Profile cover photo
Profile photo
Katzenelson Project
10 followers -
'The Song of the Murdered Jewish People' by Itzhak Katzenelson
'The Song of the Murdered Jewish People' by Itzhak Katzenelson

10 followers
About
Posts

Post has attachment
Photo
Add a comment...

Yitskhok Katsenelson
dos lid funem oysgehargetn yidishn folk

(1) alef, zing!

„zing! nem dayn harf in hant, hoyl, oysgehoylt un gring,
af zayne strunes din, varf dayne finger shver,
vi hertser, vi tseveytikte, dos lid dos letste zing,
zing fun di letste yidn af Eyropes erd.“

- vi ken ikh zingen? vi ken ikh efenen mayn moyl,
az ikh bin geblibn eyner nor aleyn
mayn vayb un mayne eyfelekh di tsvey - a groyl!
mikh groylt a groyl … me veynt! ikh her vayt a geveyn

„zing, zing! heyb uf tseveytikt un gebrokhn hoykh dayn shtim,
zukh! zukh em uf dort oybn, oyb er iz nokh do -
un zing em … zing dos letste lid fun letstn yidn em,
gelebt, geshtorbn, nisht bagrobn un nishto…”

vi ken ikh zingen? vi ken ikh ufheybn mayn kop?
mayn vayb avekgefirt, un mayn Bentsienken un Yomelen - a kind
ikh hob zey nit ba mir do, un zey lozn mikh nit op!
o shotns fintstere fun mayne likhtikste, o shotns kalt un blind!

„zing, zing letstn mol nokh do af dr'erd, farvarf
dayn kop ahinter, fargleyz di oygn in em shver
un zing a letstn mol em, shpil oys em af dayn harf:
nito shoyn mer ka yidn! oysgeharget un nito zey mer!”

vi ken ikh zingen? vi ken di oygn ikh fargleyzt
in kop in maynem hoybn? a trer farglivert hot
farklibn zikh in oyg mir... zi rayst zikh, rayst
fun oyg aroys zikh - un zi ken nit faln... Got, mayn Got!

„zing, zing, hoyb uf tsu himlen hoykh un blind dayn blik,
vi s'volt geven a Got dort in di himlen... vink em, vink
vi s'volt geshaynt, geloykhtn undz nokh dortn groys a glik!
zits af di khurves fun dem oysgehargetn fun folk un zing!”

vi ken ikh zingen - az s'iz di velt mir vist?
vi ken ikh shpiln mit farbrokhene mit hent?
vu zenen mayne toyte? ikh zukh di toyte mayne, Got, in yedn mist,
in yedn bergl ash: - o, zogt mir vu ir zent?

shrayt aroys fun yedn zamd, fun unter yedn shteyn,
fun ale shtoybn shrayt, fun ale flamen, fun yedn roykh -
s'iz ayer blut un zaft, es iz der markh fun ayer beyn,
s'iz ayer layb un lebn! shrayt aroys, shrayt hoykh!

shrayt aroys fun khayes-ingeveyd in vald, fun fish in taykh -
zey hobn aykh gegesn. shrayt fun kalkhoyvns, shrayt kleyn un groys,
ikh vil a gvald, a veygeshrey, a kol, ikh vil a kol fun aykh,
shray, oysgeharget yidish folk, shray, shray aroys!

nit shray tsum himl, er hert dikh vi di erd, der hoyfn mist,
shray nit tsu der zun, nit reyd tsum lomp... akh, ven ikh ken
farleshn zi, vi men farlesht a lomp in rotskhim-heyl do vist!
mayn folk, host mer geloykhtn! bist likhtiker geven!

o vayz zikh mir, mayn folk, bavayz zikh, shtrek di hent
aroys fun griber tif un mayln-lang un ongepropt gedikht,
shikht unter shikht, mit kalkh bagosn un farbrent,
aruf! aruf! shtaygt fun der untershter, der tifster shikht!

kumt ale fun Treblinki, fun Sovibor, fun Oshventshim,
fun Belzhits kumt, kumt fun Ponari un fun nokh, fun nokh, fun nokh!
mit oygn ufgerisn, farglivert a geshrey, a gvald un on a shtim,
fun zumpn kumt, fun blotes ayngezunken tif, fun foyln mokh -

kumt, getriknte, tsemolene, tseribene, kumt, shtelt zikh oys,
in a karohod, a rod a groysn arum mir, eyn groyse reyf -
zeydes, bobes, mames mit di kinderlekh in shoys -
kumt, beyner yidishe fun proshkes, fun shtiklekh zeyf.

vayzt mir, bavayzt zikh ale mir, kumt ale, kumt,
ikh vil aykh ale zen, ikh vil aykh onkukn, ikh vil
af mayn folk, mayn oysgehargetn, a kuk ton shtum, farshtumt -
un ikh vel zingen... yo... aher di harf - ikh shpil!

3-5.10.1943

(2) beyz, ikh shpil

ikh shpil, ikh hob gezetst zikh niderik af dr'erd
un hob geshpilt un umetik gezungen: o mayn folk!
milyonen yidn zenen arum mir geshtanen un gehert,
milyonen oysgehargete zen' geshtanen, zikh tsugehert - a groys gefolg!

a groys gefolg, a makhne groys, akh groys! Yekhezkls tol
mit beyner ful volt in a vinkl do bahaltn zikh gekent -
un er aleyn, Yekhezkl, er volt nit hoferdik azoy, nit gloybik vi amol
tsu oysgehargete geredt, er volt vi ikh farbrokhn mit di hent.

vi ikh, vi ikh farvorfn umbaholfn shver dem kop,
un ongekukt farshtert dem himl-groy un vayt un vist arum,
un vider shver aropgelozn em, arop, arop, arop,
a shteyn farshteynert tsu der erd geboygn tif un shtum.

Yekhezkl! yid, du yid in Bovl-tol, du host gezen
di oysgetriknte di beyner fun dayn folk, un host -
farlorn zikh, Yekhezkl... un a tsemishter vi a maneken
fun Eybershtn fun daynem in tol in yenem firn zikh gelozt.

un gelozt zikh fregn: hatikhyeno? zog, tsi veln nokh
uflebn di beyner, o? du veyst nit yo tsi neyn -
to vos zol ikh, o, vos zol ikh shoyn zogn? vey, a brokh!
es iz fun oysgehargetn fun folk fun maynem nit geblibn ka gebeyn!

nito af vos a layb aruftsuzetsn un af vos a hoyt
aruftsutsien un in vos araynblozn a gayst -
ze, ze, a folk an oysgehargeter do gants, a folk getoyt
kukt on undz shtar, kukt on mit oygn undz fargleyzt.

ze, ze - milyonen kep un hent tsu undz gevondn - tseyl!
un penemer un lipn ze - iz a gebet af zey farshtart tsi a geshrey?
gey tsu un rir zey on... nito vos ontsurirn - heyl!
kh'hob oysgetrakht a yidish folk! kh'hob oysgetrakht dokh zey!

nito zey! un zey veln do af dr'erd shoyn mer nit zayn!
ikh hob zey oysgetrakht, yo, azoy zits ikh un ikh trakht zey oys -
nor emes zenen zeyere inuim vos du zest, di payn, di payn
fun zeyer oysgeharget vern iz dokh vor un groys...

ze, ze, zey shteyen ale arum mir un vayt un lang,
un ale zey - a shoyder geyt adurkh mir, durkh mayn layb -
zey kukn mit Bentsienkes mit Yomeks oygn bang,
zey kukn ale mit di umetike oygn fun mayn vayb.

mit mayn bruder Berls groyse, bloye oygn - yo!
vi kumt tsu zey zayn blik? ot iz er! er aleyn!
er zukht di kinder zayne un er veyst nit az zey zenen do,
tsvishn di milyonen do... ikh zog es em nit, neyn...

mayn Khanen hot men tsugenumen, ineynem mit undzere tsvey zin!
mayn Khane veyst, mit ir tsuzamen hot men zey farshlept -
zi veyst nor nit vu Tsvi iz? zi veyst fun mir nit vu ikh bin,
zi veyst nit fun mayn umglik, zi veyst nit az ikh leb...

zi heybt tsu mir di oygn ire, vi s'heybt di oygn shtum
tsu mir dos folk dos gantse, un vi zi volt mikh nit gezen -
kum, shvaygndike un azoy fil zogndike, kum, Khane, kum,
kuk ayn zikh, her zikh tsu tsum kol tsu maynem un derken!

her, Bentsikl mayn yunginker, mayn goen, du farshteyst
an eykhe-lid a letsts fun letstn, letstn yid -
un du, mayn Yomele, mayn likhtiker, mayn treyst,
vu iz dayn shmeykhl, Yom? o, shmeykhl, shmeykhl nit...

ikh shrek far em zikh, Yomele, azoy vi men badarf
far mayns a shmeykhl shrekn zikh... her tsu zikh tsum gezang -
ikh hob mayn hant vi a harts gevorfn af mayn harf,
un zol undz vey ton merer nokh!... i vey, i bang!...

Yekhezkln, em, neyn Yirmyohun... em oykh, ikh darf em nit!
ikh hob gerufn zey: o helft mir, helft aroys!
nor kh'vel af zey nit vartn mit mayn letstn lid -
zey mit nevies un ikh in veytikn in mayne groys.

15.10.1943

(3) giml, o, veytikn ir mayne!

veytikn! o, veytikn ir mayne... voyl, yidn aykh, o voyl aykh, voyl!
voyl aykh elnte, aykh iberblaybekhtsn af yene zaytn yam,
vos ir veyst es nit, akh, ven es efenen mayne veytikn a moyl
zey voltn aykh dos lebn ayers, aykh di velt farfintstert un farsamt.

veytikn, ir vakst dokh azoy groys in mir, ir vakst un shtaygt -
vos ekbert ir? tsi rayst ir es in mir arayn zikh, tsi rayst ir zikh aroys?
nit rayst aroys zikh, veytikn! vakst, vakst in mir un shvaygt,
shvaygt, vayl ir tut mir vey azoy, o veytikn ir mayne, vayl ir zent groys!

vayl ir grobt in mir un ekbert in mir blind mit oygn tsu
un mit mayler ofn vi verim in a keyver tif... o veytikn, o shmarts!
to shvaygt in mir, mit mayne ale di gehargete, ligt, ligt in ayer ru!
ligt, veytikn, in mir, vi verim inem khreyn, in ufgegesenem in harts.

ani hagvar, ikh bin der man, vos hot zikh tsugekukt, vos hot gezen
vi men hot di kinder mayne, mayne froyen, mayne yunge un mayne alte layt
in vegener gevorfn, vi shteyner zey arayngeshlaydert dort, vi shpen,
un geshlogn zey gor on rakhmones un geredt tsu zey farshayt.

ikh hob fun fentster shoyb aroysgekukt, gezen di shleger - Got!
ikh hob batrakht di shleger un di geshlogene batrakht -
un hob farbrokhn mit di hent far shand... o, shand un shpot,
men hot di yidn, akh, mit yidn - mayne yidn umgebrakht!

meshumodim un erev-meshumodim mit di shtivl glantsik af di fis,
un in di hitlen mitn mogn-doved vi a haknkreyts zey af di kep.
un mit a shprakh a fremde un fargrayzt in moyl un grob un mies.
hobn zey fun voynungen geshlept undz, geshlaydert fun di trep.

zey hobn tirn ufgerisn un arayngerisn zikh mit gvald, mit gvald
in heyzer yidishe, farmakhte, mit heltser, ufgehoybn in di hent -
ufgezukht undz un geshlogn un tsu di vegener getribn yung un alt,
in gas arayn! geshpign Got in ponem, dos likht fun tog geshendt.

zey hobn undz aroysgeshlept fun unter bet, fun shank undz un geflukht:
"der vogn vart! tsu aldi shvartse yor, tsum umshlak aykh, tsum toyt!"
zey hobn ale undz fun shtub aroysgeshlept un alts nokh dort arumgezukht -
dos letste kleyd fun shank, dos letste bisl kashe, dem letstn penets broyt.

un afn gas - men ken meshuge vern! afn gas - kuk tsu zikh un ver dul!
di gas iz oysgeshtorbn un in eyn groys gepilder, eyn geshrey -
di gas - vayt, vayt aruf un vayt arop iz leydik un - di gas iz ful.
vegener mit yidn! kuk af di vegener - af vegener iz okh un vey, iz a geshrey...

vegener mit yidn! men farbrekht di hent, men reyst fun zikh di hor -
un mankhe shvaygn - di shvaygndike, okh! zey shrayen hekher nokh!
zey kukn tsu zikh... s'bloyze kukn zeyers... iz's a kholem shlekht? tsi iz es vor?
un bashtivlte, bahitlte politsye yidishe arum di vegn - vey, a brokh!

der daytsh shteyt in a zayt un vi er volt koym koym tsu zikh gelakht -
der daytsh shteyt fun der vaytns, der daytsh - er misht zikh nisht arayn,
vey mir, vey mir, der daytsh! er hot mit yidn - mayne yidn umgebrakht!
kuk on di vegener! kuk on di shand, kuk on, kuk on di payn!

ikh hob gezen di vegener di fule in mayn fentster... kh'hob gehert
di veygeshreyen biz tsum himl un di krekhtsn shtil un shtumerheyt -
o, vegener fun payn balodn lebedik un tsu dem toyt gefirt! di ferd
zey zen' gegangen, un di reder oykh, zey hobn zikh gedreyt...

o, narishe ir ferd, vos lozt ir hengen troyerik di kep?
vos dreyt ir umetik zikh reder? tsi veyst ir vu ahin
ir fort un vu ahin ir firt avek zey? vu ahin ir shlept
di eydele, di tekhter fun mayn folk, mayne di gerotene di zin?

akh ven ir veyst - ir volt tsehirzhet vild zikh, zikh geshtelt
af di hintershte di fis un di fis di fodershte vi hent
vi mentshlekhe farbrokhn in fartsveyflung far der gantser velt,
un di reder, rundike - zey voltn dreyen zikh nit mer gekent...

zey veysn nit un forn, zey farkireven fun Novolipki, zet
af Zamenhof, der veg tsum umshlak opgetsoymt, dort vart
a tsug, vagonen vartn, leydike, zey firn ale undz avek, het, het -
un kumen morgn leydike on vider... o, shrek in mir farshtart!

22.10.1943

(4) daled, zey zenen do shoyn di vagonen vider!

a shrek, a moyre eymedik, a pakhed groys bafalt mikh, nemt arum mikh fest -
zey zenen do shoyn, di vagonen vider! nekhtn ersht, farnakht - avek -
un haynt - zey zenen do shoyn vider, zey shteyen afn umshlak shoyn... du zest,
di ofene di mayler? zey hobn ufgeefnt zey a shrek!

zey viln nokh! zey viln vider shoyn, zey vern gor nisht zat,
zey shteyen shoyn un vartn - yidn! ven brengt men zey aher?
hungerike - vi zey voltn nokh ka yid in moyl in zeyern gehat...
gehat! un az gehat iz vos? zey viln merer nokh, zey viln mer!

zey viln nokh, zey shteyen shoyn un vartn vi gegreyt a tish,
un greyt tsum esn - yidn! aher zey, vifl s'vet arayn!
yidn! s'alte folk mit kinder yunginke, yung azoy un frish,
yunge troybn fun an altn tsvayg, un yidn alt vi alter, shtarker vayn.

mir viln nokh, nokh yidn... vagonen vi gazlonim kalt un hart,
zey shrayen: nokh! un mer nokh! zey veysn nit fun ka genug,
zey shteyen shoyn un vartn afn umshlak... men vart af undz, men vart,
vagonen tamevate, breyt geefnte a sakh, a gantser tsug.

zey zenen ful geven do ersht, geshtikt fun yidn zikh dershtikt,
yidn toyte zen' geshtanen nekhtn tsvishn lebedike do gepleft -
toyte zen' geshtanen un faln nit gekent in dem gedrik,
nor s'iz geven nit kontik ver fun zey iz toyt un ver es lebt.

bam toytn yidn hot zikh lebedik geshoklt hin un her der kop,
un fun dem lebedikn hot gegosn zikh der toyter shveys;
a yidish kind bet ba zayn toyter mamen: vaser! gib vaser mir a trop!
er shlogt ir mit di hentelekh in ponem: loz! es iz mir heys!

un nokh a kind, a kleyninks af zayn toytn foters hent -
yo, kinder, khotsh farkhaleshte, farshmakhte - kinder haltn oys!
der tate zayner, khotsh a groyser - hot nit oyshaltn gekent -
s'kind veyst nit, s'bet zikh alts nokh: kum! kum, tate! kum aroys!

un vayt dort in vagon, in yener zayt dort, in yenem ek vagon
iz epes forgekumen, hot vos pasirt un keyner veys nit vos?
der oylem ober shmeykhlt, der oylem ober shtoyst zikh on,
s'iz emetser aroysgeshprungen dort... hert, hert a shos!

s'iz ver aroysgeshprungen... un yidn shmeykhlen, men git farshtumt a lakh,
o, yidn tayere, o, yidn heylike ir mayne vos ir zayt!
vos freyt ir zikh? hert der ukrainer - er shist arop fun dakh,
iz vos? abi s'iz ver aroys! abi es hot zikh emetser bafrayt.

un az a koyl iz vos? es vintshn ale zikh do in vagon a koyl -
zi maydt dokh keynem nit! beser shoyn zi treft undz fray in feld,
eyder... vu? vu firt men undz? ver zogt es vide mitn fuln moyl?
zogt nokh! zogt ale nokh - un s'varft fun hits aykh alemen in kelt.

leydike vagonen! ir zent ersht ful geven, itst zent ir vider ler,
vu hot ir zey ahingeton, di yidn? vos iz mit zey geshen?
tsentoyznt opgetseylte un farkhasmet - vi kumt ir vider do aher?
o, zogt, vagonen, mir, vagonen leydike, zogt, vu zent ir geven?

ir kumt fun yener velt, ikh veys, zi muz nit zayn gor vayt,
r'zent nekhtn ersht avek fun danen ongelodene un haynt - ir zent shoyn do!
vos aylt ir zikh azoy, vagonen? vos hot ir nit azoy ka tsayt?
ir vet vi ikh gikh alt vern, vi ikh tsebrokhn, alt un gro.

fun tsukukn aleyn, fun tsuzen alts, fun tsuhern dos alts - gevald!
vi halt ir's oys, un khotsh ir zent fun ayzn un fun holts!
o, ayzn! bist in dr'erd gelegn tif, o ayzn, ayzn kalt,
o holts, du bist a boym gevaksn af der erd, i hoykh, i shtolts!

un itst? ir zent vagonen, last-vagonen itst, ir kukt zikh tsu,
ir shtume eydes fun a last aza un fun aza a payn un fun aza a noyt!
ir hot zikh shtume un farmakhte tsugekukt, o, zogt vagonen, vu
ir firt, ir hot dos folk, dos yidishe, aroysgefirt tsum toyt?

ir zent nit shuldik, men lodnt on aykh do un men zogt aykh: fort!
men shikt aykh op mit fuln, men traybt mit leydikn aykh tsurik aher -
vagonen ir, ir kumt fun yener velt, o, zogt mir, zogt a vort,
git reder zikh a drey, dertseylt, un ikh, ikh loz di trer...

26.10.1943

(5) hey, di zitsung in der kehile vegn tsen...

dertseylt, dertseylt vagonen, ir zent geven di eyntsike af der levaye, ir -
o, toyt-kastns ir, ir hot zey lebedikerheyt gefirt in letstn veg,
ir, toyte ir, ir hot gefirt di lebedike tsu der kvure, r'hot gefirt
in letstn veg zey... un es entfern di toytn-kastns op: nit freg...

dertseylt, dertseylt, khotsh ikh veys mer fun aykh, ikh veys fun onheyb on,
ikh hob gezen dokh di moydoe, der kehile-rat aleyn, er hot di shtrof
unter ir geshribn... yo, men hot es em geheysn un er hot's geton -
zeks toyznt in a tog! ikh veys dem onheyb... ir, ir veyst dem sof.

dersteylt, ikh veys dem onheyb nor... der onheyb iz nit alts, ikh vil
ir zolt dertseyln mir dem sof, dertseylt... tsi shtert aykh mayn geveyn?
dertseylt dem sof mir, ir dertseylt un ikh vel hern un vel veynen shtil,
dertseylt, ikh bin a feldz geshlogn un s'gist fun mir zikh, s'kapet fun a shteyn.

dertseylt, dertseylt! a nit vel ikh dertseyln... yo, ikh aleyn dertseyl
un ikh, ikh veyn aleyn... baveynt, o, oygn mayne, vos ir hot gezen,
o, trumnes, trumnes shtum, s'iz do vos tsu dertseyln in dem letstn teyl,
tsi veyst ir vi fun yidn, zeks toysnt in a tog z'gevorn tsen?

ir hot dokh eyernekhtn zeks avekgefirt! zeks toyznt yidn nor,
gefirt, avekgefirt tsum toyt zey, ale zey, vos epes nekhtn mer?
tsentoyznt! gantse tsen! es zol fun zey nit feln khas vesholem nit ka hor!
un bald afmorgn, nokh di ershte zeks, a shprung aza - hert, hert!

men hot arayngerisn zikh vi khayes vild in kehile-hoyz, tsum "eltstn yid",
tsu Tsherniakovn, tsum prezes fun der kehile, un gezogt tsu em azoy:
mir viln nit ka zeks! zeks toyznt yidn viln mir shoyn nit,
mir viln tsen! azoy hot men gezogt em: kurts un sharf un roy.

un haynt nokh zol aroysgehangen tsu di yidn ale an afish:
tsen toyznt aykh, morgn nemt men tsen shoyn ayere! - un men iz avek.
der prezes falt a blaser in zayn tifn shtul, bam grinem tish...
du shraybst? vest untershraybn tsen? mit vifl zenen merer tsen fun zeks?

Tsherniakov? inzhener Tsherniakov? Adamie? her, du herst?
un tsen? s'iz take mer... yo... her nor, her Adamie... vos?! vos falt dir ayn? du meynst
es iz af an emes? ha? dayn sekretarke iz's... zi veys nit vos du klerst,
vos shikste zi aroys, Adamie? akh, du veynst, du veynst...

vos veynste? o, du bist nokh alemen a voyler mentsh... nor tsvishn undz geredt
a knaper yid... es geyt dir den in tsen? af zeks, ha geyste ayn?
bist epes beyz - af vemen, zog? aha, af zikh... dos klapste zikh alkhet,
samst zikh... ekh, makh's gikher, gikh... bald kumt der gantser kehile-rat arayn!

du bist a knaper yid, Adamie, du samst zikh gor, du hargest zikh aleyn?
a yidn harget men... akh, af geharget vern fodert zikh a gresere a kraft...
nor gornit... gornit... trinkst? du vashst, Adamie, zikh, du vashst zikh reyn?
dayn lebn, yo, dayn lebn - erev shmad... dayn shtarbn hot a gresern a haft.

vos kumt aroys? du nit, du take - nit, nor er, der kehile-rat, der rat -
er vet dokh ayngeyn... s'vendt zikh den in em? es iz dokh nor pro form...
zey viln tsen... gey makh! di zelbe sfeykes nebekh vos du, Adamie, host gehat
ba zeks... gey makh... es totshet zey, es est zey nebekh tif der zelber vorm...

Adamie... ts... r'iz toyt shoyn. der prezes zitst a toyter in zayn shtul un vart,
di oygn tsu in ofenem gezikht, der kop farvorfn - zitst er oybn-on -
der rat kumt on, klapt on - vos hot er zikh, der prezes, dort farshpart?
er hot dem rat tsunufgerufn a eylike a zitsung... klapt! klapt on!

es hot zikh zey gedakht az emets zogt fun ineveynik zey: arayn!
es hot zikh zey gedakht nor... yo, der prezes zitst a toyter af zayn shtul -
prezesie? du? du host dokh undz gerufn? a zitsung darf dokh zayn!
mir zenen do... mir hobn tsugeshtelt zikh ale, der komplet iz ful!

un itst? vos itst? telefonirn - neyn... zey veln zayn in kaas...
zey veln... zogt nit, gor nisht! r'lebt, khotsh toyt... vos itst?
itst ophaltn di zitsung - tsen! yo tsen!... shtil, shvaygendik un blas
hot zikh der kehile-rat gezetst arum dem grinem tish... zey hobn zikh gezetst -

der prezes oybn on, un shpeter zey, di mitglider fun gantsn rat,
es hobn ufgeshtelt di hor zikh afn kop, dos blut hot in di odern gefrirt, -
s'nemt emetser dos vort - di tsung in moyl hot em getsitert vi a blat,
ale hern oys... der toyter prezes firt di zitsung, - vi er volt gefirt.

29.10.43

(6) vov, di ershte

un s'iz avek a gang: tsu tsen a tog, tsen toyznt yidn in eyn tog, dos hot
nit lang gedoyert, o, nit lang, men hot genumen bald tsu fuftsn toyznt zey -
di shtot mit yidn - Varshe! di arumgetsoymte, di arumgemoyerte di shtot
iz far di oygn ayngegangen mir, iz oysgegangen, tsegangen vi a shney.

Varshe! di alt yidishe, di fule vi a shul Yomkiper, vi a mark af a yarid,
yidn varshever, yidn handlendike afn mark, yidn davnendike in der shul -
azoy umetik un azoy freylekh - o, parnose-zukhndiker un Gotzukhndiker yid!
Varshe di farmoyerte arum, di opgeshlosene - iz geven mit dir ersht ful!

itst biste ler! itst biste leydik! itst biste oysgeleydikt gants un ler!
itst biste a besoylem, a beys-hakvores vist, un vister nokh, du bist
gasn oysgeshtorbn - un men zet ka mes afile zikh nit valgern dort mer,
un hayzer ofene un keyner geyt aroys nit, nit arayn in hayzer vist.

di ershte umtsubrengen zen' gevezn kinder, yesoymimlekh farlozene, es heyst
dos beste af der velt, dos shenste vos di erd, di fintstere, farmogt!
o, fun di elntste yesoymimlekh un kinderheymen volt gevoksn undz a treyst,
fun di umetikste, shtume penemlekh, di khoyshekhdike, volt getogt undz, volt getogt!

yo, yo, ikh bin sof-vinter tsvey un fertsik in a kinderheym aza geven
un kinder, ersht gebrakhte fun der gas, gezen. kh'hob in a vinkl zikh farrukt -
un hob in shoys fun a dertsierin a koym tsvey-yerik meydele gezen -
a mogerinke, a toyt-blasinke un oygn ernste, ikh hob gekukt, gekukt -

kh'hob ongekukt zi, di tsvey-yorike, di altetshke, di bobe - hundert yor
iz dos yidishe, dos meydele shoyn alt, der ernst irer un ir groyse payn -
dos vos di bobe ire hot in kholem nit gezen hot dos meydele gezen, un af der vor,
ikh hob tseveynt zikh un gezogt zikh: veyn nit, di payn farshvindt un der ernst vet shoyn zayn!

der ernst blaybt, er gist zikh in der velt arayn, in lebn, un fartift's,
der yidisher der ernst, nikhtert oys, vekt uf, rayst breyt uf oygn blind;
s'iz vi a Toyre far der velt, vi a nevue, vi a heylike a shrift -
veyn nit, veyn nit... akhtsik milyon rotskhim far dem ernst fun a yidish kind.

veyn nit... ikh hob gezen a meydele fun a yor finf in yenem „punkt”,
zi hot a veynendikn bruderl, a klenern a sakh fun ir, a leydndn genert...
zi hot fardarte shtiklekh broyt in a marmelad a shitern getunkt
un kuntsik em in maylekhl arayngeshmuglt... mir iz geven bashert

tsu zen es, zen der mamen, zen der mamen der finfyeriker vi zi shpayzt em, ire reyd
tsu em gehert. mayn mame, eyne in der velt, iz nit derfinderish azoy geven!
zi hot a trer em opgevisht mit a gelekhter, arayngeredt in em a freyd,
s'yidish meydele! Sholem-Aleykhem hot es beser nit gekent. ikh hob's gezen!

ikh hob gezen dem groysn elnt dort, in kinderheym in yenem, kh'bin arayn
in tsveytn zal - dort oykh, dort oykh - es hot geyogt a bitere a kelt,
fun vaytn hot an oyvn af a blekh gevorfn af a hayfl kinder hel a shayn,
es hobn kinderlekh halb-nakete bam koks, bam gliendikn zikh arumgeshtelt.

es hot geglit der koks. der hot a fisele, der a gefroyrn hentele aroys geshtekt,
der a nakete a pleytske, un eyner a shvarts-oygik, a blas yingele, nokh gor a yungs,
er hot dertseylt a maysele. neyn, nit a maysele! er hot gebroyzt, er iz gevezn ufgeregt -
Yeshaye! du, o du, host nit geflamt vi er, host nit gehat aza a yidishe a tsung.

er hot geredt a yidish gemisht mit loshnkoydesh. neyn, s'iz loshnkoydesh bloyz!
horkh, horkh, kuk on di yidishe, di oygn zayne, un dem shtern un vi er hoybt
dem kop uf... Yeshaye! bist nit kleyn geven vi er un nisht gevezn azoy groys,
bist nit gevezn gut azoy, nit emesdik azoy, un host, Yeshaye, nit azoy gegloybt!...

un nit azoy dos yingele in yenem kinder-punkt, dos yingele vos hot azoy geredt,
nor zayne shvesterlekh un briderlekh, vos hobn em mit maylekhlekh mit ofene gehert -
o neyn, ir lender ale, Eyropes alte un nay-ufgeboyte groyse shtet,
azoyns hot dokh di velt nokh nit gezen, nit gehat azelkhe hot di erd.

zey zen' geven di ershte umtsukumen, di yidishe di kinder, ale zey, dos rov
on tate-mame. kinder ufgegesene fun kelt, fun hunger un fun layz,
Meshikhim heylike, geheylikte in leydn... o, zogt, farvos di shtrof?
farvos in umkum-teg di ershte tsoln em, dem beyz, dem hekhstn prayz?

zey zen' geven di ershte, di genumene tsum toyt, di ershte af der fur,
men hot gevorfn in di vegener di groyse zey, vi hoyfns mist, vi mist -
un avekgefirt zey, oysgeharget zey, farnikht zey, s'iz ka shpur
fun zey, fun mayne beste, nit geblibn mer! akh vey iz mir un vind iz mir un vist!

2-3-4.11.1943

(7) zayin, tsu shpet

vey mir, ikh hob gevust un mayne shkheynim oykh un yeder eyner yid,
ale mir fun groys biz kleyn, fun alt biz yung - mir hobn es gevust,
un nit aroysgeredt fun moyl es... sha! mir hobn zikh far zikh aleyn gehit,
mir hobn es farshrign in gedank in undzern, farshtikt in undzer brust.

eyder nokh es hobn oysvurfn farshpart undz ale in di getos eng,
far Khelmno nokh, far Belzhits, far Ponari nokh, far undzer end,
bald onheyb krig, bagegndik a fraynt in gas, flegn mir, vi ikh gedenk,
aroplozn di oygn undzere un fester, fester zikh gedrikt di hent.

nit di lipn un di oygn nit, ka vort... di oygn hobn zikh geshrokn oykh
a hoykhn kuk ton... blikn gibn oys di verter klore vos men ant...
di hent! di shtume hent - zey hobn nit geshrokn zikh tsu reydn hoykh -
tekl, tekl... vi verter nit gezen un ufgeshribn af der vant...

o, nit nor mir! di vent, di vent in yeder shtub un yeder shteyn fun gas
hobn es gevust vi mir, vi mir... o ver? ver hot es zey gezogt?
es hobn nit umzist undz ongekukt di vent unheymlekh shtum un blas,
un s'hobn shteyner nit umzist gekukt af undz farshvign un fartsogt...

ale mir, mir hobn es gevust, fish in vaser un foygl afn dakh,
di goyim arum undz: men harget oys undz! men harget ale undz do oys!
un on a shum farvos? un tu un makh! s'iz a bashtimte, a bashlosene a zakh:
em umbrengen, dos yidishe dos folk, farnikhtn em fun kleyn biz groys.

vi nor s'hot oysgebrokhn temp un merderish vi Hitler, Hitlers krig,
vi nor es hot arayngerisn zikh in Poyln di barbarishe, di daytshe hord,
hot dos yidishe dos folk farlozn zayne shtet un shtetlekh - a kind in vig
iz nit geblibn, nit geblibn zenen altgezesene af zeyer ort.

men iz gelofn, vu? o, fregt nit keynem: vuhin? vu loyft ir, vu?
un fregt nit, keynem nit: farvos? voyl dir, du veyst es nit... nit freg!
un gib ka eytse nit, nit keynem, reyd nit keynem op un reyd nisht tsu...
tsi blaybn in zayn varemer zayn heym, tsi lozn zikh mit alemen in veg...

in der heym... zey raysn zikh arayn in heymen yidishe un tuen dortn op -
men zol's nit zen, nit hern - men toyt, un erger nokh: men farshlept! yo, men farshlept,
un af di vegn - ful un eng, ze, ze: di mesershmitn - vi niderik zey lozn zikh arop!
du zest di heldishe, di flier, di koylnvarfers iber yidns oysgedarte kep.

rot nisht keynem gornisht, dayn nontstn nit, dayn noentster - er hot
fartsveyflt ongeshtelt af dir di oygn takhnunimdik, a knekht, v'a knekht
bet er rakhmim zikh: vos tut men? akh, ven du volst geven afile Got -
zog em gor nisht! gor nisht!... vos du vest em zogn vet zayn shlekht!

ale vegn, ale traktn un shoseyen hobn zikh gebrokhn fun der last
der yidisher... a last on zek af pleytses, on rentslekh in der hant...
men iz gelofn shver balodn mit a shrek, in aylenish gelofn un in hast,
un on a hofnung... akh, an ander land! vi khapt men zikh arayn do in an ander land!

tsu shpet! tsu shpet, nokh eyernekhtn, nekhtn nokh, haynt fri hot men gekont
mit an oytobus, a tsug, a shleptsug... un tsu a grenets ergets-vu -
itst iz shoyn shpet... vos itst? di fis vi opgenumen un di hent, - s'faln op di hent -
tsu shpet! itst zenen ale oysgeng shoyn farmakht un ale tirn tsu...

in radyo hot geredt a daytsh af poylish: „shoyn! mir geyen shoyn! mir kumen on!
mir marshirn shoyn arayn. zol keyner zikh far undz nit shrekn, keyner nit!
mir veln der tsiviler, der bafelkerung, der ruiker ka shlekhts nisht ton,
der yid!“ - hot er in radyo zikh tseshrien hoykh! - „zol shrekn zikh der yid!“,

es iz gevezn mitvokh, der moyrediker mitvokh, azeyger tsvey banakht -
un yidn hobn zikh fartsveyflt avekgelozt af vegn iber Poyln... di ahin,
un yene dort aher... o, Got, men geyt dokh zikherer un frayer in a shlakht,
nemen zikh dos lebn af der mieser der erd do hot merer shoyn a zin!

men iz gelofn fun Bendin kin Tshenstokhov, kalisher kin Lodz un Lodz hot zikh gelozt
kin Varshe, varshever - zey oykh, zey zenen oykh in shrek avek, farlozn zeyer heym,
yidn fun der fremd hot in heymen yidishe farvorlozt arumgenumen fremd a frost,
un di shrek, di shrek fun velkher m'iz antlofn bafalt fun yedn vinkl zey geheym.

dos gantse folk, dos yidishe, di doike, di masn funem Bund,
di kloymersht frume, di agudenikes, di tsienistn, di vos hobn sheyn geredt -
lumpnhendler - ale hobn plutslung ufgekhapt zikh - s'hot geplatst di vund!
kin Ertsisroel, rateven zikh... ratevet! nor s'iz geven tsu shpet.

7-12.11.1943

(8) khes, eyn khoreve, eyn umgebrakhte heym

tsu shpet, farmakht di vegn ale, un ale grenetsn un durkhgeng af a shlos,
di erd hot zikh farshlosn in der nider do far undz vi der himl dortn in der hoykh,
men iz in angstn groys dergangen biz Lublin un vayter nokh... yetsunder - vos?
der toyt - er iz farlofn undz dem veg, mit blut, mit fayer un mit roykh.

men iz gelofn un nebekh nit derlofn... akh, di derlofene mit glik,
di ongekumene mit fis geshvoln un in vundn, kloymersht tsu a tsil -
zey kukn fintster un fartsveyflt zikh arum, un viln tsrik, tsurik!
tsurik aheym! yo, mir farkireven tsurik aheym - zol zayn shoyn vos es vil!

men hot farkirevet tsurik... o, vegn troyerike tsurik, o, Got!
derzelber genem, akh, vi geyendik aher, der zelber shoyder, di zelbike gefar -
nor vos? aheym! oyb umkumen iz in der eygener der shtot,
un in mayn gas, in shtub in mayner, in mayn bet... aheym! aheym in tsar.

men hot gelozn zikh tsurik... der, nebekh, iz dergangen... der tsveyter, nebekh, nit...
yederer fun zey - tsi afn veg, tsi in der heym shoyn - hot geendikt shlekht!
a mentsh, tsi afn veg derharget, tsi af a boym in vald gehongen - iz a yid!
un an aheym gekumener a yid - veyst fun ka heym nit, nit in teg dort, nit in nekht.

er tor nit vayzn zikh... in shtub nit, nit in hoyz, in gas nit vu er voynt,
men hot em shoyn gezukht, a daytsh, a polyak nekhtn un shoyn a folks-daytsh haynt...
„du do? bist nit avek? ikh hob gemeynt, du host geratevet zikh...” ruft oys dershtoynt
in a hintergas a tsufelik getrofener, dershrokn shtark, a guter fraynt.

di shuln zenen shoyn farbrent, di sifre-toyres oykh, di rabonim shoyn farpaynikt... du!
bist in a shul geven shoyn? der ornkoydesh shteyt bam mizrekh-vant, du veyst!
un di bime iz in same mitn shul. un der rov reb Yosele... vu iz er, vu?
er loyft arum der bime... mit a shpitsrut grob a daytsh tsvishn daytshn, az er heyst...

der rov iz alt, r'iz niderik gevoksn, der kark iz ufgehoybn hoykh, nit glaykh,
un a shever oykh, nit sheyn, ayo? er boygt in drayen zikh un loyft... ot, un er falt!
a shpitsrut treft in hoyker yedes mol, der daytsher oylem kukt un kaykht...
hoyb, rebe, uf dayn likhtikn dayn ponem un farshem zey... neyn, bahalt, bahalt

dayn heylikn dayn ponem, rebe! fun dayn ponem falt dokh groys a likht -
zol dayn likht af zey nit faln, zol di zun farshayt metame zayn ir shayn,
zol der himl hoykh mekhalel-zayn zayn bloy un vayzn zikh far zeyer treyfenem gezikht!
bist shener, rebe, far der zun un erlekher fun himl, zolst vi zey nit zayn!

shtey, rebe, shtey... der daytsh er beyzert zikh, er heyst dikh blaybn shteyn,
er heyst dem moyl dir ufraysn, rays uf... der shames darf a shpay tun dir in moyl.
der rov hot ufgerisn breyt em, der shames, nebekh, platst aroys in a geveyn -
vi ken ikh, harele? vi ken ikh em, dem rov, dem reben undzern? aza a groyl!...

„shpay arayn, shpay gikh arayn in moyl mir, du narisher, du shames vos du bist!”
der shames falt dem ofitsir tsu zayne fis: vi ken ikh, harele? vi ken ikh shpayen, s'taytsh?
s'iz undzer rov, s'iz Yosele... der rov shrayt: „shpay! er tsilt in dir un shist!”
der shames folgt un vi er volt a shpay geton... do hot a shtoys geton em shtark der daytsh:

„kuk, kuk zikh ayn un lern oys zikh, shmutsiker du yid, kuk vi azoy men shpayt -”
un s'hot der daytsh in ofenem in moyl in rovs arayngekhraket: „shling's arop!”
der rov er hot aropgeshlungen un s'vendt der daytsh tsum shames zikh un tayt,
tayt afn rov: „du zest, er folgt!” der shames hot gekhapt zikh farn kop.

khotsh di koyl - zi hot dem shames getrofn nor in fus - „un itst? aroys mit aykh, aroys!”
der shames khotsh er hinkt, er firt dem rov, dem altinkn aroys fun shul,
koym vos er geyt der rov, er ken nor loyfn arum der bime, loyfn in Gots hoyz,
er firt em zakht un unter fayerdike shmits fun shpitsrut... shlog! di mos iz nokh nit ful!

zi iz geven nit ful eyder nokh der rov iz mitn shames zakht aheym gegangen - zet!
a roykh shpart bizn himl, un s'raysn flamen zikh aroys fun roykh: vu brent un vos!
dos brent di shul! der ornkoydesh brent! di sifre-toyres, di yidishe di shtet!
der rov - er kukt zikh um, der shames halt em: akh, di mos... farfult hot zikh di mos!

„o, zog, antlofener in shrek, farvos, o, hoste umgekert zikh tsrik aher?
du bist avek, farvos biste in umglik nit geblibn in der fremd?
du volst farshport dayn heym in payn in irn zen, in ir gepruvt zayn shver,
un vi zi blutikt, vi zi vert farpaynikt on a shum farvos un vert azoy farshemt.

o, zog farvos, zog...” der tsurikgekumener aheym, geyt umetik un shtum
a shmeykhl koym, vos vert farglivert afn ponem em vi in a leym -
er shvaygt a vayle nokh, bald kukt er um zikh, kukt in a shrek a groyse zikh arum:
ikh kum dokh fun der heym... akh umetum - eyn khoreve, eyn umgebrakhte heym!

16-17-18.11.1943

(9) tes, tsu di himlen

azoy hot zikh es ongehoybn, bald in onheyb... himlen, zogt farvos? o, zogt farven?
farvos o, kumt es undz azoy farshemt tsu vern af der groyser erd?
di erd toyb-shtum, hot vi farmakht di oygn... ir himlen ober, ir hot dokh gezen,
ir hot zikh tsugekukt fun in der hoykh, fun oybn, un nit iber zikh gekert!

nit farvolknt hot zikh ayer bilike di bloy un hot vi shtendik falsh geshemerirt,
di zun in roytn vi a talyen groyzam hot in shtendikn gekoylert zikh in krayz,
di levone, vi an alte hur, a zindike, iz in di nekht aroys af ir shpatsir,
un shtern hobn tsugevunkn shmutsik, gefinklt mit di oygelekh vi mayz.

avekt! ikh vil af aykh nit kukn, ikh vil nit zen aykh, nit visn fun aykh mer!
o himlen falshe, o, genarerishe, niderike himlen in der hoykh, akh, vi mir fardrist -
ikh hob amol gegloybt aykh, fartroyt mayn freyd, mayn umet aykh, mayn shmeykhl un mayn trer,
ir zent nit beser fun der mieser der erd, der groyser hoyfn mist!

ikh hob gegloybt aykh, himlen, bazungen aykh in mayne lider ale, in yedn mayn gezang -
ikh hob gehat aykh lib, vi lib men hot a froy, zi iz avek, tserunen vi a shoym,
ikh hob di zun in aykh nokh in mayn frister yugnt, di zun in flamen fun ir untergang,
farglikhn mit mayn hofnung: „azoy fargeyt mayn hofnung, azoy farlesht mayn troym!”

avekt! avekt! ir hot undz opgenart, genart mayn folk, genart mayn altn shtam!
fun eybik on - ir nart undz, ir hot di oves mayne, di neviim mayne nokh genart!
tsu aykh, tsu aykh - hobn zey di oygn zeyere gehoybn, ongetsundn zikh in ayer flam,
di trayste ayere af dr'erd hobn zey af dr'erd do, in benkshaft aykh gegart,

aykh gevolt... tsu aykh di ershte oysgerufn: haazinu! frier ir - farnemt!
un shpeter ersht di erd. azoy mayn Moyshe un azoy Yeshaye, mayn Yeshaye: shimu - hert!
un shomu! Yirmyohu shrayt: shomu! ver zhe oyb nit ir? vos hot ir plutslung zikh azoy farfremdt?
o, himlen ofene, o, likhtike ir himlen, o, himlen-hoykh, ir zent dokh vi di erd.

ir kent nit, ir derkent undz shoyn nit mer, farvos? tsi hobn mir zikh den
azoy gebitn? azoy geendert zikh? mir zenen dokh di zelbike di yidn fun amol -
un beser nokh a sakh... nit ikh! nit ikh vil tsu mayne neviim zikh farglaykhn, nit ikh ken,
nor di yidn ale, di tsum toyt gefirte, di milyonen mayne oysgehargete do mit amol -

zey zenen beser nokh, mer oysgelitn, oysgelaytert mer in goles do! o, vos batayt
a yid a groyser, an amoliker, antkegn kleyn a itstikn, a poshetn, a durkhshnitlekhn yid
in Poyln, Lite, in Volin, in yedn goles, - fun yedn yidn klogt un shrayt
a Yirmyohu aroys, an Iev in yesurim groys, a meylekh an antoyshter mit a Koyheles-lid.

ir kent nit, ir derkent undz shoyn nit mer, nit keyner, vi mir voltn zikh farshtelt,
mir zenen dokh di zelbike di yidn fun amol, mir zindikn nokh alts tsu zikh aleyn,
mir zogn-op zikh alts nokh funem eygenem fun glik un viln alts nokh rateven di velt, -
vos zent ir bloy azoy, ir himlen bloy, ba undzer oysgeharget vern? vos zent ir azoy sheyn?

ikh vel vi Shoel, vi mayn kenig, zikh aveklozn in mayne paynen tsu der bales-ov,
ikh vel dem veg gefinen, dem fartsveyfltn, dem veg dem khoyshekhdikn kin Eyn-dor.
un kh'ruf fun der erd aroys ale mayne neviim un bashver zey ale: kukt, o, kukt aruf,
tsu ayere himlen-hel un shpayt in ponem zey: tsu aldi shvartse yor aykh! tsu aldi shvartse yor!

ir hot zikh, himlen, tsugekukt fun oybn, vi men hot di kinder fun mayn folk gefirt
iber vasern, af banen un tsufus, in teg in hele un in fintstere in nekht, tsum toyt,
milyonen kinder hobn bam derharget vern hent tsu aykh gehoybn - s'hot aykh nit gerirt,
milyonen mames eydele un tates - nit fartsitert hot af aykh di bloe hoyt...

ir hot gezen di Yomelekh, elfyerike, aleyn di freyd! a freyd, a gutskeyt bloyz,
un di Bentsienlekh, di yunge geoynim, di ernste, di zukher... o, treyst fun alts vos lebt!
ir hot gezen di Khanes vos hobn zey gehat, vos hobn zey far Got geheylikt in zayn hoyz,
ir hot zikh tsugekukt... ir hot ka Got in zikh nit, himlen! himlen gornisht, himlen oysgevebt!

ir hot ka Got in zikh nit! efnt uf di toyern, ir himlen, efnt uf zey breyt,
un lozt di kinder ale fun mayn oysgehargetn, fun farpayniktn mayn folk arayn,
efnt-uf zey tsu der groyser himlfart, gants a folk gekreytsikt shver in leyd
darf in aykh arayn... o, yeder fun di kinder mayne umgebrakht, ken a Got zey zayn!

o, himlen oysgeleydikte un viste, himlen vi a midber vayt un vist, ikh hob
mayn eyntsikn mayn Got in aykh farloyrn, un zey iz veynik hobn in aykh dray -
der yidisher der Got, zayn gayst un der Golel-yid fun zey gehangen iz zey knap,
zey hobn ale undz in himl opgeshikt, - o, ekldike un gemeyne geterdineray!

freyt zikh, himlen, freyt zikh! - ir zent gevezn orem, itst zent ir raykh,
a gebentshter aza shnit - gants, gants a folk, aza a glik iz, himlen, aykh bashert!
freyt zikh, himlen oybn, mit di daytshn, un di daytshn untn zoln freyen zikh mit aykh,
un zol a fayer fun der erd af aykh aroysgeyn un a fayer zol tseflakern fun aykh zikh af der erd.

23-24-25-26.11.1943

(10) yud, inem onheyb funem sof

azoy hot zikh es ongehoybn, bald in ershtn tog, afmorgn vider! un der nokh
afsnay! afsnay! s'hot yedn in derfri zikh ongehoybn fun dos nay -
nekhtn ersht! o, nit bavizn hot dos umglik vern alt, haynt baginen - horkh: shoyn nay a brokh!
nay a pakhed un a toytshrek nay! der toyt bagleyt, geyt nokh undz vi a shotn tray...

yedn tog hot far di oygn fun a yedn yid mit a yid a tsveytn epes-vos pasirt,
epes-vos... getrofn vern fun a koyl un faln iz nit mer fun yedn „epes-vos“;
an oyto hot zikh opgeshtelt, a tirl hot an efn zikh geton, arayngekhapt a yid un em avekgefirt -
beser dem gehargetn in gas shoyn, beser dem gefalenem shoyn fun a shos.

kh'hob in di ershte teg fun zeyer zikh araynraysn in shtot shoyn nisht genekhtikt in mayn hoyz,
ikh bin avek farnakht tsu undzern a nontn, mayn froy hot mikh dos mol bagleyt,
an ofitser hot in der tunkl opgeshtelt zikh, ongekukt mikh... yo, a vayle bloyz,
un iz avek. tsen trit nokh undz derhern mir a shos, er hot an andern geteyt.

undz! undz! dos hot er undz geharget, Khanele, i mikh, i dikh. er hot gezukht a yid,
er iz mit undz geven nit zikher... du host gezeen vi der oysvurf hot gekukt?
mir hobn nit farshnelert, nit farlangzamert, a hor nit undzere, di zikhere, di trit
fun lebn tsu dem toyt... a yid a kentikerer, a beserer hot tsu der khaye unter zikh gerukt.

Khane, er hot dokh undz, undz alemen derharget dokh in yenem groylekhn moment
i mikh, i dikh, di kinder undzere, dos gantse folk dos yidishe in goyishn in land -
er hot farmostn mit a blik a shtolenem zikh un hot adurkhgefirt un hot farlendt!
farmostn in a gas zikh, in an opgelegener farnakht... du drikst mir kalt di hant...

i dayne, Khane, un i mayne - kalt. er hot dokh undz geharget, gey aheym un zogt di kinder nit
az a daytsh hot undz getrofn, opgeshtelt zikh blond un ongekukt undz lang -
un undz geharget, i undz, i zey un gants mayn folk... o, nit dertseyl zey, Got bahit,
gey aheym un glaykh du veyst fun gornit... Khane, Khanele, vos kukste azoy bang?

gey aheym, un morgn fri, gants fri, es vet nor vern tog un ikh bin do ba aykh,
ikh vart a vayl un kling laykht on, du vest derhern em, derkenen em, dem klung -
gey shtil arop fun bet, varf epes vos af zikh aruf un efn uf mir glaykh,
fir tsu di kinder tsu mir... o, kinder mayne kleyn, azoy vi lebedig, un sheyn azoy un yung!

ze, ze, mayn Yomekl hot ufgekhapt zikh mit a shmeykhl... Yom, mayn tayerer, mayn kind!
un s'hot Bentsienke di hant arayngerukt tsu kopn unter kishn... er gedenkt:
vu er hot dos bukh hart farn aynshlofn geleygt, eyn mish - un er gefint
di zayt, di shure vayter... farvos, o, Khanele, o, yingelekh, farvos hot men aykh umgebrengt?

Khanele, ikh blayb di nakht mit aykh, ikh vel nit mer avekgeyn fun der heym banakht,
vos darfn hitn zikh azoy shoyn toyte? farmishpete shoyn? shoyn getseykhnte tsum toyt?
mir hobn dokh dos ergste durkhgemakht shoyn, men hot dokh undz shoyn umgebrakht.
du host gezen dem daytsh? zayn kukn? nit fartsitern azoy vet mer af undz di hoyt...

dos iz geven di sitre-akhre, der sar fun untervelt, aleyn di brud, aleyn, aleyn der shmuts!
aleyn der blutdursht, di farkerperung fun shlekhts un fun umzistn has -
tsum umbaholfenem in zayn gerekht zayn, tsu alts vos gut iz af der erd un on a shuts,
a daytsh! der daytsh vos iz geblibn shteyn un hot kalt ongekukt undz af der Gdansker gas!

dos iz gevezn Hitler, Himler, Alfred Rozenberg, neyn! ale daytshn mitanand,
dos gantse folk, dos shlekhtste, dos gevisnlozste iz far di oygn undz geshtan'.
ven ikh shis em, Khane, ven ikh harge em in der minut, ven ikh hob vos demolt in mayn hant -
ikh volt geratevet mayn folk, i dikh, i zikh, i undzere di kinder dan -

zey hobn ufgekhapt zikh... zog zey gornit! vos? vos tuste? yo, du rayst zey itst aroys
di glantsike di knep un di bloye shnirlekh fun dray shiler mantelekh itst op!
neyst di shandbender far beydn undz un dem eltstn undzern... yo, r'iz shoyn groys!
r'varft zikh, vil's nit onton... du Yomekl, mayn kleyninker, vos lozte, du, arop dem kop?

mayn Yomek veyst nit az men hot geharget undz, az men vet undz hargenen. o, velt!
dos gantse daytshe folk iz dokh nit vert a trer fun a fartsveyflt yidish kind,
akh, ven er veyst's, mayn freylekhster! di freylekhkeyt!... a kelt... mikh nemt adurkh a kelt,
vey mir, zeevdikn, vey... un voyl, yo voyl aykh kinder yidishe, vos ir zent blind...

Khanele, du bist a shtarke, Khane, ikh hob es af azoy fil nit gevust,
vilst zayn aleyn do? mit di kinder do? un mir, mir zogste: for! for shnel!
kin Varshe for! kh'hob nit gevolt un bin avek kin Varshe, kh'hob gemuzt,
di oygn zenen mir gevezn bam avekfor trukn... di trer iz mir geshtanen in mayn kel.

mit knape tsvey khadoshim shpeter hot men aroysgeshikt aykh fun der heym, dikh mit di zin -
ir hot geratevet dernokh tsu mir zikh in der Varshe. du host gezen mit mir tsuzam
dem onheyb funem sof... bam same sof biste un Bentsikl un Yomek nit geven shoyn... kh'bin
aleyn geblibn, mit mayn eltstn, tsugekukt tsum sof fun zikh, fun undz alemen in fayer un in flam.

4-5-6.12.1943

(11) yud-alef, gedenkst?

kh'hob lib dikh rufn ba dayn nomen, kh'hob lib aroyszogn em: Khanele! kh'hob lib
tsu dir zikh vendn nokh dayn avekgenumen vern mit mayn folk. du entferst mir, du shenkst
dayn blik fun dayne oygn mir di likhtike, dayn umetikn gutn shmeykhl af dayn lip,
kh'hob lib dikh rufn in mayn eynzam zayn, in elnt maynem fregn dikh: gedenkst?

gedenkst? kh'hob lib dikh fregn tsi gedenkste? Khanele, o, kum, kum nenter tsu mir tsu,
leyg afn aksl mir dayn herlekhn dayn kop un dayne hor di shvartse mitn vaysn shrunt -
nem in orems mikh, baleb mikh, shtark mikh... kh'hob dikh aroysgerufn fun dayn ru,
ru nit, Khanele, o nit farheylt zol vern in fargesnheyt di eybike di vund.

zets mit mir avek zikh, ikh hob dokh lib azoy dikh... in mayn libe gevaldik, her mikh vos ikh zog,
du herst! du herst! baglikst in groysn umglik mikh, mayn Khanele, mayn froy!
in groysn vey in undzern, in ufhern, bafrukht ikh dikh far ale veltn - trog
di frukht fun onklog vi mayne zin in dir, trog, fartrog in ale veltn zindik, roy un groy!...

gedenkst dos groyzamste, dos shoyderlekhste, dos umberakhmonesdike af der velt?
gedenkst? ikh veys az du gedenkst, du host in ale eybikeytn mitgenumen es -
du un mayne zin, ir vet gedenken eybik em, dem mord fun ayer folk un vegn dem fargelt,
ikh oykh! ikh vil's oykh un hob alts moyre - s'zol di sho nit zayn - un ikh farges...

ikh hob shtendik zikh af dir farlozn, merer vi af zikh aleyn, vi kh'volt
geven dayn medyum, vi kh'volt fulbrakht dayn heymlekhn bafel, geton vos du farlangst -
host khoyves shver af mir arufgeleygt, kh'hob ale zey mit tsiter un mit freyd batsolt:
kh'hob lib gehat mayn folk, geven mit em in goles, gezungen em in hofnung un in angst.

gedenkst dos hoyz af Tvarda, dos hoyz in kleynem geto, dos yesoymim-hoyz?
di fuftsik yingelekh? gezunt a shtam! ikh hob far zey geshribn a teater-shpil,
gedenkst di kinder in „mikh tsit in gas!“? zey zenen shpilevdik gevoksn, oysgevoksn groys,
mit zey mayn verk... zey hobn mer vi ikh dort harts arayngeleygt un mer gefil...

gedenkst dem tog: men hot undz ongezogt: zey oykh! men hot avekgefirt oykh zey,
tsuzamen mit Dombrovskin un zayn froy - zeyere tsvey lerer traye - mayne fraynt.
kh'bin avek bald tsu der brik af Khlodna, ikh hob dir nit gezogt vuhin ikh gey...
in kleynem geto zenen hint arumgelofn nokh un kets, di zun hot nokh geshaynt.

yidn hob ikh in dem kleynem geto nit getrofn shoyn, vu nit vu hob ikh gezen
a shotn shlaykhn mit a zak groys afn rukn, adank dem zak hob ikh zikh ongeshtoysn az es iz a yid.
er iz gegangen shnel, der zak hot tsugeholfn em, em tsugeshtupt: gey! gey!... es iz geshen!
nito shoyn, nit di Ayzn-gas, nit Gzhibov, nit Krokhmalne, nit Valitsov un nit di Tvarda, oys! shoyn oys yarid!

ikh bin arayn fun Tshepla af der Tvarda, farnumen links zikh - Tvarda zibn, kh'fli, a fayl
fun boygn, in dem toyer un af di trep, tuz afn tsveytn shtok - an ofene di tir!
ikh bin geshtanen un gevolt, gevolt, gevolt un nit gekont arayn a hipshe vayl,
nit gekont di shvel aribertretn, kh'bin geshtanen far an ofene tir un nit gegebn zikh ka rir.

ikh hob derhert: men geyt... in toyer? af di trep? a ganef mies? tsi mieser a sakh a daytsh? un kh'bin
arayn in koridor in langn, di tirn ale in em ofn, ufgeefnt, rekhts un links, un s'shit
di zun fun ergets-vu, farshit dem koridor mit gantse garbn shtraln on khezhbm un on zin,
zi blendt di oygn mir, farblendt mir, a farblendenish... o, mayn tsetumlenish af ir un mayn gemit!

di mantelekh - zey hobn in der leng fun koridor a shayn geton! kh'hob etlekhe derkent
un ongerirt zey: Abele! er hot geshpilt dem handlarzh vos kumt in groysn hoyf,
er hot gehoybn hoykh dem kop, di oygn hoykh tsu ale fentster, gefokhet mit di hent:
„in zak in maynem, yidn! di lates un di shmates un vos tserisn iz un brudik iz - ikh koyf“.

dos paltole iz Areks, er hot geshpilt di hoyptrol: dem yingl velkhn s'tsit in gas,
„mikh tsit in gas!“ un nart dem lerer op: ikh muz aheym! er nart, nart op dem lerer fun gezang:
„di mame iz mir krank!“ un redt a khaver tsu: „kum, zing in hoyfn, ikh - ikh klap in tats“ -
fun ershtn hoyf antloyft er tsurik in klas un vert in klas gevoyr: di mame iz em take krank!

un dos! dos naye mantele iz Pinkhesls, Hersheles, dem dikhters zun, a tayer kind!
Hershele iz oysgegangen farayorn nokh fun hunger, un zayn yoseml, zayn zun
er hot geshpilt dem hungerikn yingl vos khapt geshikt fun koysh a zemele geshvind
er est's mit blut vos rint fun em, redt mit a trerele in kel un veyst legamre nisht derfun...

ikh gey arayn in zal un loyf in shrek aroys, ikh rays in estsimer arayn zikh un fun dort
rays ikh tsu Dovidn, Dombrovskin, zikh arayn, tsu zeyer lerer... nito em oykh! nit em, nit ir!
zey oykh... beyde zey vi Kortshak un Viltshinska zenen mitgegan' mit di yesoymimlekh in yenem ort
vu s'voltn eltern zey nit bagleyt... af der erd iz oysgeshotn hoykh a barg papir -

ikh hob gezukht in shtoys papirn in tsevorfenem... o, varft in fayer ale mayne verk
un ratevet eyn yoseml fun ot di fuftsik yingelekh, di tayere, mir op -
Khanele, gedenkst, onshtot a yoseml, a yidish kind, hob ikh aheymgebrakht fun Tvarda gas a tsverg -
„mikh tsit in gas!“ eyn heft fun heftn dray, dem mitlstn, a tsverg on fis un on a kop.

14-15-16.12.1943

(12) yud-beyz, di Mila-gas

s'iz do a gas in Varshe, dos iz di Mila-gas, o, rayst aroys di hertser zikh fun brust
un leygt onshtot di hertser shteyner dort arayn, o, rayst aroys fun kop di oygn nas
un leygt aruf af zey sharboynes, vi ir volt es nit gezen un nit derfun gevust,
farshtopt di oyern un hert nit - toyb! ikh gey dertseyln fun der Mila-gas.

s'iz do a gas in Varshe - di Mila-gas... ver veynt? un shtil azoy? nit ikh, ikh veyn nit, neyn!
di Mila-gas shtaygt iber ale trern, s'veynt ka yid nit. goyim ven zey voltn es gezen
zey voltn demolt oysgebrokhn in a moyredikn ale, in a bitern geveyn,
a goy iz ober in dem tog fun Mila-gas, in tog in yenem, in dem geto nit geven.

yidn nor un daytshn... yidn! yidn! yidn! azoy a sakh, un merer nokh - men hot
dray hundert fuftsik toyznt yidn fun eyn Varshe, Varshever derharget shoyn -
di alte oysgeshosn afn beys-hakhaim, di iberike ale aroysgefirt fun shtot
in di Treblinkes - un di Mila-gas iz ful, iz iberful vi di vagones, kuk un shtoyn!

fun vanen? men hot dokh ale oysgeharget shoyn! men hot dokh ale oysgeshosn un dershtikt!
dos zenen yidn fun di shopn af dem shtikl Novolipye un af dem shtikl Lesh -
di yidn mit di numerlekh, o yidn gliklekhe! yidn velkhe es hot opgeglikt
un hobn zikh arayngekrogn in a shop, s'letste bisl yidn, yo, di resht! di resht...

yidn fun di dozike di shopn un yidn azh fun Gensha, fun het-het, kehile-yidn, di
mit di blekhn af der brust un bezimer in hant vos kern oys di gasn pust,
di platsuvke-yidn vos geyen mit gezang aroys fun geto yedn in der fri,
un yidn fun baheltenishn... es zenen yidn nokh in Varshe do! ikh hob es nit gevust...

halevay zey voltn nit geven! zey voltn nit geboyrn vern af der doziker der erd!
un oyb geboyrn shoyn - halevay volt men zey frier opgeton zey zeyer rekht -
eyder ir derlebn, ir, di Mila-gas... a gas aza in Varshe, hert ale, hert:
nokh gut vos s'iz ka Got nito... s'iz take shlekht on em, o, zeyer, zeyer shlekht!

nor tomer volt er zayn - volt erger nokh geven! i got un i di Mila-gas... aza a por!
o, nemt aroys di kinder ayere bahaltn in valizes, shlaydert zey, tseshmetert zey on vant!
tsindt fayern groys on un shpringt ahin arayn mit hent farbrokhn, rayst zikh ba di hor:
s'iz do a Got! umgerekhtikeyt aza! a shpot aza! un groys aza a shand!

bald in der fri, fartog nokh, eyder nokh s'iz beyz un umgerekht gevorn tog,
hot men gevust in kelern bahaltn un af boydemer un umetum, un do un dort:
„ale yidn muzn biz a zeyger tsen, nit shpeter nit ka hor, zikh tsushteln af Mila-gas, men mog
mitnemen nor hant-gepek... un blaybt ver in der heym - er vet dershosn vern afn ort“.

bald in der fri hot ongehoybn zikh fun ale zaytn groys un mekhtik a gegey,
di zenen ersht aroysgeshtign funem keler, di arop fun boydem, men derkent dokh bald
vu yeder eyner iz geven bahaltn... kranke fun di betn, ze, es tut zey shoyn nit vey!
du nor nit helf bam geyn zey, nit halt zey unter un hoyb nit eynem uf ven eyner falt -

er geyt af Mila. ale mir, mir geyen af der Mila, in a sho arum un s'vet
ka yid ka lebediker zikh nit mer gefinen do vi af der Dzelna, vi af Pave, s'iz shoyn nayn!
in a sho arum vet Varshe oyszen shoyn vi ale yidishe itst groyse shtet
un shtetelekh in Poyln un in Lite un umetum vu daytshn raysn zikh arayn.

un in a sho arum - un oysgeloshn hot di zun zikh iber Varshe un iz mit undz avek
af Mila-gas, mit iber hundert toyznt geblibene nokh yidn af der Mila-gas -
neyn, nisht di zun! a shrek fun himl hot akhzoryesdik bagleyt undz, groys a shrek,
af yedn ponem fun di iber hundert toyznt yidn falt ir opshayn blas...

a shrek! s'iz ful mit ir di gas, di Mila-gas vi mit yidn ful, zi shvebt in luft, -
mir oykh! mir oykh! mir ale do gehern shoyn nit tsu der erd, zi rukt avek zikh fun unter undz're fis,
ikh ze bakonte fraynt un hob fargesn zey're nemen, fargesn vi azoy men ruft
zey alemen, vi toyte... ver iz der? un der do? di froy do mitn kind, un yene dort ver iz?

ikh hob arayngekhapt zikh in a shtub un opgelegn mit mayn zun af dr'erd a gantsn tog
un knap a nakht. mir hobn zikh fartog gefedert, oysgeshtelt zikh in di reyen fun mayn shop -
tsu finf in rey, aroys af der selektsye, zikh shteln af der vogshol, af der daytsher vog
getoyt tsu vern bald tsi shpeter... ikh bin farbaygegangen zey un ufgehoybn hoykh mayn kop.

ikh hob gekukt un hob gezen: men hot a yid a zak aropgenumen fun zayn pleytse dar,
un der zak hot ongehoybn veynen... a kind! a yidish kind! der zhandar brent:
er zukht dem tatn... shrayt tsum kind: derken em! dos yingele kukt on zayn tatn shtar,
er kukt em on un veynt nit... er kukt em on dem tatn zaynem un hot em nisht derkent!

dos yingele! un s'hot der daytsh aroysgeshlept a tsveytn yid fun rey, an „umshuldikn“ - du!
un hot avekgeshtelt zey beydn tsu di toyznter gekhasmete tsum toyt - aza a shpas!
ikh hob gezen - o, lozt mikh, fregt mikh nisht, nit fregt mikh - vos? nit ven? nit fregt mikh vu!
ikh hob bashvoyrn aykh: nit forshn gornisht un nisht hern ka mol fun der Mila-gas.

24-25-26.12.1943

(13) yud-giml, mit khalutsim

o, fregt nit keyner, nit dermont mir mer di Mila-gas, z'iz ful geven un iz gevorn bald tsunisht.
iber hundert toyznt yidn zenen dort geven mit klumiklekh, mit rentselekh af pleytses un in hent,
un in di klumiklekh a hemd, a hantukh, broyt a shtikl mit kinder kleyne oysgemisht,
blase vi der layvnt, trukn vi di shtiklekh broyt in zey, un shtum, farshtumt vi vent.

s'hot nit geholfn gornisht, men hot zey alemen gefunen, oysgefunen, zey dertapt
tif in di kelern, af boydemer bahaltn, af politses farshtoybt, in berglekh mist,
un umetum. di Mila-gas iz ful geven mit undz. vos kumt aroys: geblibn zenen knap!
men hot undz oysgeshosn afn ort un tsum toyt aroysgefirt in vegn vist.

a kleyner teyl fun undz hot umgekert in shop zikh, dort, af der Novolipye un der Lesh,
ikh hob gedreyt di shpul-rod, mayn zun, eyntsik mir geblibener, z'geshtanen shtum ba a mashin.
di shop, - o, vinklen miese fun a mizbeyekh umreyn, tsvantsik toyznt yidn klamern zikh nokh on aykh, di resht
in geto... ver s'hot in yene teg dem geto nisht gezen! ver s'hot nisht dan farblondzhet dort ahin!

men hot gevoynt in mistkastns. in gas iz varm nokh un in der voynung fremd -
s'hot keyner in zayn voynung nit gevoynt, un s'hot in voynungen umheymlekh g'yogt a kelt,
men hot dos oreme gekekhts gegesn fun a fremdn teler, getrogn nisht dos eyg'ne hemd,
in betn fremde kalt un hart geleygt zikh... o, betn fremde, in a fremd getselt!

kh'hob oft zikh ayngeshtelt, aroysgerisn zikh fun shop, geshmuglt zikh geheym durkh gasn ler,
arayngeganvet zikh in geto, kh'hob tsugezen a lebn dort, dos lebn groylik af a vayl,
tsu vos? tsu ven? kh'hob fraynt gehat do noente - ikh hob zey keynem shoyn nit mer!
kh'hob in geayl arayngerisn zikh in geto un rays aroys fun dort zikh in geayl.

kh'hob fraynt gehat do, noente, shrayber yidishe un muziker un moler - nishto zey keynem shoyn,
men hot zey ale oysgeharget, Hilel Tseytlinen - men hot in tales em, tsum umshlak em farshlept,
un afn umshlak em dershosn. Yisroel Shtern! Gilbert - brilyantn groys in undzer kroyn -
Varshavskis! Davidovitshes! Zhak Levis un Ostshegas - o, kroynen shtolts af yidishe af kep!

un in a vokh arum - un kh'ganve zikh arayn in geto vider... ikh hob dortn Tsukermanen, yo!
Yitskhok Tsukermanen hob ikh, Tsivyen hob ikh - di shenste un di beste af der erd!
khalutsim! yo! ver zogt: mir hobn alts af dr'erd farloyrn shoyn? khalutsim zenen do!
s'iz do an inhalt nokh, an onhalt... ikh veyn nit, neyn, di oygn zenen mir nor koym fartrert.

Yitskhok! r'hot yene vokh gebrakht a grus fun Krakoy mir: Laban! Laban der kholets hot
a barikht em opgegebn vifl ofitsirn fun es-es men hot avekgeleygt... a grus,
un bam barikht - „hent hoykh!” Laban in ofitsirn-mantl z'arestirt, Yitskhok antloyft, dreyt fremd in shtot
arum zikh, mit a fus adurkhgeshosn, s'blut rint in shtivl... Yitskhok! ligt, ligt! vos makht der fus?

dos iz geven der zibtsenter yanvar, yor dray un fertsik, ikh bin geblibn dort di nakht,
un az s'hot ongehoybn koym tsu togn - beser ven es volt nit vern shoyn, nit ka mol tog!
ikh bin aroys in gas, gegreyt in veg zikh, fun Zamenhof af Novolipye - der geto iz farmakht!
es-es tseyogt undz: tsrik! s'kumen on zhandarmen, hoykh di biksn, tseshteln zikh in yedn rog.

shoyn vider! vider? vos ken shoyn zayn do vider? es iz dokh oys mit undz! akh, s'vert mir kalt un heys,
ikh gey tsurik tsum zun, tsu di khalutsim... zey veysn shoyn, s'hot ver fun droysn shoyn gebrakht di nays...
Tsivye! ze, Yitskhok, er oykh iz af di fis, af dem gezuntn un dem durkhgeshosenem - ver veys
tsi s'rint dos blut fun em nit in dem shtivl?... r'hot mikh derzen un iz fun blas gevorn vays

vi kalkh... r'zent vays vi kalkh, Yitskhok! ikh hob's em nit gezogt... er ruft a kholets tsu - „gey glaykh
un zukh a bunker uf do in dem hoyf un fir arayn zey!” ikh nem Yitskhokn farn hant on - „her,
Yitskhok!” un ikh drik em fest di hant, er roytlt zikh... „Yitskhok! ikh vil do zayn mit aykh,
Tsvi - oyb er vil... er oykh! er vil nit geyn... Yitskhok!” un s'kumt arayn a kholets un farteylt gever.

far mir iz nit gevezn, gor nisht... nor s'iz far mir, far mir gevezn alts! hagam tsu shpet...
neyn, neyn! s'iz ka mol nit tsu shpet! der letster yid - koym leygt avek er a retseyekh ratevet zayn folk?
men ken a folk an oysgehargetn shoyn rateven dokh oykh... ratevet! ikh hob tsu zey geredt,
ikh hob geshtarkt zey, yo! i zey i mikh geshtarkt, ikh hob tsu zey geredt, gevuntshn zey derfolg.

zey hobn zikh tseshtelt, khalutsim af der vakh, hart ba der tir, in alker un hekher af a trep,
lem fenster hot ver oysgerufn shtil alts vos in gas kumt for, ikh hob gekukt farshteynert in a shoyb,
zi iz aroys tsum umshlak... vey mir, men firt zey shoyn farshvigene, aropgelozn tif di kep
o, yidn mayne, letste mayne fun mayn folk, farvos bin ikh nit blind? farvos bin ikh nisht toyb?

shat, a gelof, zhandarmen tsvey antloyfn leng oys di gas, s'kumen tsrik bald mer, zey tsindn unter a gebay,
a hayzl kleyn tseflakert zikh antkegn mayne fentster, a fayerlesher shlekht onshtot tsu leshn - blozt
di flam funander, r'geyt tsum daytsh tsu, redt tsu em af poylish: do hobn zikh bahaltn gantse dray!
men shlept aroys zey - un s'roytlt zikh der shney vays un s'roykhlt varm zikh in frost.

shat, shat! men iz shoyn do ba undz! ikh ze dos ponem nit fun daytsh, zayn pleytse nor,
s'hot keyner em, dem daytsh, in pleytse nit geshosn, er hot a koyl bakumen in der brust,
es falt der tsveyter oykh - ”di yuden shisn!” hot bavizn ver fun zey dershtoynt a ruf ton, yo, take vor!
Skharye, du! un Elyezer, do - khalutsim! un af der Nizka - shomrim. yo, ir, ir! zey hobn s'nit gevust...

3-4-5.1.1944

(14) yud-daled, di end

zey hobn nit gevust, zikh nit gerikht - „di yuden shisn!“ ikh hob gehert dem oysvurfs ekldike shtim
eyder nokh di umreyne neshome z'em aroys, s'iz nit geven ka oysruf, nor a beyz vunder - s'taytsh?!
a shtoynen vist un oysterlish un umgerikht azoy: „di yuden shisn!“ o, nisht aleyn fun em,
s'iz a ruf gevezn fun a merder-folk, fun akhtsik milyon: zey oykh! di yidn makhn's oykh vi mir, vi yeder daytsh.

vey undz! mir kenen, yo mir kenen zikh antkegn shteln oykh un aykh derharegenen, mir oykh! mir oykh!
mir kenen ober dos vos ir hot ka mol nisht gekent un vet nit kenen ka mol af der erd -
nit hargenen a tsveytn! nit oysrotn a folk vayl er iz verloz, vos hoybt umzist di oygn in der hoykh.
ir kent nit nit derhargenen, ir zindike fun der natur, ir muzt's, eybike ir fokher mit der shverd.

ikh ken aykh gut! un iz mayn vort nit shtark vi s'vort fun mayne oves, di neviim, ikh hob adurkhgedrungen aykh vi zey!
onheyb yul, beys zey hobn ongehoybn undz aroysfirn tsum toyt fun Varshe, hot men baratn zikh, ikh, ven ikh bin
af yener zitsung - ikh volt geven mit di khalutsim, ikh volt mit zey dan ufgehoybn a geshrey -
tamus nafshi! yo... zey harg'nen oys undz ale, vi in Lite, in Ukraine, Volinyen un Lublin!

s'volt nit geholfn, kh'veys... nit vayl mir hobn nit gehat nit keyner, nit ka simen fun gever -
a hak iz oykh fun ayzn, un koyln grobn zikh nit tifer ayn in layb vi negl sharf,
nor yidn in Amerike, in Ertsisroel, zey voltn vayt un troyerik af undz nokh undz gelozt a trer
un shtil, un efsher nit gor shtil a zog geton: akh, ven men shtelt zikh nit antkegn! men hot es nit badarft...

neyn, nit badarft! vey mir, ikh bin far nay-yor nokh gezesn shtum, mit yidn nokh, mit layters fun a shop,
un yidn poylish-reydndike hobn oysgedrikt groys zeyer tsorn un zeyer veytik kleyn: -
„aza a folk! vos hot gelozn zikh vi kelber oysshekhtn, aza a folk!“ un hobn beyz geshoklt mitn kop...
vey, vey, dos folk vos muz geharget vern, oysgeharget vern af der erd un iz nit yoytse nokh far zikh aleyn!

dem akhttsentn in ershtn hob ikh gezen finf toyznt fun mayn folk genumen un gefirt tsum toyt,
un daytshn tsvey nor, rotskhim tsvey hob ikh gezen fun di in yenem tog avekgeleygte tsvelf,
nor tsvelf! un s'hot af zey, af di bavofnte pakhdonim, fartsitert kalt di hoyt,
„di yuden shisn!“ un zey hobn zalbe tsveyt in undzere baheltenishn zikh nit mer bavizn, nor makhnesvayz vi velf.

vi velf! ikh hob mit yidn yung gekletert iber moyern, af dekher shif, mit shney un ayz badekt, a gantsn blok
fun akht-un-fuftsik Zamenhof af fir-un-fertsik Muranov un funem dakh arunter in dem hoyz,
ikh mit khaveyrim etlekhe blayb af dem boydem. un s'hobn etlekhe aropgelozn zikh fun dortn af a shtok,
dos hobn zey dershosn nokh tsvey merder, ikh hob zey nit gezen, ikh hob gehert di shosn bloyz.

farnakht bin ikh avek mit alemen af Mila eyn-un-zekhtsik, shoyn mit a biks un revolvern nokh - a shats!
afmorgn hot men zikh tseteylt, ikh bin tsvishn hunderter gezesn af a boydem - kalt un lang un shmol,
es hot a froy lem mir a hust geton eyn mol un nokh amol, a yid iz tsu ir tsugeshprungen vi a kats
un gevart, mit finger oysgeshtrekt, mit negl sharf - er vart af nokh a hust... koym hust zi nokh amol!

in a vokh arum hob ikh zikh umgekert in shop... af Novolipye hobn yidn oykh a sakh gefelt,
un af der Lesh, dort iz gevezn laykhter umtsubrengen undz, men hot deriber undz in shopn kontsentrirt,
Bitsh! vu biste, Bitsh? fun kleynem Bund nisht lang un tif a yid itst! men hot af Novolipye oykh antkegn zikh geshtelt!
oykh af der Lesh! men hot di teg oykh in di shopn oysgeharget undz, fun shopn undz tsum toyt aroysgefirt.

mir vern nit fun tog tsu tog un keyner shtarbt nit, s'hot keyner nit bavizn shtarbn vi men iz gevoynt geven amol.
men harget oys undz, di fun a koyl in gas, di farpaynikt af Zhelazna hundert dray, un di aroysgefirt - gvald!
mir vilt zikh shrayen gvald! mir vilt zikh loyfn in di gasn, vayt un breyt farbrekhn mit di hent un shrayen afn kol...
un freyd iz oykh faran: gever! men koyft gever! men rayst aroys zikh in di velder oykh, Tsvi vil in vald -

aza a bisl yidn! aza a kap un s'zenen iberike tsvishn zey do - Alfred Nosig yimakh shmoy
un politsyantn yidishe, akh yidn, yidn vos hobn zikh farkoyft tsum daytsh... in payn in dem iz undz a treyst bashert.
yidn shisn zey vi hint oys... shist! tsen shlekhte yidn harget, eyder hargenen eyn shlekhtn goy.
nit ale harget men. es zenen gelt-zek do, un zey bashtayert men: azoy fil un azoy fil af gever!

un durkhgeng zenen do durkh boydemer, fun Lesh af Novolipye, fun Novolipye firt a boydem in a hoyf
af Smotshe, fun Smotshe vist a gas, az men farnemt mit a revolver zikh rekhts un durkh a lokh
in a moyer dik - kumt men glaykh arayn in geto, treft a daytsh dikh - gey! gey dreyst dayn veg, nisht loyf -
er iz dir khoyshed az du host gever un er maydt dikh oys... vos nokh? vos vilste tayerer mayn fraynt den nokh?

du vilst dos zelbe dokh vi ikh... ikh vil es zol a shlak mikh trefn, aniderleygn mikh, khotsh shoyn - un oys!
di shopn trogn zikh in arbeyts-lagern ariber mitn letstn hayfl yidn in Lubliner kant -
ikh vel ahin nit forn... neyn! nito far mir ka bunker do un tsu dir, aryer, ken ikh nit aroys,
s'krign etlekhe fun kroyvim oyslandspeser, yo... volt ergets-vu zikh emetser on mir dermont...

ikh bin far ale mayne shoyn geshtorbn... halevay volt ikh geshtorbn, ikh ober vel nit shtarbn, neyn, men vet
mikh hargenen... ikh bin shoyn nit af Novolipye, zi likvidirt zikh, kh'valger af der Lesh zikh shoyn zayt teg,
ba a bakantn zitst a yungerman blas un dertseylt: er kumt fun veg itst, er iz adurkhgegangen shtet
un shtetlekh in Kroyn-Poyln, er hot ka yid shoyn dortn nit gezen, nit bagegnt keynem af a veg.

dos iz geven tsvey teg far Peysekh. un erev Peysekh fri z'geven shoyn oys mit Lesh, un af der Lesh
hob ikh in mayn baheltenish gehert kanonen tog un nakht, banakht hob ikh gezen es brent -
der geto brent, er brent af zayne moyern un zayne letste yidn, s'fayer hesht un hesht,
der himl iz geven baloykhtn un oyb s'iz do dort ver, hot tsugekukt zikh un gezen di end.

9-13.1.1944

(15) tes-vov, nokh alemen

di end. der himl flakert in di nekht, er viklt in a roykh batog zikh un tsindt banakht zikh vider on, a shrek!
lehavdl vi der midber, vild, in undzer fristn onheyb: batog a volkn-zayl un hel a fayer-zayl banakht -
mayn folk, er iz in freyd, geshtarkt in gloybn, a lebn yung antkegn dan gegangen, un itst - a sof, an ek...
men hot undz oysgeharget ale af der erd, fun kleyn biz groys, men hot undz alemen do umgebrakht.

farvos? o, fregt nit, keyner nit - farvos? vayl yeder veys es, fun dem bestn biz dem ergstn goy -
der ergster hot di daytshn tsugeholfn, der bester hot tsugekukt zikh mit eyn oyg, gemakht zikh... az er shloft -
neyn, neyn, s'vet keyner nit ka rekhnshaft farlangen, nit nokhforshn, nit fregn zikh: farvos azoy?
undzer blut iz hefker, men meg fargisn em, men ken undz umbrengen, dermordn umbashtroft.

ba di polyakn hobn zey gezukht di frayheyts-kemfer, nor di af vemen s'iz gefaln koym a khshad
az er iz tray zayn folk... di rusn hot men oysgeharget merer nokh in derfer un in ale shtet -
„partizaner!” ba undz hot men geharget kinder in di vign, azelkhe vos di mame hot nokh nit gehat,
men hot gefirt undz ale in Treblinki, un farn teytn undz, gevondn zikh, tsu undz geredt:

„ir tut zikh oys do, leygt di kleyder af an ort, di shikh tsu por, lozt iber alts do vos ir hot,
ir vet dokh alts nokh darfn, di kleyder un di shikh un alts, alts vos ir lozt do iber, ir kumt dokh bald tsurik!
ir zent fun veg, ayo? fun Varshe? fun Pariz? fun Prog? fun Saloniki? geyt nemt a bod!”.
un s'vern toyznt in a zal arayngelozn... un toyznt vartn naket biz di ershte toyznt vert dershtikt.

azoy hot men undz umgebrakht, fun Grikhnland biz in Norvegyen un biz far Moskve - ba zibn milyon,
nit rekhenendik kinder yidishe in baykher, aleyn di shvangere, di erev-mames kumen in batrakht,
un blaybt a yid vayt in Amerike, in Ertsisroel noent - mon oykh di kinder ba der velt, mon, mon
di nit geboyrene nokh un derharget, mon di dershtikte mit der mamen in der mames trakht.

farvos? es fregt nit, keyner nit af dr'erd, un alts, alts fregt: farvos? her, her!
yede voynung vist in khoreve in moyern, in toyznt shtet un shtetlekh toyznter un merer fregt:
farvos? her, her: vayl viste dires zenen lang nit vist, un heymen, heymen lere zenen lang nit ler -
es klaybt an ander folk aher arayn zikh un mentshn andere, an andere a shprakh, un andere di nekht un teg.

es vet di zun mer in ir ufshtayg iber kleyn a shtetele in Lite un in Poyln nit trefn shoyn a yid
a likhtikn in fentster, an altitshkn, a zogndikn a kapitl tilim un a tsveytn geyendik in shul -
es veln alts nokh poyern in furn af ale vegn ir antkegn forn, zey veln alts nokh forn tsum yarid,
azoy fil goyim - gvald! merer nokh vi frier! un der mark, der mark iz toyt! der mark iz ful un iz nit ful!

es vet a yid nit mer bashaynen di yaridn vayt arum, nit mer balebn zey, nit mer araynblozn in zey a gayst
un s'vet nit mer tsefokhn zikh a yidishe kapote iber merk mit zek kartofl, mel un kashes, un a hant
a yidishe vet nit a heyb ton un a tap ton veykh a hun, a kelbl nit ka glet ton... dos poyerl a shikerer, er shmayst
zayn ferdele in tsar, er shlept di fule fur tsurik in dorf arayn... nito! nito ka yidn mer in land!

un kinder yidishe - zey veln zikh nit ufkhapn fun shlof shoyn, fun khaloymes likhtik yedn in der fri -
nit geyn in kheyder mer, nit mer farkukn zikh af feygelekh, nit shtifn mer, nit shpiln zikh in zamd,
o, yingelekh, ir yidishe, o, shaynendike oygelekh! malokhimlekh... fun vanen ir? fun hi? un nisht fun hi!
o, shonkevdike meydelekh, ir likhtike, ir tsikhtike, khotsh ayngerikht di penemlekh un nisht farkamt.

nito zey shoyn! o, fregt nit dort af yene zaytn yam, nit fregt zikh af Kasrilevke, nit af Yehupets... lozt gemakh!
zukh nit keyner, nit di Menakhem-Mendelekh, di Tevye-Milkhikers, di Shloyme Nogeds, di Motke Ganefs, o nit zukh!
zey veln dir, vi di neviim dayne, vi Yeshaye, Yirmyohu, Yekhezkl, vi Hoysheye, Omes fun dem eybikn Tanakh,
aroysveynen azoy fun Byalikn, aroysreydn tsu dir fun Sholem-Aleykhemen, fun Sholem Ashs a bukh.

es vet dos kol fun Toyre zikh nit lozn hern fun yeshives mer, fun ka besmedresh, un bokherimlekh blas,
geeydlte in lernen, in fartifn zikh in der Gemore, in fartrakhtn zikh... neyn, neyn, nit blas, es iz aza a shayn!
farloshn shoyn... rabonim, roshe-yeshives, yidn lerner, geoynim dar un kvar un shvakh un ongefilt mit shas,
mit poskim, kleyne yidelekh mit groyse kep, mit hoykhe shterns, oygn klor - nito zey shoyn, zey veln mer nit zayn.

es vet a mame nit farvign mer a kind, men vet nit shtarbn shoyn ba yidn un nit geboyrn vern mer,
nit gezungen vern veln lider hartsike fun yidishe fun dikhter, fun shrayber groyse, shoyn farbay, farbay!
un yidishe teaters veln mer nit zayn shoyn, men vet nit lakhn dort, nit lozn shtil a trer,
un muziker un moler yidishe, Bartshinskis, zey veln mer in freyd un leyd nit shafn, nit zukhn vegn nay.

un s'veln yidn in di shtet nit shteyn in kamf shoyn, nit makrev zayn zikh mer far yenems voyl,
men vet nit heyln mer, nit lindern a fremdn veytik, nit filndik dem eygenem, dem shmarts,
o, narisher du goy, du oykh host fun a zayt in yid arayngeshosn, un dikh, dikh oykh getrofn hot di koyl!
o, ver vet helfn dir, di lender dayne boyen? ver vet azoy a sakh avekgebn neshome dir un harts?

un mayne komunistn hitskep veln zikh nit ampern shoyn mer, nit krign zikh mit mayne masn funem Bund,
un beyde zey mit mayne frayste, mit di trayste mayne, vos hobn gants dem yokh af zikh geshlept -
khalutsim yidishe! zey hobn zikh der velt avekgeshonken un nit farlozn zi di eygene di vund,
kh'hob tsugekukt zikh tsu di krigerayen un geveytikt... nor volt ir vayter zikh arumgerisn, abi ir volt gelebt!

vey mir, nito, nit keyner shoyn... geven a folk, geven, un shoyn nito... geven a folk, geven, un shoyn... shoyn oys?
a maysele aza, es heybt fun Khumeshl zikh on un biz, biz itst... a maysele gor troyerik, ver zogt az sheyn?
a mayse fun Amolekn un biz an ergern fun em, dem daytsh... o, himl vayt, o, breyt di erd, o, yamim groys -
nit balt tsuzamen in eyn knoyl zikh un nit farnikht di shlekhte af der erd, zoln zey farnikhtn zikh aleyn!

15-16-18.1.1944

With many thanks to Tomasz Majtczak for his outstanding proofreading
Commenting is disabled for this post.

Post has attachment
Przedłużamy zgłoszenia do końca czerwca.
Photo
Add a comment...

Post has attachment
PhotoPhotoPhotoPhotoPhoto
"Dos lid" and its translations
43 Photos - View album
Add a comment...

Katzenelson Bibliography:

Beltrán Cejudo, Gerardo (2015): Sobre la traducción de la forma en las versiones española y judeo-española de "El canto del pueblo judío asesinado" de Yitsjok Katzenelson, Varsovia: Instituto de Estudios Ibéricos e Iberoamericanos de la Universidad de Varsovia.

Biermann, Wolf (1994): Jizchak Katzenelson, ein Jude. In: Katzenelson, Jizchak: Dos lied vunem ojsgehargetn jidischn volk. Großer Gesang vom ausgerotteten jüdischen Volk [aus dem Jiddischen übersetzt von Wolf Biermann], Köln: Kiepenheuer & Witsch, pp. 7-29.

Biermann, Wolf (1994): Katzenelson, der Jid (oder über die Arbeit des Übersetzers). In: Katzenelson, Jizchak: Dos lied vunem ojsgehargetn jidischn volk. Großer Gesang vom ausgerotteten jüdischen Volk [aus dem Jiddischen übersetzt von Wolf Biermann], Köln: Kiepenheuer & Witsch, pp. 197-226.

Cohen, Myer (1964): Biographical Notes. In: Katzenelson, Yitshak: Vittel Diary, translated from the Hebrew by Myer Cohen, Tel-Aviv: Ghetto Fighters' House, pp. 9-40.

Davies, Peter (2014): “Die Juden schiessen!” Translations by Hermann Adler and Wolf Biermann of Yitzhak Katzenelson's epic poem of the Warsaw Ghetto, “Modern Language Review”, 109(3), pp. 708-725.

Ertel, Rachel (2007): Reste en écho la voix. In: Katzenelson, Yitskhok: Le chant du peuple juif assassiné, Traduit du yiddish par Batia Baum. Présenté par Rachel Ertel, Paris: Zulma, pp. 101-148.

Ficowski, Jerzy (1982): Słowo o Icchaku Kacenelsonie. In: Kacenelson, Icchak: Pieśń o zamordowanym żydowskim narodzie, przekład, wstęp i przypisy Jerzy Ficowski, Warszawa: Czytelnik, pp. 6-11.

Folman Raban, Havka (2001): My Teacher, Yitzhak Katzenelson. In: Folman Raban, Havka: They are still with me, translated from Hebrew by Judy Grossman, Tel-Aviv: Ghetto Fighters' Museum, pp. 174-179.

Holtzman, Avner: Katzenelson, Yitshak, In: http://www.yivoencyclopedia.org/article.aspx/Katzenelson_Yitshak

Katznelson, Yitskhak (1958): Letter to Berl Katznelson and Yitzhak Tabenkin [translated by T.M. Lask], In: Szner, Zvi (Ed.), Extermination and Resistance. Historical Records and Source Material, Israel: Ghetto Fighter’s House, p. 27.

Katzenelson, Yitshak (1964): Vittel Diary, translated from the Hebrew by Myer Cohen, Tel-Aviv: Ghetto Fighters' House.

Katzenelson, Yitzkhak (1984), Yiddish Ghetto Writings. Warsaw 1940-1943, Edited from rescued Manuscripts with Introductions and Explanations by Yechiel Szeintuch, Tel-Aviv: Ghetto Fighters’ House and Hakibbutz Hameuchad [in Yiddish].

Katsenelson-Nakhumov, Tsipoyre (1948): Yitskhok Katsenelson, Buenos-Ayres: Tsentral farlag fun poylishe yidn in Argentine.

Katznelson Nachumow, Tzipora: Reb Yaakov Binyamin and his son Yitzchak Kacelenson, In: http://www.jewishgen.org/yizkor/zgierz/zgi421.html

Lubetkin, Zivia (1981): With Yitzkhak Katzenelson, In: Lubetkin, Zivia: In the Days of Destruction and Revolt, Tel-Aviv: Hakibbutz Hameuchad Publishing House, pp. 62-67.

Pawelec, Andrzej / Sitarz, Magdalena (2014): Ostatni Żyd w Europie, „Zeszyty Naukowe Centrum Badań im. Edyty Stein”, 12, pp. 203-220.
Pawelec, Andrzej / Sitarz, Magdalena (2015): Lekcja martwego języka: „Pieśń o zamordowanym żydowskim narodzie” Jicchoka Kacenelsona, „Wkład w przekład” 3, pp. 115-127.

Ravitsh, Melekh (1945), Yitskhok Katsenelson, In: Ravitsh, Melekh, Mayn leksikon, Montreal, vol. 1, pp. 221-223.

Reyzen, Zalman (1929), Yitskhok Katsenelson, In: Reyzen, Zalman, Leksikon fun der yidisher literatur, prese un filologye, Vilne: Kletskin 1929, vol. 3, pp. 539-546.

Reyzen, Zalman (1914), Yitskhok Katsenelson, In: Reyzen, Zalman, Leksikon fun der yudisher literatur un prese, Varshoy: Tsentral, pp. 552-553.

Sened, Yonad (2008): Vorwort, In: Katzenelson, Jizchak, Aufzeichnungen aus dem Internierugslager Vittel [translated by H. Homfeld] Rendsburg: Helmut Homfeld, pp. 1–6.

Shner, Moshe (2011): Janusz Korczak and Itzhak Katzenelson. Two Educators in the Abysses of History [in Hebrew], Tel Aviv: Tel Aviv University.

Shulman, Eliohu (1981), Yitskhok Katsenelson, In: Kahan, Berl; Naks, Azriel; Shulman Eliohu (Eds.), Leksikon fun der nayer yidisher literatur, Nyu-York: Alveltlekher yidisher kultur-kongres, vol. 8, pp. 122-124.

Shner, Tali: Muki Tsur’s "Wind of Sorrow": In the Footsteps of Yitzhak Katzenelson: A Review, In: http://gfh.org.il/Eng/?CategoryID=349&ArticleID=553&dbsAuthToken=

Sitarz, Magdalena (2016), Religiöse Motive in den Ghetto-Dramen von Yitskhok Katsenelson, In: Jastal, Katarzyna; Zarychta, Paweł; Dąbrowska, Anna (Eds.) Odysseen des Humanen: Antike, Judentum und Christentum in der deutschsprachigen Literatur , Frankfurt am Main: Peter Lang, pp. 389-397.

Sitarz, Magdalena (2013): Wolf Biermann: deutsch-jüdischer Dichter und Übersetzer. In: Paslawska, Alla (Ed.) XX. UDGV-Tagung. Begegnungen zwischen der Ukraine und den deutschsprachigen Ländern in Literatur, Sprache und Kultur, Lwiw: Ukrainischer Deutschlehrer- und Germanistenverband, pp. 230-232.

Sitarz, Magdalena / Pawelec, Andrzej (2015): Dwugłos o Bogu w czasie Zagłady: Asz a Kacenelson, in: Daniel Kalinowski (ed.), Szalom Asz dialogiczny. Wstępne rozpoznania, Kutno: Społeczna Fundacja Miasta Kutna, pp. 97-113.

Sitarz, Magdalena / Pawelec, Andrzej (2015): ’Fartaytsht un farbesert’: Wolf Biermann and Yitskhok Katsenelson's ‘Dos lid funem oysgehargetn yidishn folk’, in: Studia Litteraria Universitatis Iagellonicae Cracoviensis, 10.1, pp. 37–44.

Szczepan-Wojnarska, Anna Maria: Kacenelson Ichcak, In: http://www.sztetl.org.pl/en/person/72,icchak-kacenelson/

Szeintuch, Yechiel (1984): The Warsaw writings of Yitzhak Katzenelson (1940-1943). In: Katsenelson, Yitskhok, Yidishe geto-ksovim, edited by Yechiel Szeintuch, Tel-Aviv: Ghetto Fighters' House, pp. III-X.

Szeintuch Yechiel (1990): Yitzhak Katzenelson's rescued manuscripts [in Hebrew], Jerusalem: The Magnes Press, The Hebrew University od Jerusalem.

Szwarcman-Czarnota, Bella (2013): Icchak Kacenelson, In: http://www.culture.pl/pl/tworca/icchak-kacenelson

Tsur, Muki (2012): Wind of Sorrow [in Hebrew], Tel-Aviv: Hakibbutz Hameuchad Publishing House.

Zilbertsveyg, Zalman (1967), Yitskhok Katsenelson, in: Zilbertsveyg, Zalman, Leksikon fun yidishn teater: Meksike Siti: Elisheva, vol. 5, pp. 4686-4726.
Add a comment...

our research on Katsenelson:

Pawelec, Andrzej / Sitarz, Magdalena (2014): Ostatni Żyd w Europie, „Zeszyty Naukowe Centrum Badań im. Edyty Stein”, 12, pp. 203-220.
http://pressto.amu.edu.pl/index.php/cbes/article/view/1218

Pawelec, Andrzej / Sitarz, Magdalena (2015): Lekcja martwego języka: „Pieśń o zamordowanym żydowskim narodzie” Jicchoka Kacenelsona, „Wkład w przekład” 3, pp. 115-127.

Sitarz, Magdalena (2016), Religiöse Motive in den Ghetto-Dramen von Yitskhok Katsenelson, In: Jastal, Katarzyna; Zarychta, Paweł; Dąbrowska, Anna (Eds.) Odysseen des Humanen: Antike, Judentum und Christentum in der deutschsprachigen Literatur , Frankfurt am Main: Peter Lang, pp. 389-397.

Sitarz, Magdalena (2013): Wolf Biermann: deutsch-jüdischer Dichter und Übersetzer. In: Paslawska, Alla (Ed.) XX. UDGV-Tagung. Begegnungen zwischen der Ukraine und den deutschsprachigen Ländern in Literatur, Sprache und Kultur, Lwiw: Ukrainischer Deutschlehrer- und Germanistenverband, pp. 230-232.

Sitarz, Magdalena / Pawelec, Andrzej (2015): Dwugłos o Bogu w czasie Zagłady: Asz a Kacenelson, in: Daniel Kalinowski (ed.), Szalom Asz dialogiczny. Wstępne rozpoznania, Kutno: Społeczna Fundacja Miasta Kutna, pp. 97-113.

Sitarz, Magdalena / Pawelec, Andrzej (2015): ’Fartaytsht un farbesert’: Wolf Biermann and Yitskhok Katsenelson's ‘Dos lid funem oysgehargetn yidishn folk’, in: Studia Litteraria Universitatis Iagellonicae Cracoviensis, 10.1, pp. 37–44.
http://www.ejournals.eu/Studia-Litteraria/2015/Issue1/art/6245/
Add a comment...

(15) tes-vov, nokh alemen

di end. der himl flakert in di nekht, er viklt in a roykh batog zikh un tsindt banakht zikh vider on, a shrek!
lehavdl vi der midber, vild, in undzer fristn onheyb: batog a volkn-zayl un hel a fayer-zayl banakht -
mayn folk, er iz in freyd, geshtarkt in gloybn, a lebn yung antkegn dan gegangen, un itst - a sof, an ek...
men hot undz oysgeharget ale af der erd, fun kleyn biz groys, men hot undz alemen do umgebrakht.

farvos? o, fregt nit, keyner nit - farvos? vayl yeder veys es, fun dem bestn biz dem ergstn goy -
der ergster hot di daytshn tsugeholfn, der bester hot tsugekukt zikh mit eyn oyg, gemakht zikh... az er shloft -
neyn, neyn, s'vet keyner nit ka rekhnshaft farlangen, nit nokhforshn, nit fregn zikh: farvos azoy?
undzer blut iz hefker, men meg fargisn em, men ken undz umbrengen, dermordn umbashtroft.

ba di polyakn hobn zey gezukht di frayheyts-kemfer, nor di af vemen s'iz gefaln koym a khshad
az er iz tray zayn folk... di rusn hot men oysgeharget merer nokh in derfer un in ale shtet -
„partizaner!” ba undz hot men geharget kinder in di vign, azelkhe vos di mame hot nokh nit gehat,
men hot gefirt undz ale in Treblinki, un farn teytn undz, gevondn zikh, tsu undz geredt:

„ir tut zikh oys do, leygt di kleyder af an ort, di shikh tsu por, lozt iber alts do vos ir hot,
ir vet dokh alts nokh darfn, di kleyder un di shikh un alts, alts vos ir lozt do iber, ir kumt dokh bald tsurik!
ir zent fun veg, ayo? fun Varshe? fun Pariz? fun Prog? fun Saloniki? geyt nemt a bod!”.
un s'vern toyznt in a zal arayngelozn... un toyznt vartn naket biz di ershte toyznt vert dershtikt.

azoy hot men undz umgebrakht, fun Grikhnland biz in Norvegyen un biz far Moskve - ba zibn milyon,
nit rekhenendik kinder yidishe in baykher, aleyn di shvangere, di erev-mames kumen in batrakht,
un blaybt a yid vayt in Amerike, in Ertsisroel noent - mon oykh di kinder ba der velt, mon, mon
di nit geboyrene nokh un derharget, mon di dershtikte mit der mamen in der mames trakht.

farvos? es fregt nit, keyner nit af dr'erd, un alts, alts fregt: farvos? her, her!
yede voynung vist in khoreve in moyern, in toyznt shtet un shtetlekh toyznter un merer fregt:
farvos? her, her: vayl viste dires zenen lang nit vist, un heymen, heymen lere zenen lang nit ler -
es klaybt an ander folk aher arayn zikh un mentshn andere, an andere a shprakh, un andere di nekht un teg.

es vet di zun mer in ir ufshtayg iber kleyn a shtetele in Lite un in Poyln nit trefn shoyn a yid
a likhtikn in fentster, an altitshkn, a zogndikn a kapitl tilim un a tsveytn geyendik in shul -
es veln alts nokh poyern in furn af ale vegn ir antkegn forn, zey veln alts nokh forn tsum yarid,
azoy fil goyim - gvald! merer nokh vi frier! un der mark, der mark iz toyt! der mark iz ful un iz nit ful!

es vet a yid nit mer bashaynen di yaridn vayt arum, nit mer balebn zey, nit mer araynblozn in zey a gayst
un s'vet nit mer tsefokhn zikh a yidishe kapote iber merk mit zek kartofl, mel un kashes, un a hant
a yidishe vet nit a heyb ton un a tap ton veykh a hun, a kelbl nit ka glet ton... dos poyerl a shikerer, er shmayst
zayn ferdele in tsar, er shlept di fule fur tsurik in dorf arayn... nito! nito ka yidn mer in land!

un kinder yidishe - zey veln zikh nit ufkhapn fun shlof shoyn, fun khaloymes likhtik yedn in der fri -
nit geyn in kheyder mer, nit mer farkukn zikh af feygelekh, nit shtifn mer, nit shpiln zikh in zamd,
o, yingelekh, ir yidishe, o, shaynendike oygelekh! malokhimlekh... fun vanen ir? fun hi? un nisht fun hi!
o, shonkevdike meydelekh, ir likhtike, ir tsikhtike, khotsh ayngerikht di penemlekh un nisht farkamt.

nito zey shoyn! o, fregt nit dort af yene zaytn yam, nit fregt zikh af Kasrilevke, nit af Yehupets... lozt gemakh!
zukh nit keyner, nit di Menakhem-Mendelekh, di Tevye-Milkhikers, di Shloyme Nogeds, di Motke Ganefs, o nit zukh!
zey veln dir, vi di neviim dayne, vi Yeshaye, Yirmyohu, Yekhezkl, vi Hoysheye, Omes fun dem eybikn Tanakh,
aroysveynen azoy fun Byalikn, aroysreydn tsu dir fun Sholem-Aleykhemen, fun Sholem Ashs a bukh.

es vet dos kol fun Toyre zikh nit lozn hern fun yeshives mer, fun ka besmedresh, un bokherimlekh blas,
geeydlte in lernen, in fartifn zikh in der Gemore, in fartrakhtn zikh... neyn, neyn, nit blas, es iz aza a shayn!
farloshn shoyn... rabonim, roshe-yeshives, yidn lerner, geoynim dar un kvar un shvakh un ongefilt mit shas,
mit poskim, kleyne yidelekh mit groyse kep, mit hoykhe shterns, oygn klor - nito zey shoyn, zey veln mer nit zayn.

es vet a mame nit farvign mer a kind, men vet nit shtarbn shoyn ba yidn un nit geboyrn vern mer,
nit gezungen vern veln lider hartsike fun yidishe fun dikhter, fun shrayber groyse, shoyn farbay, farbay!
un yidishe teaters veln mer nit zayn shoyn, men vet nit lakhn dort, nit lozn shtil a trer,
un muziker un moler yidishe, Bartshinskis, zey veln mer in freyd un leyd nit shafn, nit zukhn vegn nay.

un s'veln yidn in di shtet nit shteyn in kamf shoyn, nit makrev zayn zikh mer far yenems voyl,
men vet nit heyln mer, nit lindern a fremdn veytik, nit filndik dem eygenem, dem shmarts,
o, narisher du goy, du oykh host fun a zayt in yid arayngeshosn, un dikh, dikh oykh getrofn hot di koyl!
o, ver vet helfn dir, di lender dayne boyen? ver vet azoy a sakh avekgebn neshome dir un harts?

un mayne komunistn hitskep veln zikh nit ampern shoyn mer, nit krign zikh mit mayne masn funem Bund,
un beyde zey mit mayne frayste, mit di trayste mayne, vos hobn gants dem yokh af zikh geshlept -
khalutsim yidishe! zey hobn zikh der velt avekgeshonken un nit farlozn zi di eygene di vund,
kh'hob tsugekukt zikh tsu di krigerayen un geveytikt... nor volt ir vayter zikh arumgerisn, abi ir volt gelebt!

vey mir, nito, nit keyner shoyn... geven a folk, geven, un shoyn nito... geven a folk, geven, un shoyn... shoyn oys?
a maysele aza, es heybt fun Khumeshl zikh on un biz, biz itst... a maysele gor troyerik, ver zogt az sheyn?
a mayse fun Amolekn un biz an ergern fun em, dem daytsh... o, himl vayt, o, breyt di erd, o, yamim groys -
nit balt tsuzamen in eyn knoyl zikh un nit farnikht di shlekhte af der erd, zoln zey farnikhtn zikh aleyn!

15-16-18.1.1944

Thanks to Tomasz Majtczak for the proofreading
Add a comment...

(14) yud-daled, di end

zey hobn nit gevust, zikh nit gerikht - „di yuden shisn!“ ikh hob gehert dem oysvurfs ekldike shtim
eyder nokh di umreyne neshome z'em aroys, s'iz nit geven ka oysruf, nor a beyz vunder - s'taytsh?!
a shtoynen vist un oysterlish un umgerikht azoy: „di yuden shisn!“ o, nisht aleyn fun em,
s'iz a ruf gevezn fun a merder-folk, fun akhtsik milyon: zey oykh! di yidn makhn's oykh vi mir, vi yeder daytsh.

vey undz! mir kenen, yo mir kenen zikh antkegn shteln oykh un aykh derharegenen, mir oykh! mir oykh!
mir kenen ober dos vos ir hot ka mol nisht gekent un vet nit kenen ka mol af der erd -
nit hargenen a tsveytn! nit oysrotn a folk vayl er iz verloz, vos hoybt umzist di oygn in der hoykh.
ir kent nit nit derhargenen, ir zindike fun der natur, ir muzt's, eybike ir fokher mit der shverd.

ikh ken aykh gut! un iz mayn vort nit shtark vi s'vort fun mayne oves, di neviim, ikh hob adurkhgedrungen aykh vi zey!
onheyb yul, beys zey hobn ongehoybn undz aroysfirn tsum toyt fun Varshe, hot men baratn zikh, ikh, ven ikh bin
af yener zitsung - ikh volt geven mit di khalutsim, ikh volt mit zey dan ufgehoybn a geshrey -
tamus nafshi! yo... zey harg'nen oys undz ale, vi in Lite, in Ukraine, Volinyen un Lublin!

s'volt nit geholfn, kh'veys... nit vayl mir hobn nit gehat nit keyner, nit ka simen fun gever -
a hak iz oykh fun ayzn, un koyln grobn zikh nit tifer ayn in layb vi negl sharf,
nor yidn in Amerike, in Ertsisroel, zey voltn vayt un troyerik af undz nokh undz gelozt a trer
un shtil, un efsher nit gor shtil a zog geton: akh, ven men shtelt zikh nit antkegn! men hot es nit badarft...

neyn, nit badarft! vey mir, ikh bin far nay-yor nokh gezesn shtum, mit yidn nokh, mit layters fun a shop,
un yidn poylish-reydndike hobn oysgedrikt groys zeyer tsorn un zeyer veytik kleyn: -
„aza a folk! vos hot gelozn zikh vi kelber oysshekhtn, aza a folk!“ un hobn beyz geshoklt mitn kop...
vey, vey, dos folk vos muz geharget vern, oysgeharget vern af der erd un iz nit yoytse nokh far zikh aleyn!

dem akhttsentn in ershtn hob ikh gezen finf toyznt fun mayn folk genumen un gefirt tsum toyt,
un daytshn tsvey nor, rotskhim tsvey hob ikh gezen fun di in yenem tog avekgeleygte tsvelf,
nor tsvelf! un s'hot af zey, af di bavofnte pakhdonim, fartsitert kalt di hoyt,
„di yuden shisn!“ un zey hobn zalbe tsveyt in undzere baheltenishn zikh nit mer bavizn, nor makhnesvayz vi velf.

vi velf! ikh hob mit yidn yung gekletert iber moyern, af dekher shif, mit shney un ayz badekt, a gantsn blok
fun akht-un-fuftsik Zamenhof af fir-un-fertsik Muranov un funem dakh arunter in dem hoyz,
ikh mit khaveyrim etlekhe blayb af dem boydem. un s'hobn etlekhe aropgelozn zikh fun dortn af a shtok,
dos hobn zey dershosn nokh tsvey merder, ikh hob zey nit gezen, ikh hob gehert di shosn bloyz.

farnakht bin ikh avek mit alemen af Mila eyn-un-zekhtsik, shoyn mit a biks un revolvern nokh - a shats!
afmorgn hot men zikh tseteylt, ikh bin tsvishn hunderter gezesn af a boydem - kalt un lang un shmol,
es hot a froy lem mir a hust geton eyn mol un nokh amol, a yid iz tsu ir tsugeshprungen vi a kats
un gevart, mit finger oysgeshtrekt, mit negl sharf - er vart af nokh a hust... koym hust zi nokh amol!

in a vokh arum hob ikh zikh umgekert in shop... af Novolipye hobn yidn oykh a sakh gefelt,
un af der Lesh, dort iz gevezn laykhter umtsubrengen undz, men hot deriber undz in shopn kontsentrirt,
Bitsh! vu biste, Bitsh? fun kleynem Bund nisht lang un tif a yid itst! men hot af Novolipye oykh antkegn zikh geshtelt!
oykh af der Lesh! men hot di teg oykh in di shopn oysgeharget undz, fun shopn undz tsum toyt aroysgefirt.

mir vern nit fun tog tsu tog un keyner shtarbt nit, s'hot keyner nit bavizn shtarbn vi men iz gevoynt geven amol.
men harget oys undz, di fun a koyl in gas, di farpaynikt af Zhelazna hundert dray, un di aroysgefirt - gvald!
mir vilt zikh shrayen gvald! mir vilt zikh loyfn in di gasn, vayt un breyt farbrekhn mit di hent un shrayen afn kol...
un freyd iz oykh faran: gever! men koyft gever! men rayst aroys zikh in di velder oykh, Tsvi vil in vald -

aza a bisl yidn! aza a kap un s'zenen iberike tsvishn zey do - Alfred Nosig yimakh shmoy
un politsyantn yidishe, akh yidn, yidn vos hobn zikh farkoyft tsum daytsh... in payn in dem iz undz a treyst bashert.
yidn shisn zey vi hint oys... shist! tsen shlekhte yidn harget, eyder hargenen eyn shlekhtn goy.
nit ale harget men. es zenen gelt-zek do, un zey bashtayert men: azoy fil un azoy fil af gever!

un durkhgeng zenen do durkh boydemer, fun Lesh af Novolipye, fun Novolipye firt a boydem in a hoyf
af Smotshe, fun Smotshe vist a gas, az men farnemt mit a revolver zikh rekhts un durkh a lokh
in a moyer dik - kumt men glaykh arayn in geto, treft a daytsh dikh - gey! gey dreyst dayn veg, nisht loyf -
er iz dir khoyshed az du host gever un er maydt dikh oys... vos nokh? vos vilste tayerer mayn fraynt den nokh?

du vilst dos zelbe dokh vi ikh... ikh vil es zol a shlak mikh trefn, aniderleygn mikh, khotsh shoyn - un oys!
di shopn trogn zikh in arbeyts-lagern ariber mitn letstn hayfl yidn in Lubliner kant -
ikh vel ahin nit forn... neyn! nito far mir ka bunker do un tsu dir, aryer, ken ikh nit aroys,
s'krign etlekhe fun kroyvim oyslandspeser, yo... volt ergets-vu zikh emetser on mir dermont...

ikh bin far ale mayne shoyn geshtorbn... halevay volt ikh geshtorbn, ikh ober vel nit shtarbn, neyn, men vet
mikh hargenen... ikh bin shoyn nit af Novolipye, zi likvidirt zikh, kh'valger af der Lesh zikh shoyn zayt teg,
ba a bakantn zitst a yungerman blas un dertseylt: er kumt fun veg itst, er iz adurkhgegangen shtet
un shtetlekh in Kroyn-Poyln, er hot ka yid shoyn dortn nit gezen, nit bagegnt keynem af a veg.

dos iz geven tsvey teg far Peysekh. un erev Peysekh fri z'geven shoyn oys mit Lesh, un af der Lesh
hob ikh in mayn baheltenish gehert kanonen tog un nakht, banakht hob ikh gezen es brent -
der geto brent, er brent af zayne moyern un zayne letste yidn, s'fayer hesht un hesht,
der himl iz geven baloykhtn un oyb s'iz do dort ver, hot tsugekukt zikh un gezen di end.

9-13.1.1944

Thanks to Tomasz Majtczak for the proofreading
Add a comment...

(13) yud-giml, mit khalutsim

o, fregt nit keyner, nit dermont mir mer di Mila-gas, z'iz ful geven un iz gevorn bald tsunisht.
iber hundert toyznt yidn zenen dort geven mit klumiklekh, mit rentselekh af pleytses un in hent,
un in di klumiklekh a hemd, a hantukh, broyt a shtikl mit kinder kleyne oysgemisht,
blase vi der layvnt, trukn vi di shtiklekh broyt in zey, un shtum, farshtumt vi vent.

s'hot nit geholfn gornisht, men hot zey alemen gefunen, oysgefunen, zey dertapt
tif in di kelern, af boydemer bahaltn, af politses farshtoybt, in berglekh mist,
un umetum. di Mila-gas iz ful geven mit undz. vos kumt aroys: geblibn zenen knap!
men hot undz oysgeshosn afn ort un tsum toyt aroysgefirt in vegn vist.

a kleyner teyl fun undz hot umgekert in shop zikh, dort, af der Novolipye un der Lesh,
ikh hob gedreyt di shpul-rod, mayn zun, eyntsik mir geblibener, z'geshtanen shtum ba a mashin.
di shop, - o, vinklen miese fun a mizbeyekh umreyn, tsvantsik toyznt yidn klamern zikh nokh on aykh, di resht
in geto... ver s'hot in yene teg dem geto nisht gezen! ver s'hot nisht dan farblondzhet dort ahin!

men hot gevoynt in mistkastns. in gas iz varm nokh un in der voynung fremd -
s'hot keyner in zayn voynung nit gevoynt, un s'hot in voynungen umheymlekh g'yogt a kelt,
men hot dos oreme gekekhts gegesn fun a fremdn teler, getrogn nisht dos eyg'ne hemd,
in betn fremde kalt un hart geleygt zikh... o, betn fremde, in a fremd getselt!

kh'hob oft zikh ayngeshtelt, aroysgerisn zikh fun shop, geshmuglt zikh geheym durkh gasn ler,
arayngeganvet zikh in geto, kh'hob tsugezen a lebn dort, dos lebn groylik af a vayl,
tsu vos? tsu ven? kh'hob fraynt gehat do noente - ikh hob zey keynem shoyn nit mer!
kh'hob in geayl arayngerisn zikh in geto un rays aroys fun dort zikh in geayl.

kh'hob fraynt gehat do, noente, shrayber yidishe un muziker un moler - nishto zey keynem shoyn,
men hot zey ale oysgeharget, Hilel Tseytlinen - men hot in tales em, tsum umshlak em farshlept,
un afn umshlak em dershosn. Yisroel Shtern! Gilbert - brilyantn groys in undzer kroyn -
Varshavskis! Davidovitshes! Zhak Levis un Ostshegas - o, kroynen shtolts af yidishe af kep!

un in a vokh arum - un kh'ganve zikh arayn in geto vider... ikh hob dortn Tsukermanen, yo!
Yitskhok Tsukermanen hob ikh, Tsivyen hob ikh - di shenste un di beste af der erd!
khalutsim! yo! ver zogt: mir hobn alts af dr'erd farloyrn shoyn? khalutsim zenen do!
s'iz do an inhalt nokh, an onhalt... ikh veyn nit, neyn, di oygn zenen mir nor koym fartrert.

Yitskhok! r'hot yene vokh gebrakht a grus fun Krakoy mir: Laban! Laban der kholets hot
a barikht em opgegebn vifl ofitsirn fun es-es men hot avekgeleygt... a grus,
un bam barikht - „hent hoykh!” Laban in ofitsirn-mantl z'arestirt, Yitskhok antloyft, dreyt fremd in shtot
arum zikh, mit a fus adurkhgeshosn, s'blut rint in shtivl... Yitskhok! ligt, ligt! vos makht der fus?

dos iz geven der zibtsenter yanvar, yor dray un fertsik, ikh bin geblibn dort di nakht,
un az s'hot ongehoybn koym tsu togn - beser ven es volt nit vern shoyn, nit ka mol tog!
ikh bin aroys in gas, gegreyt in veg zikh, fun Zamenhof af Novolipye - der geto iz farmakht!
es-es tseyogt undz: tsrik! s'kumen on zhandarmen, hoykh di biksn, tseshteln zikh in yedn rog.

shoyn vider! vider? vos ken shoyn zayn do vider? es iz dokh oys mit undz! akh, s'vert mir kalt un heys,
ikh gey tsurik tsum zun, tsu di khalutsim... zey veysn shoyn, s'hot ver fun droysn shoyn gebrakht di nays...
Tsivye! ze, Yitskhok, er oykh iz af di fis, af dem gezuntn un dem durkhgeshosenem - ver veys
tsi s'rint dos blut fun em nit in dem shtivl?... r'hot mikh derzen un iz fun blas gevorn vays

vi kalkh... r'zent vays vi kalkh, Yitskhok! ikh hob's em nit gezogt... er ruft a kholets tsu - „gey glaykh
un zukh a bunker uf do in dem hoyf un fir arayn zey!” ikh nem Yitskhokn farn hant on - „her,
Yitskhok!” un ikh drik em fest di hant, er roytlt zikh... „Yitskhok! ikh vil do zayn mit aykh,
Tsvi - oyb er vil... er oykh! er vil nit geyn... Yitskhok!” un s'kumt arayn a kholets un farteylt gever.

far mir iz nit gevezn, gor nisht... nor s'iz far mir, far mir gevezn alts! hagam tsu shpet...
neyn, neyn! s'iz ka mol nit tsu shpet! der letster yid - koym leygt avek er a retseyekh ratevet zayn folk?
men ken a folk an oysgehargetn shoyn rateven dokh oykh... ratevet! ikh hob tsu zey geredt,
ikh hob geshtarkt zey, yo! i zey i mikh geshtarkt, ikh hob tsu zey geredt, gevuntshn zey derfolg.

zey hobn zikh tseshtelt, khalutsim af der vakh, hart ba der tir, in alker un hekher af a trep,
lem fenster hot ver oysgerufn shtil alts vos in gas kumt for, ikh hob gekukt farshteynert in a shoyb,
zi iz aroys tsum umshlak... vey mir, men firt zey shoyn farshvigene, aropgelozn tif di kep
o, yidn mayne, letste mayne fun mayn folk, farvos bin ikh nit blind? farvos bin ikh nisht toyb?

shat, a gelof, zhandarmen tsvey antloyfn leng oys di gas, s'kumen tsrik bald mer, zey tsindn unter a gebay,
a hayzl kleyn tseflakert zikh antkegn mayne fentster, a fayerlesher shlekht onshtot tsu leshn - blozt
di flam funander, r'geyt tsum daytsh tsu, redt tsu em af poylish: do hobn zikh bahaltn gantse dray!
men shlept aroys zey - un s'roytlt zikh der shney vays un s'roykhlt varm zikh in frost.

shat, shat! men iz shoyn do ba undz! ikh ze dos ponem nit fun daytsh, zayn pleytse nor,
s'hot keyner em, dem daytsh, in pleytse nit geshosn, er hot a koyl bakumen in der brust,
es falt der tsveyter oykh - ”di yuden shisn!” hot bavizn ver fun zey dershtoynt a ruf ton, yo, take vor!
Skharye, du! un Elyezer, do - khalutsim! un af der Nizka - shomrim. yo, ir, ir! zey hobn s'nit gevust...

3-4-5.1.1944

Thanks to Tomasz Majtczak for the proofreading
Add a comment...

(12) yud-beyz, di Mila-gas

s'iz do a gas in Varshe, dos iz di Mila-gas, o, rayst aroys di hertser zikh fun brust
un leygt onshtot di hertser shteyner dort arayn, o, rayst aroys fun kop di oygn nas
un leygt aruf af zey sharboynes, vi ir volt es nit gezen un nit derfun gevust,
farshtopt di oyern un hert nit - toyb! ikh gey dertseyln fun der Mila-gas.

s'iz do a gas in Varshe - di Mila-gas... ver veynt? un shtil azoy? nit ikh, ikh veyn nit, neyn!
di Mila-gas shtaygt iber ale trern, s'veynt ka yid nit. goyim ven zey voltn es gezen
zey voltn demolt oysgebrokhn in a moyredikn ale, in a bitern geveyn,
a goy iz ober in dem tog fun Mila-gas, in tog in yenem, in dem geto nit geven.

yidn nor un daytshn... yidn! yidn! yidn! azoy a sakh, un merer nokh - men hot
dray hundert fuftsik toyznt yidn fun eyn Varshe, Varshever derharget shoyn -
di alte oysgeshosn afn beys-hakhaim, di iberike ale aroysgefirt fun shtot
in di Treblinkes - un di Mila-gas iz ful, iz iberful vi di vagones, kuk un shtoyn!

fun vanen? men hot dokh ale oysgeharget shoyn! men hot dokh ale oysgeshosn un dershtikt!
dos zenen yidn fun di shopn af dem shtikl Novolipye un af dem shtikl Lesh -
di yidn mit di numerlekh, o yidn gliklekhe! yidn velkhe es hot opgeglikt
un hobn zikh arayngekrogn in a shop, s'letste bisl yidn, yo, di resht! di resht...

yidn fun di dozike di shopn un yidn azh fun Gensha, fun het-het, kehile-yidn, di
mit di blekhn af der brust un bezimer in hant vos kern oys di gasn pust,
di platsuvke-yidn vos geyen mit gezang aroys fun geto yedn in der fri,
un yidn fun baheltenishn... es zenen yidn nokh in Varshe do! ikh hob es nit gevust...

halevay zey voltn nit geven! zey voltn nit geboyrn vern af der doziker der erd!
un oyb geboyrn shoyn - halevay volt men zey frier opgeton zey zeyer rekht -
eyder ir derlebn, ir, di Mila-gas... a gas aza in Varshe, hert ale, hert:
nokh gut vos s'iz ka Got nito... s'iz take shlekht on em, o, zeyer, zeyer shlekht!

nor tomer volt er zayn - volt erger nokh geven! i got un i di Mila-gas... aza a por!
o, nemt aroys di kinder ayere bahaltn in valizes, shlaydert zey, tseshmetert zey on vant!
tsindt fayern groys on un shpringt ahin arayn mit hent farbrokhn, rayst zikh ba di hor:
s'iz do a Got! umgerekhtikeyt aza! a shpot aza! un groys aza a shand!

bald in der fri, fartog nokh, eyder nokh s'iz beyz un umgerekht gevorn tog,
hot men gevust in kelern bahaltn un af boydemer un umetum, un do un dort:
„ale yidn muzn biz a zeyger tsen, nit shpeter nit ka hor, zikh tsushteln af Mila-gas, men mog
mitnemen nor hant-gepek... un blaybt ver in der heym - er vet dershosn vern afn ort“.

bald in der fri hot ongehoybn zikh fun ale zaytn groys un mekhtik a gegey,
di zenen ersht aroysgeshtign funem keler, di arop fun boydem, men derkent dokh bald
vu yeder eyner iz geven bahaltn... kranke fun di betn, ze, es tut zey shoyn nit vey!
du nor nit helf bam geyn zey, nit halt zey unter un hoyb nit eynem uf ven eyner falt -

er geyt af Mila. ale mir, mir geyen af der Mila, in a sho arum un s'vet
ka yid ka lebediker zikh nit mer gefinen do vi af der Dzelna, vi af Pave, s'iz shoyn nayn!
in a sho arum vet Varshe oyszen shoyn vi ale yidishe itst groyse shtet
un shtetelekh in Poyln un in Lite un umetum vu daytshn raysn zikh arayn.

un in a sho arum - un oysgeloshn hot di zun zikh iber Varshe un iz mit undz avek
af Mila-gas, mit iber hundert toyznt geblibene nokh yidn af der Mila-gas -
neyn, nisht di zun! a shrek fun himl hot akhzoryesdik bagleyt undz, groys a shrek,
af yedn ponem fun di iber hundert toyznt yidn falt ir opshayn blas...

a shrek! s'iz ful mit ir di gas, di Mila-gas vi mit yidn ful, zi shvebt in luft, -
mir oykh! mir oykh! mir ale do gehern shoyn nit tsu der erd, zi rukt avek zikh fun unter undz're fis,
ikh ze bakonte fraynt un hob fargesn zey're nemen, fargesn vi azoy men ruft
zey alemen, vi toyte... ver iz der? un der do? di froy do mitn kind, un yene dort ver iz?

ikh hob arayngekhapt zikh in a shtub un opgelegn mit mayn zun af dr'erd a gantsn tog
un knap a nakht. mir hobn zikh fartog gefedert, oysgeshtelt zikh in di reyen fun mayn shop -
tsu finf in rey, aroys af der selektsye, zikh shteln af der vogshol, af der daytsher vog
getoyt tsu vern bald tsi shpeter... ikh bin farbaygegangen zey un ufgehoybn hoykh mayn kop.

ikh hob gekukt un hob gezen: men hot a yid a zak aropgenumen fun zayn pleytse dar,
un der zak hot ongehoybn veynen... a kind! a yidish kind! der zhandar brent:
er zukht dem tatn... shrayt tsum kind: derken em! dos yingele kukt on zayn tatn shtar,
er kukt em on un veynt nit... er kukt em on dem tatn zaynem un hot em nisht derkent!

dos yingele! un s'hot der daytsh aroysgeshlept a tsveytn yid fun rey, an „umshuldikn“ - du!
un hot avekgeshtelt zey beydn tsu di toyznter gekhasmete tsum toyt - aza a shpas!
ikh hob gezen - o, lozt mikh, fregt mikh nisht, nit fregt mikh - vos? nit ven? nit fregt mikh vu!
ikh hob bashvoyrn aykh: nit forshn gornisht un nisht hern ka mol fun der Mila-gas.

24-25-26.12.1943

Thanks to Tomasz Majtczak for the proofreading
Add a comment...
Wait while more posts are being loaded