Profile cover photo
Profile photo
sunnionline balochi
1 follower
1 follower
About
Communities and Collections
View all
Posts

Post has attachment
Add a comment...

Post has attachment
🔷 پت ؤ ماتِ رپتار گوں زهگاں

@Sunnionlinebalochi
آ لوگ ؤ‌ گسانی تها که پت ؤ ماتِ رابطه گوں زهگاں جوان اِنت ؤ گوں احترام ؤ دوستی گوں وت رپتار کننت، زهگاں هں گیشتر هبر گوش دارنت ؤ هبر گرنت.
باید پت ؤ‌ مات لوگ/گسِ قانوناں په جوانی زهگانا یاد بدینت. چوشکه گوشگ ببیت که مے لوگا روگ ؤ آیگا چه پیسر باید دگراں سهیگ کنگ ببنت، اِے لوگِ قانون اِنت. پت بگوشیت که من هں وهدے که جاهے رواں تئی ماتا سهیگ کناں تا که پریشاں مبیت. شما هں که چه مے لوگِ مردمان اِنت، باید اِے قانونِ هیالداریا بکنِت. هرجاه که شتے یکیا سهیگ بکن.
گوں زهگاں په جوانی هبر دیگ ببیت، وهدے که شما هبر دیت آ گوش داریت ؤ اگه آئیا هبر دات شما گوش دارت ؤ‌ آئیِ جُستا جواب دئیت. گوں احترام هبر دیگ بیت ؤ‌ آئیا بگوشِت که اگه ما مزانیں تو کجائے پریشان بئیں.
هچبر زهگا ملامت مکنِت. اِے دابیں رپتار زهگا کمک کنت که بزانت آئیِ رپتار چه اندازه پت ؤ ماتِ سرا تاثیر اِیر کنت. آ ٹیما زهگ وتی دلِ هبراں بے هچ بیم ؤ‌ ترسے په وتی پت ؤ‌ ماتا پیش کنت.
باید پت ؤ مات وتی رابطه‌ئا گوں زهگا گیش کننت، هوریگا په گردگ ؤ تفریحا برونت. گوں زهگا باز هبر دینت. وتا را نزیک کننت. زهگِ سنگتاں بچار اَنت که کئے اَنت. انچو گوں زهگا رپتار بیت که آ وتی پت ؤ‌ ماتِ سرا اعتماد ؤ بروسه بکنت.
______________________
🔹سنی آنلاینِ تلگرامِ نشانی اِشنت:
https://telegram.me/sunnionlinebalochi
Add a comment...

Post has attachment
💥«ما بلوچیں»💥
✍🏼شعرے چه واجه مولانا عبدالله روانبد
@Sunnionlinebalochi

ما بلوچیں ما بلوچیں ما بلوچ
ما بلوچستانِ نوکیْں ماه ؤ روچ
تاک تاک اِنت زندِ دپتر تئی بلوچ
زیر تپاکِ رشتَگا هوری بدوچ
پرچیا از کاروان پد منتگے
ظاهر اِنت پیش کنزگِ مادن چو روچ
همبلان دوشی مزن بانگواه کتگ
منزلِش گپتَنت ؤ آرام اَنت مروچ
روچ در آتکگ تو هَگت وابینَگے
شنگ ؤ شانگَنت بار ؤ بے فکرَے چه کوچ
کامیابی کار ؤ کوشستِ بَر اِنت
انب لوٹے چوں؟ که تو کِشتَگ کروچ
گوهرِت پَی مَں زرِ لُنجا به بُـڈ
لعل لوٹَے سَکّگیں کوهاں بکوچ
وقت گوازیْنے په واب ؤ غفلتا
قیمتی جنسا مکن چو سُتک ؤ سوچ
روم ؤ شامِ حسرتا چیا ورَے
روم ؤ شامے اَڈ کن از چانپ ؤ نکوچ
لاگری، عذرے نهِنت په تازیا
لاگرَے گهتر به تچ، بِل عذرِ پوچ
گوں بلوچی غیرتا میانا ببند
میشی چم جهلی مکن، پادا چو قوچ
نِی ترا زیبِیت گوشگ با فخر ؤ شان
دیمِ دیوانا که ما هستیں بلوچ
ما بلوچیں ما بلوچیں ما بلوچ
ما بلوچستانِ نوکیْں ماه ؤ روچ

#بلوچی_شعر #مولانا_روانبد #شاعر

🔹سنی آنلاینِ تلگرامِ نشانی اِشنت:
https://telegram.me/sunnionlinebalochi
Add a comment...

Post has attachment
🔷باندا کدی کیت؟

✍🏼محمد آسکانی
@Sunnionlinebalochi
هچ کسا باندات ندیتگ ؤ هچ کسا وتی کار بانداتِ تؤکا انجام دات نکتگ. اے گپ راستے اگرچه کمے مردما اجکّه کنت.
جی هؤ باندات، نیست. مرچیگ که گوست گڑا باندا، پشت نکپیت. باندا، مرچیگ بیت.
تو گوشے من اے کارا باندا کناں، بلے وهدے که انجامی دیے، نگوشے که من اے کار باندا کت، بلکه گوشے من اے کار مرچی کت.
نگدیں وهد مرچیگ اِنت. نیاتکگیں وهد باندات اِنت ؤ ما نزانیں باریں بییت یا نه؟
وهد تلاهے، نه بلکه ؤهد انسانِ عمر اِنت. تلاهِ بدل رسیت، بلے ؤهدا بدل نیست. هر کسا وتی عمر دوست اِنت، بلے گیشتر مردماں وتی وهدا په ناهودگیں کاراں گؤازینَنت.
آ مردم که وتی وهدِ هیالداریا کننت، یک دمانے هم بے نپ ؤ سوتا نگوازینَنت.
مے شمے زندا چینچو مُردگیں وهد هست، علامه سید ابوالحسن ندویا وتی بازیں کتابے قطارِ توکا نبشتگ ؤ چه وتی مردگیں وهداں کٹ ؤ سؤب گپتگ.
اگاں مردم وتا عادت بدنت، چنت کارا هوری کت کنت، په درور وهدے که تے دست په یک کارے گلائیش اِنت، تو گوں زبانا ذکر کت کنے.
گهتریں تیاری په باندا همش اِنت که مرچی وتی کاراں سرجم بکنے.
علامه سرخسیِ داستان
علامه سرخسی یک مزنیں فقیهے. آ وهدِ زوراکیں بادشاها، آئی مں یک چاتے تؤکا تا چنت سالا زندان کت.
واجهِ شاگرداں چاتِ سرا آتکَنت ؤ واجه هبر کت ؤ آیاں نبشت تا که یک مزنیں کتابے جوڑ بوت ؤ هنو په "مبسوط سرخسیِ" ناما جاه یارگ بیت.
______________________
🔹سنی آنلاینِ تلگرامِ نشانی اِشنت:
https://telegram.me/sunnionlinebalochi/653
Add a comment...

Post has attachment
🌐مزنیں مراگِشے په "بلوچانی جهد، مَں انگریزِ دیمگیریا" زاهدانا برجم دارگ بوت
@Sunnionlinebalochi
مزنیں مراگشے په بلوچستانِ مردمانی جهد ؤ کوششاں مَں انگریزِ جَنَگ ؤ گلّینگ چه بلوچستانا برجم دارگ بوت. اِے دیوان، گوں بلوچان ؤ انگریزِ جنگِ یکصدمی سالِ پرترّگا همدپ اَت.
په سنی‌آنلاینِ هالکاریا، اِے دیوان که مَں زاهدان مزن شهدربرجاه سیستان‌ؤبلوچستانا برجم دارگ بوت چه چهارشنبه (24آذر1395) بنگیج بوت، بازیں مسئول، واجه ؤ‌ زانتکارا، چه ملک ؤ دَرملکا بهر زرت.
اِے مراگش تا سے روچا برجم دارگ بوتگ بازیں نبشتانکے وانگ بوت. بهرزورکاں گُڈی روچا په هما دمگ ؤ جاهانی چارگا که بلوچاں اودا جنگ داتگ شتنت.
ڈاکٹر مرادی اِے مراگشِ زمه‌دارا گوشتگ: مے مراد چه اِے مراگشِ برجم دارگا، بلوچ راجِ تاریخ ؤ راجدپترِ زانگ اِنت، انگتا دلیریں بلوچ راجِ تاریخ په جوانی پٹ ؤ لوٹ نبوتگ ؤ په دگراں معرّفی/جاه آرائینگ نبوتگ.
اِے مراگشِ گورا یک پیشدارجاهے په بلوچ راجِ دستی صنایع ؤ جوڑکرتگیں چیزاں هں برجاه دارگ بوتگ.
وهدے که انگریزا دیم په بلوچستان اُرش کرتگ، بلوچ راجا په وتی ملکِ دیمپانیا جنگ داتگ ؤ رند چه بلاهیں جهدے انگریزش پروش داتگت. اِے جنگا بازیں انگریزے بیراں بوتگ.

👇🏽🌐نوکیں هال «سنی‌آنلاینا» شما را دست کپنت🌐👇🏼
🌎www.sunnionline.us/balochi
🆔https://telegram.me/sunnionlinebalochi/649
Photo
Add a comment...

"بِسْمِ اْللّٰہِ الَّذِیْ لَاْیَضُرُّ مَعَ اِسْمِہ شَیْئ فِیْ الاَرْضِ وَ لَا فِی السّماءِ و ھُوَ السَّمِیعُ الْعَلیمْ"
_________________
گوں ھَمُک سُھبِ بُنگیج بیگا گوں بُرزادی دُعاءِ سَے(3) رند وا نَگا وَتا چه هر سکّی ؤ سوری بلاه و مصیبتا امان بکنِت.
پیغمبر (ص) ءِ حدیثاں کَیت: کہ ھرچ کسے اے دعایا سَے رند سُھبا بوانیت ھچ زَلَرے آئیا داں بیگاھا نرسیت، ھمے ڈول اگہ بیگاھا بوانیت داں سُھبا آئیا ھچ پیمیں تاوانے نرسیت.

@Sunnionlinebalochi
Add a comment...

💠 هدف، زندگیِ تام اِنت

باز مردما من گنداں که وتی شپ و روچا بے هدفا گوازین اَنت. آیانی نند و پادا، گپ و هبر، بے مقصد اِنت. هر چیزِ ارزش ماں آییِ هدف و واهگ اِنت. لَیٹا بچار تا وهدے که روشنی دنت لوگِ دیما درتکگ بلے وهدے که سچیت، چگل دیگ بیت. پدا هر کس وتی هدفِ سرا نشتگ، هر کسی هدف برزتر، جاهی هم برزتر انت.
بے هدفی، ناامیتی کاریت، گم کاریت. انسان و حیوانِ هدف یک نه اِنت، پچے که انسانا دو مزنین نعمت هست، زانت و گپتار. انسانے که هدفی مالوم اِنت، هر پیما وتا په آئیا رسینیت. بدتریں چیز، همے بےهدفی اِنت. کاپراں، جهندما رونت پچے که وتی اصلی هدفش شموشت.
اگاں یک روچے بےهدف گوست، آ چه تئے عمرا هساب نه اِنت. لهتے انسان هست که آیانی مفیدیں و سودمندیں عمر، سالے یا ماهے یا چنت روچ انت. لهتے مردم، کمیں عمرِ تها، هنچیں مزنیں کار کن اَنت که په آیانی انجام دیگا دراجیں عمرے پکار اِنت. اشاں هماینت که وتی هدفش جاه آرتگ.
آهری گپ اِشنت اگاں ترا په وت برنامه مبیت، دگراں په تو برنامه جوڑ کن اَنت.

🖋 محمد آسکاانی
Add a comment...

Post has attachment
📰 «گرند» شِنگ بوت
بلوچی وهدتاک «گرندِ» چهارمی تاک شِنگ بوت، اِے وهدتاکا شما توانِت چه سنی‌آنلاینِ ٹلگراما اِیرگیجِت ؤ ڈانلوڈ کن‌اِت.👇🏽
https://telegram.me/sunnionlinebalochi/642
Add a comment...

Post has attachment
🌐واجه مولانا محمدعلَم، دیم په وتی ابدمانیں جاها رهادگ بوت

مولانا محمدعلَم حسین‌بُر، عین‌العلوم گشتِ مزنیں واجه ؤ ‌استادے جمعه 19 آذر (9 ربیع‌الاول 1438) کوڑهیں دنیا یله دات ؤ دیم په وتی ابدمانیں جاها رهادگ بوت.
په سنی‌آنلاینِ هالکاریا، مولانا محمدعلم حسین‌برِ جنازه، مرچی سهبا (20 آذر) مَں گشتا وانگ بوت. په واجهِ جنازه‌ها بازیں مردمے چه بلوچستانِ کرّ ؤ گوراں وتا گشتا رسینتگ. مرحومِ جنازهِ نماز گوں واجه شیخ‌الحدیث مولانا محمدیوسف حسین‌پورِ پیشنمازیا وانگ بوت.
واجه مولانا محمد دهقان ؤ مولانا مفتی محمدقاسم قاسمی ؤ دگه بازیں واجهے پیش چه مرحومِ نمازجنازها گپ ؤ‌تراں کرتگ.
مولانا محمدعلم، چه عین العلوم گشتِ زمانگی استاداں بوتگ، واجه‌ها نزیک 20 سال همے دینی مدرسه‌یا درس داتگ.
مولانا محمدعلم رحمه‌الله، سال 1332 شمسیا گشتا دنیایا آتکگ، ؤ وتی اولی درسی عین العلوم گشتا بنگیج کرتگنت، رندا په وتی علم ؤ زانتِ گیش کنگا دارالعلوم کراچیا شتگ ؤ‌چه اودِ بزرگانی علمی جوهانا بهر زرتگ. سال ۱۳٥۸ شمسیا چه همے مزنیں دینی مدرسه‌یا وانگی دربرت ؤ دیم په وتی ملکا پچ ترّ اِت.
سال 1360 شمسیا واجه مرحوم مولانا محمدعلم په وتی علم ؤ زانتِ گیش کنگا دیم په مدینه شت ؤ اودِ اسلامی دانشگاه/ شهدربرجاها دعوت ؤ‌اصول دینِ دانشکده یا درس ونت ؤ لیسانس گپت.

سنی‌آنلاین –بلوچی-: واجه مولانا محمدعلَم حسین‌بر، چه عین‌العلوم گُشتِ مزنیں واجه ؤ استاداں انشپی 19 آذر/9 دسمبر2016 کوڑهیں دنیا یل دات ؤ دیم په وتی ابدمانیں منزلا روان بوت. واجهِ نمازجنازه باندا گشتا ؤانگ بیت.
سنی‌آنلاینِ باسک، اِے ٹوهیں عالم ؤ زانتکارِ روگا په بلوچ راج خاصکار واجهِ سیاد ؤ لوگی مردماں ؤ عین‌العلوم گشتِ طالب ؤ استاداں تسلیت گوشنت ؤ په پُشپداں صبر ؤ اوپار ؤ په مرحوما مغفرت ؤ بکششا لوٹوک اَنت.

#مولانا_محمد_علم #واجه_حسین‌بر #عین_العلوم #گشت

🌐نوکیں هالاں «سنی‌آنلاینا» بوان اِت🌐👇🏼
🌎www.sunnionline.us/balochi
🆔@sunnionlinebalochi
https://goo.gl/jty7BU
Add a comment...

Post has attachment
🌐چه پاکستانِ بالیِ کپگا 48 مسافر کشگ بوت

سنی‌آنلاین: پاکستانِ «پی‌آی‌ای»ءِ بالی/هواپیما زیگیں روچا (چهارشنبه 17 آذر / 7 دسمبر2016) کپتگ اَت، تمامیں چهل‌‌وهشتیں مسافر کشگ بوتنت.
"محمد اعظم سگل"، «پی‌آی‌ای» شرکتِ مدیرا گوشتگ مے خلبان/بال دیوکا پیش چه پیشامدا گوانک جتگ ؤ گوشتگی که بالیِ موتورا فنّی مشکلے هست.
اِے بالی ئا 42 مسافر، 5 هزمت‌کار ؤ یک مهندسے سوار بوتگ.
پاکستانِ رسانکانی هالا اے بالی په شماره پی-کی۶۶۱ ساهت 3 ظهرا چه «چترالا» دیم په اسلام آباد بال کرتگ، بلے 90 دقیقه‌یا رند، پیش چه اسلام آبادِ بالی‌پٹِّ رسگا، رابطه‌ای گوں مرکز ؤ بنجاها کهت بوتگ.
اِے بالیِ کپگِ سوب انگتا زانگ نبوتگ، پاکستانی رسانکدراں گوشتگ که اِے بالیِ «سیاهیں پیٹی» درکپتگ.
واجه "جنید جمشید"، پاکستانِ بلاهیں تبلیغی گوں وتی بانُکا مَں همے بالیا سوار بوتگنت ؤ کشگ بوتگنت. واجهِ جنازه باندا دارالعلوم کراچیا وانگ بیت.
نواز شریف پاکستانِ سروزیر ؤ دگه بازیں عالم ؤ زانتکاریا مَں وتی پیگاماں چه اِے پیشامدا وتی اپسوز درشاں کرتگ.

________________________
https://telegram.me/sunnionlinebalochi
Photo
Add a comment...
Wait while more posts are being loaded