Profile cover photo
Profile photo
M ASHRAF
343 followers
343 followers
About
Posts

Post has attachment

Post has attachment

Post has attachment
മാടായിപ്പള്ളിയുടെ ചരിത്രപ്രാധാന്യം ഉള്‍ക്കൊണ്ട് പുതുതലമുറക്ക് പകര്‍ന്നു നല്‍കാനും സംരക്ഷിക്കാനും നടപടികളുണ്ടാകണമെന്ന പ്രശസ്ത എഴുത്തുകാരന്‍ ജമാല്‍ കടന്നപ്പള്ളി എഴുതിയ കുറിപ്പിന് വന്‍ പ്രതികരണമാണ് ലഭിച്ചത്.
പള്ളിക്കമ്മിറ്റിക്ക് എന്തു ചെയ്യാന്‍ പറ്റുമെന്ന് അദ്ദേഹം വീണ്ടും നിര്‍ദേശിക്കുന്നു.

Post has attachment
പള്ളിയില്‍ ഭജനമിരിക്കാന്‍ രജിസ്‌ട്രേഷനും തിരക്കും
വാര്‍ത്ത വായിക്കാം...

Post has attachment
വെറുപ്പിനെ മറികടക്കാനുള്ള ഏറ്റവും ഫലപ്രദമായ ജിഹാദാണ് ആഘോഷവേളകളിലെ പരസ്പര പങ്കാളിത്തമെന്ന തിരിച്ചറിവ് നേടാനാണ് കാലം ആവശ്യപ്പെടുന്നത്. ഇഫ്താറും പെരുന്നാളുമൊക്കെ വെറുപ്പിന്റെ ശക്തികള്‍ക്കെതിരായ പോരാട്ടമാക്കി മാറ്റണം.

Post has attachment
മാടായിപ്പള്ളി ചരിത്രാന്വേഷികളെ നിരാശപ്പെടുത്തുന്നുവെന്ന കുറിപ്പിന് ജമാല്‍ കടന്നപ്പള്ളി ഒരു അനുബന്ധം കൂടി എഴുതിയിരിക്കുന്നു.
ഇവിടെ വായിക്കാം

Post has attachment

Post has attachment
മാടായിപ്പളളി: ചരിത്രം മാപ്പ് നല്‍കില്ല - -ജമാല്‍ കടന്നപ്പള്ളി

Post has attachment
പെണ്ണുകെട്ടാന്‍ പോയവര്‍ പലരും
നാട്ടില്‍ കറങ്ങി നടക്കുന്നു.
ലീവ് തീരുന്നല്ലോ എന്ന
ആധിയോടെ...

അവധിക്ക് പോയവര്‍
പെണ്ണില്ലാതെ മടങ്ങുന്നു
ജിദ്ദ- പെണ്ണുകെട്ടാനാണ് പോയതെങ്കിലും കഴിഞ്ഞ നവംബറില്‍ പഞ്ചായത്ത് തെരഞ്ഞെടുപ്പില്‍ വോട്ട് ചെയ്തു മടങ്ങേണ്ടിവന്ന പെരിന്തല്‍മണ്ണ സ്വദേശി ആസാദ് ഈയാഴ്ച വീണ്ടും നാട്ടിലേക്ക് പോകുകയാണ്. മുപ്പതിലേറെ വിവാഹാലോചന നടത്തിയ ശേഷം തീരുമാനിച്ചുറപ്പിച്ച നിക്കാഹ് നടത്താനാണ് ഈ യാത്ര. ഇപ്പോള്‍ 15 ദിവസം മാത്രമാണ് കമ്പനി അനുവദിച്ചിരിക്കുന്ന അവധി. കഴിഞ്ഞ വര്‍ഷം ഓഗസ്റ്റില്‍ കല്യാണം നടത്താനായി മൂന്ന് മാസത്തെ അവധി ഒപ്പിച്ചാണ് പോയിരുന്നത്. പത്രത്തില്‍ പരസ്യം നല്‍കിയും ബ്രോക്കര്‍മാര്‍ വഴിയും ആലോചന നടത്തിയെങ്കിലും തീരുമാനത്തിലെത്താന്‍ രണ്ടര മാസമെടുത്തു.
നൂറുകൂട്ടം നിബന്ധനകളുണ്ടായതു കൊണ്ടൊന്നുമല്ല ആസാദിന് മുപ്പതിലേറെ ആലോചന നടത്തേണ്ടി വന്നത്. ആദ്യ ആലോചന തന്നെ ആസാദിന് ഇഷ്ടമായിരുന്നു. കുടുംബക്കാരി പറഞ്ഞ പെണ്ണിനെ അന്വേഷിച്ചു ചെന്നപ്പോള്‍ ആ കുട്ടിയെ അവളുടെ പതിനഞ്ചാം വയസ്സില്‍ മറ്റൊരു ഗള്‍ഫുകാരന്‍ ബുക്ക് ചെയ്തുവെച്ചതാണ്. വരുന്ന ജൂണില്‍ അവള്‍ക്ക് 18 തികയുമ്പോള്‍ ആ ഗള്‍ഫുകാരനെത്തി കെട്ടും.
ആസാദ് നടത്തിയ പല വിവാഹാലോചനകളുടേയും അവസ്ഥ ഇതായിരുന്നു. ഒടുവില്‍ ബുക്ക് ചെയ്യപ്പെടാത്ത ഒരു കുട്ടിയെ കണ്ടെത്തിയപ്പോള്‍ അവള്‍ക്ക് 18 തികയാന്‍ ഫെബ്രുവരി 18 കഴിയണം. വിവാഹം കഴിഞ്ഞയുടനെ മടങ്ങേണ്ടിവരുമല്ലോ എന്ന് സങ്കടപ്പെടുന്ന ആസാദിനെ വിസിറ്റ് വിസയെടുത്ത് അവളെ ഇങ്ങോട്ട് കൊണ്ടുവരാമല്ലോ എന്നു പറഞ്ഞാണ് കൂട്ടുകര്‍ ആശ്വസിപ്പിക്കുന്നത്.
ഒറ്റപ്പാലം സ്വദേശി മുഹമ്മദിനും 25 ആലോചന നടത്തിയ ശേഷം കണ്ടെത്തിയ പെണ്ണിനെ കെട്ടാതെ തിരികെ പോരേണ്ടിവന്നു. എന്‍ഗേജ്‌മെന്റ് നടത്തിയ പെണ്‍കുട്ടിക്ക് 18 തികയുന്ന അന്നാണ് അയാള്‍ ഇനി വീണ്ടും വിമാനം കയറുന്നത്.
അവധിക്കാലവും വിവാഹവും കൂടിക്കുഴഞ്ഞ് പ്രയാസമനുഭവിക്കുന്ന അനേകം പ്രവാസി ചെറുപ്പക്കാര്‍ ഇവര്‍ മാത്രമല്ല. ജില്ലകള്‍ മാറിപ്പോയിട്ടുപോലും പെണ്ണിനെ കിട്ടാനില്ല. നേരിട്ടുകണ്ട ശേഷം മാത്രം മതി ആലോചനയെന്ന് തീരുമാനിച്ച് രണ്ടോ മൂന്നോ മാസം അവധി സംഘടിപ്പിച്ച് നാട്ടില്‍ പോയവര്‍ അതുപോലെ ഗള്‍ഫിലേക്ക് തിരിച്ചുവരുന്നു.
ശൈശവ വിവാഹത്തിനെതിരെ കേരളം കൂടുതല്‍ ജാഗ്രത കൈവരിച്ചതോടെയാണ് മുന്‍കൂട്ടിയുള്ള ബുക്കിംഗും എന്‍ഗേജ്‌മെന്റുമൊക്കെ വര്‍ധിച്ചത്. ഇതുകാരണം വേഗത്തില്‍ പോയി വിവാഹം നടത്തി മടങ്ങാമെന്ന് കൊതിച്ച് വിമാനം കയറുന്നവര്‍ അക്ഷരാര്‍ഥത്തില്‍ വെള്ളം കുടിക്കുന്നു.
ബ്രോക്കര്‍മാര്‍ വഴിയും അല്ലാതെയും അവശേഷിക്കുന്നവര്‍ 23-നും 25-നും മേല്‍ പ്രായമുള്ള യുവതികള്‍ മാത്രമാണെന്ന് മുഹമ്മദ് പറഞ്ഞു. ആലോചനകള്‍ നീണ്ടുനീണ്ട് അവധി തീരാറായാല്‍ പൂര്‍ണ സംതൃപ്തിയോടെയല്ലാതെ വിവാഹം നടത്തി മടങ്ങുന്നവരുമുണ്ടെന്ന് മുഹമ്മദ് കൂട്ടിച്ചേര്‍ത്തു. പാലക്കാട് ജില്ലക്കാരനായ മുഹമ്മദ് തൃശൂര്‍ ജില്ലയിലെ ചേലക്കരയിലാണ് ഒടുവില്‍ വധുവിനെ കണ്ടെത്തിയത്.
എല്ലാ ജില്ലകളിലും ശൈശവ വിവാഹം തടയാന്‍ ജില്ലാ കലക്ടറുടെ നേതൃത്വത്തില്‍ ഉദ്യോഗസ്ഥര്‍ അതീവ ജാഗ്രതയാണ് പുലര്‍ത്തുന്നത്. ശൈശവ വിവാഹം വര്‍ധിച്ചുവെന്ന് പരാതിയുള്ള മലപ്പുറം ജില്ലയില്‍ പോലും ഏതാനും വര്‍ഷങ്ങളായി ശൈശവ വിവാഹം ഗണ്യമായി കുറഞ്ഞു. ചൈല്‍ഡ് ലൈനും ഷാഡോ പോലീസും വരെ ഇക്കാര്യത്തില്‍ ജാഗ്രത പുലര്‍ത്തുന്നു. ശൈശവ വിവാഹം പൊതുജനങ്ങള്‍ക്ക് നേരിട്ട് കലക്ടറെയോ ചൈല്‍ഡ് ലൈന്‍ ടോള്‍ ഫ്രീ നമ്പറിലും അറിയിക്കാം.
18 വയസ്സിനു താഴെ പ്രായമുള്ള പെണ്‍കുട്ടിയെ വിവാഹം ചെയ്താല്‍ രണ്ട് വര്‍ഷം വരെ കഠിന തടവും ഒരു ലക്ഷം രൂപ വരെ പിഴയും ലഭിക്കും. ശൈശവ വിവാഹം നടത്തിക്കൊടുക്കുന്ന മാതാപിതാക്കള്‍ക്കും കൂട്ടുനില്‍ക്കുന്നവര്‍ക്കും ഇതേ ശിക്ഷ തന്നെ ലഭിക്കും. ബ്ലോക്ക് തലത്തില്‍ പ്രവര്‍ത്തിക്കുന്ന ഐ.സി.ഡി.എസ് പ്രൊജക്ടിലെ ശിശുവികസന പദ്ധതി ഓഫീസര്‍ക്കും ശൈശവ വിവാഹത്തെ കുറിച്ച് പരാതി നല്‍കാം.
മലപ്പുറം ജില്ലയില്‍ പെണ്‍കുട്ടികള്‍ പഠനത്തില്‍ കൂടുതല്‍ മുന്നേറിയതോടെ ഗള്‍ഫുകാര്‍ക്ക് പെണ്ണ് കിട്ടാതായി എന്ന വിലയിരുത്തലിനേക്കാള്‍ കൂടുതല്‍ ശരി വിവാഹ പ്രായത്തിന്റെ പ്രശ്‌നമാണെന്ന് പലരും വിശദീകരിക്കുന്നു. കാലേക്കൂട്ടി ആലോചന നടത്തി ഏകദേശ ധാരണ ആയ ശേഷം മാത്രം വിവാഹത്തിനായി അവധിയെടുത്ത് നാട്ടിലേക്ക് പോകുകയെന്നതാണ് ഇതിനുള്ള പരിഹാരം. ഒരു മാസത്തെ അവധിയെടുത്തുപോയി വിവാഹം കഴിഞ്ഞു മടങ്ങാമെന്ന് കരുതുന്നവരാണ് കുടുങ്ങുന്നത്.
പുതിയ ചെറുപ്പക്കാര്‍ ഗള്‍ഫിലേക്ക് വിമാനം കയറുന്നതിനുമുമ്പ് പെണ്ണിനെ ബുക്ക് ചെയ്യേണ്ടിവരുമെന്നാണ് അനുഭവസ്ഥരായ ആസാദിന്റെയും മുഹമ്മദിന്റെയും കമന്റ്. പെണ്‍കുട്ടി ഏഴാം ക്ലാസില്‍ പഠിക്കുമ്പോള്‍ തന്നെ പറഞ്ഞുവെക്കുന്ന രീതി വ്യാപകമാകുന്നുമുണ്ട്. ദീര്‍ഘമായ ഇടവേളയില്‍ ഇത്തരം പറഞ്ഞുവെക്കലുകള്‍ പൊളിയുന്നുവെന്നത് മറ്റൊരു പ്രശ്‌നമാണ്.
Photo

സുഡാനി ജയിച്ചു, മല്‍ബു തോറ്റു
-------------------------------------------------------
ടാക്‌സിക്കാരന്‍ സുഡാനി ജപമാല ഉരുട്ടി.
മല്‍ബു അയാളെ ശപിച്ചു.

രണ്ടുപേരും പോലീസിനുവേണ്ടി കാത്തിരുന്നു.
അര മണിക്കൂറായി.

സാധാരണ തലങ്ങും വിലങ്ങും പോകാറുള്ളതാണ് പോലീസ് വാഹനങ്ങള്‍. ആവശ്യം വന്നപ്പോള്‍ പൊടി പോലും കാണാനില്ല.

ഇനിയിന്ന് ഓട്ടം പോയില്ലെങ്കിലും വേണ്ട, നിന്നോട് കാശ് വാങ്ങാതെ വിടില്ലെന്ന പ്രഖ്യാപനത്തോടെയാണ് സുഡാനിയുടെ നില്‍പ്.

ചോദിച്ചുറപ്പിച്ചാണ് ടാക്‌സിയില്‍ കയറിയതെങ്കിലും കൃത്യം മൂന്ന് മിനിറ്റിനകം ഇറങ്ങിയതിനാല്‍ കൂലി നല്‍കാന്‍ ബാധ്യസ്ഥനല്ലെന്നാണ് മല്‍ബുവിന്റെ ന്യായം.

അതേസമയം, പോലീസ് വന്നാല്‍ ഇതൊക്കെ എങ്ങനെ വിശദീകരിച്ചു ബോധ്യപ്പെടുത്തുമെന്ന കാര്യത്തില്‍ മല്‍ബുവിന് ആശങ്കയുണ്ട്. അടുത്തുള്ള രണ്ട് കടകളില്‍ കയറി അറബി അറിയുന്ന ഒരു മലയാളിക്കുവേണ്ടി പരതിയെങ്കിലും കിട്ടിയില്ല.

മലയാളിയില്ലാത്ത കടയോ എന്നു സംശയിച്ചു മല്‍ബു.

സുഡാനിയുടെ കണ്ണുവെട്ടിച്ച് എങ്ങോട്ടെങ്കിലും ഒരോട്ടം വെച്ചുകൊടുത്താലോ എന്നായി ചിന്ത.
വേണ്ട, ആജാനുബാഹുവായ അയാള്‍ പിറകെ ഓടിപ്പിടിച്ചാലോ?

മല്‍ബു കടയില്‍ കയറിയപ്പോള്‍ അയാള്‍ പിറകെ വന്ന് ഡോറിനുനേരെ നിന്നു. ഒരേസമയം ജപമാല ഉരുട്ടിയും ഫോണില്‍ സംസാരിച്ചും നില്‍ക്കുന്ന അയാളുടെ കണ്ണ് മല്‍ബുവില്‍നിന്ന് മാറുന്നില്ല.

പൊട്ടന്‍ സുഡാനി തന്നെ.

അല്ലെങ്കില്‍ രണ്ടാ മൂന്നോ ഓട്ടം പോകേണ്ട സമയം കളഞ്ഞ് 15 റിയാലിനുവേണ്ടി ഇങ്ങനെ കാത്തുനില്‍ക്കുമോ?

ഇനിയിപ്പോ വരുന്ന പോലീസുകാരന്‍ ഇയാളുടെ ചങ്ങാതിയെങ്ങാനും ആയിരിക്കുമോ? അങ്ങനെയാണെങ്കില്‍ നഷ്ടപ്പെടുത്തിയ ഓട്ടത്തിന്റെ കാശ് കൂടി ഈടാക്കിക്കൊടുക്കാന്‍ പോലീസുകാരനു സാധിക്കും.

അടുത്ത ചങ്ങാതിയോടെന്ന പോലെയാണല്ലോ അയാള്‍ ഫോണില്‍ പോലീസുകാരനോട് സംസാരിച്ചതെന്നോര്‍ത്ത് മല്‍ബുവിന് ആധി കൂടി.

പറയാന്‍ വശമില്ലെങ്കിലും അറബി കേട്ടാല്‍ മല്‍ബുവിനു മനസ്സിലാകും. എല്ലാ ഭാഷകളും അങ്ങനെ തന്നെയാണ്. കേട്ടാല്‍ തിരിയും.

ഓട്ടം റദ്ദാക്കി കാറില്‍നിന്ന് ഇറങ്ങാനുണ്ടായ കാരണം എങ്ങനെ പോലീസുകാരനോട് വിശദീകരിക്കുമെന്ന് തിരിച്ചു മറിച്ചും ആലോചിക്കുകയാണ് മല്‍ബു.

പോലീസുകാരെ മാത്രമല്ല, ഏതു പരിശോധകനെ കണ്ടാലും അറബിയില്‍ ഒരക്ഷരം മിണ്ടരുതെന്നും വേണമെങ്കില്‍ ഇംഗ്ലീഷില്‍ നാല് വാക്ക് പറയാമെന്നുമാണ് മുന്‍ഗാമികള്‍ നല്‍കിയിരിക്കുന്ന പാഠം. ഊമയെപ്പോലെ നില്‍ക്കുന്നതും ഉചിതമാണ്.

തട്ടിമുട്ടി പിടിച്ചുനില്‍ക്കാവുന്ന അറബി കൈയിലുണ്ടെങ്കില്‍പോലും ഒരക്ഷരം മിണ്ടരുത്.

ഇന്നാളൊരു ദുബായിക്കാരന്‍ മക്കയിലെത്തി. പാസ്‌പോര്‍ട്ട് മുറിയില്‍ വെച്ച് പുറത്തിറങ്ങിയ ഉടന്‍ പിടിയിലാവുകയും ചെയ്തു. പോലീസിനേക്കാളും നന്നായി അറബി കാച്ചി.
പാസ്‌പോര്‍ട്ട് ഹോട്ടല്‍ മുറിയിലുണ്ട്. അവിടംവരെ വന്നാല്‍ കാണിച്ചുതരാം.

പോലീസ് അയാളേം കൊണ്ട് ഹോട്ടലിലേക്കല്ല, നേരെ സ്‌റ്റേഷനിലേക്കാണ് പോയത്.
പോലീസുകാരോട് സോറി പറഞ്ഞ് അയാളെ ഇറക്കിക്കൊണ്ടുവരുമ്പോള്‍ അളിയന്റെ അളിയന്‍ പറഞ്ഞു: നാവടക്കിവെച്ചാല്‍ മതിയാരുന്നു.

ഇതിപ്പോള്‍ അങ്ങനെയല്ല.

ടാക്‌സി ഡ്രൈവര്‍ സുഡാനിയുടെ വാദം ഖണ്ഡിക്കാന്‍ പോലീസുകാരനോട് കാര്യം വിശദീകരിച്ചേ മതിയാകൂ.
പടച്ചവനേ, അറബി അറിയുന്ന ഒരു മലയാളിയെ നീ ഇതുവഴി കൊണ്ടുവരണേ എന്നു പ്രാര്‍ഥിച്ചുകൊണ്ട് മല്‍ബു സുഡാനിയുടെ കൈയിലെ ജപമാലയിലേക്കുതന്നെ നോക്കി.

ആ ജപമാലയാണ് കഥയിലെ വില്ലന്‍.

25 റിയാലാണ് സുഡാനി ഡ്രൈവര്‍ ചാര്‍ജ് പറഞ്ഞതെങ്കിലും 15 ന് ഉറപ്പിച്ചാണ് ടാക്‌സിയില്‍ കയറിയത്. മുന്നോട്ടു നീങ്ങിയ കാര്‍ എതിരെ വന്ന ലോറിയുമായി കൂട്ടിയിടിക്കാതിരുന്നത് ആരുടെയോ ഭാഗ്യം.

സൈക്കിളില്‍നിന്ന് വീണ ചിരി പാസാക്കിയ സുഡാനിയുടെ കൈയില്‍ ജപമാല കണ്ട മല്‍ബു പറഞ്ഞു:

വണ്ടി ഓടിക്കുമ്പോള്‍ ഇതുരുട്ടേണ്ട. മനസ്സില്‍ ധ്യാനിച്ചാലും മതി. ഇപ്പോള്‍ കണ്ടില്ലേ, ഇടിക്കാത്തതു ഭാഗ്യം.

സ്തുതി എണ്ണിക്കൊണ്ടുതന്നെ വേണമെന്ന് അയാള്‍.
എന്നാല്‍ വേറെ വണ്ടിയില്‍ പോയിക്കോളാമെന്ന് പറഞ്ഞ് ഇറങ്ങിയതാണ് മല്‍ബു.

കൂലി തന്നിട്ട് പോയാല്‍ മതിയെന്ന് സുഡാനിയും.
ഈ തര്‍ക്കമാണ് ഒടുവില്‍ പോലീസിനെ വിളിക്കുന്നതില്‍ കലാശിച്ചത്.

പത്ത് മിനിറ്റ് കൂടി കഴിഞ്ഞപ്പോള്‍ പോലീസ് രംഗപ്രവേശം ചെയ്തു. ഇഖാമ വാങ്ങി നോക്കിയശേഷം മല്‍ബുവിനോട് പറഞ്ഞു:

ഡ്രൈവര്‍ക്ക് 15 റിയാല്‍ കൊടുക്കൂ.

കൂടുതല്‍ ഒന്നും ചോദിച്ചില്ല, പറഞ്ഞില്ല.

അതു കൊടുക്കുകയും അവര്‍ സ്ഥലംവിടുകയും മല്‍ബു സ്വതന്ത്രനാവുകയും ചെയ്്തു.

കാര്യം പറയാന്‍ പോലും കഴിഞ്ഞില്ലല്ലോ എന്നോര്‍ത്ത് തളര്‍ന്നുപോയ മല്‍ബു റോഡിന്റെ മറുവശത്ത് ഒരു ബൂഫിയ കണ്ടു.

അവിടെ ചെന്നപ്പോള്‍ തിളച്ച എണ്ണയില്‍ താമിയ വറുത്തെടുക്കുന്നയാളുടെ ഇടതു കൈയില്‍ വീണ്ടും അതു കണ്ടു- ജപമാല.

വണ്ടിയോടിക്കുന്നില്ലല്ലോ, അയാള്‍ ഉരുട്ടിക്കോട്ടെ. മല്‍ബു മനസ്സില്‍ പറഞ്ഞു.
പെട്ടെന്ന് അയാള്‍ ബൂഫിയയുടെ അകത്തേക്കു നോക്കി വിളിച്ചു പറഞ്ഞു:
ആയിരം.

മല്‍ബു കൗതുകത്തോടെ ചോദിച്ചു:
എന്താണ് ആയിരം?

അയാള്‍ ജപമാലയില്‍ വിരലോടിച്ചുകൊണ്ട് പറഞ്ഞു:
താമിയയുടെ എണ്ണം.

ഇതുവെച്ചാണോ എണ്ണുന്നത്?
അതെ, എണ്ണം പിഴക്കാതിരിക്കാന്‍ ഇതാണ് സൂപ്പര്‍.

ജപമാലയുടെ പര്‍പ്പസുകളോര്‍ത്ത് അന്തംവിട്ടുപോയി മല്‍ബു.
Wait while more posts are being loaded