைப்படுத்துவதோடு அல்லாமல், நமக்குப் பலவகைகளில் சாதகமாகவும் மாறியிருக்கிறது. பிரதமரின் இந்தப் பயணத்தின் விளைவாக இந்தியாவும், இஸ்ரேலும் முக்கிய ஒப்பந்தங்களில் கையெழுத்திட்டிருக்கின்றன. இரு நாடுகளின் விஞ்ஞான - தொழில்நுட்ப அமைப்புகள் சேர்ந்து புதிய பொருட்கள், தயாரிப்பு முறைகள் பற்றி ஆராய்ச்சி செய்ய ஒரு நிதி ஆதாரத்தை உருவாக்குவது; இஸ்ரேலின் நீர்வள பெருக்கு முறைகளை நம்முடன் பகிர்ந்து கொள்வது; விவசாய மற்றும் விண்வெளி ஆராய்ச்சியை மேம்படுத்துவது; ராணுவ தளவாடங்களை நம் நாட்டில் உற்பத்தி செய்வதற்கு தொழில்நுட்பம் அளித்து, இணைந்து உற்பத்தி செய்வது; இந்திய - இஸ்ரேல் வர்த்தகத்தைப் பன்மடங்காக்குவது; விண்வெளித் துறையில் கூட்டு ஆய்வு மற்றும் ஒத்துழைப்பது; இஸ்லாமிய பயங்கரவாதத்திற்கு எதிராக பலவகையிலும் ஒருங்கிணைந்து செயல்படுவது; மின்னணுத் துறையில் பாதுகாப்பு முறைகளைப் பகிர்ந்து கொள்வது போன்ற அத்தியாவசியமான ஒப்பந்தங்கள் செய்யப்பட்டுள்ளன.


இதன் மூலம் அமெரிக்காவிலிருந்து நமக்கு நேரடியாகக் கிடைக்காத தொழில்நுட்பங்கள், இஸ்ரேல் மூலமாக நமக்குக் கிடைக்கும். அரபு நாடுகளுக்கு இஸ்ரேல் நேரடியாக ஏற்றுமதி செய்ய முடியாத பொருட்களை, இந்தியாவில் உற்பத்தி செய்து இங்கிருந்து ஏற்றுமதி செய்ய முடியும். பிரதமரின் இந்தப் பயணம், இப்படி பலவகைகளிலும் நமக்கும் இஸ்ரேலுக்கும் பயனளிக்கக் கூடியது என்பதில் சந்தேகமில்லை.


Post has attachment
அலுவலகத்தில் நடக்கும் கொண்டாட்டங்களில் எனக்கு எப்போதும் விருப்பம் இருப்பதில்லை. காரணம் நிர்வாகம் நிகழ்வு முடிந்த பிறகு கணக்கு வழக்குகள் குறித்து எந்தக் கண்ணோட்டத்தில் பார்க்கும்? என்பதனை தனிப்பட்ட முறையில் உணர்ந்தவன் என்ற முறையில்.

ஆனால் பணிபுரியும் தொழிலாளர்கள், சக ஊழியர்களின் பிறந்தநாள் கொண்டாட்டங்கள், அவர்களுடன் ஒன்று சேர்ந்து நிகழ்வுகளை தவறவிடுவதில்லை. சென்றவாரத்தில் உற்பத்திப் பிரிவில் பணிபுரியும் இளைஞரின் பிறந்த நாள் கொண்டாட்டத்தை அனைவரும் சேர்ந்து கொண்டாடினோம்.

பிறந்த நாள் கொண்டாட்டம் எனக்கு தனிப்பட்ட முறையில் விருப்பம் இருப்பதில்லை. தினந்தோறும் யாரோ ஒருவர் இனிப்புடன் வந்து வாழ்த்தச் சொல்லும் போது பணம் கொடுத்து நூறாண்டு காலம் ஆரோக்கியத்துடன் வாழ்க என்று சொல்லி கொடுப்பதுண்டு. ஆனால் சென்ற வாரம் நடந்த நிகழ்வில் என் வயதில் பாதி இருப்பவர்களின் செல்பி மோகத்தை புரிந்து கொள்ள முடிந்தது. ஒத்துழைத்தேன். நம் முகத்தை கால இடைவெளி விட்டு இது போன்ற படங்கள் மூலம் ஒவ்வொரு சமயத்திலும் உற்றுக் கவனிக்க முடிகின்றது. வயதாகின்றது என்ற எண்ணம் இளைஞர்களின் கொண்டாட்டங்களில் பங்கெடுக்கும் போது மாறுவதாக மனதிற்குப் படுகின்றது.
PhotoPhotoPhotoPhotoPhoto
16/07/2017
10 Photos - View album

Post has attachment
Photo

Post has attachment
Photo

Post has attachment

Post has shared content
+Prakash JP மேற்கு வங்கத்தில் உருவான கலவரத்தின் தொடக்கம் என்ன? காரணம் என்ன? என்பதனை எழுதியிருக்கீங்களா உங்க பக்கத்தில் தேடிப்பார்த்தேன். இந்த ஒரு பதிவு மட்டும் இருந்தது. உங்கள் பார்வையில் முழுமையாக எழுத முடியுமா?
மேற்கு வங்கம் : போலி Fake புகைப்படங்கள் மூலம் வன்முறையை உருவாக்கும் பிஜேபி RSS கும்பல்..!

மேற்கு வங்கத்தில் வன்முறை தணிந்து வரும் வேலையில், அதனை மீண்டும் கொழுந்து விட்டு எரிய செய்து அரசியல் ஆதாயம் தேட பாஜக முயற்சிப்பது மீண்டும் அம்பலமாகியிருக்கிறது.

கடந்த சில தினங்களுக்கு முன்பு மேற்கு வங்கம் 24 பர்காணா மாவட்டத்தில் பேஸ்புக் பதிவு ஒன்றில் இருந்து வந்த சர்ச்சைக்குரிய கருத்தை தொடர்ந்து மிகப்பெரும் வன்முறை உருவானது. இதனால் அங்கு இந்து- முஸ்லீம் மதவெறி கடந்த சில நாட்களாக அதிகரித்து தற்போது தணிந்திருக்கிறது.

இந்த சூழலில் அரியானாவை சேர்ந்த பாஜகவின் மாநில செயற்குழு உறுப்பினர் விஜிதா மாலிக் அவரது முகநூல் பக்கத்தில் ஒரு படத்தை பதிவிட்டிருந்தார். அந்த படத்தில் ஒரு பெண்ணின் சேலையை ஒருவர் பிடித்து இழுக்கிறார். அருகில் இருக்கும் ஒரு கும்பல் அதனை சிரித்த முகத்துடன் வேடிக்கை பார்க்கின்றனர். அந்த பெண் கைகளில் சேலையை பற்றி அனைத்துக் கொண்டு கெஞ்சுவது போன்று இருக்கிறது. அதன் கீழ் மேற்கு வங்கத்தில் இந்து பெண்களின் நிலையை பாரீர்.. மேற்கு வங்க அரசில் இந்து பெண்களுக்கு பாதுகாப்பில்லை என எதிர்த்தரப்பினரை குற்றவாளிகளாக சித்தரிக்கும் நோக்கில் பதிவிட்டிருந்தார்.

இந்த படம் பாஜக மேற்குவங்க மற்றும் இந்தியா முழுவதும் உள்ள இந்தி பேசும் மாநில பாஜகவினர் லட்சக்கணக்கில் பகிர்ந்து வந்தனர்.

ஆனால், விஜிதா மாலிக் பதிவிட்டிருந்த படம், போஜ்பூரி என்ற திரைப்படத்தில் வரும் ஒரு காட்சி, அந்த காட்சியில் நடித்திருப்பவர், அதாவது அந்த பெண்ணின் சேலையை பிடித்து இழுப்பவர் தற்போது பாஜகவின் தலைவர்களில் ஒருவரான மனோஜ் திவாரி என்பவர் ஷாபி ஷர்மா என்ற நடிகையின் சேலையை உருவும் படம் ஆகும். இந்த படத்தில் பாஜக தலைவர் மனோஜ் திவாரியை மட்டும் வெட்டி விட்டு, அப்படியே படத்தை பதிவிட்டு அதனை இஸ்லாமியர்களுக்கு எதிராக சித்தரித்து, வன்முறையை தூண்டியிருக்கிறார்.

இந்த படம் வைரலாக பரவிய சில மணி நேரங்களில் அந்த படத்தின் உண்மையான படத்தை போட்டு பலரும் இது திட்டமிட்ட வன்முறை உருவாக்கும் போலி படம் ஆகும். இதனை மக்கள் நம்ப வேண்டாம். பாஜகவின் சூழ்ச்சியில் இந்து மக்கள் சிக்கிவிட வேண்டாம் என பதிவிட்டிருந்தனர்.

இதையடுத்து பாஜக தலைவர் மற்றும் சங்பரிவார் அமைப்புகள் அந்த படத்தை தங்களின் பக்கங்களில் இருந்து நீக்கியிருக்கின்றனர். இப்படி ஒவ்வொரு தருணத்தையும் தனது சொந்த அரசியல் ஆதாயத்திற்காக அப்பாவி இந்து முஸ்லீம் மக்களை மோத விட்டு அதிலிருந்து அரசியல் ஆதாயம் தேட முயற்சிப்பது மீண்டும் ஒரு முறை அம்பலமாகியிருக்கிறது.

ஏற்கனவே பாஜக எந்த ஒரு இடத்தில் மதரீதியான வன்முறையை கையில் எடுத்திருக்கிறதோ, அந்த இடம் அவர்களுக்கு அரசியல் ரீதியாக வெற்றியையே பெற்று தந்திருக்கிறது என்பது பல்வேறு ஆய்வுகளின் மூலம் தெரிய வந்திருக்கிறது. அண்மையில் கூட யேல் பல்கலைக்கழக ஆய்வாளர்கள் மீண்டும் தங்களின் ஆய்வு மூலம் உறுதி செய்திருந்தனர். இந்த நிலையில்தான், மேற்கு வங்கத்தை பாஜக தற்போது குறிவைத்திருக்கிறது என்பதும் குறிப்பிடத்தக்கது.

இதற்கிடையே மார்க்சிஸ்ட் கம்யூனிஸ்ட் கட்சி மதரீதியான வன்முறையை முடிவுக்கு கொண்டு வர வேண்டும். இதில் அரசியல் ஆதாயம் தேடுவது மிகவும் அருவருக்கத்தக்கது என விமர்சித்திருக்கிறது.
Photo

Post has attachment
நான் பள்ளிக்குச் சென்று கொண்டிருந்த போது நான் பார்த்த அக்காமார் எல்லாம் இப்படித்தான் இருந்தார்கள். இன்று பார்த்த படம் 35 வருடங்கள் நினைவுக்கு பின்னே இழுத்துச் சென்றது
Photo

Post has shared content

Post has attachment
Photo
Wait while more posts are being loaded