Profile cover photo
Profile photo
Siva siddarthan Arunachalam
Native of Tirumangalam. Studied in P.K.N.High School, Tirumangalam and graduated from V.H.N.S.N.College,Virudhunagar. Entered in Government Sevice in 1974 and retired as labour law enforcement official in 2006 Got married in 1978 Have 1 boy and1 girl child. Have 2 grand children.
Native of Tirumangalam. Studied in P.K.N.High School, Tirumangalam and graduated from V.H.N.S.N.College,Virudhunagar. Entered in Government Sevice in 1974 and retired as labour law enforcement official in 2006 Got married in 1978 Have 1 boy and1 girl child. Have 2 grand children.
About
Siva siddarthan's posts

Post has attachment

Post has attachment
தொப்பையை உடனே குறைகனுமா ?

Post has attachment

தொப்பையை உடனே குறைகனுமா? 

Post has shared content
அன்று அது நடந்திருந்தால்--------------

"என்ன அண்ணே ? கொஞ்ச நாளா டீ கடைப்பக்கமே உங்கள காணோமே ? என்ன ஆச்சி உங்களுக்கு ? "

" அட! உடம்புக்கு எல்லாம் ஒண்ணுமில்லேப்பா !! எங்கேயும் போகலே தம்பிகளா., அதனாலே டீ கடைப்பக்கமும் வரல்ல !!!"

"அப்புறம் என்ன அண்ணே ? உங்கள மாதிரி வயசான ஆளுகளுக்காக சில டூரிஸ்ட் கம்பெனிக வட இந்தியா , காசி பத்திரிநாத் அப்புறம் ஏதோ ஒரு நாத் போன்ற ஊர்களுக்கு டூர் அரேன்ஜ் பண்ணி பல கோவில்களுக்கும் கூட்டியிட்டு போறாங்களாமே ? வயசான காலத்துல நீங்களும் நெறைய கோவில்களுக்குப்போயி எல்லா சாமிகளையும் கும்பிட்டு புண்ணியம் தேட வேண்டாமா "

"அட! நீங்க வேற ! சேர்த்த புண்ணியம் எல்லாம் போதாதா தம்பிகளா ? "

" என்ன அண்ணே ? இப்படி சொல்றீங்க? ------எங்ககளுக்குதெரிஞ்சி நீங்க எந்த ஊரு கோவிலுக்கும் போனதில்லை! எந்த சாமியையும் கும்பிட்டு "இந்தாங்க தம்பிகளா பிரசாதம்" ன்னு அட திருப்பதி லட்டு கூட வேண்டாம்------- ஏதாவது ஒரு கோவில் தின்னீராவது கொஞ்சமாவது நீங்க எங்களுக்கு கொடுத்திருக்கீங்களா அண்ணே ! அப்புறம் எப்படி அண்ணே நீங்க புண்ணியத்தை தேட முடியும் ? "

"அட! மக்குத்தம்பிகளா!! கோவிலுக்குப்போயி சாமி கும்பிட்டாத்தான் புண்ணியம் நமக்கு கிடைக்குமுன்னு உங்களுக்கு யார் சொன்னது ?

"அட! என்ன அண்ணே ! இப்படி சொல்றீங்க? நாங்க என்ன பேப்பர் படிக்காதவங்களா? அப்புறம் வாட்டஸ்அப் குழுக்களிலும் நாங்க மெம்பரா இருக்கோம்மில்ல? அவற்றில் எல்லாம் இந்த இந்த கோயிலுகளுக்கு இன்னயின்ன நாட்களில் போனா என்னென்ன மாதிரியான பலன்கள் ------அதானண்ணே புண்ணியம் !****** நமக்கு கிடைக்குமின்னு விளக்கமா போட்டியிருக்காங்களே ? நீங்க வாட்டஸ் அப் குரூப் எதிலும் மெம்பரா இல்லாதனால உங்களுக்கு அதெல்லாம் தெரியல போல ? "

< சரி. அப்படியே இருக்கட்டும் மக்குகளா ! மக்குகளா!!------------நல்லவங்க மதிக்கிற நாலு காரியங்களை செய்தாலே நாம விரதம் இருந்து கோவிலுக்குப்போயி சாமி கும்பிடற புண்ணியம் கிடைக்கும்ன்னு இந்த அண்ணன் சொல்றேன் கேட்டுக்குங்க "

"-அதெல்லாம் சரி அண்ணே? வழக்கம் போல உதாரணத்துடன் சொல்லுங்க அண்ணே ! "

"ம்ம்ம் ! இப்ப சொல்றீங்களே அதான் சரி !! அப்படியே நல்லா உட்காந்துக்கோங்க !!!------
ம்ம்க்கும் --------ஆரம்பிக்கட்டுமா ?----------------------நமது தாய் மொழியான தமிழ் மொழியில் " அ " என்ற எழுத்து எப்படி முதலிடத்தையும் முக்கியத்துவத்தையும் பெற்று இருக்கின்றதோ அதே போல நான் வேலை பார்த்த துறையில் நான் பணி புரிந்த ஊர்களில் அருப்புக்கோட்டையும் எனது வாழ்வில் முக்கியத்துவம் பெற்ற ஊராகும். .

எனக்கு சுவையான அனுபவங்களைத் தந்த ஊர் அதுவாகும் .ஊர் என்றால் அதுதான் ஊர். அந்த ஊர் மக்கள்மற்றவர்களை மதிக்கத் தெரிந்தவர்கள். அதிலும் அரசு ஊழியர் என்றால் அதிகமாக மரியாதை கொடுப்பார்கள்..அந்த ஊரை விட்டு நாம் மாறுதலாகி செ ன்றாலும் ஓய்வு பெற்று விட்டாலும் கூட அவர்களது மனதில் நம் மீது உள்ள மதிப்பும் மரியாதையும் என்றும் எள்ளளவும் அவர்களுக்கு குறையாது.

.அப்படிப்பட்ட ஊருக்கு தொழிலாளர் உதவி ஆய்வாளராக மாறுதலாகி வந்த நான் கொஞ்ச நாள் சந்தோஷமாகவே பணி புரிந்து வந்தேன். இறைவன் தான் என்றும் எப்போதும் எல்லோரையும் ஒரே மாதிரியான சூழ்நிலையிலேயே இருக்க விட மாட்டானே? இரவு பகல், இன்பம் துன்பம் லாபம், நஷ்டம் பள்ளம்,மேடு இளமை, முதுமை நான்கு பருவங்கள் ,என அனைத்தையும் மாறி மாறி நமக்கு கொடுப்பவன் ஆயிற்றே ?இளமைக்கால குறுகுறுப்பு மாதிரி சந்தோஷமாக ஓடிக்கொண்டு இருந்த என் அருப்புக்கோட்டை அரசுப்பணியில் ஒரு வெயில் கால நாள் போல சூடான நாள் ஒன்றும் வந்து சேர்ந்தது.

இந்த நேரத்தில் உதவி ஆய்வாளராக பணி புரிந்த எனது எண்ண ஓட்டங்களை உங்களுக்கு தெளிவாக குறிப்பிட விரும்புகிறேன்

மனிதனாகப்பிறந்த எல்லோரும் நன்மை, தீமை என இரு குணங்களை உடையவன்தான். தன வாழ்நாள் மூழுவதும் நன்மைகளையே செய்த மனிதன் என்று யாரும் இல்லை

அதே போல தீமையையே வாழ்நாள் முழுமையும் செய்த மனிதன் என்று எவரும் உலகில் இல்லை

.பூமியில் மனிதனாக பிறந்த எல்லோரும் நன்மை, தீமை என இரு குணங்களையும் உடையவர்களாத்தான் இருந்திருக்கிறார்கள் ., இருக்கிறார்கள்..

சந்தர்ப்ப சூழ்நிலைகளினால் அல்லது அறியாமையினால் ஓருவன் சட்ட விதிகளை மீறுவானே தவிர வேண்டும் என்றே யாரும் சட்ட விதிகளை மீற மாட்டார்கள் என்ற கருத்து உடையவன் நான்
.
எனவே அறியாமல் சட்ட விதிகளை மீறும் ஒருவர் திருந்த ஒரு வாய்ப்பு அளிக்கலாம் என்பதை எனது பணிக்காலம் .முழுவதும் எனது எண்ணம் மற்றும் செயலாகவே கொண்டு செயல்பட்டு வந்தேன்.

நாம் எடை அளவு சட்டவிதிகளை அமுல்படுத்தும் அலுவலராக இருக்கிறோம்., அதனால் அந்த சட்ட விதிகளை யார் மீறினாலும் அவர் மீது உடனே சட்டபூர்வமாக நடவடிக்கை எடுத்து விட வேண்டும் என்ற நினைப்பு சிறிதும் இல்லாதவன் நான். சட்டங்கள் சமுதாய மக்களுக்கு உபயோகமாக இருக்க வேண்டுமே தவிர உபத்திரமாக இருக்கக்கூடாது என்று கருதும் இயல்பு உடையவன் நான்.

இது குறித்து எனக்கும்எங்களது துறையிலேயே பணி புரிந்து ஒய்வு பெற்ற எனது நண்பரும் அடிக்கடி மோதிக்கொள்வோம்.

அலுவலக உதவியாளர் நியமிக்கப்படாமல் இருந்த காலம் அது. உள்ளூர் ஆய்வுப்பணி என்றாலும் வெளியூர் அல்லது கிராமங்களில் ஆய்வு மேற்கொண்டாலும் எனது T.V.S. 50 ல் சென்று ஆய்வுசெய்வதே எனது வழக்கமாகும்.உள்ளூரில் பஜார் பகுதியில் ஆய்வு மேற்கொண்டால் அலுவலகத்திலிருந்து T.V.S. 50 ல் சென்று வண்டியை அங்குள்ள நாடார்களுக்கு சொந்தமான பேட்டையில் நிறுத்துவது எனது வழக்கம்

.[ இந்த இடத்தில் நாடார்கள் பேட்டை என்ன என்று தெரியாத உங்களுக்காக ஒரு சிறு விளக்கம்:
முன்பெல்லாம் அதாவது சுமார் நூறு அல்லது நூற்றைம்பது வருடங்களுக்கு முன்பு என்று வைத்துக்கொள்ளுங்களேன்

அப்போதெல்லாம் கிராமங்களே அதிகமாக இருந்தன.அவற்றில் குறைந்த எண்ணிக்கையிலேயே மக்கள் வாழ்ந்தனர்.எனவே நிரந்தரமான கடைகள் என்று எந்த கிராமத்திலும் இராது. எனவே மக்களுக்குத்தேவையான மளிகை மற்றும் இதர பொருட்கள் எல்லாம் வாரத்திற்கு ஒருமுறை ஊர் பொது இடத்தில் வைத்து வியாபாரிகள் வியாபாரம் செய்வார்கள்.

அந்த இடத்திற்கு சந்தை என்று பெயர். அந்த சந்தை வாரத்திற்கு ஒரு முறைதான் ஒரு ஊரில் கூடும். அந்த சந்தை வியாபாரிகளில் பெரும்பாலோனோர் நாடார் ஜாதியை சேர்ந்தவர்களாக இருந்திருக்கிறார்கள் .

அவர்கள் ஒரே ஊரில் தொடர்ந்து இருக்க மாட்டார்கள்.அப்படி அவர்களால் தொடர்ந்து இருக்கவும் முடியாது. ஒவ்வொரு ஊரிலும் வாரத்திற்கு ஒரு நாள்தான் சந்தை என்பதால் தினசரி இடம் மாறிக்கொண்டே இருப்பார்கள்
.
அப்படி இடம் மாறிக்கொண்டு இருக்க வேண்டியிருந்ததாலும் தினசரி பொருட்களையும் இடம் மாற்ற முடியாத சூழ்நிலை இருந்தது
.
அதனால் அந்தந்த ஊர்களில் வியாபாரம் செய்யும் நாடார் ஜாதியைச்சேர்ந்த வியாபாரிகள் ஓன்று சேர்ந்து சொந்தமாக இடம் வாங்கி பாதுகாப்பிற்காக அந்த இடத்தைச்சுற்றி வேலி அமைத்து ஆட்களையும் நியமித்து .தங்களது பொருட்களை அடுத்த சந்தை நாள் வரை பாதுகாத்து வந்தார்கள்.அந்த இடத்திற்குத்தான் மற்றவர்கள் நாடார் பேட்டை என்று சுருக்கமாக அடையாளம் காட்ட பின்னாளில் அந்த பெயரே நிலைத்து நின்று விட்டது.

காலப்போக்கில் வியாபாரம் நன்றாக நடக்கும் ஊர்களிலேயே நிரந்தர கடைகள் அமைத்து தங்களது பேட்டை இடத்தை கிட்டங்கிகளாக மாற்றிக்கொண்டார்கள்.பின் வந்த நாட்களில் தங்கள் தங்கள் கடைக்கு பக்கத்திலேயே கிட்டங்கிகள் அமைத்துக்கொண்டார்கள்

எனவே பேட்டை இடங்களை காலியாக விட விரும்பாத நிர்வாகிகள் அவற்றை வாடகைக்கு விட்டார்கள்.பெயர் மட்டும் நாடார் பேட்டை என்று அப்படியே நிலைத்து நின்று விட்டது."

"அப்பாடா! அண்ணே இனிமே மெயின் கதைக்கி வந்துருவாருடா ! "]

ஸ்ஸ்ஸ்ஸ்----------------------குறுக்கே பேசாதீங்கப்பா! ----ப ஜாரில் நான் ஆய்வு செய்ய செல்லும் போது பஜாருக்கு மிக அருகில் இருக்கும் அருப்புக்கோட்டை நாடார் பேட்டையில் எனது வண்டியை பாதுகாப்பிற்க்காக நிறுத்தி விட்டு ஆய்விற்க்குப்பின் திரும்பவும் எடுத்துக்கொண்டு அலுவலகம் திரும்புவது எனது வழக்கம்.அவ்வாறு நிறுத்தும்போது அங்கே வாடகைக்கு இடம் பிடித்திருந்த ஒரே ஒரு கருவாட்டுக்காரரிடம் எனது வண்டியை பார்த்துக்கொள்ளுமாறு சொல்லி விட்டு வருவதும் எனது பழக்கம். அவரும் ஒரு ஆபீசர் தன்னிடம் உதவி கேட்கிறாரே என நினைத்து சந்தோஷப்பட்டு "சரி " என்பதற்கு அடையாளமாக மிக வேகமாக தன தலையை ஆட்டுவார். பக்கத்திலேயே சிவன் கோவிலும் நமது துறைக்கு உதவியாக உள்ள ஒரு பெயர் பெற்ற உணவு நிறுவனமும் இருக்கின்றன.

சம்பவம் நடந்த அன்று வழக்கம் போல எனது வண்டியை பேட்டையில் விட்டுவிட்டு கருவாட்டு கடைக்காரிடமும் சொல்லிவிட்டு வெளியே வந்தேன்.உணவு நிறுவனத்திற்கு அருகிலே ஒரு தள்ளு வண்டி ஓன்று நின்று கொண்டு இருந்தது. அதில் பழ வகைகள் அடுக்கி வைக்கப்பட்டு இருந்தன.

உரிமையாளர் மட்டும் அங்கு இல்லை. அவர் அங்கு இல்லாவிட்டால் என்ன ? நாம் அவரையா ஆய்வு செய்யப்போகிறோம்? அவர் பழங்களை நிறுக்க உபயோகிக்கும் தராசு, படிக்கற்கள் அதை விட முக்கியமாக தராசு,படிகள் பழங்களின் அருகே கிடந்தன.அந்த வண்டியின் அருகே அந்த கடை உரிய காலத்தில் முத்திரை இடப்பட்டு உள்ளனவா என்று பார்ப்பது தானே நமது கடமை என்று எனது கடமை உணர்வு என்னை உந்தித்தள்ள அவற்றை பரிசோதித்தேன்.

நீங்கள் நினைத்ததைப்போல அவற்றில் உரிய முத்திரை இல்லை. "சரி, பெயருக்கு ஒரு எடைக்கல்லை நாம் வந்ததற்கு அடையாளமாக மட்டும் எடுத்துச்செல்லுவோம்.அவர் வந்த உடன் ஆபீசிற்கு வரச்சொல்லி அவரிடம் எடுத்து வந்த படிக்கல்லை அவரிடமே திருப்பிக்கொடுத்து " முத்திரை இடாமல் வியாபாரம் செய்வது சட்டப்படி தவறு "என நேரில் விளக்கமாக எடுத்துக்கூறி உடன் முத்திரையிட ஆவன செய்யுமாறு அவரிடம் சொல்லுவோம் என நினைத்து அதன்படி செய்தேன்"

"டேய் ! அண்ணே இனிமேதான் மாட்டிக்கிட போறார் டேய் ! "
.
ஷ்ஷ்ஷ்ஷ்ஷ்ஷ------குறுக்ககுறுக்க பேசக்கூடாதுன்னு சொல்லியிருக்கேன் -------------------------பக்கத்தில் இருந்த கடைக்காரரிடம் "தள்ளுவண்டிக்காரர் வந்த உடன் இந்த மாதிரி தராசு படிக்கல் எல்லாம் முத்திரை இல்லாமல் இருந்ததால் லேபர் இன்ஸ்பெக்டர் பெயருக்கு ஒரு படிக்கல்லை மட்டும் எடுத்துட்டு போயிருக்கிறார்.நாளைக்கி ஆபீசுக்குபோய் அந்த கல்லை அவரிடமிருந்து வாங்கிக்கொள்ளலாம் என்று சொல்லுங்கள்" என்று சொன்னேன். ஆனால் அவர் என்னை ரெம்ப பரிதாபமாக பார்த்தார். அதன் அர்த்தம் அப்போது எனக்குப் புரியவில்லை. ஆய்வு முடித்து கிட்டத்தட்ட 2 மணி நேரம் கழித்து பேட்டைக்குச்சென்று வண்டியை எடுத்தேன்.

அப்போது அந்த கருவாட்டுக்கடைக்காரர் என்னிடம் "உங்களுக்கும் அந்த கொலைகார பாவிக்கும் என்ன சார் சம்பந்தம்? "என்று கேட்டார்." யாரைச்சொல்லுகிறீர்கள் ?"என்று அவரிடம் திரும்ப கேட்க அவர் "அவன்தான் சார்! ஹோட்டல் வாசலிலே தள்ளு வண்டி வச்சி வியாபாரம் செய்யறானே அவனைத்தான் சொல்றேன் "என்று சொன்னார். அதற்கு நான் " நான் அந்த ஆளை பார்த்தது கூட இல்லை.. தள்ளு வண்டியில் இருந்த எல்லா தராசு படிக்கல்லும் முத்திரை இல்லாம இருந்திச்சி ! நான் பேருக்கு ஒரு கல்லை மட்டும் எடுத்திட்டு அவரை ஆபீசுக்கு வரச்சொல்லுமாறு சொல்லிவிட்டு வந்தேன்"என்று பதிலளித்தேன்.

"போங்க சார்! போங்க ! அவன் யார் என்று தெரியாமல் படிக்கல்லை எடுத்திட்டு வந்துட்டீங்க? கொஞ்ச காலத்துக்கு முன் அவன் இந்த பேட்டையில் இரவில் தூங்கிக்கொண்டு இருந்த 2 வெளியூர் வியாபாரிகளை கொன்று அவர்கள் மடியில் இருந்த பணத்தை கொள்ளை அடித்து விட்டான். போலீஸ் இவனை கைது செய்து வழக்கு எல்லாம் போட்டது. ஆனால் குற்றத்தை நிரூபிக்க சரியான சாட்சி இல்லை என்று கோர்ட் விடுதலை செய்து விட்டது. இப்ப கொஞ்ச நாளாகத்தான் ஒழுங்காக எண்ணத்தையோ வியாபாரம் செஞ்சி கிட்டு வாரான்.நீங்க வண்டியை விட்டுட்டு போன கொஞ்சநேரத்தில் இங்கு வந்தான்.அவனிடம் யாரோ சொல்லியிருக்காங்க! இந்தமாதிரி நீங்க உங்க வண்டிய இங்கதான் நிப்பாட்டி இருப்பீங்க ன்னு ! என்னிடம் வந்து உங்க வண்டி எது என்று கேட்டான். நான் எதுக்கு அதை கேட்குறே என்று கேட்டேன். ---. அதற்கு அவன் " அவர் இந்த மாதிரி என் படிக்கல்லை எடுத்துச்சென்று விட்டார்.என் குணம் தெரியாம நடந்துக்கிட்ட அவர் வண்டிய ஒரு வழி ஆக்காம விட மாட்டேன்" என்று சொன்னான். அதற்கு நான் "லேபர் இன்ஸ்பெக்டர் என்னை நம்பித்தான் வண்டியை இங்கு விட்டுட்டு போயிருக்கிறார். உனக்கும் அவருக்கும் பஞ்சாயத்து ன்னா அதை பேட்டைக்கு வெளியே வச்சுக்க., பேட்டைக்குள்ள அவர் வண்டிய இங்கு யாரும் தொட விடமாட்டேன்" என்று சொன்னேன். அதற்கு அவன்" அவர் எப்படியும் வண்டியை எடுத்திட்டு பேட்டையை விட்டு வெளியே வரத்தானே செய்யணும்?அப்ப அவரிடம் வச்சிக்கறேன் என் விளையாட்ட" என்று சொல்லிவிட்டு போயிருக்கிறான் அதனால அவன் உங்கள எதிர்பாத்து வெளியிலதான் இருப்பான் அதனால நீங்க ஜாக்கிரதையா பாத்து போங்க" என்று சொன்னார்.

நானும் "அவனுக்குப்பயந்து பேட்டைக்குள்ளே எத்தனை நாள்தான் இருக்க முடியும் ? கடவுள் விட்ட வழி " என்று நினைத்து வண்டிய எடுத்திட்டு வெளியே வந்தேன். அவர் சொன்னமாதிரி அவன் பேட்டைக்கு வெளியே நின்று என் வண்டிய வழி மறிச்சான். இதை நான் ஏற்கனவே சொன்ன ஹோட்டல் முதலாளி கவனித்து , "என்ன இவன் வில்லங்கமானவன் ஆச்சே? நம்ம லேபர் இன்ஸ்பெக்டரிடம் மொறைச்சுக்கிட்டு எதோ பேசுகிறானே ? என்ன ஏது ன்னு விசாரிக்கணுமே " என்று நினைத்து அவர் ஹோட்டல் வாசல்படியில் நின்று அவனைக் கூப்பிட்டார். என்னையும் " கொஞ்சம் கோபிச்சிக்கிடாம வந்து காபி சாப்பிட்டுட்டு போங்க" என்று சொன்னார்.

"ம்ம்ம்ம் ----பிரச்சினை தீர கடவுள் எதோ வழி காண்பிக்கிறார் !" என்று நினைத்து உள்ளே போனேன். எனக்கு முன்பாக உள்ளே சென்ற அவனை அந்த முதலாளி தனி அறைக்கு அழைத்துச்சென்றார்.கொஞ்ச நேரம் கழித்து அவனையும் அழைத்துக்கொண்டு என்னிடம் வந்தார் "சார்! அந்த தள்ளு வண்டியிலிருந்து ஏதோ படிக்கல்லை எடுத்தீங்களா ?"என்று கேட்டார். நானும் அதை ஆமோதித்து தலையாட்ட அவரும் "அந்த படிக்கல் இதோ இவனுடையது தான்.அதை இப்போது அவனிடம் நீங்க கொடுத்தா நாளைக்கி ஆபீஸீக்கு வந்து அவனிடம் இருக்கும் எல்லா தராசு படிகளையும் முத்திரையிட்டுக்கொள்ளுவான்., அதனாலே இப்போது அவனிடம் அந்த படிக்கல்லை நீங்க கொடுக்கலாமா? "என்று கேட்டார. நமக்கு தேவை முத்திரை இட்டுக்கொள்ளுவதுதானே ? அதை நாளை செய்து விடுவான் என்று இவர் சொல்லும்போது மறுக்கக்கூடாது., மேலும் நாம் ரசீது போடாமல் பொது பறிமுதல்தானே செய்திருக்கிறோம் "என்று நினைத்து அந்த படிக்கல்லை எடுத்து அவனிடமே கொடுத்து விட்டேன்.

உடனே அந்த முதலாளி "பாத்தியாடா? நான் என்ன சொன்னேன்? எவ்வளவு தங்கமான இன்ஸ்பெக்டர் ?அவரைப்போயி நீ என்னசொன்ன? எப்படி நடந்துக்கிட்டார் பாத்தீயா ? "என்று கேட்டார். அவனும் " ஆமா முதலாளி ! தப்புத்தான்!! "என்று அவரிடமும் "சார் !கண்டிப்பா நாளைக்கி வந்து முத்திரையிட்டுக்கொள்கிறேன் "என்று என்னிடமும் சொல்லிவிட்டு தலை குனிந்தவாறே அந்த இடத்தைவிட்டு சென்று விட்டான்.

நானும் அவரிடமும் " பரவாயில்லை., நீங்க இருந்ததாலே பிரச்சினையை ஒரு வழியா நல்லபடியா முடிச்சி விட்டுடீங்க ! "என்று சொன்னேன். " என்ன? இவனைப்பத்தி முன்னாலே உங்களுக்குத் தெரியுமா? "என்று கேட்டார். "இல்லை., இப்பத்தான் பேட்டை கருவாட்டுக்கடைக்காரர் சொன்னார் "என்று சொன்னேன்.அவரும் " அவன் மோசமானவன்தான் சார்! என்ன செய்வது ? உங்க தொழிலிலும் எங்க தொழிலிலும் வில்லமானவங்க, விவகாரமானவங்களை நாம எப்படியாவது சந்தித்துதான் ஆக வேண்டியதிருக்கிறது., சமாளிப்பதில் தான் நம்ம திறமையே இருக்கிறது " என்று சொன்னார். நானும் "ஆமாங்க !" என்று சொன்னேன்.

அன்று மட்டும் அவரது தலையீடுஇந்த விஷயத்தில் இல்லாமல் இருந்திருந்தால் ? ------------
சொல்லுங்க தம்பிகளா ? ----------------------என்ன நடந்திருக்கும் ? "

"கரெக்ட்டா கோரஸ்ஸா சொல்லட்டுமா அண்ணே !------டேய் ! சத்தமா சொல்லுங்கடா ----------- ஆரம்பிங்கடா ------இன்னைக்கி இவ்வளவு நீளமான போரடித்த கதையை நாங்க கேட்க வேண்டிய கட்டாயம் எங்களுக்கு வந்திருக்காது --------------------என்ன சரிதானே அண்ணே ? "











Post has shared content

திருவிளக்கை ஏற்றி வைத்தோம் !

திருமகளே வருக !!

Post has shared content
சொல்லுங்கோ!

வேல்முருகா! வேல்முருகா!! வேல் !!!

Post has shared content

Post has shared content

Post has shared content

Post has shared content

உன்னைத்தான் பாட வந்தேன் !
Wait while more posts are being loaded