Profile cover photo
Profile photo
Kenneth Kwok
602 followers -
Beehive Strategy 創辦人,熱愛數據。發表自己嚟一刻嘅諗法同睇法。唔需要其他人嘅認同或評論,純粹個人觀點同情感舒發。鐘意寫嘜就寫嘜,冇特定嘅主題!敢作敢為!因為香港是我家!
Beehive Strategy 創辦人,熱愛數據。發表自己嚟一刻嘅諗法同睇法。唔需要其他人嘅認同或評論,純粹個人觀點同情感舒發。鐘意寫嘜就寫嘜,冇特定嘅主題!敢作敢為!因為香港是我家!

602 followers
About
Posts

Post has attachment
如果你嚟一刻可以同人講你每一都好期待聽日返工嘅話,我係度恭喜你!有啲人係讀書時期已經定立自己將來嘅職業,只不過當遇到突如其來嘅改變,佢哋未必可以接受嚟種嘅衝擊。當然有啲人一生不斷尋找適合自己嘅工作,而佢哋通常都逆來順受,經得起風浪。 #適合 #工作 #人生 #生活 #郭嘉俊

好多人打工係為咗生活,但係你而家嘅工作真係最適合你嗎?好多人或者會問乜嘢叫做適合自己,其實無他嘅,簡單嚟講就係你每一日係開開心心咁返工同放工!係現今嘅社會,要真係做到自己鍾意做嘅嘢,其實真係唔係一件易事。原因係每個人都有唔同嘅生活壓力,好多時就算知道份工唔啱自己,為咗生活通常都會有取捨。你而家嘅工作適唔適合自己?
Add a comment...

Post has attachment
新零售係通過技術,數據同創新去拉近消費者同品牌之間嘅關係。如果再唔改變其實好快就會被淘汰,就算成功轉型但係實質上只係將線下嘅業務轉移去另一個平台。雖然網店係可以面向一個更大嘅市場,但係無一個好嘅營銷嘅策略,最亦都係逃唔過被淘汰嘅命運! #傳統 #零售 #虛擬 #實體 #郭嘉俊

乜嘢叫做新零售?其實簡單嚟講只不過係想網上零售同實體零售結合一齊,而當中所包括嘅人力資源,貨品,倉庫,物流等等。當然電子商務係未來嘅發展空間仍然會非常之快,而現時好多發展得快嘅行業例如旅遊相關嘅係主導,因為可會最終所購買嘅產品同服務都有一個特定嘅標準。只不過有好多行業仍然有好大嘅發展空間,而實體店提供一個平台俾客戶去感受同了解產品嘅功能同質素。
Add a comment...

Post has attachment
每年嘅雙十一大家關注嘅係究竟需要幾多時間先至突破十億,因為嚟個已經成為一個指標。而事實今年只係用咗唔到三十秒就已經有十億嘅交易量,可想而知有幾咁驚人。好多人都會等到雙十一先至買嘢,但係究竟係唔係真係平過平時呢?咁就真係見仁見智喇! #雙十一 #光棍節 #瘋狂 #購物 #郭嘉俊

每年到咗十一月十一日,俗稱雙十一嘅光棍節,變成大家瘋狂係網上面買嘢嘅日子。只不過大家有無諗過瘋狂嘅消費嘅背後,究竟我哋浪費緊幾多地球嘅資源?一件好細嘅貨件就已經要用好多資源去包裝,再加上運輸過程所用嘅資源等等,其實整個雙十一對環境所造成嘅破壞係無法用經濟效益嚟衡量。當然好多人都只係會諗買平嘢,而好多時忽略咗對我哋嘅環境有幾多影響。
Add a comment...

Post has attachment
殯儀業係一個好傳統嘅行業,而行業入面有好多行規,一般人係唔會知道。所以好多時都會搵人搞親人嘅身後事,事關因為要係好短嘅時間入面出嚟好多瑣碎嘅嘢。最大嘅問題係好多收費係無一個標準,而且豐儉由人。好多人如非必要都避免討論,真係大吉利是咩? #殯儀 #行業 #傳統 #改變 #郭嘉俊

相信好多人好少會接觸到殯儀嚟個行業,當然人係會送老病死。每個人一生都會面對自己嘅親人離去嘅一日。而第一次要處理身後事其實就同結婚生仔一樣,好多嘢都唔識,尤其係所需要嘅手續同流程。當中仲有好多繁文縟節,如果唔係行內人嘅話,其實真係好難知道究竟要點處理。對好多人嚟講,殯儀業係一個好偏門嘅行業,因為好少會接觸到,除非真係有親人離世。
Add a comment...

Post has attachment
當然要正確解讀化整為零嘅話,係要將所有嘢細分,但係有時當太過細分嘅時候亦都會引起管理上面嘅問題。而有時化整為零就好似一塊寫滿嘢嘅黑板咁將啲粉筆字擦走晒。創業好多時都係會咁,所以唔好怕由頭嚟過,有時反而將包袱放低由零開始反而更加輕鬆! #化整 #為零 #管理 #包袱 #郭嘉俊

其實乜嘢係化整爲零?好多時係管理學入面都會提到嘅一種策略。尤其係商業談判中好多時因為一個大嘅項目係好難同需要好長時間先至可以達成共識,所以如果將佢入面嘅項目細分嘅話,有可能就可以更加容易去解決問題。當然係生活入面其實都經常會用到,因為每日都會遇到問題,而就算問題幾大都好,如果逐少逐少咁一步步解決,其實你會發現問題幾大都有辦法解決。
Add a comment...

Post has attachment
最近睇過一份新嘅市場推廣嘅報告,入面提到出年嘅趨勢係透過網絡紅人嘅影響力嚟到做營銷。網絡紅人嘅影響力有時係超乎你同我嘅想像,所以有時要分辨邊啲係有收錢同無收錢嘅內容其實係一件幾難嘅事。除非當時人標明係廣告,如果唔係其實係有誤導性。 #博客 #影響 #營銷 #市場 #郭嘉俊

而家做博客其實真係好簡單,簡單到一個人隨隨便便係網上面寫啲嘢就話自己係博客。好多公司會搵博客去唔同嘅地方參加或者體驗唔同嘅產品,然後就希望博客係自己嘅博入面分享下。當然有啲係有錢,有啲係無錢,亦都有啲係邀請你去某啲私人活動。自問就真係冇做博客嘅條件,寫嘢都係因為個人嘅興趣,想了解文字與數據嘅關係,而最緊要係記錄生活嘅點滴。
Add a comment...

Post has attachment
一個領導者係需要有長遠嘅目光,因為要帶領團隊去到不同嘅目的地。如果只係甘於現狀嘅話,其實佢唔係一個真正嘅領導者!做一個成功領導者最難嘅係當你知道條船就嚟撞向個冰山,但係仍然要保持鎮定去諗下點樣解決問題,兼且要穩定軍心。 #領導 #目光 #學習 #改變 #郭嘉俊

領導係帶領嘅意思,如果只係一直跟從別人嘅指令去工作嘅話,其實毫無領導可言。而一個成功嘅領導者通常都具備以下嘅五樣特質,當中包括:決斷能力,有同理心,承擔責任,保持樂觀,專注向前!當然領導者亦都有唔同嘅類型,係唔同嘅環境入面會發揮不同嘅作用,所以有時唔係領導者嘅問題而係領導嘅方法未必適合某啲公司嘅文化。用人唯才先至係管理同領導上策!
Add a comment...

Post has attachment
人生不如意嘅事十之八九,煩惱天天都有。應該做啲乜就做啲乜,一切順其自然,以平常心去看待,煩惱自然消失。如果反過嚟睇係一種磨練嘅話,你就能從中成長,而如果你覺係煩惱,自然壓力倍增。能解決嘅事盡力解決,無能為力嘅就隨得佢,因為事情終會解決。 #人生 #學習 #放低 #成長 #郭嘉俊

人一生最重要嘅一樣嘢就係要學識點樣放得低,因為人出世嘅時候係乜都無,離開嘅時候亦都係乜都無。當然人天生係執著,要經歷唔同嘅磨練先至會學會放低。而如果要放低以下十樣嘢嘅話,你又會放得低幾多?當中包括:抱怨,過去,煩惱,自我,脾氣,懶惰,消極,妒忌,猶豫同貪念。人生要活得輕鬆自在唔係一件易事。學識逐一放低其實先至會活得開心。
Add a comment...

Post has attachment
信息嘅流通量真係好驚人。個個都係社交媒體或者即時通訊群組發佈或者得到唔信息。因為嚟個原因好多時大家慢慢被週邊環境影響,尤其當負面嘅訊息俾人關注或者不必要嘅放大,引致訊息過份傾斜。雖然我哋無可能有能力改變社會,但係我哋有能力去改變自己。 #負面 #資訊 #改變 #自己 #郭嘉俊

早前睇到一位朋友分寫咗一篇文章,睇完之後有點當頭棒喝嘅感覺。我哋係嚟個城市,嚟個世代生存,每個人都好努力咁為生活而奔跑。當然世界會變,而好多時亦都因為大家成長嘅年代唔同,亦都經常以一副我食鹽多過你食米嘅態度,慢慢覺得一代不如一代。但係我哋曾幾何時亦都俾上一代給予同樣嘅批評?只係時代唔同咗,與其抱怨社會只會越嚟越差,但係點解又唔諗下點樣令佢變好呢?
Add a comment...

Post has attachment
或者而家真係年代唔同咗,香港嘅小朋友係德育方面好似有倒退嘅跡象。會唔會因為社會富裕咗?生活好咗?係唔係因為教育體制嘅問題?當然每個人嘅標準有唔同,但係彷彿以前我哋係學校所學嘅嘢而家好似重視少咗。如果唔由少開始培養,大咗真係好難再改變。 #德育 #學術 #品德 #價值 #郭嘉俊

教育小朋友除咗學術方面之外,其實個人認為比學術更加重要嘅係德育。因為德育係要由細開始培養,而學術真係幾時都學得到。一個小朋友成長後點樣待人處事其實係書本入面係學唔到嘅。唔同嘅國家有唔同嘅標準,亦都因為小朋友大部份成長嘅時間係校園,所以要選擇一間好嘅德育其實係重要過一間只係專注學術嘅學校。就算讀書又幾叻都好,如果無好嘅品德其實就已經大打折扣。
Add a comment...
Wait while more posts are being loaded