Profile

Cover photo
Oommen Chandy
Works at Govt of Kerala
Attended Govt Law College, Ernakulam
Lives in Thiruvananthapuram, Kerala
1,349 followers|568,890 views
AboutPostsPhotosYouTube

Stream

Oommen Chandy

Shared publicly  - 
 
കണ്ണൂർ വിമാനത്താവളം കേരളത്തിന്റെ അഭിമാന പദ്ധതിയാണ്. 1892 കോടി രൂപയുടെ ഈ പദ്ധതി പൂർത്തിയാകുമ്പോൾ നാലു അന്താരാഷ്ട്ര വിമാനത്താവളങ്ങളുള്ള അപൂർവ സംസ്ഥാനമായി കേരളം മാറും.
 ·  Translate
1
Add a comment...

Oommen Chandy

Shared publicly  - 
 
യു.ഡി.എഫ്. സര്‍ക്കാരിന്റെ കഴിഞ്ഞ അഞ്ച് വര്‍ഷത്തെ വികസന പ്രവര്‍ത്തനങ്ങളെക്കുറിച്ച് പരസ്യ സംവാദത്തിനുള്ള എന്റെ ക്ഷണം ശ്രീ. പിണറായി വിജയന്‍ സ്വീകരിക്കാതിരുന്നത് തീര്‍ത്തും നിര്‍ഭാഗ്യകരമായിപ്പോയി. അതിനു പകരം അഴിമതിയുടേയും തട്ടിപ്പിന്റേയും വികസനമാണ് യു.ഡി.എഫ്. സര്‍ക്കാര്‍ കഴിഞ്ഞ അഞ്ച് വര്‍ഷം നടത്തിയതെന്നും ഭാവി വികസനത്തെക്കുറിച്ചുള്ള മൂര്‍ത്തമായ കാഴ്ചപ്പാടുള്ളത് എല്‍.ഡി.എഫിനാണെന്നും വ്യക്തമാക്കിക്കൊണ്ടുള്ള പിണറായി വിജയന്റെ കമെന്റും വായിച്ചു. ഒരു രാഷ്ട്രീയ പ്രസംഗത്തിന്റെ സ്വഭാവം മാത്രമേ ആ കമന്റിനുള്ളൂ
എന്നു പറയേണ്ടി വന്നതില്‍ ഖേദമുണ്ട്. വിഴിഞ്ഞം തുറമുഖ പദ്ധതിയില്‍ 6000 കോടി രൂപയുടെ അഴിമതിയുണ്ടെന്നു പറഞ്ഞ പിണറായി വിജയന്‍ തന്നെ അത് പിന്നീട് വിഴുങ്ങിയത് കേരളം കണ്ടതാണ്. ഞാന്‍ അക്കാര്യങ്ങളിലേക്കൊന്നും കൂടുതല്‍ പോകാന്‍ ആഗ്രഹിക്കുന്നില്ല.
കഴിഞ്ഞ അഞ്ചുവര്‍ഷക്കാലം കേരളത്തില്‍ നടന്ന വികസന പ്രവര്‍ത്തനങ്ങള്‍/ പദ്ധതികള്‍ അക്കമിട്ടു നിരത്തിക്കൊണ്ടുള്ളതായിരുന്നു എന്റെ ഫെയ്‌സ്ബുക്ക് പോസ്റ്റ്. ആ പദ്ധതികളുടെ ഭാഗമായി കഴിഞ്ഞ അഞ്ച് വര്‍ഷക്കാലത്തിനുള്ളില്‍ 20,000 കോടി രൂപയുടെ മുതല്‍മുടക്കു നടത്തിയെന്ന് ഞാന്‍ വ്യക്തമാക്കുകയുണ്ടായി. വന്‍കിട വികസന പദ്ധതികള്‍ മാത്രമല്ല, അവഗണിക്കപ്പെടുന്ന ജനവിഭാഗങ്ങളുടെ സാമൂഹ്യ സുരക്ഷ ലക്ഷ്യമിട്ടുകൊണ്ട് നൂറുകണക്കിനു കോടിക്കണക്കിനു രൂപയുടെ പദ്ധതികള്‍ സമാന്തരമായി ആവിഷ്‌കരിച്ച കാര്യവും ഞാന്‍ ഫെയ്‌സ്ബുക്ക് പോസ്റ്റില്‍ ചൂണ്ടിക്കാണിച്ചിരുന്നു. ഇപ്രകാരം വികസനത്തിലും കരുതലിലും ഊന്നുന്ന നയമാണ് കഴിഞ്ഞ അഞ്ചുവര്‍ഷം യു.ഡി.എഫ്. സര്‍ക്കാര്‍ നടപ്പിലാക്കിയതെന്നും ഈ വികസന നയത്തെ കുറിച്ച് പരസ്യ സംവാദത്തിനു തയാറുണ്ടോ എന്നുമാണ് ഞാന്‍ പിണറായി വിജയനോട് ചോദിച്ചത്.
അതിനു തയാറാകാതിരുന്ന അദ്ദേഹം ചില തൊടുന്യായങ്ങള്‍ പറഞ്ഞ് എന്റെ ക്ഷണത്തില്‍നിന്നും ഒളിച്ചോടുകയാണ്. കഴിഞ്ഞ അഞ്ചുവര്‍ഷക്കാലം യു.ഡി.എഫ്. സര്‍ക്കാര്‍ തുടര്‍ന്ന വികസന നയത്തെക്കുറിച്ച് പിണറായി വിജയനെ സംവാദത്തിനു ക്ഷണിച്ചപ്പോള്‍ അക്കാര്യത്തെക്കുറിച്ച് മൗനംപാലിച്ച പിണറായി വിജയന്‍ അടുത്ത അഞ്ച് വര്‍ഷത്തെ വികസന നയത്തെ കുറിച്ചാണ് വാചാലനാകുന്നത്. അക്കാര്യത്തെക്കുറിച്ച് മനസിലാക്കാന്‍ പിണറായി വിജയന്‍ നടത്തിയ ഒരുമാസം നീണ്ടുനിന്ന നവകേരള മാര്‍ച്ചിനിടെ നടത്തിയ പത്രസമ്മേളനങ്ങളുടെ ക്ലിപ്പിങ്ങുകള്‍ ഞാന്‍ പരിശോധിക്കണമെന്നാണ് പിണറായി വിജയന്‍ പറയുന്നത്. തെരഞ്ഞെടുപ്പ് പ്രചാരണത്തിന്റെ ഈ അന്ത്യഘട്ടത്തില്‍ അത് ബുദ്ധിമുട്ടാണെന്ന് പറയട്ടെ. വികസനം ചര്‍ച്ച ചെയ്യാന്‍ ഇതിനു മുമ്പും പഠന കോണ്‍ഗ്രസുകള്‍ സി.പി.എം നടത്തിയിട്ടുണ്ട്. പിന്നീട് ഭരണത്തിലേറിയപ്പോള്‍ എന്ത് വികസനമാണ് നടത്തിയതെന്ന് കേരളീയര്‍ക്കറിയുകയും ചെയ്യാം. കഴിഞ്ഞ അഞ്ച് വര്‍ഷത്തെക്കുറിച്ച് ചര്‍ച്ച നടത്താം എന്നു പറയുമ്പോള്‍ ഇനിയും കൊണ്ടുവരുമെന്നു പറയുന്ന വികസനത്തെക്കുറിച്ചാണ് പിണറായി വിജയന്‍ പറഞ്ഞുകൊണ്ടിരിക്കുന്നത്. അരിയെത്ര എന്ന ചോദ്യത്തിന് പയര്‍ അഞ്ഞാഴി എന്നു പറയുംപോലെ.
ചില എല്‍.ഡി.എഫ്. എം.എല്‍.എമാര്‍ അവരുടെ മണ്ഡലത്തില്‍ നടത്തിയ വികസന പ്രവര്‍ത്തനങ്ങളുടെ രേഖകള്‍ ഞാന്‍ കാണാനിടയായി. എം.എല്‍.എമാര്‍ക്ക് സ്വന്തം മണ്ഡലങ്ങളില്‍ വികസന പ്രവര്‍ത്തനങ്ങള്‍ ഏറ്റെടുത്തു നടത്താന്‍ ഫണ്ട് യഥേഷ്ടം അനുവദിക്കുന്ന ആസ്തി വികസന ഫണ്ട് നടപ്പാക്കിയത് യു.ഡി.എഫ് സര്‍ക്കാരാണ്. 750 കോടി രൂപയുടെ അടങ്കലുള്ള ഈ ഫണ്ട് ഉപയോഗിച്ചാണ് പ്രതിപക്ഷ എം.എല്‍.എമാര്‍പോലും തങ്ങളുടെ മണ്ഡലത്തില്‍ വികസന പ്രവര്‍ത്തനങ്ങള്‍ നടത്തിയതെന്ന് പിണറായി ഓര്‍മിച്ചാല്‍ നന്ന്. ഏതെങ്കിലും പ്രതിപക്ഷ എം.എല്‍.എയോട് ചോദിച്ചിരുന്നെങ്കില്‍ അവര്‍ ഇക്കാര്യം വ്യക്തമായി പറയുമായിരുന്നു. യു.ഡി.എഫ്. സര്‍ക്കാര്‍ വികസന പ്രവര്‍ത്തനങ്ങള്‍ നടത്തിയെന്നും എല്‍.ഡി.എഫ്. സര്‍ക്കാരുകള്‍ വികസന വിരുദ്ധ നയമാണ് തുടര്‍ന്നുപോന്നതെന്നും തെരഞ്ഞെടുപ്പ് വേളയില്‍ ജനങ്ങള്‍ക്കു മുന്നില്‍ പറയേണ്ടിവരും എന്നതുകൊണ്ടാണ് പരസ്യ സംവാദത്തിനുള്ള എന്റെ ക്ഷണം പിണറായി വിജയന്‍ സ്വീകരിക്കാതിരുന്നത്.
 ·  Translate
1
Add a comment...

Oommen Chandy

Shared publicly  - 
 
ഈ തെരഞ്ഞെടുപ്പില്‍ ഇതുവരെ എല്‍.ഡി.എഫ് മനപ്പൂര്‍വം ചര്‍ച്ച ചെയ്യാത്ത ഒരു കാര്യം പ്രചാരണം അവസാനിക്കാറായ ഘട്ടത്തില്‍ ഞാന്‍ ഓര്‍മിപ്പിക്കട്ടെ. മൂന്നു പതിറ്റാണ്ടിനിടെ കേരളം കണ്ടിട്ടില്ലാത്ത തരത്തിലുള്ള വികസനമാണ് കഴിഞ്ഞ അഞ്ചു വര്‍ഷംകൊണ്ട് യു.ഡി.എഫ്. സര്‍ക്കാര്‍ നടത്തിയത്. ഈ തെരഞ്ഞെടുപ്പില്‍ വികസനം എല്‍.ഡി.എഫ്. ഒരു പ്രചാരണ വിഷയമാക്കാത്തത് ഇതുകൊണ്ടാണ്. യു.ഡി.എഫ്. കഴിഞ്ഞ അഞ്ചുവര്‍ഷക്കാലം നടത്തിയ വികസന പ്രവര്‍ത്തനങ്ങളും ആരംഭിച്ചതും പൂര്‍ത്തിയാക്കിയതുമായ വന്‍കിട വികസന പദ്ധതികളും ആര്‍ക്കാണ് കണ്ടില്ലെന്നു നടിക്കാനാകുക.
മനുഷ്യ വിഭവ സൂചികകളുടെ (ഹ്യൂമണ്‍ ഡെവലപ്‌മെന്റ് ഇന്റക്‌സ്) അടിസ്ഥാനത്തില്‍ പരിശോധിച്ചാല്‍ കേരളം ഇന്ത്യയിലെ മറ്റു സംസ്ഥാനങ്ങളെക്കാള്‍ ഏറെ മുന്നിലാണ് എന്നു മാത്രമല്ല, ബ്രിട്ടണ്‍, ജര്‍മനി എന്നീ വികസിത രാജ്യങ്ങള്‍ക്കൊപ്പമാണെന്നു കാണാനാകും.
കേരളത്തിന്റെ സാമ്പത്തിക വളര്‍ച്ചാ നിരക്ക് ദേശീയ ശരാശരിയുടെ മുന്നിലെത്തി. 2014-15ൽ കേരളത്തിന്റെ സാമ്പത്തിക വളർച്ച 12.31 ശതമാനം ആയിരുന്നു, ഇന്ത്യയുടേത് 10.5 ശതമാനവും.
കാര്‍ഷിക, വ്യാവസായിക പശ്ചാത്തല സൗകര്യ മേഖലയില്‍ ദ്രുതഗതിയിലുള്ള വളര്‍ച്ച നേടാതെ മനുഷ്യ വിഭവ സൂചികകള്‍ ഉയര്‍ന്ന തലത്തില്‍ നിലനിര്‍ത്താനാകില്ലെന്ന പ്രതിസന്ധി ഘട്ടത്തില്‍ സംസ്ഥാനം എത്തിച്ചേര്‍ന്നിരുന്നു. ഈ പ്രതിസന്ധി ഘട്ടത്തിലാണ് കഴിഞ്ഞ അഞ്ചു വര്‍ഷക്കാലം അധികാരത്തിലിരുന്ന യു.ഡി.എഫ്. സര്‍ക്കാര്‍ വ്യാവസായിക പശ്ചാത്തല മേഖലയില്‍ വന്‍കിട പദ്ധതികള്‍ നടപ്പാക്കിയത്.
20,000 കോടി രൂപയോളം മുതല്‍മുടക്കുള്ള വന്‍കിട വികസന പദ്ധതികളാണ് യു.ഡി.എഫ്. സര്‍ക്കാര്‍ നടപ്പാക്കിയത്. വിഴിഞ്ഞം രാജ്യാന്തര തുറമുഖം, സ്മാര്‍ട്‌സിറ്റി, കൊച്ചി മെട്രോ, കണ്ണൂര്‍ വിമാനത്താവളം, 245 പാലങ്ങള്‍ എന്നിവയാണ് വന്‍കിട പദ്ധതികള്‍. വന്‍കിടപദ്ധതികള്‍ നടപ്പാക്കുമ്പോള്‍ ദരിദ്രരും പാര്‍ശ്വവല്‍ക്കരിക്കപ്പെട്ടവരുമായ ജനങ്ങള്‍ അവഗണിക്കപ്പൈതിരിക്കാന്‍ അവര്‍ക്കുവേണ്ടി കരുതലില്‍ അധിഷ്ഠിതമായൊരു നയവും സര്‍ക്കാര്‍ നടപ്പിലാക്കി. യു.ഡി.എഫ്. സര്‍ക്കാര്‍ നടപ്പിലാക്കിയ ഈ വികസന പദ്ധതികള്‍ കേരളത്തിന്റെ സാമ്പത്തിക വളര്‍ച്ച ദ്രുതഗതിയിലാക്കാനും ഉതകുമെന്ന് ഉറപ്പാണ്. ദ്രുതഗതിയിലുള്ള സാമ്പത്തിക വളര്‍ച്ച നേടിയ ഇന്ത്യയിലെ മറ്റു സംസ്ഥാനങ്ങള്‍ക്കൊപ്പം കേരളത്തിനെത്താന്‍ കഴിയുന്ന വ്യാവസായിക വികസന അടിത്തറ ഇവിടെ രൂപപ്പെട്ടിരിക്കുകയാണ്.എന്നാല്‍ ഇതിനകം പലതവണ കേരളം ഭരിച്ച ഇടതുപക്ഷ സര്‍ക്കാരുകള്‍ വ്യാവസായിക പശ്ചാത്തല വികസനം സംബന്ധിച്ച് കൈക്കൊണ്ട നിലപാട് എന്തായിരുന്നു?
യു.ഡി.എഫ്. ഭരിക്കുന്ന സമയത്തെല്ലാം പ്രത്യയശാസ്ത്രത്തെ മറയാക്കി വികസന പദ്ധതികളെ അഴിമതി, ഭൂമി കുംഭകോണം, റിയല്‍ എസ്‌റ്റേറ്റ് എന്നിങ്ങനെ പറഞ്ഞ് എല്‍.ഡി.എഫ് എതിര്‍ത്തതിലൂടെ കേരളത്തെ ഒരു പിന്നോക്ക സംസ്ഥാനമാക്കി നിലനിര്‍ത്തി. കമ്പ്യൂട്ടറുകള്‍ തല്ലിപ്പൊളിച്ചും വിമാനത്താവളങ്ങള്‍ സ്ഥാപിക്കാന്‍ തീരുമാനിച്ചപ്പോള്‍ തങ്ങളുടെ നെഞ്ചില്‍ക്കൂടി റണ്‍വേ പണിയണമെന്നു പറഞ്ഞും വികസന പ്രവര്‍ത്തനങ്ങളെ അവര്‍ അട്ടിമറിക്കുകയായിരുന്നു. 2001-2006 കാലഘട്ടത്തിലെ യു.ഡി.എഫ്. സര്‍ക്കാര്‍ കൊണ്ടുവന്ന സ്മാര്‍ട്‌സിറ്റി പദ്ധതി ശ്രീ. വി.എസ്.അച്യുതാനന്ദന്റെ നിലപാടുമൂലം ഒരു പതിറ്റാണ്ടുകാലമാണ് മുടങ്ങിക്കിടന്നത്. ഇന്ത്യയുടെ ഐ.ടി. തലസ്ഥാനമാകാനുളള അവസരമാണ് ഇതിലൂടെ കേരളത്തിന് നഷ്ടപ്പെട്ടത്. അരലക്ഷത്തിലധികം ഐ.ടി. പ്രൊഫഷണലുകളാണ് കേരളത്തില്‍നിന്നു കുടിയേറി കര്‍ണാടകത്തിലെ ഐ.ടി. മേഖലയില്‍ പ്രവര്‍ത്തിക്കുന്നത്. ഇതിന്റെയെല്ലാം ഏക ഉത്തരവാദികള്‍ ഇടതുപക്ഷമല്ലേ?
ഈ യു.ഡി.എഫ്. സര്‍ക്കാരിന്റെ വികസന വീക്ഷണത്തിന്റേയും ഇച്ഛാശക്തിയുടേയും പ്രതിഫലനമാണ് കേരളത്തിന്റെ സ്വപ്‌നമായ വിഴിഞ്ഞം അന്താരാഷ്ട്ര തുറമുഖ പദ്ധതി. 7525 കോടി രൂപ നിര്‍മാണ ചെലവ് വരുന്ന പദ്ധതിക്കുവേണ്ടി യു.ഡി.എഫ്. സര്‍ക്കാര്‍ നടത്തിയ അശ്രാന്ത പരിശ്രമം കേരളീയക്ക് ബോധ്യമുള്ളതാണ്. ഈ പദ്ധതിയിലാണ് 6000 കോടി രൂപയുടെ അഴിമതി പിണറായി വിജയന്‍ ആരോപിച്ചത്. പിന്നീട് ശ്രീ പിണറായി വിജയന്‍ ഈ നിലപാടില്‍നിന്നു പിന്മാറുകയും വിഴിഞ്ഞം പദ്ധതിക്ക് പൂര്‍ണ പിന്തുണ നല്‍കുകയും ചെയ്തു.
ഈ സര്‍ക്കാരിന്റെ സുവര്‍ണ പദ്ധതികളില്‍ ഒന്നായ കൊച്ചി മെട്രോ റയില്‍ പദ്ധതിയെക്കുറിച്ച് എന്തെല്ലാം അപവാദങ്ങളാണ് ഈ തെരഞ്ഞെടുപ്പു കാലത്ത് വോട്ടിനുവേണ്ടി എല്‍.ഡി.എഫ്. പറഞ്ഞുപരത്തുന്നത്. കഴിഞ്ഞ അഞ്ചുവര്‍ഷം നടത്തിയ ഭഗീരഥ പ്രയത്‌നംകൊണ്ട് കൊച്ചി മെട്രോ റയില്‍ പദ്ധതി പൂര്‍ടത്തീകരണത്തോടടുത്തു. 5181 കോടി രൂപ ആകെ ചെലവുവരുന്ന പദ്ധതി കേരളത്തിന്റെ വികസന പന്ഥാവിലെ ഒരു നാഴികക്കല്ലായിരിക്കും. 1892 കോടി രൂപ അങ്കലില്‍ നിര്‍മാണപ്രവര്‍ത്തനം പൂര്‍ത്തിയാക്കാന്‍ കഴിഞ്ഞ ഒരു വന്‍കിട പദ്ധതിയാണ് കണ്ണൂര്‍ വിമാനത്താവളം. ഇപ്പറഞ്ഞവയൊക്കെയാണ് യു.ഡി.എഫ്. സര്‍ക്കാരിന്റെ വികസന നേട്ടങ്ങള്‍.
ഏതു സര്‍ക്കാരിന്റെ കാലത്താണ് കേരളം ഇത്രയേറെ വികസന പ്രവര്‍ത്തനങ്ങള്‍ക്ക് സാക്ഷിയായിട്ടുള്ളത്?
ഈ വികസനപ്രവര്‍ത്തനങ്ങള്‍ പൂര്‍ത്തീകരിക്കാനും മറ്റ് അസംഖ്യം വികസന പ്രവര്‍ത്തനങ്ങള്‍ ഏറ്റെടുക്കാനും ഈ ഭരണം തുടര്‍ന്നേ മതിയാകൂ. അതുകൊംണ്ടാണ് വളരണം ഈ നാട്, തുടരണം ഈ ഭരണം എന്ന മുദ്രാവാക്യം ഞങ്ങള്‍ മുന്നോട്ടുവയ്ക്കുന്നത്.
കണ്‍മുന്നിലുള്ള വികസന യാഥാര്‍ഥ്യങ്ങള്‍ ചൂണ്ടിക്കാട്ടിയാണ് യു.ഡി.എഫ്. സര്‍ക്കാര്‍ വോട്ട് ചോദിക്കുന്നത്. ഈ വികസന നേട്ടങ്ങളെക്കുറിച്ച് ഒരു തുറന്ന ചർച്ച നടത്താന്‍ എല്‍.ഡി.എഫിന്റെ മുഖ്യമന്ത്രി സ്ഥാനാര്‍ഥിയായ ശ്രീ. പിണറായി വിജയനെ ഞാന്‍ ക്ഷണിക്കുന്നു.
 ·  Translate
4
1
Noufal Edappal's profile photo
 
.
Add a comment...

Oommen Chandy

Shared publicly  - 
 
കാരുണ്യ ലോട്ടറിയുടെ മാതൃകയിൽ യു. ഡി. എഫ് ഗവണ്മെന്റ് ആവിഷ്ക്കരിച്ച പ്രതിവാര സ്ത്രീ ശക്തി ലോട്ടറിയുടെ ആദ്യ നറുക്കെടുപ്പ് മെയ്‌ 2 ചൊവാഴ്ച നടന്നു.
ഇതിൽ നിന്ന് സമാഹരിക്കുന്ന തുക സ്ത്രീകളുടെ ശാക്തീകരണത്തിനും ഉന്നമനത്തിനും വേണ്ടിയുള്ള വിവിധ പദ്ധതികൾക്കായി വിനിയോഗിക്കും.
 ·  Translate
2
Prasad Panicker's profile photo
 
Good
Add a comment...

Oommen Chandy

Shared publicly  - 
1
Add a comment...
In his circles
86 people
Have him in circles
1,349 people
ASHIFA KP's profile photo
Bijoy Franco's profile photo
Shibu Nair's profile photo
Thilakan S Pullani's profile photo
Phil CHeruka's profile photo
sreekanth k s's profile photo
Betty Gilead's profile photo
Rahul Lal C S's profile photo
Anwar M. Sadath's profile photo

Oommen Chandy

Shared publicly  - 
 
Thank you for evacuating many Indians, including Keralites, from strife-stricken regions in the world.
Over the last 45 days the issue of stranded families in ‪#‎Libya‬ has been raised with the ‪#‎MEA‬ and the Libyan embassy in ‪#‎NewDelhi‬.
I had also written to ‪#‎Sushmaji‬ seeking her attention in this matter.
Pursuant to constant followups, the Embassy of India in Libya functioning from Malta managed to ensure that the salaries of stranded nurses were credited to their account by the Central Bank of Libya. These nurses purchased air tickets for their return to Kerala along with their families. Earlier today, 17 Keralaites reached the Kochi International Airport safely. The government of Kerala has undertaken to reimburse the airfare as part of its overall rehabilitation package for the affected families.
Over ninety families continue to be stranded in Libya and Kerala government is working with GOI to facilitate their safe return as an integral part of its commitment and duty to the citizens
1
1
Add a comment...

Oommen Chandy

Shared publicly  - 
2
1
Add a comment...

Oommen Chandy

Shared publicly  - 
 
ആദരണീയനായ പ്രധാനമന്ത്രി,
പരവൂര്‍ ദുരന്തം സംഭവിച്ചപ്പോള്‍ അങ്ങ് കേരളത്തില്‍ വന്നതിനെ
സ്വാഗതം ചെയ്തയാളാണു ഞാന്‍. നല്ലതു ചെയ്താല്‍ അതിനെ അംഗീകരിക്കാന്‍ അറിയാവുവരാണ് ഞങ്ങള്‍, മലയാളികള്‍.
പക്ഷേ, കഴിഞ്ഞ ദിവസങ്ങളില്‍ അങ്ങ് പ്രസംഗിച്ച വസ്തുതാവിരുദ്ധമായ കാര്യങ്ങള്‍ കേട്ട് ഞെട്ടിത്തരിച്ചിരിക്കുകയാണു കേരളം. കേരളത്തില്‍ നടന്നിട്ടില്ലാത്ത കാര്യങ്ങളും കേരളം സൊമാലിയ പോലെയാണെന്നും വരെ പറഞ്ഞ് അങ്ങ് കേരളത്തെ അപമാനിച്ചു. പ്രധാനമന്ത്രിയുടെ പദവിയെ അങ്ങ് താഴ്ത്തിക്കെട്ടി. ഞങ്ങള്‍ക്കതില്‍ അതിയായ ദുഃഖവും പ്രതിഷേധവുമുണ്ട്.
കണ്ണൂരിലെ പേരാവൂരില്‍ ഒരു ബാലന്‍ മാലിന്യത്തില്‍ നിന്ന് ഭക്ഷണം കഴിക്കുന്ന ചിത്രം കരളലിയിച്ചു എന്നാണ് അങ്ങ് പറഞ്ഞത്. പ്രധാനമന്ത്രി ഒരു കാര്യം പറയുമ്പോള്‍ അത് വസ്തുതാപരമായിരിക്കണം, സത്യവുമായിരിക്കണം. രാജ്യത്ത് നടക്കുന്ന എല്ലാ കാര്യങ്ങളും അങ്ങയുടെ വിരല്‍ത്തുമ്പിലുണ്ട്. ഈ സംഭവത്തില്‍ സംസ്ഥാന സര്‍ക്കാരിന്റെ റിപ്പോര്‍ട്ട് തേടി, നിജസ്ഥിതി പരിശോധിച്ച് നിഗമനത്തില്‍ എത്തുകയാണ് പ്രധാനമന്ത്രി ചെയ്യേണ്ടിയിരുന്നത്.
പേരാവൂര്‍ ഗ്രാമപഞ്ചായത്തിലെ വാര്‍ഡ് 12ല്‍ ഉള്‍പ്പെടുന്ന തിരുവോണപ്പുറം അമ്പലക്കുഴി കോളനിയിലെ പണിയ വിഭാഗത്തില്‍പ്പെട്ട രാജീവന്‍- ശാരദ ദമ്പതികളുടെ മക്കള്‍ രാജിത്ത്, രഞ്ജിത്ത് എന്നീ കുട്ടികളും ശശി- ശാന്ത ദമ്പതിമാരുടെ മക്കള്‍ അഭിനവ്, അഖില്‍, സുധീപ് എന്നീ കുട്ടികളും സ്‌കൂളില്‍ പോകാതെ മാലിന്യസംസ്‌കരണ കേന്ദ്രത്തിന്റെ മതില്‍ ചാടിക്കടന്ന്
പഴകിയ ആഹാരം കഴിക്കുന്നതായി ചില മാധ്യമങ്ങളില്‍ തെറ്റായ വാര്‍ത്ത വന്നു. പട്ടിക വര്‍ഗ വികസന വകുപ്പും പൊലീസും അടിയന്തരമായി ഇത് അന്വേഷിച്ചു.
പട്ടിക വര്‍ഗവകുപ്പ് ഡയറക്ടര്‍ 18.11.2015ല്‍ സര്‍ക്കാരിനു സമര്‍പ്പിച്ച റിപ്പോര്‍ട്ടില്‍ പറയുന്നത് ഇപ്രകാരം: ''വെക്കളം യുപി സ്‌കൂളില്‍ അഞ്ചാം ക്ലാസിലും ആറാം ക്ലാസിലും പഠിക്കുന്ന ഈ കുട്ടികള്‍ സ്‌കൂളില്‍ പോകാന്‍ മടിയുള്ളവരും സമീപത്തുള്ള വീടുകളിലും തോട്ടങ്ങളിലും മറ്റും അതിക്രമിച്ചു കയറിയെന്ന പരാതി നേരിടുന്നവരുമാണ്. പ്രസ്തുത മാലിന്യ സംസ്‌കരണ കേന്ദ്രത്തില്‍ ഈ കുട്ടികള്‍ സ്ഥിരമായി അതിക്രമിച്ചു കയറുന്നതായും കേന്ദ്രത്തില്‍ കയറാതിരിക്കാന്‍ കര്‍ശന നിര്‍ദേശം നല്കിയിട്ടും അനുസരിക്കാറില്ലെന്നും സംസ്‌കരണ കേന്ദ്രത്തിലെ ജീവനക്കാര്‍ അറിയിച്ചിട്ടുണ്ട്. ഇവരുടെ മാതാപിതാക്കള്‍ കാര്‍ഷിക മേഖലയില്‍ കൂലിപ്പണി ചെയ്യുന്നവരാണ്. സ്ഥിരമായി കൂലിവേല ലഭിക്കുന്നതിനാല്‍ ഭക്ഷണത്തിനോ മറ്റ് അത്യാവശ്യങ്ങള്‍ക്കോ ബുദ്ധിമുട്ടു അനുഭവപ്പെടുന്നില്ല. രണ്ടു കുടുംബങ്ങള്‍ക്കും ആറളം പുനരധിവാസ മേഖലയിലെ പത്താം ബ്ലോക്കിൽ ഒരേക്കറോളം ഭൂമി ലഭിച്ചിട്ടുണ്ട്. എന്നാൽ ഇവര്‍ ആ പ്ലോട്ടിലേക്കു പോകാന്‍ തയാറായിട്ടില്ല. എന്നിരുന്നാലും വാസയോഗ്യമായ വീടുകളിലാണ് അവര്‍ ഇപ്പോഴും താമസിക്കുന്നത്.''
പേരാവൂര്‍ പോലീസ് ഇതു സംബന്ധിച്ച് 24.11.2015ല്‍ തയാറാക്കിയ റിപ്പോര്‍ട്ടിലെ ചില ഭാഗങ്ങള്‍: ''കുട്ടികളെ സ്‌കൂളിലേക്ക് സ്‌കൂള്‍ മാനേജര്‍ ഷിബു കലാമന്ദിറിന്റെ വാഹനത്തില്‍ സൗജന്യമായാണ് കൊണ്ടുപോകാറുള്ളത്. സ്‌കൂളില്‍ നിന്ന് എല്ലാ ദിവസവും ഉച്ചഭക്ഷണവും അതിനു പുറമേ ചൊവ്വാഴ്ച മുട്ടയും തിങ്കള്‍, വ്യാഴം ദിവസങ്ങളില്‍ പാലും കൊടുക്കാറുണ്ട്. കുട്ടികള്‍ വല്ലപ്പോഴുമേ സ്‌കൂളില്‍ പോകാറുള്ളൂ. കുട്ടികള്‍ കാലത്ത് വീട്ടില്‍ നിന്നും ചോറും കറിയും പഴങ്ങളും മറ്റും കഴിച്ചശേഷം തോന്നിയതുപോലെ വീട്ടിൽ നിന്ന് ഇറങ്ങിപ്പോകും. മാലിന്യ സംസ്‌കരണ കേന്ദ്രത്തിന്റെ മതില്‍ ചാടിക്കടന്ന് ആക്രികള്‍ ശേഖരിച്ച് കിട്ടുന്ന പണം കൊണ്ട് ഇഷ്ടപ്പെട്ട ഭക്ഷണം കഴിക്കുകയും മറ്റുള്ളവരുടെ തോട്ടങ്ങളില്‍ നിന്ന് അടയ്ക്കയും തേങ്ങയും മറ്റും ശേഖരിച്ച് വില്ക്കുകയുമായിരുന്നു."
വസ്തുതകള്‍ ഇതാണെന്നിരിക്കെ, അങ്ങ് എന്തിനാണ് ഇങ്ങനെയൊരു കള്ളത്തരം കേരളത്തില്‍ വന്നു തട്ടിവിട്ടത്? കേരളത്തില്‍ ഒരു കുട്ടി പോലും മാലിന്യ കേന്ദ്രങ്ങളില്‍ നിന്ന് ഭക്ഷണം കഴിക്കുന്നില്ലെന്ന് എനിക്ക് ഉറപ്പിച്ചു പറയാന്‍ കഴിയും. 25.02 ലക്ഷം വിദ്യാര്‍ത്ഥികള്‍ക്ക് എല്ലാ ദിവസവും സൗജന്യ ഉച്ചഭക്ഷണവും ആഴ്ചയില്‍ ഒരു ദിവസം മുട്ടയും മറ്റൊരു ദിവസം പാലും നല്കുന്ന സംസ്ഥാനമാണു കേരളം. ദാരിദ്ര്യരേഖയ്ക്കു താഴെയുള്ള മുഴുവന്‍ പേര്‍ക്കും അഞ്ചു വര്‍ഷം ഒരു രൂപയ്ക്ക് അരി നല്കി. ഇപ്പോള്‍ സൗജന്യമായി അരി നല്കുന്ന രാജ്യത്തെ രണ്ടാമത്തെ സംസ്ഥാനമാണു കേരളം.
കൊലപാതകങ്ങള്‍
സിപിഎം നടത്തിയ രാഷ്ട്രീയ അക്രമങ്ങളും കൊലപാതകങ്ങളും അതതു കാലത്തെ സര്‍ക്കാരുകള്‍ ഒതുക്കിത്തീര്‍ത്തെന്ന് അങ്ങ് പരാമര്‍ശിക്കുകയുണ്ടായി. തികച്ചും അടിസ്ഥാനരഹിതമായ ആരോപണമാണത്. ടി.പി. ചന്ദ്രശേഖരന്‍ വധക്കേസ് സമയബന്ധിതമായി അന്വേഷിച്ച് കുറ്റപത്രം നല്കി കോടതി മൂന്ന് സി.പി.എം. നേതാക്കളും ഏഴു കൊലയാളികളുമടക്കം 11 പേരെ ജീവപര്യന്തം ശിക്ഷിച്ചു. എന്നാൽ ഈ കേസിലെ ഉന്നതതല ഗൂഢാലോചന പുറത്തുകൊണ്ടുവരാന്‍ സിബിഐ അന്വേഷണം ആവശ്യപ്പെട്ട്‌ സംസ്ഥാന സര്‍ക്കാര്‍ നല്കിയ ശിപാര്‍ശയിന്മേല്‍ കേന്ദ്രസര്‍ക്കാര്‍ രണ്ടേകാല്‍ വര്‍ഷമായി അടയിരിക്കുകയാണ്. ബി.ജെ.പിയും സിപിഎമ്മും തമ്മിലുള്ള ഒന്നാതരം ഒത്തുകളിയുടെ ഭാഗമാണിതെന്ന് ന്യായമായി സംശയിക്കുന്നു.
എന്തിനേറെ, ബിജെപി നേതാവ് കെടി. ജയകൃഷ്ണന്‍ മാസ്റ്ററെ പട്ടാപ്പകല്‍ സ്‌കൂളില്‍വച്ച് വെട്ടിക്കൊലപ്പെടുത്തിയ കേസിലെ ഉന്നതതല ഗൂഢാലോചന പുറത്തുകൊണ്ടുവരാന്‍ ആവശ്യപ്പെട്ട്‌ നല്കിയ അപേക്ഷയും കേന്ദ്രം പൂഴ്ത്തിയിരിക്കുകയാണ്. കേരളത്തെ നടുക്കിയ അരിയില്‍ ഷുക്കൂര്‍ വധം, കതിരൂര്‍ മനോജ് വധം, മുഹമ്മദ് ഫസല്‍ വധം എന്നിവ സിബിഐ ഏറ്റെടുത്തത് ഹൈക്കോടതി വിധിയുടെ അടിസ്ഥാനത്തില്‍ മാത്രമാണ്.
സോളാര്‍
സോളാറെന്നു കേള്‍ക്കുമ്പോള്‍ ഇവിടാരും ഞെട്ടാറില്ല. സോളാര്‍ കേസ് സാമ്പത്തിക തട്ടിപ്പാണെന്നും സര്‍ക്കാരിന് നയാപൈസ നഷ്ടപ്പെട്ടില്ലെന്നും ഇവിടെ എല്ലാവര്‍ക്കും അറിയാം. 33 കേസുകളിലെ പ്രതിയാണ് ആരോപണം ഉന്നയിക്കുന്നത്. ഒരു കേസില്‍ ശിക്ഷിക്കപ്പെട്ടു കഴിഞ്ഞു. എന്നാൽ, കേരളത്തിലെ സോളാര്‍ പദ്ധതിയെപ്പറ്റി അങ്ങ് എത്രയോ തവണ വാചാലനായിട്ടുണ്ട്. കാലിഫോര്‍ണിയയില്‍ 196 രാജ്യങ്ങള്‍ പങ്കെടുത്ത റിന്യൂവബിള്‍ എനര്‍ജി റൗണ്ട്‌ടേബിള്‍ കോഫറന്‍സില്‍ അങ്ങ് എടുത്തു പറഞ്ഞ മൂന്ന് പദ്ധതികളിലൊന്ന് സൗരോര്‍ജത്തില്‍ പ്രവര്‍ത്തിക്കുന്ന നെടുമ്പാശേരി വിമാനത്താവളത്തെക്കുറിച്ചാണ്. തെരഞ്ഞെടുപ്പ് ആകുമ്പോള്‍ അപമാനം അല്ലെങ്കില്‍ അഭിമാനം എന്ന നിലപാട് പ്രധാനമന്ത്രിക്കു ചേര്‍ന്നതാണോ?
സൊമാലിയ
സാമ്പത്തിക വളര്‍ച്ചാ നിരക്കിലും മാനവശേഷി വികസനത്തിലും അഞ്ചു വര്‍ഷമായി കേരളം ദേശീയ ശരാശരിയുടെ മുകളിലാണ്. കേരളത്തിന്റെ മാനവശേഷി വികസനം ആഗോളതലത്തില്‍ തന്നെ അംഗീകരിക്കപ്പെട്ടതാണ്. എന്നിട്ടും അങ്ങ് പട്ടിണി കൊണ്ടും ആഭ്യന്തര കലാപങ്ങള്‍കൊണ്ടും നട്ടം തിരിയുന്ന സൊമാലിയയുമായി കേരളത്തെ താരതമ്യം ചെയ്തത് അങ്ങേയറ്റം പ്രതിഷേധാര്‍ഹമാണ്. കേരളം ഇന്ത്യയിലുള്ള സംസ്ഥാനമല്ലേ? ഇന്ത്യയില്‍ സൊമാലിയ പോലുള്ള പ്രദേശമുണ്ടെന്ന് പറയുന്നത് പ്രധാനമന്ത്രിക്കു നാണക്കേടല്ലേ?
കേരളനാട് ഹൃദയത്തിലുണ്ട് എന്നാണല്ലോ അങ്ങ് പ്രസംഗിച്ചത്. അങ്ങനെയായിരുന്നെങ്കില്‍ അങ്ങ് സത്യസന്ധമായി കേരളത്തെക്കുറിച്ചു പറയുമായിരുന്നു. പണ്ഡിറ്റ് ജവഹര്‍ലാല്‍ നെഹ്‌റു മുതല്‍ ഡോ. മന്‍മോഹന്‍ സിംഗ് വരെയുള്ള മഹാരഥന്മാര്‍ ഇരുന്ന കസേരയാണതെന്ന് വിനീതമായി ഓര്‍മിപ്പിക്കുന്നു. അവര്‍ ഒരിക്കലും ഈ രീതിയിലേക്കു തരംതാഴ്ന്നിട്ടില്ല.
അങ്ങ് നാളെ കേരളത്തിലെത്തുമ്പോള്‍, കഴിഞ്ഞ ദിവസം പറഞ്ഞ വാസ്തവ വിരുദ്ധമായ കാര്യങ്ങള്‍ പിന്‍വലിക്കണമെന്ന് അഭ്യര്‍ത്ഥിക്കുക്കുന്നു.
വിശ്വസ്തതയോടെ
ഉമ്മന്‍ ചാണ്ടി
 ·  Translate
2
Joshua Joseph's profile photo
 
Very good.
Add a comment...
People
In his circles
86 people
Have him in circles
1,349 people
ASHIFA KP's profile photo
Bijoy Franco's profile photo
Shibu Nair's profile photo
Thilakan S Pullani's profile photo
Phil CHeruka's profile photo
sreekanth k s's profile photo
Betty Gilead's profile photo
Rahul Lal C S's profile photo
Anwar M. Sadath's profile photo
Work
Occupation
Politician, Leading Kerala Government
Employment
  • Govt of Kerala
    Chief Minister, present
Places
Map of the places this user has livedMap of the places this user has livedMap of the places this user has lived
Currently
Thiruvananthapuram, Kerala
Previously
Puthupalli, Kottayam
Contact Information
Home
Phone
0471- 2333610,2333812, 2332148, 2333214, 2332682, 2332184
Email
Address
O/o The Chief Minister, North Block, Government Secretariat, Thiruvananthapuram, Kerala, India. PIN 695 001
Work
Phone
0471-2333812, 2332148, 2333214, 2332682, 2332184
Email
Address
www.keralacm.gov.in
Story
Introduction
Oommen Chandy has been elected continuously to the state Legislative Assembly from Puthupally constituency since 1970. He was sworn in as Chief Minister of the state in the UDF Government on 18.05.2011
Bragging rights
Chief Minister of KERALA
Education
  • Govt Law College, Ernakulam
    Law
Basic Information
Gender
Male
Looking for
Friends, Networking
Relationship
Married
Other names
OC, kunjooju