Profile cover photo
Profile photo
Shraddha TV
636 followers -
Noble Friend of Television Media
Noble Friend of Television Media

636 followers
About
Shraddha TV's posts

Post has attachment
අපගේ භාග්‍යවතුන් වහන්සේ විසින් උතුම් ශ්‍රී සද්ධර්මය දේශනා කරන්නට යෙදුනු පාලි භාෂාව සරළව මුල සිටම ඉගෙන ගැනීමේ අවස්ථාව පින්වත් ඔබට මෙම වැඩසටහනින් හිමිවේ.
ශ්‍රද්ධා රූපවාහිනියේ කොටස් වශයෙන් පලවූ “අපේ පාලි පංතිය“ වැඩ සටහනේ මේ වන තෙක් විකාශනය වූ සියලු කොටස් දැන් ශ්‍රද්ධා වෙබ් අඩවිය ඔස්සේ නැරඹීමේ හැකියාව පවතී. මේ එහි 122 වන කොටසයි. කොළඹ මාලිගාකන්දේ විද්‍යෝදය පිරිවෙණ් ආචාර්ය, ශ්‍රී ලංකා බෞද්ධ හා පාලි විශ්වවිද්‍යාලයේ පාලි අධ්‍යනාංශ ප්‍රධාන ජේෂ්ඨ මහාචාර්ය, පූජ්‍යපාද වෑගම පියරතන නායක ස්වාමීන් වහන්සේ විසින් වෙත ගෙන එන මෙම වැඩසටහන් වල ඇතුළත් අභ්‍යාස ආදිය ලියා ගෙන නිවසේ සිට ම පුරුදු පුහුණු වන්නට කටයුතු කරන්න.

සම්පූර්ණ වැඩසටහන නැරඹීමට පිවිසෙන්න...
http://www.shraddha.lk/shraddha-programs/learning-pali-language-122

Post has attachment
අපි මේ දිනවල සාකච්ඡා කරන්නේ චතුරාර්ය සත්‍යය ධර්මය ඇති කරදෙන අංග හත වන සප්ත බොජ්ඣංග පිළිබදව. අද අපි කතා කරන්න බලාපොරොත්තු වන්නේ ගිලාන වර්ගයේ සූත්‍ර දේශණා. පාණ කියන සූත්‍ර දේශණාවේ බුදුරජාණන් වහන්සේ වදාළා යම් තාක් මේ ප්‍රාණීන් ඉන්නවාද ඒ සියලු සත්වයෝ සතර ඉරියව් පවත්වන්නේ පොළොවෙහි පිහිටා කියනවා. භාග්‍යවතුන් වහන්සේ දේශණා කරනවා අපි මේ කතා කරන සප්ත බොජ්ඣංගත් භික්ෂුවක් වඩන්නේ සීලය පිහිටා කියනවා. බොජ්ඣංග වඩන්න ඕන නම් අපි පිහටලා ඉන්න ඕන සීලය මත. සතිපට්ඨානය වඩන්න ගියත් මේ සීලය තුල තමයි බුදුරජාණන් වහන්සේ මුලින් පිහිටන්න කිව්වේ. මේ බොජ්ඣංග අපි කතා කරද්දි, මේවා ගැන අපිට ආසාවක් ඇති වෙන්න පුලුවන්. මේවා වඩාගන්න පුලුවන් නම් කොච්චර එකක්ද කියලා එහෙම හිතෙන්න පුලුවන්. මේ ධර්මාවබෝධය පතන ඕනම කෙනෙක්ගේ හිතේ මේ වගේ එකක් දෙයක් හිතේ ඇතිවෙන්න පුලුවන් සාධරණ අදහසක්, අවංක අදහසක්, ශ්‍රද්ධාවන්ත අදහසක්. මේ හැමදෙනාම එහෙම නම් මුලින්ම කැමති වෙන්න ඕන සීලයට. ඒ කෙනා සීලයට පැමිණෙන් ඕන.

සම්පූර්ණ දේශනාව නැරඹීමට පිවිසෙන්න..
http://www.shraddha.lk/shraddha-programs/sonduru-nivanmaga-82/

Post has attachment
අද අපි ඉගෙන ගන්න සූත්‍රය අනතර්ගත වන්නේ අංගුත්තර නිකාය අට්ඨක නිපාතයට. දේශණාවේ නම තමයි ජීවක සූත්‍රය. ඒ කාළේ බුදුරජාණන් වහන්සේ වැඩ සිටියේ ජීවක අඹ වනයේ. මේ ජීවක වෙද මහත්තයා බුදුරජාණන් වහන්සේට එයාගේ අඹ වනයකුත් පූජා කළා. ඒ අඹ වනාන්තරයේ බුදුරජාණන් වහන්සේ වැඩ ඉද්දි මේ ජීවක වෙද මහත්තයා බුදුරජාණන් වහන්සේ මුණ ගැහෙන්න ආවා. ඇවිල්ලා බුදුරජාණන් වහන්සේට වන්දනා කරලා පැත්තකින් වාඩි වෙලා, බුදුරජාණන් වහන්සේගෙන් අහනවා. ස්වාමීණි භාග්‍යවතුන් වහන්ස බුදුරජාණන් වහන්සේගේ ශාසණේ, කොහොමද උපාසක කෙනෙක් වෙන්නේ කියලා. එතකොට උපාසක කියන වචනය අද කාළේ, හෑල්ලුවක ලක් කරන වචනයක්. කවුරු හරි නිහඬ චරිතයක් ඉන්නවා නම් කියනවා අපි කියනවා අරයා වැඩක් නෑ, පිරිමි කමක් නෑ උපාසකයෙක් වගේ කියලා. ඒක අපේ සමාජයේ තියෙන එකක්.

ඒ වගේම උපාසක කියන වචනය වයසක අයට භාවිතා කරනවා. නමුත් උපාසක කියන වචනේ හරි තේරුම තමයි, බුදුරජාණන් වහන්සේගේ ශ්‍රාවකත්වය ලැබුවා කියන එක. යම් කෙනෙක් බුදුරජාණන් වහන්සේව ගුණ වශයෙන් හඳුනා ගෙන අවබෝධයෙන්ම සරණ යනවා නම්, ධර්මය ගුණ වශයෙන් හඳුනා ගෙන ධර්මය සරණ යනවද, ශ්‍රාවක සංඝ රත්නය ගුණ වශයෙන් හඳුන ගෙන සංඝයා සරණ යනවද, මෙපමණකින්ම ඔහු උපාසකයෙක් බවට පත් වෙනවා කිව්වා. එතකොට කට වචනෙන් බුද්ධං සරණං ගච්ඡාමි කිව්වට මේක වෙනවද? එහෙම වෙන්නේ නෑ. දැන් බලන්න අපි බෞද්ධ පරිසරයක ඉපදුන නිසා, ඔන්න පුංචි කාළේ ඉස්කොලේ ගියාට පස්සේ පන්තියේ ගුරුවරයා කියනවා දැන් අපි පන්සිල් ගමු කියලා. මේ පන්සිල් ගමු කියලා කියන්නේ මොකටද? තෙරුවණ් සරණ එකට.

සම්පූර්ණ දේශනාව නැරඹීමට පිවිසෙන්න..
http://www.shraddha.lk/shraddha-programs/jivaka-suthraya/

Post has attachment
පින්වත් දරුවනේ,

අද අපි මේ යොවුන් දහම් සක්මන පවත්වන්ට කල්පනා කළේ යෞවනේ නාමයෙන් මහ විනාශයකට බඳුන් වෙවී යන මේ තරුණ දරුවන්ට යහපතක් උදා කර දීමේ අදහසින්. මේ දරුවන් දන්නවා මේ මාසේ පෙබරවාරි මාසේ දාහතර වෙනිදා වැලන්ටයින් දිනය කියලා දිනයක් මෑත කාළයේ අපට අසන්නට ලැබුණා. සමහරු ඒක පෙම්වතුන්ගේ දිනය කියල හදුන්වා ගත්තා. සාමන්‍යයෙන් මං හිතන්නේ අපට ඔය වැලන්ටයින් දිනය ගැන අසන්ට ලැබුනේ මීට අවුරුදු පහළොවකට, දහ අටකට විතර කළින්. අපි පුංචි කාළේ අහලා නෑ. අපි තරුණ කාළෙත් අහලා නෑ. එක්දාස් නමසිය අනූ අටේ, අනූ නමයේ අවුරුද්දේ ඒ කාළේ ඉදලා තමයි මේක ප්‍රචාරය වෙලා ගියේ. මං එහෙම කිව්ව, නැත්නම් මේ දරුවන් හිතයි මේක ගොඩාක් පරණ, පරම්පරාගත ඇදහීමක් කියලා. මේ වෙද්දි මේ වැලන්ටයන් දිනය වෙනුවෙන්, මං දැක්කා ලිපියක් තියෙනවා. මේ දිනය වාණිජකරණයට ලක් වීම නිසා ඩොලර් කෝටි අටසීයක, නමසීයක ආදායමක් ලබන මේක වාණිජ රැල්ලක්. මේ රැල්ලට ගොදුරු කරගන්නේ තරුණ පුතුන් සහ තරුණ දියණියන්.

සම්පූර්ණ දේශනාව නැරඹීමට පිවිසෙන්න..
http://www.shraddha.lk/shraddha-programs/yowun-daham-sakmana-2017/

Post has attachment
රහතන් වහන්සේ කියන වචනය අපට ලෝකයට ඉස්සෙල්ලම වචනයක් විදියට දායාද කළේ බුදුරජාණන් වහන්සේ. එහෙනම් රහතන් වහන්සේ කියන වචනය බුදුරජාණන් වහන්සේගේ වචනයක්. අරහං කියන වචනය අරහත්වය බුදුරජාණන් වහන්සේගේ වචනයක්. බුදුරජාණන් වහන්සේ පහල වෙන්න කළින් මේ සසරින් එතෙරට යන්න ඕනි කියලා මාර්ගයක් හොය හොය හිටපු පිරිසක් හිටියා. ඒ පිරිස හිටියට කොහොමද මේකේ එතෙරට යන්නේ කියලා කිසිවෙක් දැනගෙන හිටියේ නෑ. බුදුරජාණන් වහන්සේ ලෝකයට පහළ වෙලා පාරක් හොයා ගත්තා. ඒ පාර සොයාගත්ත නිසා උන්වහන්සේ සුගත කියලා හදුන්වනවා. ඒ පාර හොයාගෙන මේ සසරෙන් එතෙර වුන බුදුරජාණන් වහන්සේ පිරිසට ධර්මය දේශණා කරගෙන ගියා ශාසණයක් පිහිටුවන්න. ඒ ශාසනයට ඇතුල් කළා භික්ෂූණ් වහන්සේලා කියලා පිරිසක්. ඒ භික්ෂූණ් වහන්සේලා කියන්නේ බුදුරජාණන් වහන්සේගේ ශාසණයකම ඉන්න පිරිසක්.

එහෙනම් භික්ෂු පිරිස ලෝකයට දායාද කරන්නේ බුදුරජාණන් වහන්සේ. ඒ භික්ෂු පිරිස අතර බිහි වෙනවා මාර්ගඵල ලාභීන්. මාර්ගඵල ලාභීන් අතර කෙළවරටම පත්වුන ඒ කියන්නේ සම්පූර්ණයෙන්ම සසරිත් එතෙරට වැඩි පිරිසට බුදුරජාණන් වහන්සේ වචනයක් පාවිච්චි කරනවා රහතන් වහන්සේලා කියලා, අරහත් මුනිවරයන් වහන්සේලා කියලා. මෙතනින් තමයි අපට රහතන් වහන්සේලා කියන වචනය හා හා පුරා කියලා ලෝකයට දායාද වෙන්නේ. එතකොට තමයි අපි අදුන ගන්නේ මෙන්න මෙහෙම පිරිසක් ලෝකයේ වැඩ ඉන්නවා කියලා. එතකොට ඒ රහතන් වහන්සේ නමක් කියන්නේ කවුද කියලා බුදුරජාණන් වහන්සේ විස්තර කළා. බුදුරජාණන් වහන්සේලා රහතන් වහන්සේ කවුද කියලා විස්තර කරනවා, වීතරාගී, වීතදෝෂී, වීතමෝහී උත්තමයන් වහන්සේලා කියලා.

සම්පූර්ණ දේශනාව නැරඹීමට පිවිසෙන්න..
http://www.shraddha.lk/shraddha-programs/munivaru-handhuna-ganimu/

Post has attachment
අපගේ භාග්‍යවතුන් වහන්සේ විසින් උතුම් ශ්‍රී සද්ධර්මය දේශනා කරන්නට යෙදුනු පාලි භාෂාව සරළව මුල සිටම ඉගෙන ගැනීමේ අවස්ථාව පින්වත් ඔබට මෙම වැඩසටහනින් හිමිවේ.

ශ්‍රද්ධා රූපවාහිනියේ කොටස් වශයෙන් පලවූ “අපේ පාලි පංතිය“ වැඩ සටහනේ මේ වන තෙක් විකාශනය වූ සියලු කොටස් දැන් ශ්‍රද්ධා වෙබ් අඩවිය ඔස්සේ නැරඹීමේ හැකියාව පවතී. මේ එහි 121 වන කොටසයි. කොළඹ මාලිගාකන්දේ විද්‍යෝදය පිරිවෙණ් ආචාර්ය, ශ්‍රී ලංකා බෞද්ධ හා පාලි විශ්වවිද්‍යාලයේ පාලි අධ්‍යනාංශ ප්‍රධාන ජේෂ්ඨ මහාචාර්ය, පූජ්‍යපාද වෑගම පියරතන නායක ස්වාමීන් වහන්සේ විසින් වෙත ගෙන එන මෙම වැඩසටහන් වල ඇතුළත් අභ්‍යාස ආදිය ලියා ගෙන නිවසේ සිට ම පුරුදු පුහුණු වන්නට කටයුතු කරන්න.

සම්පූර්ණ වැඩසටහන නැරඹීමට පිවිසෙන්න...
http://www.shraddha.lk/shraddha-programs/learning-pali-language-121/

Post has attachment
අපි කතා කරන මේ බොජ්ඣංග ධර්ම හත ගැන බුදුරජාණන් වහන්සේ වදාළා මේ බොජ්ඣංග හත හොදට දියුණු වුනාම කාමාස්‍රව වලින් හිත නිදහස් වෙනවා කියලා. ඒ වගේම භවයට අරන් යන භවාස්‍රව වලිනුත් හිත නිදහස් වෙනවා. චතුරාර්ය සත්‍යය ධර්මය ගැන තියෙන අනවබෝධය දුරු වෙලා විද්‍යාව පහල වෙලා ආස්‍රව වලින් හිත නිදහස් වෙනවා. අපි පහුගිය දවස් වලම මේ බොජ්ඣංග ධර්ම ගැනයි කතා කළේ. අද අපි සූදානම් වෙන්නේ කුණ්ඩලිය සූත්‍රය ඇසුරෙන් බොජ්ඣංග ධර්ම හත ගැන කතා බස් කරන්න. බුදුරජාණන් වහන්සේ සාකේත නුවර වැඩ ඉද්දි මේ කුණ්ඩලිය කියන අන්‍යාගමික තාපස කෙනෙක් භාග්‍යවතුන් වහන්සේ මුණ ගැහෙන්න පැමිණුනා. පැමිණිලා භාග්‍යවතුන් වහන්සේ සමග සතුටු සාමීචි කතාවේ යෙදිලා එකත්පස් ව හිඳගත්තා.

භාග්‍යතුන් වහන්සේ මේ කුණ්ඩලිය පරිබ්‍රාජකයා මෙසේ පැවසුවා, ”භාග්‍යවතුන් වහන්ස, මම ආරාමවල ලැගුම් ගන්නෙමි පිරිස් අතර වාද කරමින් හැසිරෙන්නෙක්මි. භවත් ගෞතමයෙනි, උදය ආහාර අනුභව කළ මට පසුබත් කාලයෙහි මේ සිරිත වෙයි. ආරාමයෙන් ආරාමයට, උද්‍යානයෙන් උද්‍යානයට මම සක්මන් කරමි. අනුව හැසිරෙමි. එර් මම මෙසේ වාදයන්ගෙන් නිදහස් වන්නේ ය. මෙසේ වාද කරන්නේ ය යන අනුසස් මතුකොට කථා කියන ඇතැම් ශ්‍රමණ බ්‍රාහ්මණයන් එහිදී දකිමි. භවත් ගෞතමයාණෝ කුමක් අනුසස් කොට වාසය කරත් ද?” එතකොට බුදුරජාණන් වහන්සේ දේශණා කරනවා තථාගතයන් වහන්සේ විද්‍යා විමුක්ති ඵල ආනිසංස කොට ගෙන වාසය කරනවා කියලා. නැවතත් කුණ්ඩලිය විමසනවා ස්වාමීනී භාග්‍යවතුන් වහන්සේ කුමන ධර්මයන් බහුල වශයෙන් වැඩුවාමද විද්‍යාවත්, විමුක්තියත් පූර්ණත්වයට පත්වෙන්නේ කියලා.

සම්පූර්ණ ධර්ම දේශණය ශ්‍රවණය කිරීමට පිවිසෙන්න
http://www.shraddha.lk/shraddha-programs/kundaliya-suthraya/?portfolioCats=131

Post has attachment
අද දවසේ අපි ඉගෙන ගන්නේ සම්මා ආජීවය ගැන. ආජීවය කියන කොටස වැටෙන්නේ සීල, සමාධි, ප්‍රඥා කියන කොටස් තුනෙන් සීලය කියන කොටසට. සාමාන්‍යයෙන් අපි සම්මා ආජීවය කියලා කියන්නේ යහපත් ජීවිත පැවැත්ම කියන එකට. එතකොට ඒ ජීවිත පවත්වන්න ඕන කොහොමද කියලා අපි දේශණා තුලින්ම ඉගෙන ගන්න ඕන. බුදුරජාණන් වහන්සේගේ ශ්‍රාවකයෝ එදා යහපත් ජීවිතය මේකයි කියලා හරියට තේරුම් අරගෙන වාසය කළා. මේ ඔක්කොටම මුල් වෙන්නේ සම්මා දිට්ඨිය. දන් දීමේ විපාක ඇත, පුදපූජාවන්ගේ විපාක ඇත, මවිපියන්ට උපස්ථාන කිරීමේ විපාක ඇත ආදී වශයෙන් කර්ම කර්ම-ඵල විශ්වාසය, මෙලොව පරලොව විශ්වාස කරන ගතිය මේ මත තමයි එයාගේ ජීවිත පැවැත්ම පිරිසිදු බවට පත්වෙන්නේ.

අපි බලමු බුදුරජාණන් වහන්සේ ජීවිතයේ පවත්වන්න කියලා මොනවිදියටද දේශණා කළේ කියලා. බුදුරජාණන් වහන්සේ දේශණා කරනවා මහණෙනි, මේ ඇතැම් ශ්‍රමණ බමුණන් ඉන්නවා මිනිස්සු ශ්‍රද්ධාවෙන් දීපු දේවල් වළඳලා ගස් කොළන් සිඳලීමෙන් වාසය කරනවා. එතකොට ගස් කොළන් සිඳලීමත් සම්මා ආජීවය කිලුටු වීමක්. මොන ගස් කොළන්ද සිඳලන්නේ කියනවා, ඒ කියන්නේ මුලින් පැළවෙන, කඳින් පැළවෙන, ගෙඩියෙන් පැලවෙන, බීජ වලින් පැළවෙන, රිකිල්ලෙන් පැළවෙන මේ ආදී වශයෙන් ගස් කොළන් ඇද්ද මේවා සිඳලමින් වාසය කරනවා, මේකත් ආජීවය අපිරිසිදු වීමට බලපාන දෙයක් කියලා බුදුරජාණන් වහනසේ දේශණා කළා. බුදුරජාණන් වහන්සේ ශික්ෂාපදයක් පනවලා තියෙනවා භික්ෂූන් වහන්සේලාට ගහක කොලයක් වත් කඩන්න බෑ කියලා. ශ්‍රද්ධාවෙන් දීපු දානය රැස් කරගෙන වළදන එකත් බුදුරජාණන් වහන්සේ දේශණා කරපු දෙයක්. මේ ඔක්කොම නිවන් මගට බාධා පිණිස පවතිනවා.

සම්පූර්ණ දේශනාව නැරඹීමට පිවිසෙන්න..
http://www.shraddha.lk/shraddha-programs/samma-ajivaya

Post has attachment
අප ඉදිරියේ මේ අහස උසට පෙනෙන්නේ බුදුරජාණන් වහන්සේගේ ද්‍රෝණයක් ධාතූන් වහන්සේලා වැඩ සිටින ස්වර්ණමාලී මහා සෑ රජාණන් වහන්සේ. තුන් ලෝකයේම අසහාය මහ සෑ රජාණන් වහන්සේ තමයි ස්වර්ණමාලී මහා සෑ රජාණන් වහන්සේ. අපි කවුරුත් ඉදගෙන සිටින මේ ස්වර්ණමාලී සෑ රජාණන් වහන්සේගේ මළුව රහතන් වහන්සේලා අනූහය කෝටියක් වැඩ සිටපු තැනක්. එතකොට අපි මේ ඉන්න සෑම තැනකම රහතන් වහන්සේ නමක් වැඩ හිටපු තැනක්. අපි මේ සෑ රජාණන් වහන්සේට යම් තැනක ඉදලා වන්දනා කළොත් ඒ රහතන් වහන්සේ නමක් වැදපු තැනක්. අපි යම් තැනක ඉදගෙන ඉදියොත් ඒ රහතන් වහන්සේ නමක් වැඩ සිටපු තැනක්. බුදුරජාණන් වහන්සේලා මේ ලෝකයට පහළ වෙන්නේ ඉතාමත් කළාතුරකින්.

මේ මහා භද්‍ර කල්පයේ බුදුවරු හතර නමක් පහල වුනා. මේ භද්‍ර කල්පයේ මිනිස්සුන්ගේ ආයුෂ අවුරුදු හතලිස් දහසක් වුන කාලයක් තිබ්බා. ඒ හතලිස් දාහක් ආයුෂ තියෙන කාලයේ, ලෝකයට පහළ වුනා කකුසද කියලා බුදුරජාණන් වහන්සේ නමක්. ඒ කකුසඳ බුදුරජාණන් වහන්සේ ලොව පහළ වුන කාළෙත් මේ භූමියට වෙන නමක් තිබුණේ ඒ කාළයේ. මේ භූමියට අවුරුදු හතලිස් දාහක් ආයුෂ තියෙන කකුසඳ බුදුරජාණන් වහන්සේත් වැඩම කළා. වැඩම කරලා අපිට මේ පෙනෙන සෑ රජාණන් වහන්සේගේ රන්කොත පේන තැන දහස් ගණන් රහතන් වහන්සේලා සමග වැඩ සිටියා. එතකොට කකුසඳ බුදුරජාණන් වහන්සේගේ සිරිපා පහසිනුත් පූජණීය වුනා. ඊළගට ඒ බුදුරජාණන් වහන්සේ පිරිනිවන්පාලා කාලයක් ගියාට පස්සේ, ලෝකයට පහල වුනා කෝණාගමන කියලා බුදුරජාණන් වහන්සේ නමක්.

සම්පූර්ණ දේශනාව නැරඹීමට පිවිසෙන්න...
http://www.shraddha.lk/shraddha-programs/svarnmali-mahasa-rajananvahanse/

Post has attachment
Wait while more posts are being loaded