Profile cover photo
Profile photo
‫روعة الشعر السوداني‬‎
198 followers -
كل ماتتمنوه من ::.مبدعون الشعر و الخواطر .:: .::جانب الشعر السوداني::. .::جانب كبار الشعراء::. .:: جانب الشعر الصوتي::. :: هدفنا رضاكم
كل ماتتمنوه من ::.مبدعون الشعر و الخواطر .:: .::جانب الشعر السوداني::. .::جانب كبار الشعراء::. .:: جانب الشعر الصوتي::. :: هدفنا رضاكم

198 followers
About
روعة الشعر السوداني's posts

ربي إبنك بالحلال- مناهل إسماعيل (Moon)

ربي إبنك بالحلال
خلي يبقالك نبيل ..
لا يباريهو الضلال
لا يسيب الحق يميل ..
يبني ارضك بالصلاح
يمسك الدرب العديل ..
يبقى اشراقة و صباح
يشفي جرحك يا عليل ..

ادي من عينيك مواسم ..
شانك إتماسك يقاوم ..
لا يفاصل لا يساوم ..
صح وليدك زول مسالم ..
الا ساعة الحاره تنزل
فارساً عاتي و مصادم ..
حاشا ما بتهز عزيمتو
ولا المناصب لا السلالم ..
حالف يوهب ليكا روحو
و يفنى شان ما تبقى سالم ..
و يا سلاااام يوم تبقى سالم ..
لما تتفتح زهورك
و تبدا تصدح بالنشيد ..
لما نتوكاهو نورك
نوصل الحد البعيد .
يا حليلو عشم وليدك
في شروق باكر جديد ..
ما ضهب من طول طريقك
ماشي في دربك أكيد ..
ما بيكل ينزف دماهو
و يحقن الدم في الوريد ..
يا سلاااااااام وكتين صفاهو
بيملا كل الدنيا عيد ..
بالفرح تبسم شفاهو
و ينشرح صدرك سعيد ..
لما يتحقق مناهو
و ينكتب آخر شهيد

عاجل : أدّى أنوثتك النيشان ..

إنتى جميلة ..
زولة أصيلة ..
         فى جوّاك زمن فـنان ...

أكيد فى البيت - تعب هزَمـِك ..
كمان هم الشُغـُل ظـَلمـِك ..

و زى حـسـّيتى إنك
           جـيـتى من فكرة أمل شقيان ..

بين المطبخ اليوماتى ..
بين ورق العمل بتهاتى ..
   كترتْ و سهرتْ الألغاز ..
و راسك طشّ ..
بين العـِدّة و البوتوجاز ..
و حوش إتـقـشــّا ..
     هدّ الحيل ..
أوَض ما اتـفـرّشتْ راجياك ,
   و يمكن لسه
                     باقى غـسيل ..

و مرّات تنقفل بيبان ..
      على الأنثى اللى فضلت فيك
    مدبرِسة فى سرير زهجان ..

على الحلم البيقسا عليك ’
يدسدس منك العنوان ..
ملامح بت ..
    بتشبه لسه فى إحساسا
  كل طفولة الفستان ..





تزحّ الـشـوكـة ..
 تضحك زى حـَلـَق أو تـوكة ..
زى بالونة ,
صاخب لونا ,
    يا دوب مارقة من دكــّان ..


صدّقى صوتك المُخـْـلـِص ,
ضعيف جواكى  لكن –
لسه فيك بهمس :
أنوثـتـِك – سرّك .. البلسم ..
عشان دافناها ,
يمكن ما انفهم معناها ,
زى حاجات كتـّار جوّاك
    مخدّرة فى رفوف الهَم ..


و جايز ناس –
يقولوا أنوثتك – الوسواس ..
و أحسن ليكى
شان تنسترى ..
بى إخلاص :
تـَقـِـفـْـلى عليها بى الترباس ..
لكن ..
إنتى من جواكى عارفة  أنوثتك - الإحساس ..
و ما هِى المنطقة الملغومة ..
ما  فكرة شباب مسمومة ..
ما العـيـب الكـِبـِر فى الراس ..







و أقول ليك حاجة من جوّاى ؟
تأكدى أىّ أنثى
جميلة - فى ذاتا ..
مميزة فطرة –
بى حاجات هِى  بس حقـّاتا ..

يشرق بيها
سر فرح الأنوثة الجاى ..

عشان كده أهزمى الـمـُقـشاشة ,
مطبخ بيتكم  ,
الشغل الصعب و الزهجة ,
و الناس أم قلوب غشـّاشة ..

أبـْـقـِى فـراشة ..
أرسمى خرطتك و اختارى
شكل السكة و الألوان ..

و مهما تحاصرك الأحزان ..
و ترميك فى الدروب الجاهلة ,
كرّمى فـيكى بت ما ساهلة ,
و أدّى أنوثـتـك النـيـشان ...


محمد حسن السيّد

Post has attachment
شقيقة البدرى 
صالح ابو صلاح 

شقيقة البــــــدرى ..... شوفة الفرضه ليلة قدري 

الهبى يا حرائق صدري ..... فيضي يا دموعي انحدري 
مستلمة الفؤاد من بدري .... سليبه الجته لـــيه لا ادري 

فوق لي عيوني تردى تصدري ... جوه كلاي ضاربه الخدرى 
كيل في الغــرام على قدري ..... سألك بالعيون لا تعذري 

زودي ناري قللي صبري ...... جمّرى قلبي كي تختبري 
إنما يصفى زى التبـــرى ..... عــنك يا جـــروح لا تبرى 

طيبك بالنســـائم يســـرى .... شـــم نفحاته يجبر كسرى 
قابل بى غرامي وحسري ..... بس بى موتى عاد لا تجسري 

رد خـــديده فلق الفجــرى ........ قال إن مت إيه البجـــرى 
يا خد مين الهداك على زجري..... أفضل موتى من نار هجري 

عبدا بالمحاسن مشــــرى ... في الحـب موتى عزى وفشرى 
للعازل جزء من عشري ...... كــــل الباقـــي ليك ابشــــري 

عينيك بالدعج لي تزري ...... خـــدك ما هو قابل عذري 
خصرك رمحه يقصد حزري ..... يرجــع به الصـــدر تنقـــدرى 

تتجـــلى وتميلي تخــترى .... في ليل الشــعر تنستـــرى 
رائعة وسابحة تندى وتترى..... من تقل الـــردف تنبتـــرى 

ما سلمه وصغيرة القصرى .... ما الشاشاله حسن البصري 
تسبى الحور دقاق الخصرى ..... يا ملكة جمــال العصري 

طوفان دمعي ما طفا جمري .... علمـــت النويح للقمري 
بائع في غرامـــك عمري ....... ليك الطاعة زى ما تامرى 

يا ريحان فؤادي وعطري ........ يازهيرة صيامي وفطري 
تلصفى نايره تنعمي وتطرى .... ناسية البى لي متين تطرى 

يا عناب ســـناى البكري.....يا سقمي وشفاى وسكري 
يا الفى تيهك اصحي افكرى ... رجعى قلبي واقبلي شكري 
Photo

Post has attachment
شاء الهوى
كلمات ادريس جماع
لحن وأداء: سيد خليفة

شاء الهوى أم شئت أنت
فمضيت في صمت مضيت
أم هز غصنك طائر
غيري فطرت إليه طرت
وتركتني شبحاً أمد
إليك حبي أين رحت
وغدوت كالمحموم لا أهذي
بغير هواك أنت
أجر .. أفر .. أتوه .. أهرب
في الزحام يضيع صوت
واضيعتي أأنا تركتك
تذهبين بكل صمت
هذا أوانك يا دموعي
فاظهري أين اختبأت
فإذا غفوت لكي أراك
فربما في الحلم جئت
في دمعتي في آهتي
في كل شيء عشت أنت
رجع الربيع وفيه
شوق للحياة وما رجعت
كوني كنجم الصبح
قد صدق الوعود وما صدقت
أنا في انتظارك كل يوم
ها هنا في كل وقت
Photo

Post has attachment
مريم وصكوك الغفران

عماد ضرار


قلت لها كيف ابتديك يا مريم ...
قالت من حيث البدايات العشم ...
اذا احملك في دواخلي وطن نازف ..حد التجلي 
والاحتمال المر ...
فاسبليت جفنيها خفرا" 
وقالت اذا" كل الابواب لك مشرعة...
فمن ايها شئت فكن انت الآتي ...
اغسليني يا مريم .. 
ايقظيني من رهقي ...
يا نبتة" مروية بدمي ..
لأجلك فقط ....
تتوشح خطانا بالدم ...
يا ايتها السكون اللم...
ولأجلك نستمطر الغيم والغم..
وتتقاذفنا المنون يا مريم ..
تارة" بالجهل .. وتارة" بالجوع ..
وتاراتا" اخر بهل ... 
ونحن هل.. وهل....
نكون..
اختاه بيني وبينك مساحات" ...
من الاممكن .. وهل يجوز .. والمستقر..
اوهل يجوز يا مريم..
ان نترك احتساء المستحيل الدم..
اولا يجوز ان نسرج لك خيلنا..
اولا يجوز ان نوقد لك قناديلنا ..
او فليكن كل الذي يأتي مهرا" اليك يا مريم 
ايامريم قالوا سيمنحونا صكوك الغفران ...
وبعضا" من غثاء القوم ...
وما تناثر من فتات..
او تدري يا اختاه ...
انا قد حملنا معاولنا ...
دفاترنا ... هواجسنا
وكنا بذور الارض العز..
وغرس النور ...

.....................
WALEED
Photo

الأماني العذبة 
الشاعر محمد علي ابوقطاطي
الفنان خليل إسماعيل

بكرة يا قلبى الحزين تلقى السعاده 
تبقي هانى وابتساماتك معاده 
والسرور يملأ حياتي ويبقى ذاتها 
وعينى تشبع نوم بعد ما طال سهادا 
.................................................. ..
وانسي غلبى .. 
والرياحين تملأ دربى 
وامسح الدمع البسيل يملأ الوساده
.................................................. .. 
كم سهرت الليل بكرة يا قلبى الحزين تلقى السعاده 
تبقي هانى وابتساماتك معاده 
والسرور يملأ حياتي ويبقى ذاتها 
وعينى تشبع نوم بعد ما طال سهادا 
.................................................. ..
وانسي غلبى .. 
والرياحين تملأ دربى 
وامسح الدمع البسيل يملأ الوساده
.................................................. .
كم سهرت الليل 
وكم سالت دموعى 
والالم فى قلبى اصبح شئ طبيعى 
والشباب افنيتو ابحث عن وجيعى 
عشت راهب .. بين تراتيلى وخشوعى 
.................................................. .
بكرة تتحقق امانى 
والفؤاد يرتاح ويتجدد زمانى 
والسعاده … 
تكون جزاء صبرى وصنيعى 
الامانى العذبه تتراقص حيالى 
والامل بسام يداعب فى خيالي 
حلمى بكرة … وذكرى ايامى الخوالى 
وكم سالت دموعى 
والالم فى قلبى اصبح شئ طبيعى 
والشباب افنيتو ابحث عن وجيعى 
عشت راهب .. بين تراتيلى وخشوعى 
.................................................. ...
بكرة تتحقق امانى 
والفؤاد يرتاح ويتجدد زمانى 
والسعاده … 
تكون جزاء صبرى وصنيعى 
الامانى العذبه تتراقص حيالى 
والامل بسام يداعب فى خيالي 
حلمى بكرة … وذكرى ايامى الخوالى

Post has attachment
((ست الريد))
كلمات ولحن..
مكاوي الشيخ الأمين
أداء...عبد الوهاب الصادق
زي ماالدنيا لي نسايه
ست الريد بقت قسايه
وزي ماالدنيا لي قسايه
ست الريد بقت نسايه
*
جار زمني ورماني برايا
بي كل الخطوب وبلايا
قدري الصاب
سلبني شباب
تركني يباب
جفوني احباب
نديمي اليل سميري غنايا
صوح زهري في مغنايا
*
كان الحب مجاري دمايا
كت رايد الحبيب و دنايا
رماني قدر
زماني غدر
حبيبي هجر
نساني دهر
وآخر الريده هذا جزايا
أحمل كل هموم ورزايا
*
طول يا ليل وهاك حكايا
هاك دمعاتي هاك شكايا
تراني عليل
سجين ياليل
حزين بلحيل
وفاقد الحيل
وعارف كل شي لي نهايه
بس ياليلي كون لا نهايه
** ** **
الشاعر مكاوي الشيخ الأمين المتقاعد على الكرسي ولا يستطيع الحركةهو شاعر الفنان الرقيق عبدالوهاب الصادق كان بكتب في قصيده يجيهو واحد يحاول يختف منو الساعه ويرميهو في النيل
ياريتو شال الساعه وياريتو شال كل شئ غالي وخلا ليهو شبابو الراح وخلا ليهو ست ريدوالمهم رماهو في النيل وثبتتو بصخرتين من نصو ووقعت فيهو تالته لحدي تاني يوم المساء بي الصدفه يلاقهو صيادين ينقذوهو لكن بعد ماكل شئ راح. وست الريد كتبت في اجمل بنات حلفايه الملوك. 
رقد فتره طويله في المستشفي ووصل ست الريد الخبر بي الحصل ليهو ومامشت لي زيارتو خالصوعلي حسب حزنو افتكر انها خلاص نستو لانو بقا في الحاله دي وعلي الاساس ده كتب القصيده بعد فتره طويله جات ست الريد وعرف انها ماكانت قادره تقابلو وهو في الحاله دي جات ودخلت في حاله تانيه من الحزن والبكا وبكٌت معاها كل المستشفي زي سمعنا بي القصه
Photo

وقفت بانه النقا ودیسا طاویها فالقا
النظر راح یسارقا صد قال فوق خالقا
الحریر ماله خانقا والحجیل ماشی زانقا
صیدة راویها ما اتلقی وای شی فیها قالقا 
شوف وریدا وسوالفا شوف صدیرا المزالفا
شوف ضمیرا الموالفا من کفیلا المخالفا 

Post has attachment
مابخاف من شئ

محمد علي الأمي 1988-1908م

 

مابخاف من شئ برضي صابر

المـــقـــــــدر لابــد يكـــــــون

ان أتاني الهم جيشـــه دافر

يلقى ياخلاي صـــبري وافــر

يلقـــى عزمي التام ليه خافــــر

ويلقى قلبي شجاع وما جبون

بالعــــداء معـــــروف ما ببادر

ومابخــون الجار ماني غادر

وما بقــول للناس متلــــي نادر

بل بقـــول للخالـــق شـؤون

ما عصـيت مولاي ماني فاجر

لا ولا بالعــــالم بتــــاجــــــر

نفسي يا أحباب ليها زاجـــــــر

لم أكن كل يــــــــوم لي لون

الثبات معروف لي معاصـــر

لو بقيت في داخل معاصر

والإله غـــــير شــك لي ناصر

رغم انف الواشي الخؤون

قول لشاهد الزور فـيما ســايـر

هدي روعك قبل الخساير

ياما قبــــلك عمـــــيت بصايــر

من لساني وقولي الهتون

قول لأهـل الجـور والمساخر

مافـــي أول ما ليهو آخــر

مابــدوم العـز والمفاخـــــر

وما بدوم الظل والحصون

وما جحدت الخير ماني كافر

عن سبـــيل الحق مانــــي نافر

وما ضمرت السوء ماني حافر

للصديق هاويات الســـــجون

 
Photo

فريقنا القومي
د. عماد الفضل

أحمر زيَّك ومين الزيَّك في الميدان
ألعب وهدِّف وهدِّف وهدِّف
ألعب وكَتِّر في الأقوان
تيمنا القومي صقور جديان
وعِشْقَنا كلنا في السودان
مين ما برفع صوتو يشجِّع
باصو يوزِّع ولعبو يمتِّع
وشوف جمهورو...
واقف ويهتِف في المليان
أرفع راسَك يا سوداني
بلدَك ظاهر في البِلدان
ألعب وأغلِب وأرهِب خصمَك
وكل الفرق الجاية كمان
لازم ترجع إنتَ الأول
وعلمَك يطغى على الألوان
وإنتَ الأكبر في أفريقيا
آفرو وعربي وده العنوان
Wait while more posts are being loaded