Profile

Cover photo
Kumar Upasana
Lives in Vaikom, Kerala
553,250 views
AboutPosts+1's

Stream

Kumar Upasana

Shared publicly  - 
 
കഴിഞ്ഞ വർഷം കടമ്മനിട്ട #പടയണി   കാണാൻ പോയപ്പോഴാണ് ഓതറ പടയണിയെക്കുറിച്ച് ആദ്യമായി കേൾക്കുന്നത്. #ഓതറ   #പുതുക്കുളങ്ങര   ദേവി ക്ഷേത്രത്തിലാണ് നടക്കുന്നത്, ചെങ്ങന്നൂർ/തിരുവല്ല നിന്ന് 7km.

ഇവിടത്തെ പ്രതിഷ്ഠ വനദുർഗ്ഗയാണ്. എല്ലാ വർഷവും പടയണി ഉണ്ടായിക്കൊള്ളണമെന്നില്ല, ഭദ്രകാളിയുടെ ഭാവം കൈകൊള്ളുന്ന വർഷങ്ങളിൽ മാത്രമാണ് പടയണി നടക്കാറ്! അല്ലാത്തപ്പോൾ ഉൽസവം മാത്രം.

1001 പാളയിലെഴുതിയ വലിയ ഭൈരവിക്കോലമാണ് പ്രത്യേകതയായി പറയാവുന്നത്, പടയണികളിൽ ഏറ്റവും വലുതാണിത്. ബാക്കിയെല്ലാം കടമ്മനിട്ട പടയണി പോലെ തന്നെ എന്നാണെനിക്ക് തോന്നിയത്.

27 March 2015

#Othara #Padayani #Festival

http://en.wikipedia.org/wiki/Padayani
 ·  Translate
23
1
ഇട്ടിമാളു അഗ്നിമിത്ര's profile photoSunil Elamkulam Muthukurussi's profile photoManoj K Anandam's profile photo
3 comments
 
ഇട്ടീ... എന്ത് ചെയ്യാം :(
 ·  Translate
Add a comment...

Kumar Upasana

Shared publicly  - 
 
നല്ലൊരു ദിവസം! TV യും കണ്ടില്ല, പേപ്പറും വായിച്ചില്ല... അത് നന്നായീന്ന് ഇപ്പോൾ തിരിച്ചറിയുന്നു. ഒരു ഫുൾ ഡേ പക്ഷിനിരീക്ഷണം :))

മനോജ് ഇന്നലെ രാത്രി എന്റെ വീട്ടിലെത്തി. ഇന്ന് രാവിലെ പൂവാതുരുത്ത്, കപിക്കാട്, മുണ്ടാർ, കല്ലറ, എഴുമാംതുരുത്ത്, കുമരകം, ചെങ്ങളം, ചീപ്പുങ്കൽ, അയ്മനം എന്നീ സ്ഥലങ്ങളിലെ നെൽപ്പാടങ്ങളിലൂടെ ബൈക്കിൽ കറക്കം. പലയിടത്തും ചേറിലിറങ്ങി നടക്കേണ്ടിയും വന്നു. ധാരാളം bird sightings കണ്ടു, nesting കണ്ടു, ഫോട്ടോ എടുത്തു, മുപ്പതോളം ebird checklists കിട്ടി!

#ebird #പക്ഷിനിരീക്ഷണം with +Manoj K Anandam​​

PS: പോയ വഴികളാണ് മാപ്പിൽ നീലനിറത്തിൽ കാണുന്നത്.

 ·  Translate
19
1
ഇട്ടിമാളു അഗ്നിമിത്ര's profile photosijEEsh vb's profile photoManoj K Anandam's profile photo
3 comments
 
:)
Add a comment...

Kumar Upasana

Shared publicly  - 
 
അവിസ്മരണീയമായ ഒരു #ട്രെക്ക് കൂടി, #മൂന്നാർ #ദേവികുളം #ചൊക്രമുടി #യെല്ലപ്പെട്ടി #പാമ്പാടുംചോല #വന്തരവുമല #വട്ടവട #കോവിലൂർ എന്നീ സ്ഥലങ്ങളിലൂടെ #ഇടുക്കി വൈഹൈയുടെ ഒപ്പം 3 ദിവസം.

Feb 14 - ചൊക്രമുടി
രാവിലെ ആറുമണിക്ക് (ട്രക്കിങ്ങ് ഉള്ള ദിവസം മാത്രമേ ഇത്രയും നേരത്തേ ഏണീക്കാറുള്ളൂ എന്ന് കമന്റും വീട്ടിൽ നിന്ന് കേട്ട്) ഇറങ്ങി, ചേർത്തല മൂന്നാർ KSRTC ബസിൽ വൈക്കത്തുനിന്നും കയറി, 11 മണിയോടെ മൂന്നാറിലെത്തി. പോസ്റ്റോഫീസ് ജംക്ഷനിൽ നിന്ന് ജീപ്പ്/ബസ് കിട്ടും ദേവികുളത്തേക്ക്, 10 രൂപയാകും. ദേവികുളത്തെ നാഷണൽ അഡ്‌വെഞ്ചർ അക്കാഡമിയിലാണ് ഇന്നത്തെ ക്യാമ്പ്. ഞാൻ ക്യാമ്പിൽ ചെല്ലുമ്പോൾ കാഞ്ഞിരപ്പള്ളി റെനി "അച്ചായൻ" മാത്രമേ എത്തിയിരുന്നുള്ളൂ. YHAI national trek ഒക്കെ അച്ചായൻ ചെയ്തിട്ടുണ്ട്. അച്ചായന്റെയൊപ്പം എന്റെ നാലാമത്തെ ട്രെക്കാണിത്. കഴിഞ്ഞയാഴ്ച ചെയ്ത #അഗസ്ത്യാർകൂടം ട്രെക്കിലും ഞങ്ങൾ ഒരേ ടീമായിരുന്നു. കുറച്ച് കഴിഞ്ഞപ്പോൾ പ്രോഗ്രാം കോർഡിനേറ്റർ രവീന്ദ്രൻ മാഷ് എത്തി. 35 പേരോളം ബുക്ക് ചെയ്തിരുന്നതാണ്, പക്ഷേ പലരും ലാസ്റ്റ്മിനിട്ട് ക്യാൻസലേഷൻ നടത്തി, അതുകൊണ്ട് 20 പേരേയേ പ്രതീക്ഷിക്കുന്നുള്ളൂ എന്ന് മാഷ് പറഞ്ഞു. തൊട്ടടുത്തുള്ള ഹോട്ടലിൽ നിന്ന് ഉച്ചഭക്ഷണം, മിക്കവരും എത്തിതുടങ്ങി, ചില പതിവുമുഖങ്ങളെയൊക്കെ കണ്ടു പരിചയം പുതുക്കി, പുതുമുഖങ്ങളുമുണ്ട്. ചൊക്രമുടി കയറ്റം ആണ് ഒന്നാംദിവസം, acclimatization walk ആണ് ലക്ഷ്യം. നാല് മണിയോടെ ട്രെക്ക് തുടങ്ങാനാണ് പ്ലാൻ. എല്ലാവരും ബസിൽ കേറി ഗ്യാപ്പ് റോഡിലിറങ്ങി, അവിടെ നിന്നാണ് നടത്തം, മൊത്തം പാറയാണ്. നീലകുറിഞ്ഞി ചെടികളൊക്കെ ഉണങ്ങിനിൽക്കുന്നു. കുറച്ചേറെ കയറിക്കഴിയുമ്പോൾ പ്രകൃതിയൊരുക്കിയ ഒരു wild flower garden, പല വർണങ്ങളിലുമുള്ള പൂക്കൾ നിറഞ്ഞയിടം, കടുംചുവപ്പു നിറത്തിൽ പൂവുകളുള്ള ഒരു ചെടി "റോഡോ ഡെൻഡ്രോൺ" എന്നൊക്കെ ചിലർ ഐഡന്റിഫൈ ചെയ്യുന്നുണ്ടായിരുന്നു. വിസ്മയലോകത്ത് കുറച്ച് നേരം ചിലവിട്ട് അസ്തമനവും കണ്ട് ഒരു ഫോട്ടോ സെഷനും കഴിഞ്ഞ് ഞങ്ങൾ തിരിച്ചിറങ്ങി. സന്ധ്യയായിത്തുടങ്ങിയിരുന്നു. 7മണിക്കുള്ള ബസ് പിടിച്ച് തിരികെ ക്യാമ്പിലെത്തി. തണുപ്പ് കൂടിവരുന്നു, ജാക്കറ്റ് ഇടാതെ രക്ഷയില്ല. ചൂട് കട്ടനുംകുടിച്ച് ഒരു പരിചയപ്പെടൽ സെഷൻ ക്യാമ്പിൽ, വെടിവട്ടം കേട്ടിരുന്ന് സമയം പോയതറിഞ്ഞില്ല രാത്രി ഭക്ഷണം ഹോട്ടലിൽനിന്ന് : കഞ്ഞി + കൊഴുവ ഫ്രൈ + പയർ + പപ്പടം + അച്ചാറ് + ഓംലെറ്റ്, ആരും ഒരു പിശുക്കും കാണിച്ചില്ല കഴിക്കുന്ന കാര്യത്തിൽ. അത്യാവശ്യ സൗകര്യങ്ങളെല്ലാമുള്ള രണ്ട് ഡോർമിറ്ററിയുണ്ടിവിടെ. രാത്രി സിനിമ - Three Colours Trilogy - Blue 1993. ഉറക്കം കേമമായി  ഒന്ന്-രണ്ട് കൂർക്കംവലിക്കാരുണ്ടായിരുന്നെങ്കിലും.

Feb 15 - പാമ്പാടുംചോല
രണ്ടാംദിവസം, ഇന്നത്തെ ലക്ഷ്യം പാമ്പാടുംചോല ആണ്. പ്രഭാതഭക്ഷണം പുട്ട് കടല / ഇഡലി സാമ്പാർ, പാക്ക്ഡ് ലഞ്ചും വാങ്ങി ഹോട്ടലിൽനിന്ന്. അതിനുശേഷം ക്യാമ്പിൽ ഒഫിഷ്യൽ ഫ്ലാഗോഫ്, National Adventure Academy-ലെ സ്പെഷ്യൽ ഓഫീസർ കണ്ണൻ സാറാണ് ഫ്ലാഗ്ഓഫ് ചെയ്തത്. 9ന് ബസിലേറി മൂന്നാറിലിറങ്ങി. അവധി ദിവസമായതുകൊണ്ട് മൂന്നാറിൽ ടൂറിസ്റ്റുകളുടെ നല്ല തിരക്ക്. അവിടെനിന്ന് അടുത്ത ബസ് യെല്ലപ്പെട്ടിക്ക്, മാട്ടുപ്പെട്ടിയും എക്കോപോയിന്റും കടന്ന് 11 മണിയോടെ അവിടെയെത്തി. യെല്ലപ്പെട്ടി ഒരു ചെറിയ ടൗണാണ്. കാബേജ്, കോളിഫ്ലവർ, ക്യാരറ്റ് തുടങ്ങിയ കൃഷികളൊക്കെ കണ്ടു. ഞങ്ങളുടെ ഗൈഡും(ഐസക്ക്) Czech-കാരനായ ഒരു ട്രെക്കറും (മാർട്ടിൻ) കൂടി ഞങ്ങളോടൊപ്പം, സായ്പ് ചെറുപ്പമാണ്, ഞങ്ങളോട് വളരെ friendly ആയിരുന്നു, നാലാമത്തെ ഇന്ത്യാ സന്ദർശനമാണിത്, വർഷത്തിൽ നാലുമാസം ഇതുപോലെ കറക്കമാണ് പുള്ളിയുടെ വിനോദമെന്ന് ഗൈഡ് പറഞ്ഞു. (Czech republic - 14th in HDI and 11th most peaceful country എന്നൊക്കെ വിക്കി പറയുന്നു). ഒരു നാടൻ ചായക്കടയിൽ നിന്ന് ചായയും പരിപ്പുവടയും കഴിച്ച് ഞങ്ങൾ നടത്തം തുടങ്ങി. തേയില എസ്റ്റേറ്റുകളിലൂടെയുള്ള നടത്തം. നല്ല വെയിൽ, ചൂടെടുത്ത് തുടങ്ങി. കുറച്ചുദൂരം പിന്നിട്ടപ്പോൾ thick ആയ കാട് ആയി, നട്ടുച്ചയ്ക്കും ഇരുട്ട് തോന്നിപ്പിക്കുന്ന ചോലവനം. ധാരാളം പക്ഷികളേയും വലിയ മലയണ്ണാനേയും ഒക്കെ കണ്ടു നടന്നു. ഉച്ചയോടെ ഒരു മലമുകളിൽ നല്ലൊരു വ്യൂപോയിന്റിൽ എത്തി, എല്ലാവശത്തും മലമടക്കുകൾ, 360° വ്യൂ കിട്ടും ഇവിടെ ഇവിടെ നിന്നാൽ. കൊളുക്കുമല ടീ എസ്റ്റേറ്റും കൊരങ്ങിണിവില്ലേജിലേക്കുള്ള സിഗ്-സാഗ് ട്രെക്കിങ്ങ് റൂട്ടും കൊരങ്ങിണിവില്ലേജുമൊക്കെ കാണാം. റോഡോ ഡെൻഡ്രോണും പേരറിയാത്ത പലതരം പൂച്ചെടികളും ഇവിടേയും കണ്ടു. ഉച്ചഭക്ഷണം കുന്നിന്മുകളിലിരുന്നായിരുന്നു - ചപ്പാത്തിയും മുട്ടക്കറിയും. വീണ്ടും നടത്തം തുടങ്ങി, ടോപ്സ്റ്റേഷനിലേക്ക്. രണ്ടര മണിയോടെ കാടിനു പുറത്തിറങ്ങി തേയിലത്തോട്ടങ്ങളിലൂടെയായി യാത്ര. നാലുമണിയോടെ ടോപ്സ്റ്റേഷൻ, അവിടേയും നല്ല തിരക്ക്, ഞങ്ങൾ ടീബ്രേക്ക് എടുത്തു. ഞങ്ങളുടെ ഗൈഡും മാർട്ടിനും ഇവിടം വരെയേയുള്ളൂ. ഇനിയും ഒരു മണിക്കൂർ നടക്കാനുണ്ട് റോഡിലൂടെ, പാമ്പാടുംചോല നാഷണൽ പാർക്ക് ചെക്ക് പോയിന്റിലേക്ക്. (ഇവിടെവെച്ച് റോഡ് രണ്ടായി പിരിയുന്നു, ഒന്ന് കൊടൈക്കനാലിലേക്കുള്ളതാണ്, ഏകദേശം 60km ഉള്ളത്രേ ഇവിടെനിന്ന്, പക്ഷേ ഇപ്പോൾ അതിലെ ആരേയും കടത്തിവിടുന്നില്ല, Munnar Kodaikkanaal trek route-ൽ ട്രെക്ക് ചെയ്യാനും ആർക്കും പെർമിഷൻ കൊടുക്കുന്നില്ല). കേരളത്തിലെ ഏറ്റവും ചെറിയ നാഷണൽ പാർക്കാണ് പാമ്പാടുംചോലയിലേത്. ഇനി അരമണിക്കൂർ വേണം ഞങ്ങളുടെ ക്യാമ്പ്സൈറ്റിലേക്ക് - ഫോറസ്റ്റ് ഡിപ്പാർട്ട്മെന്റിന്റെ Nature Education Center, Vattavada. ഇങ്ങോട്ടേക്കുള്ള വഴിയിൽ മലയണ്ണാൻ കരിങ്കുരങ്ങ് ചെങ്കീരി എന്നിവയേയും പലയിടങ്ങളിലും കണ്ടു, എന്റെ ക്യാമറയ്ക്ക് മുന്നിൽ നിന്നുതന്നില്ല ചെങ്കീരി. മുന്നൊരിക്കൽ #മംഗളാദേവി ക്ഷേത്രത്തിലേക്ക് പോവുംവഴി ചെങ്കീരി എനിക്ക് പിടി തന്നിട്ടുള്ളതുകൊണ്ട് അത്രയ്ക്ക് നഷ്ടബോധം തോന്നിയില്ല. അങ്ങനെ 5.30 ആയപ്പോഴേക്കും ക്യാമ്പിലെത്തി, ചെറിയൊരു പുൽമേടിന് നടുവിലാണിത്, വട്ടവട വില്ലേജിലേക്കുള്ള റോഡിന്റെ ഇരുവശങ്ങളിലുമായി അഞ്ചുകെട്ടിടങ്ങൾ. അല്പം മാറി വന്തരവുമലയുടെ ചരിവിലായി രണ്ട് ഹണിമൂൺ കോട്ടേജുകൾ കൂടിയുണ്ട്. ഒന്നു ഫ്രെഷായി, ചായയും കുടിച്ച് ചെറിയൊരു ഫോട്ടോവാക്ക്. ശക്തമായ തണുപ്പുണ്ടായിരുന്നു, ജാക്കറ്റ് വീണ്ടുമെടുക്കേണ്ടിവന്നു. പിന്നീട് ഫയർവുഡ് ശേഖരണം, ക്യാമ്പ് ഫയർ, ആ.ഭാ.സം തൊട്ട് ആസ്ട്രോണമി വരെയുള്ള വിഷയങ്ങളിൽ ആധികാരികമായ(!) ചർച്ചകൾ ഒക്കെയായി രാത്രി രസകരമായിരുന്നു. ഭക്ഷണം - കഞ്ഞി പയർ അച്ചാർ പപ്പടം. ഉറക്കം വരാത്തതിനാൽ വീണ്ടും ക്യാമ്പ് ഫയറിന്റെ ചൂടിലേക്ക്. പത്ത് മണിയായി കിടന്നപ്പോൾ. ഇന്നത്തെ സിനിമ SWAT Firefight 2011.

ഇപ്രാവശ്യത്തെ (Feb 2015, page 67-71) മാതൃഭൂമി യാത്രാ മാഗസിനിൽ ഈ പ്രദേശത്തെക്കുറിച്ചുള്ള ഒരു ട്രെക്കിങ്ങ് ലേഖനം കാണാം, NA Naseerന്റെ ചിത്രങ്ങളോടൊപ്പം

Feb 16 - വട്ടവട വില്ലേജ്
മൂന്നാം ദിവസം, ഇന്നത്തെ ലക്ഷ്യം വട്ടവട വില്ലേജും അവിടത്തെ Strawberry തോട്ടങ്ങളുമാണ്. രാവിലെയും നല്ല തണുപ്പാണ്, ക്യാമ്പ് ഫയർ ഇതുവരെ അണഞ്ഞിട്ടില്ല, ചായകുടി അതിനു മുന്നിലായി. ശേഷം ഒരു ചെറിയ കാടുചുറ്റൽ, ധാരാളം പക്ഷികളുള്ള സ്ഥലമാണിത്, ചിലരൊക്കെ എനിക്കും പോസ് ചെയ്തുതന്നു. കാട്ടുപോത്തുകളും വളരെയുണ്ടെന്ന് കേട്ടു, ഒന്നിനേയും കണ്ടില്ല. ബ്രേക്ക്ഫാസ്റ്റ് പുട്ടും കടലയും. ഒരു ഗ്രൂപ്പ് ഫോട്ടോയ്ക്ക് ശേഷം 9.30യോടെ ഞങ്ങളവിടം വിട്ടു. ഏകദേശം 5km ഉണ്ട് വട്ടവടയിലേക്ക്. റോഡിലൂടെയുള്ള നടത്തമാണ്, ഇരുവശങ്ങളിലും മാനംമുട്ടെ വളർന്നുനിൽക്കുന്ന യൂക്കാലി മരങ്ങളുടെ കാട്, പലയിടങ്ങളിലും മലയണ്ണാനെ കണ്ടു. അടുത്തെവിടേയോ തീപിടുത്തം ഉണ്ടായിട്ടുണ്ടാകണം, ഫയർ എഞ്ചിൻ അലറിവിളിച്ച് പോകുന്നത് കണ്ടു. വട്ടവടയിലാണ്, ദൂരേ നിന്നേ പുക കാണാം, വില്ലേജിനു മുകളിലുള്ള യൂക്കാലിത്തോട്ടമാണ് കത്തുന്നത്, ചില ഷെഡുകളും. സാമാന്യം ശക്തമായ കാറ്റുള്ളതുകൊണ്ട് തീ നിയന്ത്രണവിധേയമാകുന്നില്ല, മുകളിലേക്ക് കത്തി കേറികൊണ്ടിരുന്നു. വില്ലേജിലെ ഒരു തോട്ടത്തിൽ നിന്ന് ഞങ്ങളിൽ പലരും ഫാംഫ്രഷ് സ്ട്രോബെറി വാങ്ങി, ഞാനും വാങ്ങി ഒരു കിലോ, കിലോയ്ക്ക് 250 രൂപ. ബട്ടർബീൻസ്, കിഴങ്ങ് എന്നിങ്ങനെ പലതും വാങ്ങുന്നുണ്ടായിരുന്നു. വട്ടവട പഞ്ചായത്തിന് ആസ്ഥാനം കോവിലൂർ ആണ്, പഞ്ചായത്ത് ഓഫീസിൽ വെച്ച് പഞ്ചായത്ത് പ്രസിഡന്റ് ഞങ്ങൾക്ക് സർട്ടിഫിക്കറ്റ് വിതരണം നടത്തി. ഉച്ചയൂണ് കോവിലൂർ ടൗണിൽ നിന്ന്. രണ്ട് മണിയ്ക്ക് എറണാകുളം ബസ് വന്നു, എല്ലാവർക്കും സീറ്റ് കിട്ടി, ഓരോരുത്തരും അവരവരുടെ കൂടുകളിലേക്ക് മടങ്ങി. കോതമംഗലം മൂവാറ്റുപുഴ തൃപ്പൂണിത്തുറ വഴി വീട്ടിലെത്തിയപ്പോൾ 9.30 കഴിഞ്ഞു.

ട്രെക്ക് ഫീസ് : 1200

#Munnar #Devikulam #Chokramudi #Yellapetty #PampadumShola #Vattavada #Koviloor
#YHAI #Trek
2015 Feb 14-16

*Devikulam National Adventure Academy അടുത്ത മാസം ഏഴോളം ട്രെക്കിങ് പ്രോഗ്രാംസ് മൂന്നാറിൽ നടത്തുന്നു, ഒപ്പം adventure programs & cycling ഉണ്ടാവും. ട്രെക്ക് 3 days & adventure പ്രോഗ്രാം 5 days ആയിരിക്കും. പ്രോഗ്രാം നടക്കുന്ന ദിവസങ്ങളിലെ ഫുഡ് & അക്കോമഡേഷൻ അക്കാദമി വഹിക്കും, ഫീസില്ല. 15നും 40നും ഇടയ്ക്ക് പ്രായമുള്ളവർക്ക് പങ്കെടുക്കാം. Feb 19 ലെ മനോരമ പത്രത്തിൽ അറിയിപ്പ് വന്നിട്ടുണ്ട്.
 ·  Translate
41
1
sijEEsh vb's profile photoSeena Viovin's profile photoSherlock Holmes's profile photoKumar Upasana's profile photo
22 comments
 
+sijEEsh vb​ ഇന്നത്തെ മനോരമയിൽ (കോട്ടയം എഡിഷൻ, page 3) അറിയിപ്പ് വന്നിട്ടുണ്ട്.
 ·  Translate
Add a comment...

Kumar Upasana

Shared publicly  - 
25
Vijesh Chakk's profile photoSeena Viovin's profile photoKumar Upasana's profile photoSarin Babu's profile photo
13 comments
 
:)
Add a comment...

Kumar Upasana

Shared publicly  - 
 
#Yhai #Goa #Trek   ഗൂഗിൾ ഉണ്ടാക്കിത്തന്ന #AutoAwesome   സ്റ്റോറി ആൽബം...


#തള്ള്  
 ·  Translate
11
Add a comment...

Kumar Upasana

Shared publicly  - 
 
#Yhai #Goa #Trek 4th Day

രണ്ട് ദിവസം... 26 കിമീ നടന്നു ഗോവൻ ബീച്ചുകളിലൂടെ... മടുത്ത്പോയി! ;)

ഇന്നത്തെ ചിത്രത്തിൽ എറണാകുളം കച്ചേരിപ്പടിയിലെ ഷാജുമാഷ് ഒരു റഷ്യൻ സുന്ദരിയോടൊപ്പം. എന്തരോയെന്തോ, ക്യൂ നിന്നാണ് അവരെല്ലാം മാഷിന്റൊപ്പം നിന്ന് ഫോട്ടോയെടുത്തത്!

ഇനി നാളെ jungle trek തുടങ്ങുന്നു, ആദ്യം ദൂധ്സാഗറിലേക്ക്... അവിടെങ്ങും മൊബൈൽ റേഞ്ച് ഇല്ലെന്നാണ് ബേസ് ക്യാമ്പിൽ നിന്നും കിട്ടിയ അറിവ്, അതുകൊണ്ട് ഈ നിലയത്തിൽ നിന്ന് റെഗുലർ അപ്ഡേറ്റ്സ് ഉണ്ടാവില്ല :)

അപ്പോ പറയാൻ വന്നതു മറന്നു... എല്ലാവർക്കും നല്ലൊരു പുതുവത്സരം ആശംസിക്കുന്നു...

#തള്ള് 
 ·  Translate
19
Kumar Upasana's profile photoSeena Viovin's profile photoManoj K Anandam's profile photo
7 comments
 
എനിക്കും ഗോവേപ്പോണം.
 ·  Translate
Add a comment...

Kumar Upasana

Shared publicly  - 
 
മനോജിന്റെ സ്വന്തം #അരി #വില്പന,
സഹകരിക്കൂ, സഹായിക്കൂ
 ·  Translate
 
സുഹൃത്തുക്കളെ, വീട്ടില്‍ കൃഷിചെയ്തുണ്ടാക്കിയ കൂര്‍ക്ക അധികമുണ്ടായപ്പോള്‍, അത് ഓണ്‍ലൈനിലൂടെ വിതരണം ചെയ്ത ചെറിയ ശ്രമത്തിന് (http://goo.gl/nAsXZp) ഒരുപാട് പിന്തുണയും പ്രോത്സാഹനവുമാണ് ലഭിച്ചത്. ഇതില്‍ നിന്ന് പ്രചോദനമുള്‍ക്കൊണ്ട് സ്വന്തം പാടത്തെ നെല്ല് അരിയാക്കി ആവശ്യക്കാര്‍ക്കെത്തിയ്ക്കാനുള്ള ഒരു ആലോചനയിലാണ്. നെല്‍കൃഷി വീട്ടില്‍ പണ്ടുമുതലേ ഉള്ളതാണ്. സ്വന്തം പാടത്തുവിളഞ്ഞ നെല്ല്, പുഴുങ്ങിക്കുത്തി അരിയാക്കിയാണ് ഇപ്പോഴും ചോറുണ്ണുന്നത്. വീട്ടാവശ്യത്തിനുള്ളതെടുത്ത ശേഷം ഒരു സീസണില്‍ ഏകദേശം 10 ടണ്ണോളം നെല്ലാണ് സപ്ലെയ്ക്കോ പോലുള്ള പൊതുവിതരണ സംവിധാനത്തിലേയ്ക്ക് കൊടുത്തുവരുന്നത്. ജൈവകൃഷിയിലൂടെ ചെയ്ത നെല്ല് സംഭരിക്കാന്‍ സര്‍ക്കാര്‍ സംവിധാനമില്ലാത്തതും അതിന് മതിയായ വില ലഭിക്കാത്തതും സാധാരണയെടുക്കുന്ന നെല്ലിന് സമയത്തിന് പണം ലഭിക്കാത്തതുമൊക്കെ മുന്‍ വര്‍ഷങ്ങളിലെ അനുഭവങ്ങളിലുണ്ട്. മുന്‍വര്‍ഷങ്ങളിലായി നിരവധി ജൈവകൃഷിശ്രമങ്ങള്‍ ഞങ്ങളുടെ അടാട്ട് ഒമ്പതുമുറി കോള്‍പ്പാടശേഖരത്തില്‍ നടന്നിട്ടുണ്ടെങ്കിലും പലപ്പോഴും വേണ്ടത്ര പിന്തുണകളില്ലാത്തതിനാല്‍ തുടര്‍ച്ചകളില്ലാതെ പോയി. കഴിഞ്ഞ വര്‍ഷം അടാട്ട് കൃഷിഭവന്റെ നേതൃത്വത്തില്‍ തുടങ്ങിവച്ച ശ്രമങ്ങള്‍ ഇന്ന് ജൈവം അമൃതം എന്ന പേരില്‍ അടാട്ട് ഫാര്‍മേഴ്സ് സൊസൈറ്റിയുടേയും കേരള അഗ്രികള്‍ച്ചര്‍ യൂണിവേഴ്സിറ്റിയുടേയുമൊക്കെ പിന്തുണയോടെ വളരെ മികച്ച രീതിയില്‍ മുന്നേറിക്കൊണ്ടിരിക്കുകയാണ്.

എന്റെ പാടത്തെ നെല്ല് അരിയാക്കി, ആവശ്യക്കാര്‍ക്കെത്തിയ്ക്കാനുള്ള ഒരു പരീക്ഷണത്തിനാണ് ശ്രമിക്കുന്നത്. അരിയാക്കുമ്പോഴുള്ള റിസ്ക്ക് കൂടുതലായതിനാല്‍ ആവശ്യക്കാര്‍ മുന്‍കൂട്ടി ഓര്‍ഡര്‍ തന്നാല്‍ വളരെ ഉപകാരമായിരിക്കും. ഇടയ്ക്കുവന്ന വേനല്‍മഴ കാരണം കൊയ്ത്ത് വൈകുകയാണ്.എല്ലാം ഭംഗിയായി നടന്നാല്‍ അടുത്ത ആഴ്ചയോടെ കൊയ്ത്, വിഷുവിനോടനുബന്ധിച്ച് അരിയായി വിതരണം ചെയ്യാനാകുമെന്ന് പ്രതീക്ഷിക്കുന്നു.

കൂടുതല്‍ വിവരങ്ങള്‍: ഉമ എന്ന നെല്ലിനമാണ്. ഒറ്റപ്പുഴുക്കില്‍ തവിടുകളയാത്ത ചുവന്ന അരിയാണ് പ്രോസസ്സ് ചെയ്യാനുദ്ദ്യേശിക്കുന്നത് (ഫോമിലെ ഫീഡ്ബാക്ക് അനുസരിച്ച്).കൈകാര്യം ചെയ്യാനെളുപ്പത്തിന് 10 കിലോ ബാഗുകളിലായിട്ടാണ് പാക്ക് ചെയ്യുന്നത്. ജൈവകൃഷിയായതിനാല്‍ ചിലവ് കൂടുതലും അതനുസരിച്ചുള്ള വിളവ് കുറവുമെന്നുമുള്ള അവസ്ഥയുണ്ട്.കൃഷിചെയ്ത നെല്ല് 25രൂപയ്ക്കാണ് സംഭരിക്കുന്നത്. പ്രോസസ്സിങ്ങും ട്രാന്‍സ്പോര്‍ട്ടേഷനും പാക്കിങ്ങിന്റേയും ചിലവ് ഒക്കെ ചേര്‍ത്ത്, ഒരു കിലോവിന് 65-70 രൂപയ്ക്കടുത്ത് ചിലവ് വരുമെന്ന് പ്രതീക്ഷിക്കുന്നു. സാധാരണക്കാരനെ സംബന്ധിച്ച് ഇത് വലിയ തുകയാണെന്ന് അറിയാതെയല്ല. വാങ്ങാന്‍ സാധിക്കുന്നവര്‍ ഈ സംരംഭത്തിന് പിന്തുണയ്ക്കണമെന്നും നിങ്ങളുടെ സുഹൃത്ത് വലയത്തിലേയ്ക്ക് പങ്കുവയ്ക്കുമെന്നും പ്രതീക്ഷിക്കുന്നു. ജൈവവൈവിധ്യസമ്പുഷ്ടമായ തൃശ്ശൂരിലെ കോള്‍പ്പാടങ്ങളെക്കുറിച്ച് തളിര് മാസികയില്‍ എഴുതിയ ലേഖനം http://goo.gl/eVogud

ഇതൊരു പരീക്ഷണമായതുകൊണ്ടും ഇങ്ങനെയുള്ളവ ചെയ്ത് മുന്‍പരിചയമില്ലാത്തതുകൊണ്ടും കൂര്‍ക്ക പോലെ കാര്യങ്ങള്‍ എളുപ്പമല്ലാത്തതുകൊണ്ടും നിങ്ങളുടെ പിന്തുണയും നിര്‍ദ്ദേശങ്ങളും സഹായങ്ങളും ആവശ്യമുണ്ട്. ഓര്‍ഡര്‍ ചെയ്യാനുള്ള ഗൂഗിള്‍ ഫോമിലേയ്ക്കുള്ള ലിങ്ക് http://goo.gl/xTw3N9

നന്ദി
മനോജ്.കെ
 ·  Translate
116 comments on original post
11
1
Manoj K Anandam's profile photoസിനി സെമീർ's profile photo
 
താങ്ക്സ് & ഉമ്മാസ് ;) +Kumar Upasana

കുറെ നാളായി പറയുന്ന ഒരു കാര്യം യാഥാർത്ഥ്യത്തിലേക്ക്.. 
 ·  Translate
Add a comment...

Kumar Upasana

Shared publicly  - 
 
ചൊക്രമുടി ട്രെക്ക്
ഇടുക്കി ജില്ലയിലെ ഉടുമ്പന്‍ചോല താലൂക്കില്‍ ബൈസണ്‍ വാലി പഞ്ചായത്തിലാണ് ചൊക്രമുടി മല. 2183m ഉയരം കൊണ്ട് കേരളത്തിൽ നാലാമത്തേത്.

#ദേവികുളം‬ നാഷണൽ അഡ്‌വെഞ്ച്വർ അക്കാഡമി സംഘടിപ്പിച്ച High Altitude Trekking-ൽ ആദ്യ ബാച്ചിന്റെ കൂടെ മാർച്ച് 7-8-9 ദിവസങ്ങളിൽ ഞാനും പങ്കെടുത്തു. കേരളത്തിലെ മിക്കവാറും എല്ലാ ജില്ലകളിൽനിന്നുമായി 32 പേരോളം എത്തിയിരുന്നു. മൂന്ന് പേർ ആദ്യദിനം കഴിഞ്ഞപ്പോഴേ മുങ്ങി.

ആദ്യ ദിവസം വൈകിട്ട് ചെറിയൊരു നടത്തം മാത്രമേ ഉണ്ടായിരുന്നുള്ളൂ. രണ്ടാം ദിവസം ഞങ്ങൾ ചൊക്രമുടി കയറാൻ ശ്രമിച്ചു, പക്ഷേ മഴയും മറ്റ് പല പ്രശ്നങ്ങളും മൂലം ടോപ്പ് വരെ എത്താതെ തിരിച്ചിറങ്ങി. മൂന്നാം ദിവസം രാവിലെ പിന്നേയും പോയി, #ചൊക്രമുടി കേറണമെന്ന വാശിയിൽ... ഗ്യാപ്പ് റോഡിൽ നിന്ന് തുടങ്ങുന്ന ട്രെയിലിലൂടെയാണ് പോയത്... രണ്ട് പെൺകുട്ടികളടക്കം 29ൽ 24 പേരും ടോപ്പിലെത്തി.

#YHAI #Idukki യുടെ ഒപ്പം ഇതിനു മുന്നേ പോയിട്ടുള്ളതാണിവിടെ, പക്ഷേ അന്നും ടോപ്പിലെത്താനായില്ല. ഏതായാലും ഇപ്രാവശ്യം അത് സാധിച്ചു!

Informative ആയ ക്ലാസുകൾ... അതിരാവിലെ നിർബന്ധപൂർവം ചെയ്യിക്കുന്ന വ്യായാമം.. experienced ആയ instructors... അങ്ങനെ ഒരു വ്യത്യസ്തമായ അനുഭവമായിരുനു ഈ ട്രെക്കിങ്ങ്!!! അക്കാഡമിയിൽ തന്നെ തയ്യാറാക്കുന്ന ഭക്ഷണവും അടിപൊളി: ആദ്യദിവസം fish, രണ്ടാം ദിവസം chicken, മൂന്നാം ദിവസം beef :)

3 days happy trekking, free of cost!

Cycling, Bird Watching, Adventure (Rock Climbing, Rapelling, River Crossing) അങ്ങനെ പല പ്രോഗ്രാമുകളും വരുന്ന മാസങ്ങളിൽ അക്കഡമി സംഘടിപ്പിക്കുന്നുണ്ട്. പങ്കെടുക്കാൻ താല്പര്യമുള്ളവർ  Special Officer, National Adventure Academy, Devikulam, Mobile: 9497 282233 എന്ന വിലാസത്തിലേക്ക് ബയോഡാറ്റ സഹിതം അപേക്ഷ അയക്കുക.

#Trek #NAA #Munnar #Devikulam #Chokramudi  
#NationalAdventureAcademy #HighAltitudeTrekking  
 ·  Translate
25
1
Hagar The Horrible's profile photosandhu നിഴല്‍'s profile photomanu palasseri's profile photoSaisan Xavier's profile photo
6 comments
 
(y)
Add a comment...

Kumar Upasana

Shared publicly  - 
 
അങ്ങനെയൊരു തെയ്യക്കാലം കൂടി...

2014, 147 photos => https://plus.google.com/photos/108443861806955641031/albums/5986474372604546337
2013, 84 photos => https://plus.google.com/photos/108443861806955641031/albums/5851486980946809937

#Narikode #Theyyam 2015
 ·  Translate
20
Agneya Femina's profile photoANILKUMAR PONNAPPAN's profile photo
2 comments
 
അതെ , ഫെമി പറഞ്ഞതാണ്‌ ശരി , ആ അഞ്ചാമത്തെ പടം ശരിക്കും ഇഷ്ടായി :)
 ·  Translate
Add a comment...

Kumar Upasana

Shared publicly  - 
 
Agasthyarkoodam Trek 2015

വളരെ നാളായി കാത്തിരുന്ന ഒരു ട്രെക്കായിരുന്നു അഗസ്ത്യാർകൂടത്തിലേക്കുള്ളത്. വർഷത്തിൽ ഒരു മാസം മാത്രമാണ് ഇങ്ങോട്ടേക്ക് പ്രവേശനമുള്ളൂ. എൻട്രി പാസ്  ലഭിക്കാൻ http://www.forest.kerala.gov.in/ സൈറ്റിൽ മുൻകൂർ ബുക്ക് ചെയ്യണം. സ്ത്രീകൾക്ക് പ്രവേശനമില്ല. ഈ വർഷത്തെ ബുക്കിങ്ങ് തുടങ്ങിയത് ജനുവരി 15നാണ്. ഒരു മാസത്തെ തീർത്ഥാടനകാലത്ത് ദിവസം 100 പേർക്ക് മാത്രമാണ് പാസ് ഇഷ്യൂ ചെയ്യുന്നത്. ഈ വർഷം പ്രവേശനഫീസ് 500 രൂപയായിരുന്നു. 15 പേരുടെ ഒരു ടീം ആയിട്ടാണ് ഞങ്ങൾ പ്ലാനിട്ടത്, 14 പേർ പങ്കെടുത്തു.

Feb 6, ഒന്നാം ദിവസം
ട്രെയിനിലും ബസിലുമൊക്കെയായി എല്ലാവരും രാവിലെ 4 മണിയോടെ തിരുവനന്തപുരത്തെത്തി, 5 മണിക്കാണ് തമ്പാനൂർ നിന്ന് വിതുര വഴി ബോണേക്കാട്ടേക്കുള്ള ആദ്യ ബസ്. കൃത്യ സമയത്ത് തന്നെ ബസ് വന്നു, 7.30ക്ക് ഞങ്ങൾ ബോണേക്കാട് ബസ് സ്റ്റോപ്പിലിറങ്ങി. അവിടെനിന്നും 2km അകലെയാണ് ഫോറസ്റ്റ് ചെക്ക് പോയിന്റ്, ഇവിടെ വരെ വണ്ടികൾ കൊണ്ടുവരാം. എൻട്രിപാസ് പരിശോധിക്കുന്നതിനൊപ്പം നമ്മുടെ ബാഗുകളും അവർ നോക്കും. പ്ലാസ്റ്റിക് കുപ്പികളുടെ എണ്ണമെടുക്കും, തിരിച്ചിറങ്ങി വരുമ്പോൾ അത്രയും തന്നെ എണ്ണം കാണിക്കണം, അല്ലെങ്കിൽ 100 രൂപ ഫൈൻ. ചെക്ക് പോയിന്റിനോട് ചേർന്ന് തന്നെ ചെറിയൊരു കാന്റീൻ ഉണ്ട്, ബ്രേക്ക്ഫാസ്റ്റ് അവിടുന്നായിരുന്നു. അങ്ങനെ ചെക്കിങ്ങ് എല്ലാം കഴിഞ്ഞ് 9 മണിയോടെ ഞങ്ങൾ ട്രെക്കിങ്ങ് തുടങ്ങി.
MSL 546 m

14 km അകലെയാണ് അടുത്ത ക്യാമ്പായ അതിരുമല , വൈകുന്നേരത്തോടെ അവിടെ എത്തുകയെന്നതാണ് ഞങ്ങളുടെ ലക്ഷ്യം. നേരത്തേ ചെന്നിട്ട് പ്രത്യേകിച്ച് ഒന്നും ചെയ്യാനില്ല. പോകുന്ന വഴിയിൽ 3-4 ചെറിയ അരുവികൾ മുറിച്ച് കടക്കണം, മഴ പെയ്താൽ അതിലെല്ലാം പെട്ടെന്ന് വെള്ളം പൊങ്ങും, മുറിച്ച് കടക്കൽ പ്രയാസമാകും. എന്തായാലും ഞങ്ങൾക്ക് പ്രശ്നങ്ങളൊന്നുമുണ്ടായില്ല, മഴയേ ഉണ്ടായിരുന്നില്ല. ഒരു മണിയോടെ "അട്ടയാർ" അരുവി എത്തി. ലഞ്ച് ബ്രേക്ക് എടുത്തു - കുബ്ബൂസ്, ചപ്പാത്തി, മയണൈസ്, അച്ചാർ. ചെറിയൊരു വെള്ളച്ചാട്ടം ഉണ്ടിവിടെ, അതിൽ നല്ലൊരു കുളിയും നടത്തി കുറച്ച് നേരം വിശ്രമിച്ചു അട്ടയാറിൽ.

ഇനി കുറച്ച് ദൂരം പുൽമേടുകളാണ്, ചെറിയ കയറ്റവും ഇറക്കവും. പുൽമേടിനു ശേഷം 2km സാമാന്യം നല്ല കയറ്റമാണ്. 4 മണിയോടെ ഞങ്ങൾ അതിരുമല ഫോറസ്റ്റ് ക്യാമ്പിലെത്തി (MSL 982m). അടുത്തൊരിടത്ത് മൊബൈൽ നെറ്റ്‌വർക്ക് റേഞ്ച് ഉണ്ടായിരുന്നതുകൊണ്ട് അത്യാവശ്യം ഫോൺ ചെയ്യൽ ഒക്കെ നടന്നു. 1993 പണി തീർന്ന ഒരു ഡോർമിറ്ററി, ഇടിഞ്ഞുവീഴാറായ നിലയിലാണ് ഇപ്പോഴത്തെ അവസ്ഥ, അതിനുള്ളിൽ കിടക്കരുതെന്ന് വാണിങ്ങ് ഒക്കെ എഴുതി വെച്ചിട്ടുണ്ട്. അതിനോടടുത്ത് തന്നെ താൽക്കാലിക ഷെഡുകളും ടോയ്‌ലറ്റുകളും ഉണ്ട്. ഒരേസമയം 200 ആളുകൾക്ക് താമസിക്കാനുള്ള സൗകര്യങ്ങളുണ്ടിവിടെ. ഫോറസ്റ്റ് വക കാന്റീനും ഉണ്ട്, രാത്രിയിൽ നല്ല ചൂട് "കഞ്ഞി" കിട്ടും. കാറ്റും തണുപ്പുണ്ടായിരുന്നു രാത്രിയിൽ. Gone Girl (2014), Vantage Point (2008) - മൊബൈലിൽ രണ്ട് സിനിമയും കണ്ടു, സ്ലീപ്പിങ്ങ് ബാഗ് ഉണ്ടായിരുന്നത്കൊണ്ട് സുഖമായി ഉറങ്ങി.

Feb 7, രണ്ടാം ദിവസം
രാവിലെ എണീറ്റപ്പോൾ ശരീരം വേദനയൊക്കെ ഉണ്ടായിരുന്നു. എന്തായാലും 6.30 ആയപ്പോഴേക്കും എല്ലാവരും തയ്യാറായി. ബ്രേക്ക്ഫാസ്റ്റ് "ഉപ്പ്മാവ്", കാന്റീനിൽ നിന്ന് പാഴ്സൽ വാങ്ങി. ക്യാമ്പിൽ നിന്നാൽ അഗസ്ത്യാർകൂടം കാണാം. 6.5km ദൂരം ഉള്ളത്രേ, പക്ഷേ നല്ല കയറ്റമാണ്. കോടമഞ്ഞ് ഉണ്ടായിരുന്നു മിക്കപ്പോഴും. പലയിടത്തും പിടിച്ച് കയറാൻ വടം ഒക്കെ ഇട്ടിട്ടുണ്ട്. ഇടയ്ക്ക് ചെറു അരുവികളുമുണ്ട്. 10.30 ആയപ്പോൾ ഞങ്ങൾ കുറച്ചുപേർ അഗസ്ത്യാർകൂടത്തിന്റെ മുകളിലെത്തി, MSL 1877 m. അമ്പലം സെറ്റപ്പ് ഒന്നുമായിട്ടില്ല. അഗസ്ത്യമുനിയുടെ ഒരു ചെറിയ പ്രതിമയുണ്ട്, അതിനു മുന്നിൽ കുറച്ച് വിളക്കുകളും. മൊട്ടപ്പാറപ്പുറമാണ് കൂടുതലും, നല്ല വെയിലും, അവിടെ അധികനേരം നിൽക്കാൻ പറ്റില്ല. അരമണിക്കൂർ കഴിഞ്ഞ് ഞങ്ങൾ തിരിച്ചിറങ്ങി. ഇറക്കമാണ് എനിക്ക് കൂടുതൽ ആയാസകരം, ഇത് കുത്തനെയുള്ള ഇറക്കമാണ്. 3 മണിയായി തിരികെ അതിരുമല ക്യാമ്പിലെത്തിയപ്പോൾ. കാന്റീനിൽ ഊണ് ഉണ്ടായിരുന്നു. അടുത്ത സിനിമാ സെഷൻ - Battleship (2012), Tears of the Sun (2003). തലേദിവസത്തെ അപേക്ഷിച്ച് രാത്രി തണുപ്പ് കുറവായിരുന്നു, എന്തോ ഉറക്കം ശരിയായില്ല.

Feb 8, മൂന്നാം ദിവസം
7 മണിയോടെ ഇറക്കം തുടങ്ങി, 14km നടക്കണം. ഉച്ചയ്ക്ക് രണ്ട് മണിക്കാണ് ബസ്. 9 മണിയോടെ അട്ടയാർ എത്തി, ബ്രേക്ക്ഫാസ്റ്റ് "അവൽ നനച്ചത്". ഉച്ചയ്ക്ക് ഒരു മണിക്ക് ചെക്ക്പോയിന്റിൽ തിരിച്ചെത്തി. ലഞ്ച് അവിടുത്തെ കാന്റീനിൽ നിന്ന്. അടുത്തുള്ള അരുവിയിൽ കുളിയും കഴിഞ്ഞ് 1.30 ആയപ്പോൾ ബോണേക്കാട് ബസ്‌സ്റ്റോപ്പിൽ. 4 മണിയ്ക്ക് തമ്പാനൂർ. 8ന് കോട്ടയം. രാത്രി 10.30യ്ക്ക് വീട്ടിൽ :))

Total expense, around Rs 1300.
Pilgrim season-ൽ അല്ലാതെയും അഗസ്ത്യാർകൂടം ട്രെക്ക് എൻട്രി പാസ് കിട്ടും ഫോറസ്റ്റ് ഓഫീസിൽ നിന്ന്, പക്ഷേ Rs2000 per head

#Agasthyarkoodam   #Trek    #അഗസ്ത്യാർകൂടം   #ട്രക്ക്

with +sijEEsh vb​, +Uvais Pulisseri​, +Krishna Kumar​, +Nikhil Kuruvila​ and 9 others

https://en.wikipedia.org/wiki/Agastya_Mala
https://en.wikipedia.org/wiki/Western_Ghats#Peaks

2015 Feb 6,7,8
 ·  Translate
22
4
Manoj K Anandam's profile photoHajilal Nd's profile photoDeepa George's profile photoBijo Jos's profile photo
9 comments
 
enik kumar nod vaallathe asoooya thonnunnu :(
Add a comment...

Kumar Upasana

Shared publicly  - 
 
Goa Trekking
Dec 28 to Jan 5

നല്ല ഫുഡ്, നല്ല ട്രെക്ക് റൂട്ടുകൾ, പക്ഷേ മോശം ക്യാമ്പ് സൈറ്റുകൾ, ക്യാമ്പുകളിലെ നടത്തിപ്പുകാരുടെ പെരുമാറ്റവും വളരെ മോശം, പുതിയ വോളന്റിയേഴ്സ് ആയതുകൊണ്ടാവാം. ആദ്യ രണ്ട് ദിവസത്തെ ബീച്ച് ട്രക്കിങ്ങിൽ 26 കിമീ ബീച്ചിൽ നടന്നു, കാഴ്ചകൾ കണ്ടുമടുത്തു...

ഒരേ സമയം 4 പ്രോഗ്രാമുകളാണ് YHAI ഗോവയിൽ നടന്നത് - ട്രെക്കിങ്ങ്, സെയിലിങ്ങ്, സൈക്ലിങ്ങ്, ഫാമിലി ക്യാമ്പിങ്ങ്. പങ്കെടുത്ത ചിലരിൽ നിന്ന് കിട്ടിയ ഫീഡ്ബാക്ക് അനുസരിച്ച് ഏറ്റവും നല്ല പ്രോഗ്രാം സൈക്ലിങ്ങ് ആണ്. നൽകുന്ന ഗിയർ സൈക്കിൾ അല്പം മോശമാണെന്ന് കേട്ടു. ഏകദേശം  250km കവർ ചെയ്യുന്നുണ്ട് ആ പ്രോഗ്രാമിൽ. അടുത്ത വർഷം അത് നോക്കണം. ഗിയർ സൈക്കിൾ ഉപയോഗിച്ചിട്ടില്ലിതുവരെ, പണിയാകുമോ? പിന്നെ കൊള്ളാവുന്നത് ട്രക്കിങ്ങ്, ഫാമിലി ക്യാമ്പിങ്ങ്, സെയിലിങ്ങ് എന്നീ ക്രമത്തിലാണ്.

DAY 1: Report at base camp-Sport Authority Ground, Campal, Panaji.
DAY 2: Rock Climbing & Rappelling, Acclimatization, Orientation
DAY 3: Mobor Beach to Benaulim Beach [12 kms] (Base Camp to Mobor by bus)
DAY 4: Benaulim to Velsao Beach ( 10 kms)
DAY 5: Collem to Dudhsagar ( 10 kms) (Velsao to Collem by train)
DAY 6: Dudhsagar to Kuveshi (12 kms) (Via Dudhsagar waterfalls)
DAY 7: Kuveshi to Anmod (14 kms)
DAY 8: Anmod to Tambdi Surla (15 kms), to base camp by bus.
DAY 9: Check out after breakfast

48 പേരടങ്ങിയ ബാച്ചായിരുന്നു ഞങ്ങളുടേത്. വെള്ളമടിച്ച് ലേറ്റായി ക്യാമ്പിൽ വന്നതിന്റെ പേരിൽ 4 പേരെ പുറത്താക്കി ഫസ്റ്റ് ഡേ തന്നെ. കൂടുതലും first time trekkers ആയിരുന്നു ഞങ്ങളുടെ ബാച്ചിൽ. രണ്ട് മലയാളികൾ മാത്രം. അത്ര പ്രയാസമുള്ള ട്രക്കിങ്ങ് ആയിരുന്നില്ല ഒന്നും. 42 പേർ ട്രക്കിങ്ങ് കമ്പ്ലീറ്റ് ചെയ്തു.

എനിക്ക് ഏറ്റവും നല്ല ക്യാമ്പ് ആയിത്തോന്നിയത് കുവേഷി ആയിരുന്നു. ഏറ്റവും നല്ല ട്രക്കിങ്ങ് Anmod to Tamdi Surla jungle trek റൂട്ടും.

http://yhaindia.org/adventure-programme.php?id=96

Jan 5ന് ബേസ് ക്യാമ്പിൽ നിന്ന് ചെക്കൗട്ട് ചെയ്ത് അടുത്ത് തന്നെയുള്ള Youth Hostel dormitory-യിലേക്ക് ചേക്കേറ, per day rent 200, നല്ല സൗകര്യങ്ങൾ ഉള്ള dormitory. ഒരു ദിവസത്തേക്ക് 300 രൂപ നിരക്കിൽ rental bike/scooter കിട്ടും അവിടെ അടുത്ത്. അതുമെടുത്ത് Old Goa, Churches,  Fort Aguada, Salim Ali Bird Sanctury, Calangute beach ഒക്കെ ഒന്ന് കറങ്ങി...


#YHAI   #Goa   #Trek #വൈഹൈ #ഗോവ #ട്രെക്ക്  
#തള്ള്  
 ·  Translate
17
ANILKUMAR PONNAPPAN's profile photoFreak ഡുണ്ടുമോൾ's profile photoKumar Upasana's profile photoJayaram A's profile photo
5 comments
 
പോര്ച്ച്ഗീസുകാര് തകര്ക്കാത്ത ഗോവയിലെ ക്ഷേത്രം. ഫെയ്സ് ആണല്ലോ.. പനജിയില്‍നിന്നു പോണ്ഡ പോക്ന്ന വഴിയാണ് എന്നു തോന്നുന്നു.
 ·  Translate
Add a comment...

Kumar Upasana

Shared publicly  - 
13
Freak ഡുണ്ടുമോൾ's profile photoKumar Upasana's profile photoമിസ്റ്റർ ബീൻ's profile photo
3 comments
Add a comment...
Story
Tagline
The difference between intelligent and wise is that the latter don't measure everyone with the same scale.
Introduction
Heights by great men reached and kept were not obtained by sudden flight but they, while their companions slept, were toiling upward in the night.
Links
Contributor to
Places
Map of the places this user has livedMap of the places this user has livedMap of the places this user has lived
Currently
Vaikom, Kerala
Previously
Kuwait
Kumar Upasana's +1's are the things they like, agree with, or want to recommend.
ആമചാടി തേവന്‍ എന്ന വിനയധിക്കാരി - മണര്‍കാട്‌ ശശികുമാര്‍.
idaneram.blogspot.com

മണര്‍കാട് ശശികുമാര്‍ ആലപ്പുഴ ജില്ലയിലെ ചേര്‍ത്തല താലൂക്കില്‍ പെട്ട ക്ഷേത്രങ്ങളുടെ നാട്‌ എന്നറിയപ്പെടുന്ന വേമ്പനാട്ടു കായലിലെ പെരുമ്പളം ദ്വീപ

India To Build A Thorium Reactor - Slashdot
rss.slashdot.org

In their first story, slowLearner writes "India will build a working Thorium reactor. [Quoting the Guardian] 'Officials are current

Ask Slashdot: How To Securely Share Passwords? - Slashdot
rss.slashdot.org

THE_WELL_HUNG_OYSTER writes "My tech-savvy father died suddenly and unexpectedly. He did everything online: bill-pay, banking, eBay sales (a

മഞ്ഞുതുള്ളി...: പശ്ചിമഘട്ട രക്ഷായാത്ര -ഭാഗം 2
thoomanju.blogspot.com

പശ്ചിമഘട്ട രക്ഷായാത്ര കോഴിക്കോട് ജില്ലയില് പ്രവേശിച്ചപ്പോള് കയ്യേറ്റങ്ങളുടേയും വിനാശങ്ങളുടേയും നീണ്ട നിരതന്നെ ഞങ്ങള്ക്ക് കാണാനായി .. പാനോംകാ

RawDroid Demo
market.android.com

Finally! A way to decode raw images in Android! Application to decode and view camera raw files. Supports: Adobe *.dng Canon *

Photogr. Contract Maker Lite
market.android.com

Test drive the best selling Contract Maker App for FREE. PCM-LITE will allow you to create up to 10 custom releases or contracts for your ph

Photo Tools
market.android.com

A collection of Photography tools for professionals and ambitious amateurs. Photography Tools bundled in one free application. Please note t

Google Engineer Builds Ultimate LAN Party House - Slashdot
rss.slashdot.org

Zothecula writes "Anyone who has a attended a LAN party — where people connect their computers on one network in one location to play m

SQL Anywhere: Microsoft SQL Server 1992... almost
feedproxy.google.com

SQL Anywhere. Breck Carter's unofficial blog about SQL Anywhere®... yes, "SQL Anywhere" is an actual product, like MySQL, Orac

مذكرات ثائرة: فن عاري
arebelsdiary.blogspot.com

فن عاري. حاكموا الموديلز العراة الذين عملوا في كلية الفنون الجميلة حتي أوائل السبعينات و اخفوا كتب الفن و كسروا التماثيل العارية الأثرية, ثم

Don't change my Google Reader backlash | MetaFilter
www.metafilter.com

So Google recently announced that changes are coming to Google Reader. One of the upcoming changes is that Reader is losing its own, loved b