Profile cover photo
Profile photo
Abdul-Majid Bhurgri
795 followers
795 followers
About
Abdul-Majid's posts

Post has attachment
لطيف ايوارڊ ملڻ واري هن موقعي تي مون کي پنهنجا والد صاحب مرحوم عبدالغفور ڀرڳڙي صاحب بيحد ياد آيا، جيڪي هن سال 10 فبروري تي هن فاني جهان مان لاڏاڻو ڪري ويا. منهنجي ڪم جي جڏهن به ڪا ساراه يا مڃتا ٿيندي هئي ته مون کان وڌيڪ خوشي کين ٿيندي هئي، سچ ته سندن خوشي ڏسڻ وٽان هوندي هئي. هو هميشه چاهيندا هئا ته ملڪ جا سرڪاري ادارا منهنجي هن ڏس ۾ ڪيل ڪم جو اعتراف ڪن ۽ ڪو ايوارڊ ڏين. مان اهو ئي چوندو هيس ته، ”بابا سائين، مون کي انهن انعامن اڪرامن ۽ ايوارڊن جي گھرج ڪانهي. مون لاءِ سنڌي دوستن جي محبت ۽ اوهان جون دعائون ڪافي آهن.‘’ اڄ جيڪڏهن هو اسان منجھ هجن ها ته کين بي انتها خوشي ٿئي ها. پر اڄ هو جتي به آهن، سندن روح مسرور ۽ شادمان هوندو. اڄ مون کي، ايوارڊ ملڻ کان گهڻو وڌيڪ خوشي سندن ديرينه خواهش جي تڪميل ٿيڻ تي آهي.

۽ اها جيڪا اڻملھ خوشي اڄ مون کي پنهنجي پياري والد صاحب جي خواهش جي تڪميل تي نصيب ٿي آهي، تنهن جو سمورو ڪريڊٽ منهنجن انهن ٻن پيارن دوستن کي وڃي ٿو جن کي اوهان هن تصوير ۾ ڏسي رهيا آهيو: شبير ڪنڀار جنهن جي هٿن ۾ ايوارڊ آهي ۽ امر فياض جنهن منهنجي پاران اهو ايوارڊ وصول ڪيو. انهن ٻنهي دوستن، ڏينهن رات هڪ ڪري، ميڊيا ۽ انٽرنيٽ تي مهم هلائي، نه رڳو اربابِ اقتدار ۽ اختيار جي ڌيان تي اها ڳالھ آندي، بلڪه مسلسل ۽ پيهم جاکوڙ ڪري صرف ۽ صرف پنهجين بي لوث ۽ اڻٿڪ ڪوششن ذريعي منهنجن چاهيندڙن جي ان خواب کي حقيقت جو جامو پهرايو.

پيارا امر فياض ۽ پيارا شبير، منهنجي لاءِ هن اڻملھ خوشي جو موقعو فراهم ڪرڻ لاءِ مون وٽ لفظ ڪونهن جن ذريعي پنهنجي جذبات جو اظهار ڪري سگھان. توهان جي بي لوث محبتن لاءِ بس اهو ئي چوندس:

ٿورا نه ٿورا، مون تي ماروئڙن جا؛
ٿر ۾ واري ٿوري، تنهن کان به گھڻيرا؛
ڀلا ئي ڀيرا، ڳڻي ڳڻيان ڪيترا.

هن موقعي تي تمام گھڻن دوستن ۽ مهربانن طرفان محبتن ڀريا جيڪي بي پناه سنيها مليا آهن تن جو فردًا فردًا جواب ڏيڻ بيحد مشڪل آهي. بس اهو چوندس ته توهان جي چاهت ۽ پيار منهنجي لاءِ سڀني کان وڌيڪ قيمتي اعزاز ۽ ايوارڊ آهي. شل اهو محبتن وارو تعلق هميشه قائم رهي.

نيازمند

عبدالماجد ڀرڳڙي

Photo

Post has attachment
Very pertinent, practical and unavoidable questions...
My role in making of this world...
Being or doing has little to do with what I say to or advise others to do.
Photo

Post has attachment
Photo
Wait while more posts are being loaded